Tej zaum thaum tseem me, peb kuj muaj zaum cim civ ua rau kuv raug to, tas maj nroos muab zais mus. Peb ntshai tsam niam txiv cem, ntshai tsis kam lees vim yus tsis mloog lus. Hauv txoj kev nrog tus Tswv mus kuj ib yam li ntawd, muaj tej lub sijhawm peb paub zoo yus mus yuam kev, tiamsis ho xaiv ua twjywm thiab muab zais cia. Peb pheej ua lub neej ntxiv, tshuav lub siab ho muaj tej qhov txhab yim hnub yim o tuaj tas yam uas peb xav tias me thaum no ho dhau los ua lub nra nyhav, ua rau peb tus ntsujplig qaug zog thiab nyuaj siab.

Hnub no, yog hnub 27/02/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Thomas dhau ntawm Zaj kawm TXHAIS TES KHO ZOO

“Vajtswv ua rau koj nqaij to, tiamsis nws yuav qhwv koj lub qhovtxhab; nws txhais tes nplawm koj, tiamsis nws txhais tes yuav kho koj” (Yauj 5:18)

“Sawv tus tus ho”

Txiv tuav tus riam ntevntev, maj mam cev los rau ntawm kuv txhais tes. Kuv ceeb thiab thaub rov tiamsis txiv tuav ruaj ruaj. Kuv lub plawv dhia pes poog, lub cev ntshai heev.

Txiv ntsia ntsoov rau ntawm kuv lub qhov muag thiab hais me me: “Koj sawv kom tus tus. Tib pliag xwb ces tau lawm.”

Tiamsis kuv ntshai heev. Kuv ntsiab ruaj ruaj kuv txiv txhais tes, siv zog nti tawm. Kuv tsis ntseeg. Kuv tsis kam nres tus tus. Tas, thaum tus hniav riam chwv kiag rau kuv daim tawv nqaij, kuv qw nrov nrov, kim caug ntua hauv pem teb, tes taw tshee nyho. Txiv tus riam cia li hno tob zus rau ntawm kuv ntiv tes xoo. Ntshav ntws loj heev txog qhov uas kuv ntshai. Txiv cia li tso tes.

Txhua yam xaus sai heev. Sai tshaj tej uas kuv xam.

“Yog koj tsis kam nres tus tus, koj twb tsis mob li ntawd” – txiv ua pa loj loj.

Txiv nyho hau, siv txhais tes uas nyuam qhuav muab kuv tuav ruaj ruaj ntawd los so ntshav rau kuv. Txiv maj mam nias lub qhov txhab, kuv ke ntshai kev xav paub thaum uas pom tej paug ntws hauv lub qhov txhab tawm los. Ntau heev. Thaum ntawd kuv thiaj nkag siab: txoj kev mob uas tus riam ntawd ua yeej piv tsis tau rau tej kev mob uas kuv tau tiv ntau hnub dhau los. Qhov riam hno ntawd tso kuv dim, tshem tej kua paug uas rhuav tshem kuv daim tawv tawm.

Txiv muab ntxuav huv huv, qhwv lub qhov txhab, so kuv lub kua muag, tas muab kuv puag- ib tug menyuam, ke mob, ke ntshai, ke ua siab tawv tsis ntseeg txiv. Txiv hais yau yau: “Yuav tsis mob npaum ntawd yog tias koj kam nyob twj ywm thiab ntseeg txiv.” Thiab txiv tau yog lawm.

Kuv txiv yog ib tug kws tshuaj phua tib neeg. Txiv cawm ntau tus, kho zoo ntau tus muaj qhov txhab zoo – nyhav tshaj tej uas kuv ntsib ntau zaug. Tseeb tiag, kuv txiv yog nyob hauv ntau qhov xwm tshwmsim tuaj. Ua ntej ntawd ob peb hnub, kuv txhais tes kub nyhiab vim pheej ua tej uas txiv twb tsis pub ua. Thaum txiv nug, kuv hais tias tsis ua cas. Tiamsis tseeb tiag mob heev. Kuv yuav tau muab zais mus.

Lub qhov txhab ua paug vim kuv tsis ua kom huv li txiv tau qhia. Txiv xav pab, tiamsis kuv tsis mloog lus, tub qaug, tsis xav poob sijhawm los kho vim ntshai tsam tsis tau mus ua si. Kuv hais dag tias kuv twb ua tiav lawm. Tseeb tiag… kuv kuj txhawj – txhawj raws li ib tug menyuam yim xyoo txhawj. Kuv dhia rau hauv pas dej. Ntawm kuv lub sijhawm ntawd, ces zoo li xwb txaus lawm.

Kuv nkaum txiv ntshai tsam txiv pom kuv tsis mloog lus. Tiamsis thaum kawg, kuv kuj zais tsis tau ntxiv. Lub qhov txhab yim hnub yim o, yim mob, tsis tshuav txoj kev twg dhau ntawm qhov mus nrhiav txiv.

Kuv pom tias: tag nrho tej kev mob no tej zaug yuav zam tau, yog tias thaum pib kuv kam ntseeg thiab mloog lus. Tig rov qab mus saib, kuv yeej tsis muaj dabtsi los tsis ntseeg txiv. Yawg yog ib tug neeg tu, tiv thaiv thiab kho zoo. Yawg paub thaum twg yuav muab txiav, thiab tsuas txiav feem uas cheem tsum los kho zoo xwb. Yawg tsis muaj hnub ua rau muaj qhov txhab yog tias qhov no tsis cheem tsum muaj nqis rau lwm tus. Thiab tsis muaj hnub txiav yog tsis rov qab muab qhwv.

Yog tias kuv ntseeg thiab mloog lus thaum pib, kuv yuav tsis kub nyhiab. Muab qhov mob zais yim ua rau mob nyhav xwb. Tus riam hno ntawd ua rau ntshav los ntau, vim kuv pheej nti kom dim txhais tes uas xav kho kom kuv zoo.

“vim kev haiv neeg tej kev puas tshuaj ua rau kuv quaj tu siab nrho” (Yelemis 8:21-22).

Kuj ib yam li ntawd, thaum peb tsis ntseeg thiab tsis mloog raws li Leej txiv saum ntuj tej lus ceeb toom. Peb cim civ ua rau yus muaj kev tu siab. Thaum tsis kam muab yus lub qhov txhab pub rau Vajtswv, nws yuav maj mam ua paug. Tiamsis peb muaj cuab kav coj tej qhov txhab ntawd mus cuag Vajtswv, txawm yog tej qhov txhab uas yus tsis mloog lus ua los, thiab ntseeg tias Vajtswv yuav txiav tej yam uas yus tab tom ua puas tshuaj yus lub neej.

Vajtswv yuav tsis muaj hnub chwv txog peb yog tias qhov ntawd tsis cheem tsum rau peb. Thiab tom qab ntawd, Nws yog tus kho zoo.

Hnub no, nyob hauv koj lub siab puas muaj lub qhov txhab twg cheem tsum tau kho zoo?

Hnub no, hauv koj lub siab puas muaj lub qhov txhab twg cheem tsum tau kho zoo?

“Vajtswv ua rau koj nqaij to, tiamsis nws yuav qhwv koj lub qhovtxhab; nws txhais tes nplawm koj, tiamsis nws txhais tes yuav kho koj” (Yauj 5:18).

Thov caw nrog kuv peb thov Vajtswv ua ke: Leej Txiv tus muaj kev hlub, kuv thov muab kuv lub neej fij rau cov neeg muaj lub qhov txhab uas kuv tau coj nrog kuv ntev loo los. Thov zam txim rau kuv txhua zaug uas kuv xaiv ua twj ywm pauv qhov uas mus nrhiav Vajtswv. Thov Vajtswv chwv txog tej qhov chaw hauv kuv lub siab tab tom mob thiab qaug zog. Thov tshem tej yam uas ua puas tshuaj rau kuv, thiab kho zoo kuv raws li Leej txiv siab nyiam. Nyob rau Leej Txiv lub sijhawm. Kuv thov muab rov rau leej txiv tej kev mob uas kuv kho tsis zoo. Kuv thov hauv Tswv Yexus Khetos lub npe, Amees.

Cov kwv tij, hnub no Vajtswv chwv txog tej qhov txhab uas kuv zam tsis dhau. Kev kho zoo tshwm los thaum peb nres twjywm, tsis zais cia, thiab muab rau tus uas paub zoo dua peb pab. Thaum peb tsis nti, tsis ntshai thiab xaiv ntseeg Vajtswv, lub qhov txhab o ntawd thiaj yuav tau muab ntxuav, muab qhwv los ntawm Leej txiv txhais tes. Hnub no, koj puas ua twj ywm nyob hauv Vajtswv txhais taw thiab cia Vajtswv ua haujlwm kho zoo hauv koj lub neej?

Hnub no 27/2 kuj yog hnub uas cov kws tshuaj nyob hauv Vietnam, kev thov Vajtswv txhua hnub thov xa lo lus txhawb nqa rau cov neeg tab tom ua haujlwm hauv tsev tshuaj. Thov Vajtswv foom hmoov rau tej haujlwm ua kom muaj nqis, foom hmoov rau cov neeg muaj mob tau txais kev kho zoo. Vajtswv tej lus nthuav tawm rau peb tias Tswv Yexus yog tus kws tshuaj zoo, thiab peb txhua tus cheem tsum Nws. Saib rau Tswv Yexus, mus cuag Nws los ntawm txoj kev ntseeg txais yuav kev cawmdim thiab tau kho zoo ntawm Vajtswv los.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.