Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Yog ib tug ntseeg Vajtswv nyob hauv lub ntiajteb no, ntau zaug peb yuav ntsib tej los lus nug txog peb txoj kev ntseeg. Tej zaug yuav muaj ntau tug xav tsis thoob thaum uas raug lwm tus nug. Thaum Tswv Yexus nyob hauv lub ntiajteb no los, Tswv Yexus kuj ntsib cov lus nug no los ntawm cov xibhwb qhia kevcai, cov thawj coj saib xyuas txoj kev ntseeg. Tiamsis Tswv Yexus paub zoo lawv lub siab. Tswv Yexus ua rau txhua lub ncauj uas tuaj nug Tswv Yexus ntawd yuav tau ntsia, tshuav leej twg ncaj ncees nrhiav Nws tiag tiag ces Tswv Yexus yuav teb lawv tej lus nug.

Hnub no, yog hnub 24/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Helen Ryser Smith dhau ntawm Zaj kawm MUS NUG VAJTSWV

“Yog li ntawd, kuv yuav tsis qhia rau nej paub hais tias yog Ieejtwg tso cai rau kuv ua tej no thiab”.(Mathais 21:27)

Mathais 21:23-37 sau txog qhov xwm txheej Tswv Yexus raug lawv nug txog lub hwjchim tau cai ua:
“Yexus rov mus rau hauv lub Tuamtsev; thaum nws tabtom qhia, cov thawj ntawm cov povthawj thiab cov txwjlaug txawm tuaj nug Yexus hais tias, “Ua li cas koj muaj cai tuaj ua tej no? Leejtwg tso cai rau koj?”

Tiamsis Tswv Yexus teb tias:
“Kuv yuav nug nej ib los, yog nej teb tau, kuv mam li qhia rau nej paub hais tias yog vim li cas kuv muaj cai ua tej no. Leejtwg tso cai rau Yauhas muab neeg ua kevcai raus dej, Vajtswv lossis neeg? Lawv txawm sib tham hais tias, “Yog peb teb hais tias, ‘Vajtswv kom Yauhas ua,’ nws yuav hais rau peb hais tias, ‘Vim li cas nej ho tsis ntseeg Yauhas tej Ius?

Lawv sib tham tias yuav teb li cas kom thiaj yog tiamsis thaum kawg lawv ho teb nyob hauv nqe 27 tias: “Peb tsis paub.”

Tomqab mloog lawv lo lus teb tas Tswv Yexus hais rau lawv tias: “Yog li ntawd, kuv yuav tsis qhia rau nej paub hais tias yog Ieejtwg tso cai rau kuv ua tej no thiab”.

Yog ib tug nyuam qhuav ntseeg Vajtswv, kuv ntsib teeb meem thaum ib tug phooj ywg nug kuv tias: “Koj yog ib tug ntseeg Vajtswv puas yog? Yog li koj hais rau kuv paub saib kuv puas poob ntuj tawg yog tias kuv tsis ntseeg Tswv Yexus?” tamsim ntawd, kuv teb tsis tau kuv tus phooj ywg. Tiamsis tom qab no kuv pom tias kuv tau ua rau kuv tus phooj ywg tag kev cia siab rau kuv thiab ua rau nws poob lub sijhawm zoo hnov Txojmoo Zoo. Kuv tham zaj xwm txheej no rau kuv ib tug phooj ywg ntseeg Tswv Yexus thiab nws qhia rau kuv paub txog qhov uas Tswv Yexus raug lawv nug nyob hauv ntu Vajluskub saum toj.
Tom qab ntawd, kuv tus phooj ywg thiaj tawm tswv yim rau kuv teb cov lus nug zoo li ntawd: “Ua li koj puas ntseeg tias muaj ntuj awg? Yog tias koj ntseeg tias muaj koj yuav tau ntseeg Tswv Yexus kom tau mus saum ntuj ceebtsheej. Yog tias koj tsis ntseeg ces koj nug kuv lo lus nug ntawd los ntawm lub homphiaj dabtsi? Yog muaj leej twg xav nug koj kom ua teeb meem rau koj ces pauv qhov uas koj yuav nrhiav lo lus los teb lawv ces yuav tau nrhiav kev nrog lawv sib tham.

Cov neeg Falixais xav ntxeev siab rau Tswv Yexus thiab nrhiav kev ntxias Tswv Yexus tiamsis ua cas Tswv Yexus ho tsis teb cov neeg uas tsis nrhiav Nws tiag? Pauv qhov uas teb cov neeg Falixais thiab cov xibhwb qhia kevcai Tswv Yexus rov qab hais txog ob zaj xwm txheej kom nthuav tawm lawv lub siab tiag rau lawv mloog. Thaum Tswv Yexus xaus ob qhov piv txwv ntawd ces lawv paub tias Tswv Yexus tab tom hais txog Nws. lawv nrhiav kev ntes Tswv Yexus tiamsis ho ntshai cov pej xeem, vim sawv daws puav leej pom tias Tswv Yexus yog ib tug cev lus (Nqe 45-46).

Thaum Tswv Yexus nthuav tawm cov neeg Falixais lub siab ces Tswv Yexus kuj coj txoj kev cia siab cawm dim pub rau cov neeg sau se, cov neeg ua txhaum thiab raug lub ntiajteb saib tsis taus.

Vajtswv paub meej txhua lo lus nug, txhua txoj kev xav nyob hauv peb lub siab, txawm yog cov neeg nug peb los tus Tswv paub tib si. Tej zaug kuv tus phooj ywg kawm ntawd ua ke nws yeej tsis muaj lub siab xav dag tiamsis nws tsis nyiam tej uas kuv ntseeg. Tej zaug nws kuj tsis tau hnov leej twg txhais lub ntsiab Txojmoo Zoo kom meej meej qhia rau nws paub. Tshuav kuv ces ua Vajtswv tsaug vim dhau ntawm zaj kawm no kuv pom tias ntau zaug Vajtswv kuj nug thiab.

Tiamsis yog leej twg los cuag Vajtswv dhau los ntawm txoj kev ua xyem xyav, nug Vajtswv, nrhiav kev ntes, ces yuav txais tsis tau ib yam dabtsi. Tiamsis nyob ntawm cov neeg uas muaj lub siab nrhiav Vajtswv tiag tiag, Vajtswv yuav tsis muaj hnub yuav tsis teb lawv, tshwj xeeb yog thaum uas lawv xav paub tias Tswv Yexus yog leej twg!

Thov caw nrog kuv peb thov Vajtswv ua ke.
Tus Tswv, koj paub txhua yam. Koj paub tib neeg lub siab. Thov pab kom kuv los cuag koj los ntawm lub siab ncaj ncees. Txo hwjchim thiab nrhiav koj. Thov koj pub txoj kev txawj ntse rau kuv kom kuv muaj kev txawj ntse nyob hauv kuv lo lus hais thiab npaj txhij yuav teb txhua tus uas nug txog kuv txoj kev ntseeg. Kuv thov hauv Tswv Yexus Khetos lub npe. Amees.

Cov kwv tij thaum uas koj los cuag Vajtswv thiab nthuav tawm koj lub siab ncaj ncees, koj yuav tau Vajtswv nthuav tawm meej meej. Vajtswv yeej yuav tsis tso cov neeg uas nrhiav Vajtswv tiag tseg. thaum nyob hauv Vajtswv ua tus coj kev, peb yuav muaj kev txawj ntse los teb tawm tsam yeeb ncuab tej lus nug.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.