Kờp ngai, bol he pal tìp oă ngan bơta sac rwah. La cau dờn Yàng, bol he kơp kờn kis jat nùs kờn Yàng, mơya bơta bol he pal lùp is lah mbe lơi bol he git loh làng nùs kờn Yàng dê gơwèt tòm ală broă mơ bol he tìp? Mìng dờp git nùs kờn Yàng la tơl rau hala pal lơh bơta lơi tai?

Ngai do, ngai 14/01/2025, rơn dap Bơta Hòi Dan Kòp Ngai hòi jà ồng mọ oh mi kơlôi sơ-nơng Jơnau Yàng bal mơ mò Shadia Hrichi bơh tơnggume GIT NÙS KỜÑ YÀNG NEH TƠL RAU?

“Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò.” (Kôlôse 1:11)

La dồ nă cau dờn Yàng, cau lơi kung kờn kis ơn bơta gơkló Yàng in mơ lơh jat nùs kờn Yàng dê. Kờp ngai, bol he pal ai oă bơta lơh nền. Dồ ết bơta lơh nền gen buơn he in tài bơh Sră Goh neh tề lăm loh làng, bè ban tung kơnau, ban rềsar bơrnàn…

Mơya gơwèt mơ ală pơnah lơh nền ờ geh bơta tề lăm dồ bă loh làng gen mbè lơi taih? An pal tac hìu đam sơl? An pal càng rlô broă do sơl? Pal càng pà kon an dê bơtê klờng do sơl? Pal càng duh broă Yàng jơh tú tơngai sơl? Tòm sră pơyoa ồng Pol dê tus dê cau dờn tềng tiah Côlôse, ồng hòi dăn bol khai in, dan Yàng pà ai bơta git woă wil tơl bơh nùs kờn Yàng, kung bè bơta jak chài mơ àng loh bol khai in.

“Bơh oh mi mơ hòi dan ò dơh … tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.” (Côlôse 1:10)

Sền gơlơh bè buơn soh. Dilah an kờn git nùs kờn Yàng, he mìng hòi dan lơm mơ Yàng rơp ai he in git. Buơn ngan, an rgơi lơh bơta do! Mơya tú sền pơnjat, an git broă ờ di mìng kàr hớ lơm ờ. Sèng 11 pơnjat bơh jơnau hòi dan ồng Pol dê, dan Yàng ai bơta pràn nàng ală cau dờn “… geh tơl bơta ơt ơl mơ kong jai bơta bòl glar dô bă hòn chò.” (Kôlôse 1:11)

Ơm dồ ết! Ơt ơl? Kong jai? Geh gơtha la kờn kis niam nùs Yàng, an pal jơh nùs kong jai? Hala an pal nggui ơt ơl kơp gơn mơ ờ lơh bơta lơi taih? Ngan la an ờ gơboh ală bơta do!

Mơya bơta do lơh an in pal lùp is să tờm he lah: dilah an kờn kis dồ rài kis niam nùs Yàng, gơlik plai niam mơ lời wơl phan jatài ờ ồm lề, ngan an rơp chò nùs nàng ơt ơl kong jai sơl ơ? An chò nùs nàng lòt dồ nơm gùng jòng rlau mơ ết cau sac rwah, mơ ơt ơl kơp gơn cồng nha sơl ơ?

Hơ la jơnau lùp dờng màng. Bol he git lah Yàng kờn bol he kís jat nùs kờn Kơnràn dê. Bol he dờn nền lah Yàng sùm kơno iat tu bol he hòi dan dan Yàng pà ai bơta jak chài mơ àng loh. Mơya, mìng git nùs kờn Yàng lơm gen ờ hềt tơl nàng kis dồ rài kis niam nùs Yàng. dờp git mơ lơh jat nùs kờn Yàng la bar broă krơi is. Bơta do sồr bol he pal jơh nùs. Boh he neh geh tu lơi sền gó lah nùs kờn Yàng dê ờ di jat bè bơta he kơp kờn hala bơta he neh sac rwah sơl ơ?

Dilah bol he ờ chò nùs bơh bơta hơ Yàng dê, hala sền gó ờ dờp geh jơnau lơi bơh Kơnràn, gen he mhar ngan lòt jat gùng is he dê. Mơya tu hớ, ngan bol he khin cha nàng đơs lah he jơh nùs jòi jat nùs kờn Yàng dê sơl ơ? Hala bol he mìng kờn Yàng lơh nền jat bơta mơ he neh lơh nền? Ừn ngài Yàng tài bơh Yàng git bơtơ lơbơn lơnho bol he dê!

Hơ la nchi bơtài mơ ồng Pol tơng kah cau dờn ờ di mìng hòi dan nàng jòi git nùs kờn Yàng dê lơm ờ, mơya pal dờp geh gơnoar pràn, nùs ơt ơl kong jai nàng lơh jat nùs kờn Yàng dê. Mơya Jơnau Yàng ờ di mìng ơm bè hơ lơm ò. Gơnoar pràn do tus bơh tiah lơi? Mbe lơi nàng bol he dờp geh gơnoar pràn hơ taih? Ừn ngài Yàng, jơnau hơ wơl hơ la: gơnoar pràn do ờ di tus bơh bơta pràn is he dê ờ, mơya tus bơh Yàng! Ồng Pol tơngkah bol he pal càng hòi dan nàng “’Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò.” (Kôlôse 1:11)

Gen bè hớ, tu he hòi dan dan Yàng ràng tơlik nùs kờn Yàng, ban huí dan Yàng bơtơl pràn he in bơh gơnap gơnoar gơklŏ Kơnràñ dê, tồ bol he in geh nùs ơt ơl, nàng kơp gơn jơnau đơs Yàng dê mơ lơh jat nùs kờn Yàng dê. Kơp kờn ngan ồng mọ oh me bal mơ an rơp kis dồ rài kis “dipal Yàng in, niam nùs Yàng wil tơl, gơlik cồng nha tòm ală broă niam”

Dan jà bol he dô nùs bal tòm bơta hòi dan:
Khoai Yàng kờn gơboh, kon ừn ngai Yàng mơ dờn nền lah Kơnràn gơs rơndap niam rlau jơh hơđang rài kis kon dê. Khoai Yàng, dan dong kon dờp git nùs kờn Yàng dê tòm kơp ală bơta lơh nền kon dê, bulah dềt hala dờng. Dan pà kon in bơta pràn mơ nùs ơt ơl nàng kơp gơn, dờp git, mơ lơh jat nùs kờn Yàng dê, bulah broă hơ la kalke. Kon dờn nền lah, bulah tòm bơta gơlong hal kalke, Yàng rơp ơm sùm mơ kon mơ bơtơl gơnoar pràn kon in nàng kis dồ rài kis lơh àng sơnđan Yàng dê. Kon jơh nùs hòi dăn, ai sơnđăn Yàng Jêsus Christ, Amen.

Ơ ală ồng mọ oh mi kờn gơboh, la kon Yàng dê, kơp nă bol he pal dờp git nùs kờn Yàng dê mơ kung pal lơh jat broă mơ Yàng ràng tơlik bol he in. bol he mìng dờp git nùs kờn Yàng dê lơm tú bol he ơm rềp mơ Yàng tòm bơta hòi dăn, kơlôi sơ-nơng Jơnau Yàng dê kờp ngai bơh bơta tề lam Yàng Hwềng Goh dê. Tus te mơ Yàng, kơp gơn Kơnràn, kơno iat jơnau Yàng, mơ dan mơ Yàng ràng tơlik nùs kờn Yàng dê. Kung pal hòi dan dan Yàng pà ai gơnoar pràn tồ bol he rgơi ơt ơl kong jai ală bơta gơlòng gơtơn tus mơ pràn kơl dang cơn đoà lot jat nùs kờn niam mơ Yàng neh rcang sir ală kon ùr kon klau Yàng dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.