Tú gơtìp bơta gơlòng bòl glar, ờs mờng bol he gơlơh roh nùs. Mơya bol he rgơi sền gó broă dờng rlau mơ Yàng kờn cih hơ đăng rài kis he dê sơl ơ? Kơnràn sùm at bồ mơ ơm bal mơ bol he tòm tú jơ kalke, bòl glar rlau jơh. Mơ rài kis bol he dê la dồ pơnah ờ rgơi siơu tòm rơndap tap sèng dờng Yàng dê, nàng lơh gơklo sơnđan Yàng mơ lơh cơng bơh bơta kờn gơboh bal mơ gơnap gơnoar Yàng dê.

Ngai do, ngai 21/01/2025, rơn dap Bơta Hòi Dan Kòp Ngai hòi jà ồng mọ oh mi kờn gơboh kơlôi sơnơng Jơnau Yàng kơnờm bơh ồng Geoff Little bơh tơnggume DAN YÀNG GEH JONG RO.

“Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.” (Đơs Crih 46:10)

Ngai do, bol he dồ nùs kơlôi bal Sră Đơs Crih 46. Ală sèng Sră Goh do bè dồ jơnau tơngkah niam bơh bơta kờn gơboh bal mơ gơnap gơnoar Yàng Tòm Trồ dê. Lòt gan ală sèng Sră Goh do, ồng Davit sơnio bol he in gó dồ jơnau song kơ cê: bulah bol he tìp bơta gơlong bòl glar dờng kar lơi, gen Yàng Tòm Trồ bol he dê sùm dờng rlau mơ pràn kơldang rlau mơ hớ.

Tòm Yàng, bol he gơs bơta dờn mơ bơta lơngap lơngai. Yàng Tòm Trồ ờ di la bè dồ Bơtau ơm ngài, mơya Kơnràn sùm ơm rềp mơ bol he, sùm sền gar mơ yờ đơ bol he in dê gùl càl rbut rài kis ngai do. Ơm dồ êt, ơn nùs tồr mơ kơlôi tus dê bơta dòn song Yàng dê – Bơtau sùm lòt bal mơ bol he, bơh rài yau or, tú do mơ ală ngai pơnjat. Khà Đơs Crih 46 crap wơl bơh dồ jơnau tơngkah bềng bơta pơndờm pơniang: “Yàng Jehôwa Mpồl Ling dê ơm bal mơ bol he.”

Mơya tòm rài kis do gen mbè lơi taih? Lơh mbè loi nàng ală sèng Sră Goh do geh gơtha tòm rài kis kòp ngai bol he dê taih?

Rài kis oă dớ gơtơn tus ală broă lơh bol he in kơlôi rcang mơ roh nùs. Bè ală jền pră ngui oă rlau rơndap bơh sơnrờp. Hala gơs jơnau ờ gơ rờm bal mơ cau kiau ma. Hala jơnau hòi bơh hìu nhă lơh he in ờ suk ơm. Hala jơnau đơs tus bơta roh broă lơh, lơh he in kơlôi rcang bơh ngai rơp tus he dê. Tòm ală tú jơ bè hớ, jơnau tơngkah bơh Đơs Crih 46 gơlik gơ kwơ màng bol he in rlau jơh.

Đơs Crih 46 gơlik gơs dingan sơl ờ ơ? Bơta gơs mat Yàng Tòm Trồ dê gơ lơh bè ngài ngan mơ ờ rgơi sơmbiat prap. Tòm tú hớ, ală pơnah tòm nùs nhơm lơh he in ờ suk ơm. Bol he git bol he pal cang hòi dan. Mơ ngan bè hớ bol he pal càng nàng hòi dan. Mơya bơta hòi dan hớ ờ rgơi dờng rlau mơ bơta kơlôi rcang bol he dê. Bol he lòt tus mơ ală cau bơyô bol he dê nàng tòm boh bơr bal, lơh jơh ală broă tồ rgơi lơh nùs nhơm he dê ring lơngai. Oă dớ, bol he gơkòl bơta ơnai, hớ là jòi jat gùng is mơ gùng tìs nàng húi jơh ală broă lơh he in jê nùs. Mơya rlau mơ jơh ală broă he lơh hớ, ờ gơs broă lơi lơh he in lơngap lơngai, mìng cèng wơl he in bơta moat jrùng mơ roh nùs oă rlau tai.

Digơlan bol he neh sền Đơs Crih 46 oă dớ, mơya ngan là bol he neh ơn să he dê tòm Jơnau Yàng sơl ờ ơ? Ngan bol he neh ơn ală broă gơlik gơs tòm rài kis he dê dê gùl rơn dap Yàng Tòm Trồ dê sơl ờ ơ? Bol he ờ di mìng kis jat rơndap is he dê mơya bol he pal kah bol he la dồ pơnah tòm rơndap dờng rlau jơh Yàng Tòm Trồ he dê sơl. Mơ tú bol he sền rài kis bè hớ, jơh ală broă gơlik gơs, ală bơta kal ke tòm rài kis rơp gơlik gơs krơi is. Jơnau song do ờ di mìng tom gơl pơnah he sền gó rài kis do, mơya còn tom gơl rài kis he dê sơl.

Bol he geh crơng gơs nàng ràng tơlik bơta gơ kló Yàng Tồm Trồ dê. Bol he geh hòi jà đòm jat Yàng Jesus – Bơtau neh lòt gan jơh ală bơta gơlong bol glar – mơ neh dờp bơta chơt bòl glar hơđang chi pơng. Bơh rài kis, bơta gơlòng, bơta jê sồt mơ kis wơl Bơtau Christ dê, bol he sền gó bơta at bồ mơ gơkló Yàng Tòm Trồ dê. Mơ tòm Đơs Crih 46, bol he geh hòi jà cơn đoà mut tòm bơta at bồ hớ. Jơh rài kis, jơh bơta gơlong, bơta chơt mơ bơta kis sùm sùm bol he dê ờ di la broă is he dê ờ, mơya geh gơ rờm bal mơ broă dờng màng Yàng Tòm Trồ dê. La kon sau Yàng, bol he ờ di kis he dê lơm ờ, mơya kis nàng jong ro sơnđan Yàng dê.

Jòi té dồ bă tiah nghịt ngơt. Ơm is dồ nă, lòi să jan rlô, ơm mo mó. Mơ kơlôi tus dê gơnoar at bồ bềng lìu bơta kờn bơboh Yàng Tòm Trồ dê ơm gùt dar bol he kòp ngai, kòp jơ phuk yò đơ bol he.

Nhềm té mat tòm dồ êt. Lòi bồ tơngoh he kơlôi tus dê să tòm Yàng Tòm Trồ. dòn nền lah Yàng gơs rơndap niam tus dê ală bơta bòl glar jê sồt mơ he gơs, dòn nền Yàng rơp sơm bòi jơh, nùs nhơm he rơp bềng lìu bơta kờn gơboh Kơnràn dê. Bơta dờng màng Yàng dê, gơnap gơnoar Yàng dê, bơta jê sồt Yàng dê, bơta chơt Yàng dê, bơta kis sùm sùm Yàng dê, … jơh ală bơta do geh ràng tơlik tòm bơta kis Yàng dê. Mơ bơh rài kis bol he, ală bơta hớ kung geh ràng tơlik – jơh ală bơta do sơntờm bơh bơta kờn gơboh Yàng dê, mơ kòp ngai gam lơh cơng tus dê bơta at bồ Yàng dê.

Yàng neh phalin mơ tòm Kơnràn, bol he kung geh phalin sơl.

“Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.” (Đơs Crih 46:10)

Dan jà bol he dô nùs bal tòm bơta hòi dan:
Khoai Yàng kờn gơboh kon dê, kon ưn ngài Yàng tài bơh Yàng sùm ơm bal mơ kon bal mơ bơta kờn gơboh Kơnràn dê tòm rài kis kon. Tòm tú gơlong bol glar mơ kalke, dan Yàng dong kon dờp git lah Yàng sùm at bồ mơ gam cih dồ rơndap dờng màng hơđang rài kis kon dê. Dan rài kis kon la cơng tàng bơh bơta gơkló Yàng dê, nàng sơnđan Yàng geh jong ro. Kon jơh nùs hòi dan, ai sơnđan Yàng Jêsus Christ, Amen.

Ơ ală ồng mọ oh mi kờn gơboh, tú ơn rài kis he dê hơđang rơndap Yàng Tòm Trồ dê, bol he dờp git lah jơh bơta gơlong bol glar, jơh bơta jê sồt moat jrùng sùm gơs gơtha dờng màng bol he in, ò gơs bơta lơi gơlik gơs tòm rài kis he mơ Yàng lòi gilik ờ kwơ ờ. Bol he geh crơng gơs nàng lơh àng sơn đăn Yàng, bol he ờ di kis he in lơm ờ, mơya bol he pal kis nàng jong ro Yàng bol he dê. Kớ té nùs bơh bol he rơp phalin jơh ală bơta bòl glar kalke, tài bơh Yàng neh phalin rau. Dan Jơnau Yàng tơngkah, chồl bơtrut bol he tòm ală bơta kơlôi sơ-nơng, jơnau đơs, broă lơh bol he dê sùm jong ro Yàng, lơh àng sơn đăn Yàng ngai do mơ jơl jơh rài kis bol he dê.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.