Koob tsheej Tswv Yexus yug luag piv zoo li yog lub caij ntawm txoj kev zoo siab, kev hlub thiab kev cia siab. Tiamsis nyob ntawm qee tus, ntawd ho yog lub sijhawm nyuaj siab thiab poob lawm qee yam. Ib puas ncig ntawm tej kev zoo siab ntawd tiamsis peb yeej pom yus nyob ib leeg. Tej kev xav txog yus tej txheeb ze tau tuag lawm, tej qhov chaw uas tsis muaj dabtsi txhawm tau ua rau peb hnov ntxhov siab. Tiamsis twb yog nyob rau tej lub sijhawm muaj kev nyuaj siab li ntawd, peb ho nrhiav tau kev txhawb zog los ntawm Tswv Yexus los – tus uas tau los rau hauv ntiajteb ris tib neeg tej kev mob.

Hnub no, yog hnub 28/12/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Schultz dhau ntawm Zaj kawm TUS TSWV THOV PAB KUV THIAB OS!

“Nws raug kev txomnyem thiab nyiaj rawv txojkev mob; tsis muaj leejtwg yuav tig saib nws. Peb tsis quavntsej nws ib yam li nws tsis tsimtxiaj dabtsi” (Yaxayas 53:3).

“Pab niam thiab os” – tsis paub kuv twb mloog lo lus no ntau zaug thaum tseem yau. Kuv niam ib leeg tu kuv loj hlob thiab lo lus nug no zoo li ib lub ntsiab lus pheej hais mus hais los nyob rau lub sijhawm ntawd. Tej zaug yog kuv pab niam nqa khoom nraum tsheb los tsev, thiab tej zaug yog ntxuav tsev da dej, tais ris tsho, ntau zaug tseem pab hloov ris rau kuv tej nus.

“pab niam thiab” – cov lus no zoo cuag li twb ploj hauv kuv lub hlwb zuj zus lawm, txog rau ib hmo, thaum kuv zaum saib zaj movies koob tsheej Tswv Yexus yug. Nyob hauv zaj movies, leej niam zaum ntawm kuv tus tub ib sab, tig nruab qaum rau ntawm nws, thiab hais tias: “Pab niam thiab” tus metub ntawd mloog niam lus muab txoj hlua hle los thiab cev rov qab rau pog.

Tamsim ntawd, muaj txoj kev mob siab zoo li ib tug hmuv nkag siab kuv lub plawv. Qhov no ua rau kuv nco txog muaj ntau zaug kuv niam thiab kuv tau koom ua tej haujlwm no. xav tsis thoob, kua muag cia li ntws ntawm kuv niam ob sab plhu. Kuv niam twb mus nrog Vajtswv nyob tau kaum xyoo lawm, tiamsis nyob rau lub sijhawm ntawd, txoj kev mob no rov qab ncig los txog, puv npo hauv kuv lub siab.
Yog tias koj tab tom ris tej kev mob puas tshuaj nyob rau hauv tej zaj nkauj koob tsheej Tswv Yexus yug thiab tej kev zoo siab ib ncig; yog ua koob tsheej nco txog tej hnub dhau los thiab tej hnub uas tseem yuav los txog ua rau koj pom tias cuag li koj tab tom raug khi rau hauv txoj kev khuv xim, ces cia li tig mus ntsia. Lub sijhawm no nws muaj ib yam zais cia yuav pab tau koj tiv dhau tej kev nyuaj siab kev qaug zog thiab kev txomnyem.

Yam zais cia ntawd yog lub ntsiab lus tiag ntawm koob tsheej Tswv Yexus yug! Nws yog zaj xwm txheej nyob hauv lub dabzaub nyob ib leeg, nyob ntawm ib qhov chaw deb deb twb tshwm sim ntev heev los lawm. nyob rau qhov chaw ntawd tus Cawm Seej uas cawm tag nrho lub ntiajteb tau yug los, thiab Nws kuj yog koj tus Cawm Seej. Nws twb los rau hauv lub ntiajteb kom koj thiaj nrhiav tau kev cia siab nyob hauv tej kev nyuaj siab, kev kaj siab ntawm tej cua daj cua dub, thiab txoj kev hlub uas tsis muaj hnub tso koj tseg, txawm yog lub ntiajteb tab tom tsis muaj kev zoo siab.

Vajluskub sau tseg tias: “Peb saib tsis taus nws thiab muab nws tso povtseg, nws raug kev txomnyem thiab nyiaj rawv txojkev mob; tsis muaj leejtwg yuav tig saib nws. Peb tsis quavntsej nws ib yam li nws tsis tsimtxiaj dabtsi” (Yaxayas 53:3).
Tswv Yexus nkag siab koj txoj kev nyuaj siab thiab Nws twb saj tib neeg txoj kev txomnyem lawm. Nws paub txoj kev nyuaj siab thaum uas tej neeg ib ncig sawv daws tab tom zoo siab rau lub koob tsheej. Koj muaj cuab kav quaj ntsuag nrog Tswv Yexus ua ke, tiamsis kuj nco ntsoov Nws tej lus cog tseg “Nws txojkev chim tsuas nyob ib pliag xwb, nws txojkev ua zoo nyob mus tsis paub kawg li. Thaum tsaus ntuj muaj kev quaj ntsuag, tiamsis thaum kaj ntug muaj kev zoo siab. (Ntawv Nkauj 30:5).

Tus cev lus Nehemis tau sau tias: “Ces nws txawm hais rau lawv tias, “Nej cia li rov mus tsev, noj tej nqaij rog thiab haus tej cawv qab zib thiab muab ibtxhia pub rau cov neeg uas tsis tau npaj dabtsi noj; rau qhov hnub no yog hnub uas dawbhuv rau peb tus Tswv; thiab tsis txhob nyuaj siab, vim txojkev zoo siab uas los ntawm tus Tswv twb txhawb tau nej lub zag lawm.” (Nehemis 8:10).

Yog li, txhob cia lub koob tsheej xyoo no dhau los ua ib lub sijhawm nyuaj siab vim tej kev puas tshuaj tau dhau mus lawm. cia li txais yuav txoj kev zoo siab hauv lub koob tsheej Tswv Yexus yug los rau hauv koj lub siab rau lub ntsiab lus tiag ntawm lub koob tsheej. Ib tug menyuam, ib tug Cawm Seej, ib tug phooj ywg sib txheeb nws tseem txheeb dua tej menyuam kwv tij tau los rau hauv lub ntiajteb vim koj!

Vajtswv yuav coj koj tawm hauv qhov tsaus ntuj nkag mus rau Nws qhov pom kev uas zoo kawg nkaus! Cia txhua lub teeb ntawm koob tsheej Tswv Yexus yug ntuas koj kom nco txog tej lus cog tseg ib txhis tseg rau koj: “Thaum uas ku v tu tau chaw rau nej lawm, kuv yuav rov qab los thiab tos nej mus nrog kuv nyob; kuv nyob qhov twg nej yeej yuav nrog kuv nyob qhov ntawd.” (Yauhas 14:3).

Tej zaug koj tab tom xav tias: “Hais mas yooj yim dua ua!” Yog li koj cia li xyaum ua li kuv. Saib peb tus Cawm Seej, Cawm Seej Tswv Yexus, thiab taij thov nws puag hauv nej txoj kev nyuaj siab: “Tus Tswv, thov pab kuv thiab!”

Thov caw nrog kuv peb thov Vajtswv ua ke:
Tus Tswv kuv los cuag koj ntawm lub siab nco koj tshav ntuj. Thov pab kom kuv pom koj txoj kev tshwm ntsej muag thaum uas kuv tab tom poob ntau yam nrog tej kev nyuaj siab, kuv paub tias Koj yog tus nkag siab kuv txoj kev txomnyem. Thov kom kuv lub siab yuav puv npo kev cia siab, kev kaj siab thiab koj txoj kev hlub, kom kuv tsis raug tej kev mob ntawd tswj. Thov pab kom kuv tiv dhau qhov kev tsaus ntuj thiab nrhiav tau qhov kaj nyob hauv koj txoj kev hlub. Kuv thov hauv Tswv Yexus Khetos lub npe. Amees.

Cov kwv tij txhua tus, txawm yog koj tab tom ntsib kev nyuaj siab thiab puas tshuaj ntawm lub koob tsheej no los, nco ntsoov tias Yexus Khetos twb los cuag koj. Tus Cawm Seej tau yug los rau hauv nkuaj yaj txo hwjchim, coj txoj kev zoo siab, kev kaj siab thiab txoj kev hlub tsis muaj nris los rau koj. Cia kom lub koob tsheej Tswv Yexus yug no ntuas kom koj nco ntsoov Tswv Yexus tej lus cog tseg tias:Txawm yuav muaj kev nyuaj siab ntev hauv hmo los, yuav muaj kev zoo siab thaum kaj ntug. Thiab thaum koj qaug zog, cia li los nyob hauv Vajtswv txhais tes, vim nws zoo siab hlo rub koj tes.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.