Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Puas tau muaj leej twg hais rau koj tias koj tshwj xeeb heev lawm los tsis tau? Ntau zaug peb hnov peb tus kheej tsis tseem ceeb dab tsi nyob rau hauv lub ntiajteb uas muaj coob tug txawj ntse li no. Peb yeej tsis zoo nkauj npaum luag lwm tus, kuj tsis ntse tshaj luag lwm tus. Tiamsis nyob rau hauv Vajtswv lub qhov muag, Yeej tsis muaj leej twg yog tsis nto npe lossis tsis tsheej dab tsi li. Vajtswv twb xaiv peb ua ntej puag thaum tsis tau yug los, thiab peb yeej ib txwm tseem ceeb rau Vajtswv. 

Hnub no, yog hnub 26/03/2023, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Lina Johnson dhau ntawm Zaj kawm KOJ / TSHWJ XEEB KAWG

“Tom qab uas sawvdaws ua kevcai raus dej tas lawm, Yexus ua kevcai raus dej thiab. Thaum Yexus tabtom thov Vajtswv, rooj ntug txawm qhib plho,  thiab Vaj Ntsujplig tus Dawbhuv uas muaj lub cev zoo li tus nquab los rau saum Yexus. Thiab muaj ib lub suab hais saum ntuj tuaj rau Yexus hais tias, "Koj yog kuv tus Tub uas kuv hlub, kuv txaus siab rau koj” (Lukas 3:21-22).

“Koj tshwj xeeb kawg!” – yeej tsis tau muaj leej twg hais lo lus no rau kuv li, tiamsis thaum kuv nyo hau kuv khaws ib tsob nroj tsuag plaub ces nplooj, kuv tau hnov lub suab kaj siab nyob rau hauv kuv siab: “Koj tshwj xeeb kawg.”

Thaum ntawd kuv tsis nkag siab, tiamsis ua Vajtswv tsaug vim thaum no kuv twb nkag siab lawm. Ib daim nplooj plaub ces kaum ntawd xwb twb coj tau txoj kev zoo siab thiab kev tso siab lug los rau kuv. Tiamsis vim li cas? Yuav tau poob ntau xyoo thiab kuv thiaj yuav nkag siab txog tej no, tiamsis nyob rau lub sijhawm ntawd yeej tsis tau li. Tob qab xwb, txhua tus ntxhais nyob ib ncig kuv puav leej mus nrhiav txhua qhov kom nrhiav tau daim nplooj plaub ces kaum uas zoo tshwj xeeb no. Nyob rau lub rooj ua si zaug ntawd kuv cia li nto npe vim nrhiav tai daim nplooj plaub ces kaum tshwj xeeb ntawd. 

Kuv yeej ib txwm yog ib tug ntxhais muaj ntsis ntshai. Kuv tsis tshua kam txuas phooj ywg. Yog li thaum twg los kuv twb ceev faj, thiab twb yog vim li ntawd kuv thiaj pheej nrhiav pom tej tsob nroj muaj “nplooj plaub ces” uas tsawg heev ntawd – yog yam uas tsis muaj coob tug nrhiav tau. Thiab thaum nrhiav tau, yuav muaj ib lub suab hais ntxhia  tuaj nyob rau hauv kuv lub siab: “Koj tshwj xeeb kawg”. Qhov ntawd tau ua rau kuv hnov kaj siab heev li ntawd. 

Tig rov qab mus saib, kuv ntseeg tias Vaj Ntsujplig tab tom coj kuv mus cuag Nws dhau ntawm Vajtswv txoj kev ua siab ntev. Vajtswv tau hu kuv ua ntej uas kuv paub Nws. 

Peb yuav pom tej no nyob rau hauv Loos 2:4

“Lossis yog nej tuam mom Vajtswv txiaj ntsig, qhov uas Vajtswv ua siab dawb siab zoo thiab ua siab ntev rau nej. Nej yeej paub hais tias qhov uas Vajtswv ua siab dawb siab zoo rau nej yog nws xav kom nej tso nej tej kev txhaum tseg.”

Vajtswv tus yamntxwv zoo kawg nkaus li. Vajtswv yog ib xwb tiamsis Nws muaj peb leeg. Kuv twb ntsib Vaj Ntsujplig nyob rau hauv rooj txhawb siab thaum kuv tseem yau lawm.  Nws tau cog tus cag kom tom qab no kuv paub Tswv Yexus thiab paub Vaj Leej Txiv.

Kuv xav tsis thoob txog Vajtswv Vaj Peb Leeg. Peb leeg tiamsis yog ib xwb – qhov no ua rau kuv ua xyem xyav. Kuv ntseeg qhov tseeb no. Kuv tsis nkag siab tiamsis kuv ntseeg. Thiab muaj ib tag kis thaum sawv ntxov thaum kuv tab tom kawm lub rooj kawm hnub so hauv tuam tsev, tus qhia tej lus tau pab kom kuv nkag siab meej meej: 

“Cia li xav txog Vajtswv saib Nws zoo li lub máy tính. Tag nrho txhua lub máy tính puav leej muaj qhov chaw mus rau hauv thiab qhov chaw nkag tawm thiab muaj lub plhaub laus. Tswv Yexus zoo li lub taub hau nkag rau hauv. Nws yog txoj kev kom peb mus cuag tau Vaj Leej Txiv, yog lub plhaub laus, thiab Vaj Ntsujplig zoo lub qhov chaw tawm. Vaj Ntsujplig hais qhia rau peb, nthuav tawm qhov tseeb rau peb thiab ua tej txujci nyob rau hauv peb lub neej.”

Kuv yeej tsis hais tias ntawm no yuav yog qhov piv txwv zoo tseg los txhais txog Vaj Peb Leeg, tiamsis nyob rau ntawm kuv qhov piv txwv no nws muaj nqis heev. 

Vajluskub rov qab sau txog tej no li no: 

“Tom qab uas sawvdaws ua kevcai raus dej tas lawm, Yexus ua kevcai raus dej thiab. Thaum Yexus tabtom thov Vajtswv, rooj ntug txawm qhib plho,  thiab Vaj Ntsujplig tus Dawbhuv uas muaj lub cev zoo li tus nquab los rau saum Yexus. Thiab muaj ib lub suab hais saum ntuj tuaj rau Yexus hais tias, "Koj yog kuv tus Tub uas kuv hlub, kuv txaus siab rau koj” (Lukas 3:21-22).

Nyob rau ntawm no peb pom Vajtswv Peb leeg tshwm ua ke tib txhij. Ib tug Vajtswv tiamsis tshwm sim nyob rau ntawm peb leeg sib txawv. 

Thiab tus nroj peb nplooj kuj pab rua kuv nkag siab ntau txog qhov tseeb no. Tiamsis tshuav tsob nroj plaub nplooj kuv tab tom tuav ntawm tes ne yog li cas? Yog yooj yim kawg li. Daim nplooj thib plaub ntawd yog kuv thiab yog koj! Peb tsis muaj tus yamntxwv dawbhuv li Vajtswv tiamsis daim nplooj plaub ntawd yog daim duab piv txog cov ntseeg uas twb yug dua tshiab dhau ntawm Tswv Yexus, thiab tau txuas ua ke nrog Vajtswv dhau ntawm Vaj Ntsujplig nyob rau hauv peb. 

Yog, kuv tshwj xeeb, thiab koj tshwj xeeb. Peb txhua txhia tus puav leej tshwj xeeb! Peb tshwj xeeb vim peb tau txuas ua ke nrog Vajtswv Vaj Peb leeg.

Thov caw nrog kuv peb thov Vajtswv ua ke

Ua Vajtswv Koj tsaug vim ib tug neeg zoo li kuv ho dhau los tshwj xeeb nyob rau hauv Koj! Thov Vajtswv Koj pab kom kuv paub tsim muaj txoj kev sib raug zoo ua ke nrog Koj dhau ntawm Vaj Ntsujplig. Thiab ua tib zoo mloog Koj lub suab hu, kom kuv paub thiab ua tiav Koj tej lus samhwm tseg rau kuv lub neej. Kuv thov hauv Tswv Yexus Khetos lub npe. Amees. 

Cov kwv tij phoojywg, hnub no, cia li tseg sijhawm rau Vajtswv, thiab ua tib zoo mloog Vajtswv lub suab hu. Vaj Ntsujplig tab tom tshoov koj siab txog yam dabtsi hnub no? txhob muaj ib zaum twg maj nroos tawm ntawm Vajtswv kev tshwm ntsej muag uas tsis tseg ib nyuag mentsis sijhawm cia Vaj Ntsujplig hais rau peb. Vim peb tshwj xeeb! Peb tau hlub.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.