Bol he geh hoi jạ păl rcăng ală phan nàng rgơi tòmlơh mơ cau sò tơm he bơh cau sò tơm he bol khai pran ngan. Bơta bol he păl rcăng hớ la ală phan tòmlơh Yàng Tom Trồ dê. Bol he dô nus băl joi bơta gơtha kơp pơnah tom “ ală phan tòmlơh Yàng Tom Trồ “, nàng bơh hớ bol he geh rgơi mă àn mơ pha lin tom bơta tòmlơh đah hwềng nàng lơh gơklo Yàng Tom Trồ bol he dê.

Ngai do, ngai 18/01/2025, Bơta Hòi Dan Kơp Ngai dan jà ală ồng mò oh mi bơtê bal jơnau Yàng kơnòm dê bơta dong kơl bơh Kathy Schultz tơnggume:
JƠH ALĂ PHAN TÒMLƠH YÀNG TƠM TRỒ DÊ

“Behơ̆ gen ntào kơ̆ tĕ, kơt but mơ jơnau song, soh ào lòs la bơta song ring, jơng jă khŏ rcang sir bơto yal Jơnau Niam ring lơngai. Ai tĕ khèl la bơta dòn, nàng kơnòm di gơ oh mi rgơi đơp chơt jơh ală kam ồs cau iơh bơsak dê. Kung ndau tĕ sơgơn la bơta dong klàs, mơ at đào Yàng Hwềng dê, la jơnau Yàng Tom Trồ dê” ( Ephesô 6:14-17)

Gơs tú lơi oh mi kơlôi la “Phan tòmlơh Yàng Tom Trồ dê“ ngan la bơta lơi ? “Ò ơ?
An ò kơlôi bơta do la dô nơm bơta mờng òs ò găm bơta kălkle be oă cau dòn Yàng mờng kơlôbe hớ. Ngan, hớ la dô nơm pơnyô niam, mơya ăn kơlôi oă cau sền bơta hớ be dô nơm pơnyô lơm. Mơya ngan la, ăn dòn “Jơh ală phan tòmlơh Yàng tom Trồ dê” la bơta kwơ màng rài kis cau dòn Yang di.

Tòm sră pơnyoa ală cau dòn Yang tòm Ephesô, Ồng Pol neh sak rwah jơnau đơs niam mơ jat kơp pơnah phan tòmlơh băl mơ pơnah tom să jan kòn mơnus di. Tòm dô pơnah phan tòmlơh la pơnjat dô nơm jơnau song kwơ màng mơ geh gơnap gơnoar dờng. Tài bơh cau sò tom mơ he la ală bơta gơnoar mơ bơta at bộ đah hwềng, ò gơrê mơ dunnia do, gen tàng be hớ ală phan he ngùi nàng tòmlơh kung păl gơrê đah hwềng.

Lài ngan, Ông Pol bơto bol he “kơt but mơ jơnau song” ( Ephesô 6: 14) Pơnah kơt but la pơnah klung mơ tìng but, tom hớ găm ală bơta gơ rê đah ală phan sa, gùng poac mơ ală bơta gùng deh kòn. Gơ lơh be ông Pol kơp kơn đơs mơ bol he păl “nô sa” piang sa jơnau song, hớ la jơnau Yang di, tai bơh ală bơta hớ rơp drơm gòm jơi bơ tian bol he di, ală oh kòn, kòn sau mơ jơi bơ tian rài tơ nớ. Tú bol he kis mơ dòn Jơnau song Yang Tom Trồ, bol he rơp dong kơl ală sau se he di.

Tom rài ông pol di, bài kơt but gơ neh geh gơnoar dong ală pơnah ndai tờm ală phan tòm lơh gơ tòm đệt băl. Dilah cau sò tom mơ he koh bài kơt but, gen đào rơp sờ bì tom ù, mơ ào lòs kung gò kơn nap tai, gơ f tai rgoiw nàng dong kơl cau tòm soh ào tai. Kung be hớ, “Ală phan tòm lơh đah hwềng” bol he di kung kơ nờm mơ jơnau song Yang Tom Trồ di. Rlau mơ hớ, tú lơi bol he kung kơt but mơ jơnau song, gen ală bơta ơnai gơ rê mơ pơnah do gơ lơh ò rgơi tai nàng ơnai he.
Pơjat tai, bol he păl “soh ào lòs la bơta song ring” (Ephesô 6:14). Dih dô bă lơh làng la, song ring la bơta dòn mơ lơh ală broă niam mơ song. Jat be từ điển, song ring geh gơtha la “lơh broă niam mơ jat bơta boh lam dơng màng hala jat broă niam kòn mơ nus di”. Bơta “niam” mơ “song” ò di tú lơi kung drờm băl .Tom Sră Goh găm cih la, gơs gùng lot gơ lơh niam di đap mat kòn mơ nus, mơ ya tus di lồi dut gơ lam tus bơta roh rùi.

Ào lòs dong kơl nus nhờm, mơ kis tom bơta song ring ò di mìng la boat lơh nền tom bơta kơ lôi sơ nơng he di lơm ò, mơ kung la bơta lòng tiêr đah hwềng. Ào lòs gơ dong kơl pơnah nhờm kis, la tiah bol he gơs nhườm kis song ring Yang pạ ai.
Ông Pol bơto tai bol he păl cang tai “jơng jă khŏ rcang sir bơto yal Jơnau Niam ring lơngai” (Ephesô 6:15). Bơta do gơ tha la kis jat krơh Yang Jesu mơ yăl tơlik Jơnau Niam – Jơnau bơh bơta dong klas bơh mham Yang Jesu. Bol he geh hòi ja “Lọt Té” băl mơ Yang Jesu bơh bơta hok git mơ kis jat ală bơta mơ Yang neh lơh.

“Ai tĕ khèl la bơta dòn” (Ephesô 6:16) la dô bơta he rgơi wờng mơya la bơta kwơ màng. Bơta dòn la pơnah kwơ màng nàng bơt bơtào bơta gơtòmklac mơ Yang, la kai mpồng lam tus bơta dong klas, bơta sơm bời mơ bơta dô pleh bơh tồi glài. Bơta dòn dong kơl bol he klas bơh bơta tòm lơh cau sò tom mơ he.

Mơya, bơta dòn ò di là bơta ò rgơi roh rùi. Gơlơh be khel, bơta dòn gơ kung geh ròng siam mơ lơh wơl niam kơp ngai bơh bơta hòi dan, pơjum tòmklac mơ bơta sôr bơtrut bơh ală cau dòn Yang, Khel gơ be dô nơm nus nhờm dn song bol he di gơ wet mơ Bơtau – Yang Tom Trồ, mơ kung la jơnau yăl tơnggit cau sò tom in git la bol he gơ rê mơ Yàng.

Bơta dong klas la bơta bol he geh klas bơh tồi glai, bơh bơta pơngơl gơla mơ bơta kơlôi sơnơng tis, hớ la cồng nha bơh bơta he ơn bơta dòn he di tom Yang Tom trồ dô bă wil tơl. “Sơgơn bơta dong klàs” (Ephesô 6:17 ) gơ wet bơh broa bol he ơn jơh bơta kơlôi sơ nơng hơ đơm bơta gơnap gơnoar at bộ Bơtau Krist di. Tú bol he lơh bơta do, bol he găm lời bơta kơ lôi sơ nơng bol he di gơwet mơ Yang băl mơ bơta gơ noar sôr Yang neh jao bol he in.

Lồi dut la “đào Yàng Hwềng dê” (Ephesô 6: 17), hớ la Jơnau Yang di. Jơnau Yang di ò di mìng cih tòm Sra Goh mơ bol he đok, mơ la bơta kơp kờn Yang di mơ bơta hòi ja Yang Tơm Trồ di geh ràng tơlik tom rài kis bol he di bơh Yang Hwềng Goh. Đào gơ mìng la dô nơm phan tòm lơh lơm mơ ông Pol đơs tus, la phan tòm lơh he in ngùi nàng lơh jat jơnau song Yang di mơ pha lin mơ cau sò tơm he.

Ngan la bol he găm ơm tom di gul bơta tòm lơh, mơya ban rngọt. Yang Tom trồ neh rcăng bol he in ală phan tòm lơh pran kơ dăng rlau jơh nang dong kơl he. Gơs nus khin cha té, soh té ală phan tom lơh kơp ngai, tài bơh bơta pha lin neh gơ rê mơ bol he tom Bơtau krist!

Dan jà bol he dô nùs bal tòm bơta hòi dan:
Kon khoai Yang la Bơtau at bộ rài kis kon di. Kòn ưn ngai Yang neh rcăng kòn in ală phan tòm lơh đah hwêng nàng kòn in rgơi ntao kớ tom bơta tòm lơh đah hwềng do. Dan Yang tề lam kon git ngui ală phan tòm lowh đah hwêng Yang di dô bă jak chài, nang kon pha lin mơ ală ơnai cau sò tom mơ he mơ lơh gơklo Sơn đăn Kờnran. Bulah kon neh ơm tom bơta gơ long bol glar, dan Yang ai kon in bơta pran mơ nus khin cha. Kon dòn nền la tom Bơtau Krist, kon geh pha lin bơh gơnap gơnoar Yang di. Kòn ai sơnđan Yàng Jesu Krist, hòi dan mơ Yàng Bèp. Amen.

Ơ ală ồng mọ oh mi kờn gơboh, rai kis jat Yang kơp nă cau dòn Yang la dô nơm bơta tòm lơh đah hwêng, mơya bol he ò di tòm lơh dô nắ tom bơta tòm lơh do. Yang Tom Trồ neh rcăng he in ală phan tòm lơh dah hwêng nang he ntao kớ mơ pha lin.

Oh mi neh soh wil tơl ală phan tòm lơh đah hwêng sơl ơ hala găm phan lơi oh mi ò rcăng sir he in ò ơ? Găm phan tòm lơh đah hwêng lơi gơ neh lơbơn, ò tơl pran hala oh mi neh húi tom ală ngai sơlet rlau ò ơ? Bơta Hòi Dan Kòp Ngai sôr bơtrut oh mi lời té tú jơ sền wơl ală phan tòm lơh đah hwêng să tờm he di jat Jơnau Yang di. kơt but mơ jơnau song, soh ào lòs la bơta song ring, jơng jă khŏ rcang sir bơto yal Jơnau Niam ring lơngai. Ai tĕ khèl la bơta dòn, nàng kơnòm di gơ oh mi rgơi đơp chơt jơh ală kam ồs cau iơh bơsak dê. Kung ndau tĕ sơgơn la bơta dong klàs, mơ at đào Yàng Hwềng. Tài bơh lồi dut ơta pha lin neh gơ rê mơ he tòm Bơtau Krist, mơ Yang rơp lot băl mơ he tòm jơh ală bơta tòm lơh đah hwêng.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.