Peb pheej xav kom txhua txoj kev sib raug zoo uas peb suav tias tseem ceeb nws loj hlob. Thiab txoj kev sib raug zoo uas tseem ceeb tshaj plaws yog txoj kev sib raug zoo ua ke nrog Leej Txiv saum ntuj. Tiamsis txawm yog nyob hauv txoj kev sib raug zoo twg los ob tog yuav tsum siv sijhawm thiab siv zog kom thiaj loj hlob. Yim muaj txoj kev sib raug zoo tob nrog Vajtswv, koj yuav yim ntshaw kom tau Nws, thiab yuav yim paub nws ntau txhua hnub.

Hnub no, yog hnub 16/07/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Michael Plemmons dhau ntawm Zaj kawm KOM KUV PAUB VAJTSWV.

“Tsis yog kuv suav hais tias tej ntawd tsis muaj nqis xwb, tiamsis yog txhua yam huv tibsi, rau qhov kuv xav tau yam uas muaj nqis heev dua tej ntawd; yam uas kuv xav tau ntawd yog qhov uas kuv xav muab siab npuab Yexus Khetos tus uas yog kuv tus Tswv heev dua yav tas los” (Filipis 3:8a).

Peb yeej ntshaw kom txais tos ib hnub tshiab los ntawm lub siab nrhiav Vajtswv kev tshwm ntsej muag thiab Leej Txiv saum ntuj ua tus coj kev. Vim li cas peb ho yuav tau nrhiav Nws txhua hnub? Tej zaug koj thiab kuv puav leej pom tias muaj ntau yam tsis tab pov nyob rau hauv lub neej tiam no. Txoj kev ua lag luam poob nqi li no txawm yog tib neeg yuav siv zog npaum cas los txhua yam nws yeej yuav tsis zoo li yav dhau los lawm. Ib sab ntawd, peb yuav ntsib kev tsov rog, dejnyab, toj pob, kev tshaib kev nqhis nyob txhua qhov. Yog li, tshaj txhua yam, ntawm no yog lub sijhawm uas peb yuav tau nrhiav Vajtswv “thiab nyob tso siab hauv Nws.”

Peb cheem tsum Vajtswv nthuav tawm Vajtswv lub tshwjchim tshiab nyob rau lub neej ntxhov nyho tamsim no kom peb tuav rawv txoj kev cia siab rau ntawm Nws. Nyob rau lub sijhawm yuav kawg, Vajtswv tab tom nqua hu Yexus Khetos Pawg Ntseeg cia los cuag Nws kom thiaj yuav paub Nws. Thaum Vaj Ntsujplig nthuav tawm hauv peb lub siab paub txog Vaj Leej Txiv, qhov ntawd yuav coj txoj kev hloov pauv dua tshiab thiab pab kom Pawg Ntseeg huam vam tuaj. Tiamsis peb yuav tau cim civ nug tias nrhiav Vajtswv los ntawm lub homphiaj li cas. Muaj ntau yam hais txog Vajtswv nws nyob siab tshaj peb txoj kev nkag siab. Vim Nws yog tus Vajtswv muaj hwjchim, tshuav peb tsuas yog tej nyuag me me uas Vajtswv tsim los xwb, yog li peb thiaj yuav tsis nkag siab txog Vajtswv tag nrho.

Vim li cas tus Vajtswv dawbhuv ho nqua hu kom peb cia li los cuag Nws? Txawm yog muaj ntau yam hais txog Vajtswv peb tsis paub tag nrho los qhov ntawd tsis tau txhais tias Vajtswv tsis xav qhia Nws tus kheej rau peb. Vajtswv nqua hu kom peb cia li los cuag Nws kom peb thiaj yuav saj tau Nws txoj kev hlub thiab thiaj paub Nws lub siab. Peb yuav tsis paub Vajtswv tag nrho; tiamsis yuav tau paub qhov no: Vajtswv yog kev hlub, nyob rau ntawm leej twg tab tom ntshaw ces Vajtswv yuav nthuav Nws tus kheej qhia rau dhau los ntawm txoj kev qhia paub saum ntuj. Vajtswv txoj kev txawj ntse loj tshaj tib neeg kev xav, tiamsis Vajtswv muab yam ntawd tso rau hauv peb lub siab kom peb txawj totaub. Thaum peb tseg sijhawm pub rau Vajtswv, ces kev hlub thiab kev ntseeg yuav hloov pauv peb sab hauv.

Vajtswv cov tub txib, Vajtswv tab tom nqua hu peb los cuag Nws. Txhob hnov qab tias txoj kev sib raug zoo li no yuav hloov pauv koj tus kheej thiab lub ntiajteb no. Nyob rau tiam uas muaj ntau txoj kev txawj ntse li no peb yuav yooj yim raug nqus los mus rau tej xov xwm sab nraud. Tiamsis txoj kev ntshaib nqhis kom paub Vajtswv yog ib yam cheem tsum uas txhua tus ntseeg Vajtswv yuav tau paub. Los ntawm txoj kev ntshaw ntawd, peb thiaj muaj zog tuav txoj kev sib raug zoo ua ke nrog Vajtswv dhau los ntawm nyeem Vajtswv txojlus, thov Vajtswv. Thiab tus phooj ywg, peb muaj txoj kev tso siab rau hauv Vajtswv tias Vajtswv yuav qhia peb thiab coj peb nyob hauv lub neej no.

“Peb cia li ua Vajtswv tus uas yog peb tus Tswv Yexus Khetos Leej Txiv tsaug! Vim peb nrog Yexus Khetos koom ib txojsia, Vajtswv thiaj li foom ib puas tsav yam koob hmoov saum ntuj ceebtsheej los rau peb.” (Efexaus 1:3).

Thov caw nrog kuv peb thov Vajtswv ua ke:
Tus Tswv, peb xav kom tau paub koj. Kuv xav kom paub koj zoo dua txhua hnub. Tsis yog ib zaug xwb, tsis yog tej yam uas peb ntsib dhau yav dhau los, tiamsis yog txoj kev lees paub tshiab txhua hnub. Thov Vajtswv qhia kuv, coj kuv. Thov Vajtswv koj lub muab lub siab ntshaw tso nyob hauv kuv ntau txog qib uas kuv yuav nrhiav koj txhua hnub. Tseeb tiag tus Tswv, txoj kev paub koj tseem ceeb dua ntais, vim Koj yog kuv tus Tswv Cawm Seej thiab kuv hlub koj. Kuv thov hauv Tswv Yexus Khetos lub npe. Amees.

Cov kwv ti, cia siab tias Vajtswv txojlus hnub no yuav txhawb kom peb tseg sijhawm los nrhiav Vajtswv txhua hnub. Txoj kev nrog tus Tswv mus tsuas yooj yim yog nyob hauv txoj kev sib raug zoo ua ke nrog nws xwb, tau Nws cob thiab hloov pauv, kom txhua hnub peb yim paub Vajtswv zoo. Cia siab tias Vajtswv yuav los thiab nrog peb txhua tus nyob ntawm peb qhov chaw uas peb tseg nrog Nws nyob ua ke.
Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.