Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Muaj qee yam peb xav paub kom meej meej, tiamsis Vajtswv ho tsis qhia rau peb paub. Lub sijhawm hnub uas Tswv Yexus rov qab los yog ib nyob rau hauv tej uas Vajtswv tsis qhia peb paub. Vajtswv xav kom peb kawm ntseeg siab rau Vajtswv lub sijhawm. Tos Vajtswv hauv txoj kev ntseeg yuav pab kom peb lub neej sab ntsujplig loj hlob thiab thaum twg peb twb npaj txhij yuav ntsib Nws txhua lub sijhawm.

Hnub no, yog hnub 26/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Helen Ryser Smith dhau ntawm Zaj kawm NTSEEG KHOV KHO RAU TEJ UAS YUS CIA SIAB

“Cia siab rau tus Tswv kom kawg koj lub siab lub ntsws. Tsis txhob cia siab rau koj tej kev txawj ntse. Txhua yam uas koj ua koj yuav tsum nco ntsoov tus Tswv, nws thiaj yuav coj koj taug txojkev uas yog txoj tseeb” (Pajlug 3:5-6)

Ob txhiab xyoo dhau los cov thwjtim tau nug Tswv Yexus lo lus nug no: “Thaum twg koj mam rov qab los?” Tamsim no, muaj ntau tug hauv peb cov no kuj muaj kev khuab xeeb zoo ib yam li cov thwjtim thaum ub. Kuv nyiam Vajtswv tej lus vim qhov tseeb nyob hauv Vajtswv tej lus ntawd tsis hloov pauv raws lub sijhawm. Yuav zoo heev yog Tswv Yexus qhia rau peb paub txog lub sijhawm Nws yuav rov qab los. Tiamsis Tswv Yexus ho hais rau cov thwjtim thiab peb kom paub yam uas yuav tau paub xwb.

Tsis paub koj puas xav tias cov thwjtim lawv puas txaus siab rau Tswv Yexus tej lus? Yog tias lawv xav paub tseeb lub sijhawm Tswv Yexus rov qab los ces peb kuj yuav tau paub kom zoo qhov ntawd. Kuv los kuj xav kom Vajtswv nthuav tawm meej meej txhua yam kom kuv thiaj teeb tau lub homphiaj thiab ua raws li yam uas yus cia siab. Tiamsis Vajtswv hais tias: “Cia li muab koj lub homphiaj tso rau kuv thiab kuv xav kom koj ntseeg kuv.”

Vajtswv txojlus nyob hauv Henplais 11:1 txhawb peb zog kom peb yuav tau ntseeg siab rau Vajtswv: “kev ntseeg yog qhov uas peb paub tseeb hais tias peb yuav tau tej uas peb cia siab rau thiab yog qhov uas peb cia siab ntsoov rau tej uas peb qhov muag tsis pom”.

Tseeb tiag, Vajtswv yog tus qhia kom kuv yuav tau ntseeg Nws nyob rau hauv 13 xyoo dhau los. Ntawm no yog ib txoj kev ntev ntawm kuv sab ntsujplig! Vajtswv tau siv tej txujci hauv lub neej los qhib kuv lub qhov muag ntawm sab ntsujplig thiab pab kom kuv hnov qab yav dhau los thiab mloog Vajtswv lus.

Piv txwv yog tias koj tab tom xeeb ib tug menyuam nyob rau hauv yus lub cev thiab koj tsis paub tias nws loj li cas, nws puas muaj plaub lossis tsis muaj thiab piv txwv muaj ntau zaug koj cim civ nug tias yus tab tom xeeb tub lossis ntxhais. Tiamsis los ntawm tej cuab yeej tamsim no koj yuav tau tos kom tus menyuam loj zog koj mam paub tias nws yog pojniam lossis txiv neej thiab nws zoo li cas. Tas kuj txog lub caij uas luag xam tau tias yuav yug thaum twg tiamsis yeej tsis muaj ib lub cim twg qhia rau kuv paub li.

Kuv yuav tos kaum hnub ntxiv thiab thiaj pib mob plab. Thaum ntawd kuv kub siab heev vim yog thawj zaug kuv tau ua niam. Kuv cim civ nug kuv tus kheej tias: “Kuv yuav tau ua dabtsi? Kuv nyuam qhuav 21 xyoo xwb. Tsis paub kuv puas yuav dhau tau los ua ib leej niam zoo? Tsis paub kuv puas yuav ua tiav kuv qhov haujlwm ua ib leej niam? Tej lo lus nug no kuv nug ua ntej uas kuv paub Tswv Yexus thiab kuv tsis tau txais Tswv Yexus ua kuv tus Tswv Cawm Seej. Tiamsis ua Vajtswv tsaug vim Vajtswv yog tus ncaj ncees txawm yog kuv yog tus tsis ncaj ncees. Ua Vajtswv tsaug vim Vajtswv tau siv ib tug pojniam kws tshuaj yog tus paub txog kuv txoj kev txhawj ntawm kuv lub ntsej muag thiab hais rau kuv tias: “Txhua yam yeej yuav tsis ua li cas, ntseeg kuv thiab mloog kuv tej lus peb sawv daws yuav tsis ua cas.” Twb yog nws tej lus hais ua rau kuv ntseeg tus pojniam no tej lus thiab muaj lub zog. Ob peb sij tomqab xwb, kuv kuj yug tau ib tug tub thiab yog ib lub sijhawm zoo kawg nkaus. Thaum kawg kuv kuj ntsia pom kuv tus menyuam thiab nwj nws. Kuv xav tias nov yog ib lub sijhawm uas tsim nyog tos.

Pajlug 3:5-6 txhawb peb zog tias: “Cia siab rau tus Tswv kom kawg koj lub siab lub ntsws. Tsis txhob cia siab rau koj tej kev txawj ntse. Txhua yam uas koj ua koj yuav tsum nco ntsoov tus Tswv, nws thiaj yuav coj koj taug txojkev uas yog txoj tseeb”

Kuv zoo siab heev thaum uas thawj zaug kuv ntsia pom kuv tus tub lub ntsej muag thiab yuav zoo siab heev ib hnub tom ntej peb yuav tau tos Tswv Yexus rov qab los. Zoo kawg nkaus thaum uas xav txog qhov uas tau khiav los txhos caug ntawm tus uas tau tuag theej peb tej kev txhaum.

Tos tsis yog ib qhov haujlwm yooj yim tiamsis yuav tau kawm txoj kev ntseeg Vaj Leej Txiv thaum txog Vajtswv lub sijhawm tsis yog ua rau peb txoj kev ntseeg loj hlob xwb tiamsis tseem pab kom peb dhau los ua qhov kaj rau cov neeg uas paub txog Vajtswv txoj kev hlub tseg rau lawv. Mloog Vajtswv lus thiab cia Vajtswv ua tus Tswv hauv peb lub neej thiab ntseeg Leej Txiv saum ntuj yog tus tswj peb lub neej ua ntej uas lub ntiajteb no tau tsim los vim Vajtswv ib txwm muaj puag thaum ub los lawm.

Thov caw nrog kuv peb thov Vajtswv ua ke.
Ua Vajtswv tsaug vim Vajtswv yog tus paub tseeb txhua yam uas tshwmsim los rau kuv nyob hauv lub neej no. Txawm yog tamsim no muaj qee yam tshwmsim los kuv tsis tau nkag siab txog los thov Vajtswv pab kom kuv ntseeg koj thiab nrog koj mus nyob hauv koj txoj kev hlub zoo kawg nkaus. Thov Vajtswv pab kuv kom muaj lub siab tawv nrog Koj mus txog hnub kawg. Kuv thov hauv Tswv Yexus Khetos lub npe. Amees.

Cov kwv tij txhua tus, peb tsis paub meej lub sijhawm Tswv Yexus yuav rov qab los tiamsis peb muaj kev ntseeg ruaj khov txog qhov ntawd. Yog li ib hnub tshiab yog lub sijhawm zoo kom peb ua tiav tes haujlwm uas Vajtswv cob rau peb hauv lub ntiajteb no. Ntseeg siab rau Vajtswv, muab txhua yam fij rau nws thiab muab lub neej no pub rau Nws.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.