Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

Tòm bol he cau lơi kung gơs bơta rngòt rngơt. Să tòm Yàng Jesus kung gơs bơta rngòt rngơt mơ jê sồt tú pal kong yông hơđang chi pơng. Bulah behớ, Kơnrẵn neh sac ãn bơta jê sồt mơ chơt nang twai glài dunnia in. Mơya ò di ming kar hớ lơm, Kơnrẵn neh kis wơl mơ pha lin rlau mơ bơta chơt. Să tơm Kơnrẵn la Bơtau dong tă he klàs bơh ală bơta rngòt rngơt.

Ngai do, ngai 16/03/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Martha Noebel dê bơh tơnggume: BƠTAU DONG TĂ BOL HE BƠH BƠTA RNGÒT RNGƠT

“Añ neh jòi jat Yàng Jehôwa, Kơnràñ ho wơl añ, Mơ dong tă añ bơh di jơh ală bơta rngòt rngơt.” (Đơs Crih 34:4)

Ẵn niam nùs mơ phim Người Dơi – Kị Sĩ Bóng Đêm. Mơ ẵn, phim hớ ò di ming la lơh rài bơta bol glar tú he lơh broă mơ kung la dô bơta bơto sôr. Ăn geh bơta gơboh mơ ală cau tòm phim do.

Bơta mơ ẵn ò tú lơi húi la Bruce Wayne, cau tòm tom phim hớ geh bơtê bơto dô bă kràn cê ngan nàng rcăng lơh broă dơng tòm rai kis khai dê – tòm dră mơ ală bơta iơh. Cau bơto neh bơto khai “Pal sên swì bơta he rngòt rngơt”, bơh ală bơta he rngòt rơp at bồ he. Mơ bol he sên gó, cau ơm tòm bơta rngòt rngơt bè Bruce Wayne neh gơlik gơs Người Dơi.

Bơta do lơh ẵn in kah tus Yàng Jesus mơ jơnau Kơnrẵn neh bơto ală cau bơtê bơh ală bơta rngòt rngơt kòp ngai. Kơnrẵn git lah he găm dô kis tòm ù do găm dô êt jó lơm. Yàng Jesus rơp gơs bơta rngòt rngơt dơng rlau jơh mơ să jan, hwêng soan, hwêng nùs: Bơta chơt mơ bơta cah is mơ Yàng Tòm Trồ, Bèp gơboh Kơnrẵn dê.

Bơta rngòt rngơt la dô pơnah tòm kon mơ nùs mơ bơta hớ, neh geh cih bè la dô tơnggume dơng mang tòm Sră Goh. Yàng Tòm Trồ git loh bol he la ncau mơ git tus tòm ală bơta lơbơn tòm kòp nă bol he.
Tú găm kơnòm să, Đavít neh dòp gó bơta pràn kơldang bơta joi jat bơta dong kơl bơh Yàng:
“Añ neh jòi jat Yàng Jehôwa, Kơnràñ ho wơl añ, Mơ dong tă añ bơh di jơh ală bơta rngòt rngơt.” (Đơs Crih 34:4)

Tòm blang bràs ngềt ngơt, bơta kis Đavit dê kol bơta iơh gùt dar, bơh bơta tơhir tus ală phan poan jơng jãn bơsak. Ồng pal kong bơta gơlong bol glar ò di bơh phan poan jơng mơ bơh kon mơnùs – ală cau ting jat ông jat jơnau sôr Sol dê.

Tòm Luca 12:5, Yàng Jesus neh đơs bơh ală bơta rngòt rngơt bơh ală cau iơh, bal mơ ală bơta he rngòt rngơt:
“Mơya Añ sơnio bol mê in git pal rngòt di ñcau: pal rngòt di Bơtau tơnơ̆ mơ tŭ neh tơnchơt să jan rau, kung gơs gơnoar sơrbì tòm brah tìng tai; ngan Añ đơs mơ bol mê, pal rngòt tĕ di Bơtau hơ̆!”

Tú sơnròp sên ală jơnau do, ẵn gơlơh bè rơm să. Sră Goh ò rngòt tú đơs tus ală bơta sơrbơng roh mơ kon mơnùs rgơi lơh.

Tú găm dềt, cau ur pal kơrmap gar bơh ală bơta iơh ơm gut dar. Tòm kòp bă tiăh, bulah ngìt ngơt hala ò, kờp nă cau ùr pal bơtê git pơnah nàng sền gar is să he. Mơ cau klau kung behớ sơl, bol khai kung pal git sền gàr să tờm he. Hơ la dồ bơta prap gar is să he mơ jơh tơl nă bol he pal bơtê git nang rgơi kis mơ prap gar să he tòm dunnia ngai do.

Tòm rài kis bềng tơl bơta iơh, sau klau an dê neh sền gó ală broă rngòt rngơt, bơh ală pềs tòm tiăh klăm jơngo tus dê ntas phào tòm măng tus bơh tềng hìu kiau ma. Thoa do, dồ nă cau kơnòm să ơm rềp kung neh gơlik gơs cau gơkòl tòm bơta iơh tú khai lòt gan bar nă cau crih mat tòm tiah bòn bol hi dê.

Să tờm Yàng Jêsus kung neh tìp ală broă rngòt rngơt ngan – bơta chơt bòl glar mơ bơta cah is mơ Yàng Bèp. hớ la bơta chơt poăc să, hwềng soàn mơ hwềng nùs. Yàng Jêsus neh àn ơnòng bơta chơt dồ bă bòl glar mơ bàs sìl … nàng àn ơnòng tồi glài bol he dê hơđăng chi pơng, mơ dong bol he klàs bơh bơta chơt roh sùm sùm. Kơnràn neh chơt nàng bol he geh kis.

Mơ tú tìp bơta rngòt rngơt dờng rlau jơh, Yàng Jêsus neh geh phalin rlau mơ gơlik gơs cau dong tă bol he klàs bơh jơh ală bơta rngòt rngơt. Kơnràn neh lơh goh mơ ai pà bol he in bơta kis sùm sùm, phalin mơ ală gơnoar klăm jơngo tòm bơta tom lơh dong tă hwềng soàn bol he dê.

Bơh tiăh klăm jơngo, Kơnràn neh kis wơl, phalin hơđăng ală bơta. Bơh Kơnràn, bol he kung geh phalin dê đap kơnèng bơta chơt dê. Yàng neh ai bol he in bơta kis bơh gơnap gơnoar kis wơl Yàng dê. Kơnràn la Bơtau sùm tề lăm, Bơtau pờ ală gùng tus hơ Lơgar Đăng Trồ, tiah bol he geh yờ tơngguh tus dê ală tap trồ gơkló.
“Ơ bơta chơt, ntềng đah bơta pha lin rlau mê dê taih? Ơ bơta chơt, ntềng đah bơta bih khih mê dê taih?” (1 Kôrinhtô 15:55)

Dan jà bol he dô nùs ba l tòm bơta hòi dan:
Ừn ngài Yàng tài bơh Kơnràn git loh làng ală bơta rngot rngơt tòm kòn, ală bơtô klă jơngo mơ ală bơta sơbơng roh ơm gùt dar. Dan bơta àng kis wơl Yàng dê sòl pơnđàng hơđăng rài kis kon dê, tề lăm kon lòt gan jơh ală dă pơt cau sò tơm dêm nàng kon kis dồ rài kis phaliln tòm gơnap gơnoar dong klàs Yàng dê. Kon jơh nùs hòi dăn ai sơnđăn Yàng Jêsus Christ, Amen.

Ơ ală ồng mò oh mi kờn gơboh, bơh bơtô klăm jơngo, Bơtau Christ neh guh bic, jòi geh bơta phalin gơkló. Kơnòm bơh bơta chơt Yàng dê, bol he kung neh lòt gan bơta chơt. Dan bol he git jào jơh ală bơta rngòt rngơt he dê Yàng in mơ kis phalin tòm bơta nđàc dong klàs Kơnràn dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.