Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Txhua zaug uas txog koob tsheej Yexus yug, coob tug tib neeg qhuas txog qhov uas Tswv Yexus tau los rau hauv ntiajteb. Muaj ib zaj nkauj uas thaum hnov txog txhua tus yuav tau sawv tsees yog nqe tshooj “Hu haleluyas”. Ntawm no kuj yog nqe uas nto npe tshaj plaws nyob rau hauv zaj “Haleluyas” tau tus neeg muaj koob nto npe sau nkauj George Frideric Handel ua tus sau. 

Hnub no, yog hnub 30/11/2021, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dan Betzer dhau ntawm zaj kawm ZAJ NKAUJ HALELUYAS

Ces kuv hnov ib lub suab nrov zom zaws ib yam li ib pab neeg coob coob hais lus thiab nrov ib yam li dej tsaws tsag hlob hlob thiab nrov ib yam li suab xob nroo. Lub suab ntawd hais tias, “Cia li qhuas Vajtswv! Rau qhov tus Tswv uas yog peb tug Vajtswv uas muaj hwjchim loj kawg nkaus, Nws yog Vajntxwv. (Tshwmsim 19:6)

Tus sau zaj nkauj “Qhuas Mexiyas” yog tus sau nkauj muaj koob nto npe George Frideric Handel, tus neeg uas tau Beethoven hu ua “Tus sau nkauj tshaj ntawm txhua tus sau nkauj”. Nyob rau xyoo 1700, Handel lub koob npe pib tsuag zuj zus thiab tej neeg muab nyiaj rau yawg txais pib nrhiav tuaj txog rau ntawm yawg tsev. Yawg lub dag zog pib tsuag zuj zus vim yawg raug tus mob qaug zog, pw tsis taus thiab mob tej yag tes yag taw. Muaj 60 xyoo, tus sau nkauj muaj koob nto npe ib ntus dhau los thaum no yuav tau ntsib ib lub neej tom ntej tsis paub yuav zoo li cas.  

Tom qab ntawd, xyoo 1741, Handel txais tau ib tsab ntawv ntawm Charles Jennens, uas yog ib tug neeg nplua nuj, twb tau xa rau yawg qee zaj ntsiab lus txog nkauj rau yawg yav dhau los. Nyob hauv tsab ntawv no, Jennens twb tau xa ib cov Vajluskub ua tsheej feem nyob ua ke hais txog Yexus Khetos thiab Vajtswv. Handel hnov zoo siab heev thiab txawm cia li pib sau. 

Nyuam qhuav siv xya hnub xwb yawg twb sau tau feem ib ntawm ntu “Qhuas Mexiyas” Hais txog Tswv Yexus los yug. Yawg sau ntxiv feem cawm dim poob 9 hnub thiab tom qab ntawd, siv twb tsis tas ib lub thiv, Handel yawg tau sau tiav feem uas Yexus sawv los thiab yog tus kav rau yav tom ntej, nyob hauv muaj zaj “Hu haleluyas” nto npe lug rau tej ntsiab lus swm hauv qab no: 

Qhuas Vajtswv ntuj – tus Tswv kav ntuj – Tus muaj hwjchim! Haleluyas! Haleluyas!...

Vajntxwv ntawm txhua tus tswv! Vajntxwv saum txhua tus tswv! 

Vajntxwv ntawm txhua tus tswv! Vajntxwv saum txhua tus tswv! 

Yexus Khetos tiam ua vajntxwv yuav ruaj khov mus ib txhis!

Nyob mus ib txhis! Nyob mus ib txhis!

Nyob mus ib txhis! Nyob mus ib txhis!

Vajntxwv ntawm txhua tus vajntxwv! Vajntxwv saum txhua tus vajntxwv!

Haleluyas! Haleluyas!

Haleluyas! Haleluyas!

Nyob rau hnub 13 hli 4 xyoo 1742, zaj nkauj Mexiyas tau muab tshaj tawm thawj zaug hauv Dublin teb chaws Ireland tau tib neeg coob tug txais tos. Tus sau nkauj Handel ua neej nyob ntxiv 17 xyoo thiab coj ntau zaj nkauj txog tej nkauj uas nws tau sau. 

Thaum cov neeg Askiv (Anh) tus vajntxwv George II thawj zaug hnov zaj nkauj “Mexiyas”, Yawg tau sawv tsees. Vim tsis muaj leej twg zaum tau tus thaum vajntxwv sawv, yog li cov mloog kuj sawv raws qab. Niaj hnub no. “Zaj hu haleluyas” dhau los ua ib zaj nkauj muaj koob nto npe heev thiab tau tib neeg hu txhua zaug uas lub caij ua koob tsheej Yexus yug los txog hu los qhuas Yexus Khetos thiab nthuav qhia tias Nws yuav rov qab los thiab zaum saum Nws lub zwm txwv. Txhua zaug uas pab hu nkauj lawv hu txoj nkauj no, tag nrho txhua tus puav leej sawv los ntawm lub siab hwm Yexus Khetos yog vajntxwv. 

“Ces kuv hnov ib lub suab nrov zom zaws ib yam li ib pab neeg coob coob hais lus thiab nrov ib yam li dej tsaws tsag hlob hlob thiab nrov ib yam li suab xob nroo. Lub suab ntawd hais tias, “Cia li qhuas Vajtswv! Rau qhov tus Tswv uas yog peb tug Vajtswv uas muaj hwjchim loj kawg nkaus, Nws yog Vajntxwv.” (Tshwmsim 19:6). 

“Thaum tus timtswv ceebtsheej uas yog tus xya tshuab nws lub xyu, txawm muaj ib lub suab hais nrov nrov saum ntuj tuaj hais tias, “Tus uas muaj hwjchim kav lub ntiajteb no, nws yog peb tus Tswv thiab yog tus Mexiyas, Nws yuav kav mus ib txhis li!” (Tshwmsim 11:15). 

Dhau ntawm tej nqe Vajluskub nyob hauv Tshwm sim, Handel tau sau cov ntsiab lus rau zaj nkauj no raws li txoj cai txais tos, tsis yog tseg rau ib tug vajntxwv ntiajteb tiamsis yog txais tos tus Vajtswv ntawm lub ntuj thiab ntiajteb, yog tus vajntxwv ntawm txhua tus vajntxwv thiab tus Tswv ntawm txhua tus tswv. Yog li cov tib neeg uas nkag siab lub ntsiab lus ntawm zaj nkauj no – nyob hauv muaj tus vajntxwv kav tebchaws Askiv (Anh) puav leej yuav tau sawv tsees nthuav qhia lub siab txais tos Vajtswv thaum hnov zaj nkauj no ua raws li txoj cai txais tos tiag tiag. 

Thiab tus cwjpwm txais tos Vajntxwv saum ntuj kuj yog tus cwjpwm uas cov ntseeg txhua tus niajhnub nim no yuav tau muaj txhua zaug uas txog lub caij ua koob tsheej.

Thov caw nrog kuv peb thov Vajtswv ua ke: 

Thov hawm Tswv Yexus Khetos, Vajntxwv ntawm txhua tus vajntxwv, tus Tswv ntawm txhua tus tswv, Kuv qhuas Koj. Yog tus uas tau los rau hauv lub ntiajteb no ua tiav txoj kev cawmdim, thiab Koj yuav rov qab los ua Vajntxwv tswj tag nrho lub ntuj thiab ntiajteb no. Thov kom Koj lub npe tau txhawb nqa thiab Koj txoj kev hlub tau nthuav qhia rau coob tug paub txog lub caij ua koob tsheej no. Kuv thov hauv Tswv Yexus Khetos lub npe. Amees. 

Cov kwv tij txhua tus, ib lub caij ua koob tsheej rov los txog. Ua tib zoo xav peb txoj kev npaj zoo tshaj plaws yuav txais tos lub koob tsheej no yog npaj lub siab, ib lub siab qhuas Vajtswv ntuj – tus Tswv ntawm lub ntuj thiab ntiajteb, lub siab koom ua ke nrog cov timtswv qhuas txog Tswv Yexus tau los yug, yog tus Mexiyas. Ntseeg tias zaj kawm hnub no yuav txhawb koj npaj koj lub siab los hwm thiab pehawm Nws thaum txog lub caij koob tsheej Yexus yug no.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.