Feem ntau thaum uas peb ua tiav ib tes haujlwm lossis sib tw yeej ib yam dab tsi ces peb pheej muaj ib txoj kev xav tias “yus kuj keeb thiab!” Txawm li ntawd los, thaum txhua yam mus yooj yim, peb ho yooj yim hnov qab Tus uas pub koob hmoov rau peb. Thaum ua tsis tiav, peb mus nrhiav Vajtswv, tiamsis thaum ua tiav vam meej, peb ho hnov qab Nws. Tseeb tiag tiag tagnrho peb lub neej mus lawv tus Tswv qab puav leej yog los ntawm Nws txoj kev hlub xwb rau qhov yog tias tsis muaj Vajtswv txoj koob hmoov kev hlub, ces peb yeej ua tsis tau dabtsi.

Hnub no yog hnub10/7/2026, Kev thov Vajtswv txhua hnub thov caw ib tsoom kwvtij sawvdaws nrog kawm Vajtswv txojlus nrog tus sau Kim Naney kawm txog zaj kawm TSUAS YOG VAJTSWV KOOB HMOOV

“Kuv tus Vajtswv yog tus tsomkwm saib xyuas kuv, thiab twb yog muaj nws kuv thiaj tau nyob kaj siab lug. Nws tiv thaiv kuv ib yam li daim thaiv hniav ntaj; nws tiv thaiv kuv thiab muab kuv tso rau qhov chaw thajyeeb lug.” (2 Xamuyees 22:3)

Kiag tom qab kawm tiav đại học kuv txawm nrhiav tau tes haujlwm uas kuv ntshaw. dhau ib tug swm pab kuv, kuv thiaj tau mus ua ib tes haujlwm yog npaj cov ntsiab lus rau ib rooj haujlwm tom ntej no.

Tsis ntseeg tau tias kuv yuav tau ua tes haujlwm no. Tom qab ib lub caij kawm ntawv muaj ntau kev sim siab, tamsim no kuv tsi yog nrhiav tau yam haujlwm kuv nyiam xwb, tseem yog txais tau nyiaj hli txaus siv. Muab hais tiag tiag, kuv pib hnov tsa hwjchim rau kuv tug kheej. Kuv xav tias kuv muaj hnub no twb yog los ntawm kuv tej kev txawj ntse thiab kuv lub zog.

Muaj ib tug neeg tseem ua tiav ntau yam tshaj kuv kuj tau ntsib tej kev dag ntxias li no thiab, txawm tias sib txawv. ntawd yog Daviv. Kuv ces nyuam qhuav pib tiav kev kawm thiab pib ua haujlwm, ces vajntxwv Daviv twb mus txeeb tau ntau thaj av, ntau haiv neeg thiab dhau los yog tug huabtais muaj hwjchim meej mom tshaj lub sijhawm ntawd. Txawm peb yog leejtwg, muaj lub meej mom twg, ces yeej yuav ntsib kev dag ntxias txog kev khav theeb.

Tom qab txeeb tau ntau lub tebchaws thiab coj lub tebchaws tiaj tus, vajntxwv Daviv coj cov Yixalayees mus rau ib ntu neej muaj kev thajyeeb thiab vam meej (2 Xamuyees 21). Thaum nto npe thiab meej mom, Daviv muaj ntsej muag khav. Tiamsis Daviv tsis sau ib zaj nkauj qhuas nws tug kheej, nws sau ib zaj nkauj qhuas Vajtswv, tau sau tseg hauv 2 Xamuyees 22.

Nqe Vajluskub no qhia tawm Daviv nplooj siab saib Vajtswv los ntawm nws tug kheej. Tsis yog tsuas lees Vajtswv yog “Tus cawm dim”, yawg tseem lees tias Vajtswv yog “lub pob zeb,” “daim thaiv hniav ntaj”, “chaw nkaum” rau yawg. Tej duab no yog tej uas Daviv yeej swm vim tej no tau siv hauv kev tsov rog. Qhov no qhia tau hais tias Daviv lees paub kev thaj yeeb thiab kev muaj yeej uas yawg muaj tsis yog los ntawm yawg lub zog los tiamsis yog los ntawm Vajtswv los, thiab yawg muab kev muaj yeej thiab lub hwjchim fij rau tus Tswv uas tau ua haujlwm hauv yawg lub neej.

Thaum rov qab tig saib tagnrho yus lub neej, txij puas thaum tseem yug yaj, ntsib ntxov ntxhuav, dais nyaum, Nkauliam siab ceev, mus txog tej hnub uas raug Xa-usles caum tua, Daviv nkag siab tias txhua yam uas yawg kov yeej tsis yog yawg txhais tes thiab lub zog, tiamsis yog Vajtswv tau “xyab tes los tuav kuv” (nqe 17) thiab pub lub zog rau yawg tiv dhau tej kev txomnyem uas tib neeg yeej tiv tsis taug.

Twb yog vim li ntawd, Daviv tsis cia tej kev muaj yeej ua rau yawg khav theeb, tiamsis coj yawg mus rau kev qhuas thiab pehawm. Yawg lees tias txhua yam uas yawg muaj puav leej yog los ntawm Vajtswv kev ncaj ncees thiab Vajtswv lub hwjchim los.

Qhov no yog ib lo lus ntuas rau peb hnub no. Thaum peb qaug zog lossis ua tsis tiav, peb yooj yim mus nrhiav Vajtswv, tiamsis thaum ua tau txhua yam, peb ho yooj yim khav tias peb yog tus ua tau. Peb cia li ua cuag li txhua yam peb ua tau yog vim peb lub zog, ua rau peb hnov qab tias Vajtswv thiaj yog lub hauv paug ntawm txhua txoj koob hmoov.

Yog li, thaum tig rov qab mus saib tej uas peb ua tau, tsis txhob hnov qab qhuas Vajtswv thiab cia Vajtswv yog tus txais tau koob meej dhau ntawm tej ua peb ua thiab qhuas Nws yog tus coj peb kev. Cia li kawm ntawm Daviv: Taij thov Vajtswv txhua txhua lub sijhawm, Qhuas Vajtswv thiab lees paub tias txhua yam peb ua tau yog los ntawm Vajtswv los.

Thov caw nrog kuv peb thov Vajtswv ua ke: Vajtswv tus uas muaj kev hlub, txhua yam kuv muaj hnub no yog Koj txoj koob hmoov muab pub rau kuv. Thov Vajtswv Koj pab kom kuv tsis tsa hwjchim thaum kuv ua tiav txhua yam, tiamsis paub txhos caug tsa lub hwjchim rau Koj. Txawm thaum ua tiav lossis thaum qaug zoh, thov qhia kuv paub cia siab rau Koj, taij thov thiab qhuas Vajtswv Koj, vim Koj thiaj yog lub hauv paug ntawm txhua txoj koob hmoov hauv kuv kub neej. Kuv taij thov txhua yam los ntawm Tswv Yexus Khetos lub npe. Amees!

Ib tsoom kwvtij phoojywg, Peb yuav tsum lees paub tias Vajtswv tib leeg thiaj yog tus TSwv pub rau peb muaj sijhawm, muaj tswvyim, thiab coj peb mus dhau txhua txoj kev sim sab. Hnub no, Cia li sim xav seb sijhawm ze los no koj tau coj li cas thaum koj nto npe, ua tiav txhua yam, koj puas fij lub koob meej pub rau Vajtswv lossis koj txais txhua yam hwjchim los rau koj tug kheej? Cia li thov Vajtswv qhia tawm tej haujlwm uas koj tabtom saib koj yog tug muaj nqis tus tseem ceeb tsis yog saib Vajtswv tseem ceeb. Thiab thaum kawg, Thov Vajtswv pab koj pom tias koj yeej me heev thiab ua tsi tau txhua yam, kom koj paub txo hwjchim, ntseeg siab thiab nrog Vajtswv mus hauv txhua txoj kev.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.