Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

Ală bơta bol he lơh mơ ală jơnau đơs lơi kung lik bơh tơm dơlăm nùs. Yàng sền gŏ jơh ală bơta kơlôi sơnưng mơ bơta đah dơlăm bol he dê. Kơnràñ niăm nùs bơh bơta dòn bơr mơ rài kis duh rngòt ngan kòn sau Kơnràñ dê. Bol he kis rài kis niăm nùs Yàng tơm tŭ rcang sir don duh Kơnràñ dồ bă wil tơl.

Ngai do, ngai 25/02/2024, Bơta Hòi Dan Kòp Ngai dan jà ală cau iat kơlôi sơnưng Jơnau Yàng dê bal mơ cau dong kơl Cassey Nathan gan tơnggume DÒN BƠR DÔ BĂ WIL TƠL

“Yàng Jehôwa niăm nùs di ală phăn ơn chu pơrguc mơ ală phăn ơn duh khoai kŭng be niăm nùs di bơta lơh jat jơnau đơs Yàng Jehôwa dê sơl ơ? Don bơr la niăm rlau mơ phăn ơn duh khoai, mơ ơn nùs tôr lơh jat la niăm rlau mơ dơngi ală belàt dăm.” (I samuel 15:22)

Mạng xã hội la dồ nơm bơta ngui dờng mang nang bol he rgơi rang tơlik nùs nhơm he dê. Tơm pah rai jak chai do, bol he òs sền đah bơdih he dê. Òs tơm tŭ pơnđang rùp hơđang mạng xã hội gen ăñ gơlơh moat bơh bơta neh pơnđang hơđang ò tơm toh mơ đah bơdih. Ngan behơ̆, bol he neh ngui ală rùp sơnio bơh ală đah mơ bơta àng niăm rlau jơh mơ kal kê rgơi đal git bơta song ngan rùp sơnio hang mơnĕ hơ̆ dê. Rlau mơ hơ̆, bol he òs kòñ ală bơta gơlơh be sang goh rlau mơ ală bơta sang goh ngan geh dòp bơh
Yàng.

Tơm Mathiơ 23, bol he gŏ Yàng Jesu lah pơrhơng bơta ma-blàc. Kơnràñ neh lah pơrhơng mơ tơngkah ală cau bơtê tơm rai hơ̆ kŭng be bol he ngai do pal iat, lơh jat mơ dòn bơr lơh jat ală bơta neh geh bơto sôr tơm Sră Goh băñ ming kơno jat ală bơta sơm-pô ală cau at bồ gùng duh khoai dê:
“Jơh ală broă bol khai lơh nang cau in sền gŏ, bơh bol khai lơh ơnàng kơndung gơltau mơ lòi jòng mbrui tiang ào.” (Mathiơ 23:5)

Yàng Jesu lah pơrhơng bol he lah ală cau Pharisi, ală cau gơnoar cih mơ ală cau tơm mpôl gùng duh khoai la ală cau sền dờng mang đah bơdih sang goh mơ song ring bol khai dê mơ ya tơm nùs bol khai dê bềng bơta jòng-să. Yàng Jesu moat-jrùng ngan bơh rài kis ma blàc bol khai dê. Gen tang, Yàng đơs ală cau lơh behơ̆ la bơrngơl gơla mơ ai jơnau sôr bol khai pal lơh sang goh jơh ală bơta kơlôi sơnưng iơh-bơsak tơm nùs bol khai. Bơh hơ̆, Yàng kòñ bol he pal kơlôi tùs nùs nhơm đah dơlăm tò cau ndai tơm tŭ sền gŏ ală broă bol he lơh rơp pơnđang sol rùp Kơnràñ dê.

Bơta Yàng Jesu bơto ò di bơta kơlôi pa. Đah mơ nàng, Yàng koñ rang tơlik bol he in git tơnggu ñchi bơh tai Kơnràñ òs sền dờng mang bơta dòn bơr bol he dê rlau mơ phăn ơn duh khoai (I Samuel 15:22). Tơm Rài Bơta Ho Bal Yau, Yàng Tơm Trồ sơnio lăm Môise bơh bơta bơ̆t mon sal- ing Kơnràñ in tơm ngai sơnròp tơm năm pa geh cih tơm sră Lik Ee-jip-tơ 39-40. Rlau mơ hơ̆, Kơnràñ kung sơnio lăm bơta ơn rơndap ală phăn ngui tơm ală tiah di pal. Ò di kòp phăn ngui geh ơn tơm tiah krơi is mơ kung gơs dồ ềt phăn geh lơh goh jat bơta tề lăm loh lang bơh Yàng Tom Trồ nang lơh jat. Pơnjat tai, ông Môise lơh jat bơta sơnio lăm Yàng dê mơ tơm tŭ ông bŏng mơñà ông Arôn in nang lơh gơnoar broă cau gơnoar lăm bồ ơn phăn duh khoai Yàng Tom Trồ in. Tus di ngai ơn hiu sal ing gen bơta gơklŏ Yàng Tom Trồ bing-liu tiah hơ̆.

Ai tơm Rài Bơta Ho Bal Pa, gen să jăn geh pơndrom mơ hiu duh khoai mơ Yàng Hwing Goh mù. Yàng Jesu Krist kơlôi tùs ală bơta kơlôi sơnưng mơ bơta gơchôl tơm nùs bol he dê. Bơh bơta hơ̆ bol he pal cang kis dô rài kis sang goh mơ lòi bơta gơklọ̆ Yàng dê bing-liu tơm bol he. Bol he kis rài kis niăm nùs koñ Yàng ò di ming bơr sơndôi mơ ya bơh broă lơh dòn duh mơ rcang sir nùs nhơm nang rang tơlik bơta gơs mat Kơnràñ dê tơm rài kis bol he dê.
“Yàng rơp sơnio ăñ ĭn git gùng bơta kis; di đap Yàng gơs bềng-liu bơta hon-chò, di đah ma Yàng gơs bơta chò-hòp găm sùm sùm.” (Đơs crih 16:11)

Gen tang, tơm tŭ kis Yàng ĭn pal la bơh ƀơta lơh nên tơm nùs ò di la bơta rngọh rngàc ing lơm. Oh mi pal kis mơ bơta lơh nên hơ̆ jơl tus di ngai tìp mat Bèp Kòñ Gơboh hơđang Lơgar Trồ mơ geh Yàng jòng-ro la cau dĭ lơbơn niăm mơ don sọ̆ng.

Dan jà bol he dô nùs bal tòm bơta hòi dan:
Ưnngai Yàng tai bơh Kơnràñ ngui bơta bơtê hoi dan ngai do nang tơngkah kòn kah lah kòn pal kis don duh mơ lơh niăm nùs Kơnràñ. Ò di ming mơ jơnau đơs lơm mơ ya bơta hơ̆ lik bơh nùs nhơm koñ gơboh Yàng mơ koñ Kơnrañ niăm nùs. Dan Yàng dong kòn sum lơh jat bơta Kơnrañ tề lăm tơm jơh ală bơta bulah dềt hala dờng mơ kòn pal ntao tơm rài kis do. Kòn jơh nùs hòi dan tơm sơnđan Yàng Jesu Krist, A-men.

Ơ jơh ală ồng mò, oh mi koñ gơboh, ho pơgon tĕ lơh jat jơnau tề lăm Yàng dê tơm Sră Goh nang kis dồ rài kis dòn duh mơ sang goh tơm rài kis kòp ngai oh mi dê. Đom tĕ krơh Yàng Jesu Krist dê mơ gơlik gơs cau ala mat Kơnràñ dê tơm dunnia do. Ai tĕ Jơnau Yàng Tom Trồ dê tơm pơrgơl oh mi mơ dong oh mi sùm sùm rang tơlik nùs nhơm don duh Kơnràñ đah dơlăm kung be đah bơdih. Kis t tơm bơta gơs mat Yàng dê mơ lơh niăm nùs Kơnràñ.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.