Niam să ală ồng mò oh mi kòñ gơboh. Ală ồng mò oh mi gam ơm iat Bơta Hòi Dan Kòp Ngai hơđang gùng Oneway Radio gan dê oă cau git làm bơh Jơnau Yàng dê mơ neh cih lòi wơl ală bơta bơtê niam geh sơnđan la CBN Devotional Daily. Kơp kòñ ală ồng mò oh mi rơp dòp geh pràn pa tòm gùng lòt jat Yàng kòp ngai.

“Bơta gơlik gơs gùt dar ăñ dê, ăñ la cau git loh rlau jơh!” – Digơlan bơta kơ lôi sơ nơng do kung ết nhưk dô dơ lòt gan tòm bồ dơngoh ồng mò oh mi dê. Bol he os mờng kơ lôi he la cau git loh rlau jơh mơ pơnđơl at bồ ală broă jat nus he. Mơya neh tus tu bol he pal đal git lah Yàng la Bơtau at bồ, mơ Yàng gơs bơta rơdap tap sèng niam rlau jơh rài kis he dê. Broă bol he dê ò de la pơnđơl tòmpit gơnoar at bồ mơ lah dòn kơ nòm mơ jào phi ală broă Yàng in

Ngai do, ngai 22/02/2024, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Tori Troncone bơh tơnggume: JAT NÙS AÑ HALA JAT NÙS YÀNG DÊ

‘Khoai Bèp bol hi ơm hơđang trồ; sơnđan Bèp gơs sàng goh; Lơgar Bèp gơs tus; Nùs kòñ Bèp gơs di, tòm ù be trồ! ‘ (Mathiơ 6:9-10)

An pal dòp lah an gơs dô bơta os mờng crơi ngan. An kalke ngan tòm broă rơn dap tap sèng mơ ngàn tòm mai rào mơngàm. An git lah bơta hơ gơ lơh be bơr ngơl gơ la ngan, mơya ngan la be hơ. Dilah mơ ngan ò rơn dap dô bă niam, an sùm kơ lôi gơ ò geh rào goh.

Bau klau an wờng nus nhơm an. Khai sùm pơn đơl lơh jat gơnoar broă pal lơh mai rào mơ ngàn mơ an đơs.
Dơ dơ bau klau lùp an: “Oh kòn bi ơn mơ ngàn do ntềng lơi taih?”
“Ơn tềng lơi kung di sơl dilah bi go la di pal” – an os hơ be hơ. Tu hơ, an kơ lôi sơ nơng la be hơ. Mơya tu gam dô nă tòm ơdu gơm sa, an rmê sền tềng mai rào mơ ngàn mơ lùp is lah gùng dà rơn dap loiw la niam rlau jơh. Gơs dơ an ropw lòi gơ be hơ, dơ dơ am tòm gơl tiah ơm dô êt phan dê, mơ gơs dơ tu an roh oă tu jơ nàng rơn dap jơh ală broă be lơi nàng dô bă wil tơl rlau jơh.

Digơlan ồng mò oh mi neh lơh bơta dròm be hơ mơ Yàng sơl? Ồng mò oh mi gơs tu lơi mut tòm bơta rơn dap tap sèng Yàng dê mơ pơn đơl ală broă jat nus kòn is sơl? Gơs ală tu an kơ lôi lah să tòm la cau git loh rlau jơh. An os đơs lah an dòn lah Yầng ropww ropw lơh nus kòn ring niam Yàng dê tòm ală bơta gơlik gơs gùt dar. An os đơs lah an git Yàng at bồ rài kis an jê, mơya pơndut wơl an pơn đơl tòm pit gơnoar at bồ mơ lơh nên jat nus kòn is.

Tơ nơ mơ roh jơt phuk nàng rơn dap wơl mai rào mơ ngàn he dê, an đal go lah lồi dut an kung rơnndap ală broă gơlik be sơn ròp. Hơ la cồng nha nền ngan tu an mut tòm bơta rơn dap tap sèng Yàng dê mơ tòm pìt gơ noar at bồ mơ Yàng. An neh sang sơrbì tu jơ mơ bơta pràn kơldang rờdap ală broă gèn tàng lồi dut an dòp jơh ală broă ropw ơm tềng gơ pal ơm jat nus kòn Yàng. Jat be Jơnau Yàng tòm Jơnau Pơndik 16:9 neh cih:
‘Nùs cau kơlôi lơh nền gùng lòt he; Mơya Yàng Jehôwa sơnio lam ală cơnđòa khai dê. ‘ (Jơnau Pơnđik 16:9)

Tu Yàng Jesu bơto ală cau bơ tê hò dan tòm Mathiơ tap 6, Yàng sơn tòm jơnau hòi dan Yàng dê be do:
‘Khoai Bèp bol hi ơm hơđang trồ; sơnđan Bèp gơs sàng goh; Lơgar Bèp gơs tus; Nùs kòñ Bèp gơs di, tòm ù be trồ! ‘ (Mathiơ 6:9-10)

Tòm suơn Getsemane, Kơn ràn kung hòi dan dròm be hơ wèt mơ Yàng Bèp:
“Ơ Bèp, dilah rgơi, dan lòi mơngàn do klàs bơh di Kòn; bulah behơ̆, ò di jat nùs kòñ Kòn dê, mơya jat nùs kòñ Bèp dê.” ‘ (Mathiơ 26:39)

Yàng Jesu sùm hòi dan jat nùs kòñ Bèp dê! Hơ la dô nơm bơta bơtê ring niam bơh bơta pơn dềt să mơ Bơtau Krist neh lơh krơh bol he in.

Tu hòi dan lah jat nùs kòñ Bèp dê dròm be Yàng Jesu gen tàng an jào gơ noar at bồ rài kis kòn dê Yàng in. An sang lòi nus nhơm pơn hừ să mơ nus nhơm git să tòm he loh rlau jơh”. Gen tàng, an dòn dòp lah nus kòn Yàng sum lah ring niam rlau jơh mơ an dòn kơ nòm dê nus dòn song Yàng rlau mơ ală bơta rơn dap tap sèng hala bơta kopw kòn să tòm dê.

Kòp tu kòn ai gơ noar at bồ rlau mơ lơh jat bơta rơn dap tap sèng Yàng dê, bol he pơn dềt să tus hơđap mat yàng Bèp Hơđang Trồ wèt mơ nus nhơm duh rngòy mơ hòi dan jat krơh Bơtau Krist: ‘Khoai Bèp bol hi ơm hơđang trồ; sơnđan Bèp gơs sàng goh; Lơgar Bèp gơs tus; Nùs kòñ Bèp gơs di, tòm ù be trồ! ‘

Dan jà bol he dô nùs bal tòm bơta hòi dan:
Khoai Yàng, kòn git lah kòn ò rgơi at bồ ală broă tòm rài kis kòn dê. Mìng dô nă Yàng git bơta niam rlau jơh kòn in, mơ kòn dan dòn kơ nòm dê Yàng. Dan Yàng dong kòn sang sơrbì gơnoar at bồ mơ jào phi ală broă Yàng in. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mò oh mi kòñ gơboh, lài or ồng mò oh mi pơn đơl tòm pft gơ noar at bồ mơ Yàng tòm pơnah loiw tiah? Sang sơrbì te, duh rngòt mơ jào jơh ală broă ồng mò oh mi lơh tòm tê Yàng. Hòi jà Yàng at bồ mơ lơh sir jat nus kòn Yàng hơđang rài kis he.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.