Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Hauv peb txhua tus leej twg los twb muaj kev ntshai. Tswv Yexus kuj ntshai thiab txomnyem siab ntsws heev thaum yuav nce mus rau saum Ntoo Khaub Lig. Txawm li los, Tswv Yexus tau xaiv ris txoj kev mob ntawd kom thiaj txhiv tau tib neeg tej kev txhaum. Tsis yog tas li ntawd, Tswv Yexus tau sawv rov qab los thiab kov yeej txoj kev tuag lawm. Tswv Yexus yog tus yuav cawm peb dim ntawm txhua txoj kev txhawj ntshai.

Hnub no, yog hnub 30/03/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dee Aspin dhau ntawm Zaj kawm VAJTSWV TSO PEB DIM NTAWM TXOJ KEV TXHAWJ NTSHAI

“Kuv thov tus Tswv, thiab nws teb kuv tej lus thov, nws cawm kuv dim ntawm tej kev txhawj ntshai huv tibsi lawm” (Ntawv Nkauj 34:4).

Kuv pom zaj movies (Người Dơi – Kị Sỹ Bóng Đêm). Nyob rau ntawm kuv, zaj movies no tsis yog ib zaj movies zoo xwb tiamsis tseem yog ib zaj kawm qhia txog kev ua zoo. Kuv pom zoo los ntawm qhov uas cov neeg los ua zaj movies nrog rau tej lus zoo hauv.

Feem uas kuv pom zoo tshaj yog tus neeg, Bruce Wayne, nws tau cob nruj heev los ua nws tes haujlwm nyob hauv nws lub neej – thaum ntsib txoj kev phem. Nws tus xibhwb coj nruj tau thawb nws mus rau ntu uas phomsij tshaj plaws, “vim tej yam uas peb ntshai yuav tswj peb. Thiab peb twb pom lawm, cov neeg uas ntshai cov puav zoo li Bruce Wayne thaum kawg nws kuj hloov cev ua tau tus neeg puav.

Qhov no ua rau kuv xav txog Tswv Yexus, Tswv Yexus tej lus qhia rau nws cov thwjtim paub txog txoj kev ntshai nyob rau hauv lub neej txhua hnub. Nws paub tias nws tshuav sijhawm tsawg nyob hauv lub ntiajteb no lawm xwb. Tswv Yexus yuav ntsib txoj kev ntshai loj tshaj plaws hauv lub neej los ntawm nws lub cev, tus ntsuj, tus plig tib si: txoj kev tuag thiab txoj kev raug cais tawm ntawm Vajtswv, uas yog Nws Leej Txiv.

Txoj kev ntshai yog tib neeg ib tug cwjpwm yog li, nws thiaj tau suav tias yog ib lub ntsiab lus loj nyob hauv Vajluskub. Vajtswv nkag siab zoo peb yog leej twg thiab paub peb txoj kev qaug zog nyob hauv peb txhua tus.

Thaum tseem hluas, Daviv pom txog lub zog loj nyob hauv txoj kev nrhiav Vajtswv ua tus pab.

“Kuv thov tus Tswv, thiab nws teb kuv tej lus thov, nws cawm kuv dim ntawm tej kev txhawj ntshai huv tibsi lawm” (Ntawv Nkauj 34:4).

Nyob rau tom moj sab qhua qhuav qhawv, Daviv txojsia raug hem txhua qhov, tsis muaj dej haus nrog rau tej tsiaj nyaum. Yawg tsis yog tsuas ntsib tej kev phomsij sab nraud xwb tiamsis tseem yog los ntawm tib neeg thiab – tiamsis cov neeg caum yawg tua ua raws li Xa-ules cov lus samhwm.

Nyob hauv Lukas 12:5, Tswv Yexus hais txog txoj kev ntshai uas tug neeg phem muab nws caum tua, thiab tej yam uas rau peb ntshai.
“Kuv yuav qhia tus uas nej yuav tsum ntshai rau nej. Nej yuav tsum ntshai Vajtswv tus uas tua tau nej thiab muaj cuabkav muab nej pov rau hauv ntujtawg. Kuv qhia rau nej hais tias, nej yuav tsum ntshai Vajtswv!”

Thawj zaug uas nyeem cov lus no, kuv hnov ntshai heev. Vajluskub hais txog txoj kev phomsij uas tib neeg yuav tsim muaj.

Thaum tseem yau, cov menyuam ntxhais yog cov uas yuav tsum tau tiv thaiv lawv tus kheej kom zoo. Nyob rau qhov twg, txawm yog muaj neeg thiab tsis muaj los, txhua tus pojniam yuav tau kawm txoj kev tiv thaiv lawv tus kheej. Thiab txiv neej los kuj ib yam li ntawd, lawv kuj yuav tau paub tiv thaiv lawv thiab. Ntawm no yog ib feem uas peb txhua tus puav leej yuav tau kawm ua neej thiab tiv thaiv tus kheej nyob rau hauv lub ntiajteb no.

Nyob rau hauv lub neej uas puv npo txoj kev hloov pauv no, kuv tus tub xeeb tau ntsia pom tej yam uas txaus ntshai zoo li tej kev sib ntaus sib tua nyob rau txhua qhov. Tsis ntev los no, muaj ib tug hluas zej zog kuj raug ntaus thaum uas nws dhau kev muaj ob tug neeg tub sab tau muab nws ntaus thaum nws mus dhau peb lub zos.

Tswv Yexus los kuj ntsib txoj kev ntshai li ntawd – txoj kev tuag mob siab thiab txoj kev tuag tau caim tawm ntawm Vaj Leej Txiv. Ntawd yog txoj kev tuag ntawm sab nqaij tawv, ntsujplig, thiab plig. Tswv Yexus tau ris txoj kev mob, kev txaj muag no…. los ris peb tej kev txhaum nyob saum Ntoo Khaub Lig, thiab cawm peb dim hauv txoj kev tuag mus ib txhis. Tswv Yexus tuag kom peb thiaj muaj sia.

Thiab thaum uas ntsib txoj kev ntshai loj tshaj plaws, Tswv Yexus tau kov yeej nrog lub tshwjchim thiab dhau los ua tus neeg tso peb dim ntawm txhua txoj kev txhawj. Tswv Yexus tau ntxuav thiab pub txojsia ib txhis rau peb, kov yeej lub hwjchim tsaus ntuj nyob hauv txoj kev tsov rog cawm peb tus ntsujplig.

Nyob hauv qhov tsaus ntuj, Tswv Yexus tau sawv rov qab los, kov yeej txhua yam. Dhau ntawm Tswv Yexus, peb thiaj tau kov yeej txoj kev tuag. Tswv Yexus muab txojsia pub rau peb dhau los ntawm Nws lub hwjchim sawv hauv qhov tuag rov qab los. Nws yog tus coj peb, tus qhib txoj kev rau peb mus ntuj ceebtsheej, qhov chaw uas peb tau tsaws mus nyob siab tshaj plaws saum txhua txheej ntuj.

“Txojkev tuag, koj swb lawm lauj! Txojkev tuag, koj tej taug tsuag tas lawm lauj!” (1 Kauleethaus 15:55).

Thov caw nrog kuv peb thov Vajtswv ua ke.
Ua Vajtswv tsaug vim koj paub zoo txoj kev txhawj nyob hauv kuv, lub qhov tob ntawm txoj kev tsaus ntuj thiab txoj kev phomsij nyas nrhw ib ncig kuv. Thov kom qhov kaj uas yog koj sawv hauv qhov tuag rov qab los ci rau kuv lub neej, coj kuv tiv dhau yeeb ncuab tej ntxiab cua, kom kuv ua lub neej muaj yeej nyob hauv koj lub hwjchim cawm dim. Kuv thov hauv Tswv Yexus Khetos lub npe. Amees.

Cov kwv tij txhua tus, nyob hauv lub qhov tob tsaus ntuj nti, Yexus Khetos tau sawv los kov yeej lawm. Dhau los ntawm Tswv Yexus txoj kev tuag, peb thiaj hla dhau txoj kev tuag. Thov kom peb yuav muab tej kev txhawj ntshai fij rau Vajtswv thiab ua lub neej muaj yeej nyob hauv Vajtswv txoj kev cawm dim.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.