Gùng lòt jat Yang pơndròm be dô bơta ntoat pơrlòng. Gơs ală gùng lòt bol he cơnđòa dô bă khin cha mơ pràn kơldăng ngan. Mơya kung gơs gùng mơnơm jòng jơnhoa,, gơs cal rbut dờng, mơ jơng he gơ lơh kơn jơ̆ kơn jut ngan tian gơs he mìng kòñ dơh wơl. Tòm tŭ jơ hơ̆, bơta lơi chồl bơtrut bol he kư̆ pơn jat bơta ntoat pơrlòng, cơnđòa ntoat tus di tơnggu gơ klŏ?

Ngai do, ngai 25/01/2025, Bơta Hòi Dan Kơp Ngai dan jà ală ồng mò oh mi bơtê bal jơnau Yàng kơnòm dê bơta dong kòl Shirley A. Reynolds bơh tơnggume: BAÑ RUC WƠL

“Behơ̆ gen… bol he kung pal… kơ̆ cê ntoat jat bơta ntoat pơrlòng neh ràng tơlik di đap bol he; sền song tĕ di Yàng Jesu, la Bơtau sơnròp mơ lơh wil tơl bơta dòn” (Hebrơ 12:1-2)

“ Ơ mè, ơ mè!” Kòn ur añ ji ntoat ngac mut tom hiu mơ hưh hơh ngan hoi añ, mpang tê khai sơmbat kơ̆ dô êt sră. “ Ơ mè, me cih mat kòn in nang kòn mut tom mpồl ntoat pơrlòng tòm klơng kòn di yơ!”

Ăñ sền di muh mat chò hòp ngan kòn ur añ ji mơ bàn loh làng nùs kơp kòñ geh mut tom mpồl ntoat pơrlòng gơs tiang pơnrơ tòm klờng. Añ git nền la kòn ur añ kòñ ngan, mơya tŭ sền dê să jan dềt, ò hoan dờng kòn dê , añ kơlôi lah khai rơp tìp oă bơta kalke nàng rgơi ơm wơl tòm mpồl hơ̆. Mơya tŭ geh bàn muh mat bềng bơta gơn kơp gơn kòn dê, añ ò rgơi đơs ò. Gen añ nŏ mơ đơs lah:

“ Mè rơp tap bang ki kòn in”

Lòt gan oă poh, kòn ur añ tơr yiang tơr yông bơtê pơrsrăm ntoat tơnơ̆ sir tŭ jơ bơtê tòm klờng mơ cau tề làm.

Gen tàng, ngai lòng sơn ròp kung neh tus. Ur klau añ nggùi tòm cơ nòng hơ đap bal mơ ală mè bèp ndai. Añ hòi dan is mơ Yàng tòm nùs:

“Khoai Yàng, dan bơtơl pràn jơng kòn ur kòn dê, ai pà bơta nhơm ring niam khai in. Ơ Yàng, kòn ur kòn dê dềt ngan, dềt rlau mơ ală gơp bơyô ndai khai dê. Dan Yàng lòt bal di gah kòn ur mơ dong kòl khai ngai do.”

Bơta ntoat pơrlòng sơn ròp sơn tòm. Kòn ur añ cơn đòa bal mơ ală cau ndai. Cau giám khảo yơ nha cơ mơ driau: “Rcang.. Sir…Ntoat!”

Ală cau ntoat pơrlòng ntoat dê đap, kòp nă ntoat tòm gùng is. Kòn añ gơ ruc wơl ngkòi dô êt cơn đòa. Tu lòt gìl gùng, jơh să ntoat kơldăng mơ jơh nùs jơh pràn toat tus dê tơnggu.

Cau lơh mè lơh bèp bol he kư driau dờng ngan nàng chồl bơtrut kòn he.

Bơta ntoat pơrlòng dơ̆ bar sơn tòm, añ đal git kòn añ ò hoan ngac tai. Khai nhìm kalke, muh mat tơlik bơta bòl glar ngan.

“Khoai Yàng, dan Yàng ai kòn ur kòn dê tơl bơta pràn kơldăng nàng lơh sir bơta ntoat pơrlòng!” Añ hòi dan.

Lòt gan bơta ntoat dơ̆ poh, kòn ur añ kư ơm lồi dut, mơya khai lơh nên ò ruc wơl.
Kòn ur gam ơm tòm gùng ntoat, kòp cơnđòa bol glar mơya bềng bơta lơh nền.
Gen, cau sền sơn tòm ntào, tap tê dờng, driau dờng: “Pơnđơl tai, kòn rgơi lơh sir!”

Tŭ kòn cơnđòa mut tom bơta lòng lồi, añ gŏ kòn ur nhờm dờng, dà mat gơ hor, jơng gơ pừ.

Tŭ hơ̆, an bàn bau klau an ji lot tus tơnggu. Khai lơbơn lơmbẹ chùn kơltăng pợ tê mơ đơs la:

“Ơ kon ur, kư ntoat tai, Bep ơm tềng do, mơ rơp dong kờl kon. Ban gơ ruc ơ kon!”
Kon ur an ji nhó, dạ mát gơ hor băl mơ dạ pàhal, khai đơs dờng la: “ Kon rơp tus, ơ bep!”

“Kon găm mìng dô êt mơ tus tơnggu, kon neh lơh sir!” bau klau an driau dờng.
Gen behớ… kon ur an pừ di mpang tê bèp khai di.

Jơh dô mpol ơm tềng hớ driau dờng hon chò mơ tạp tê ò jơh.

Oh mi sền Yang he di gơ lơh be cau bèp he ò ơ? An ò rgơi git kợp đợ tú Yang lơbơn lơbẹ đơs mơ an:

“Kon kứ lọt tai, bèp gă ơm tềng do. Dong kờl kon. Gen dô ngai nè kon rơp ntoat tus tơnggu”

Rài kis do gơ lơh be dô nơm gùng ntoat pơlong jòng ngan mơ oa gơ lòng bolglar. Gơs tú bol he ntoat mhar, bìng lìu bơta pran kơl dăng mơ nus kớ nền. Mơya kung gơs tú jơng bol he gơ lơh bol glar, nhờm kis gơ lơh mhar ngan, mơ he ò tơl pran nàng ntoat tai.

Mơya yang ò tú lơi lah pơrhơng he tú he gơ tup pự hala lot rơle. Yang găm ơm gơn he tềng hớ, pợ dờng tê, sôr bơtrut bol he lơh sir bơta ntoat pơlong he di.

Dợ dớ bol he gơ lơh ò tơl pran bơh àn kơn jớ bơta broă lơh, hiu nhắ, hala ală bơta tệp sột tom nus? Git Đợ dớ bol he ò gơ lơh ò tơl pran nang cơn đọa tom dô ngai pa? Mơya Yang găm ơm tềng hớ, kớ nus mơ kờn gơboh, sôr bơtrut bol he ò tú lơi sang lời he di gul bơta ntoat pơrlong do.

Lồi dút, Tú he tus tơnggu – bulah jơng găm prơm, hala dạ mát găm hor – Yang rơp wă rò he tom tê Yang di mơ đơs : “Kon neh lơh niam ngan!”

“Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he” ( Hebrơ 12:1)

“Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.” ( Mathiơ 25:23)

Dan jà bol he dô nùs bal tòm bơta hòi dan:
Khoai Yang kờn gơboh, gơs oă dớ kon gơ lơh bolglar ngan, ò tơl pran mơ kờn ruc wơl. Mơya kon git nền la Yang ơm sum mơ kon, sôr bơtrut, mơ yợ đơ kon kơp tú kon lot jat Yang. Dăn Yang ai kon in bơta pran tú kon lơbơn siou, bơtơl kon in nus khin cha tú kon rngot, kung be bơtơl kon in bơta gơn kờnòm tú kon gơplơh nus. Dan Yang bơto tơng kah kon Yang găm lot băl mơ kon jơh rài kis kon di. Kon ai sơnđan Yang Jesu krist băl mơ Yang Bèp. Amen!

Ơ ală ồng mọ oh mi kờn gơboh, oh mi găm ơm đah gùng lơi tom gùng ntoat pơrlong đah hwềng? Oh mi găm hon chò, pran kơldăng, hala oh mi găm bolglar tom bơta ntoat hớ, jơng oh mi di găm lơbơn ? Kah té la tơnggu bơta ntoat gowet mơ bol he la cau dòn Yang hớ la lơh sir gùng ntoat pơrlong kờnom di bơta dòn Tom Bơtau găm gơn he tòm tờnggu. Bulah bolglar hala ò tơl pran kar lơi, dăn oh mi ban ruc wơl. Kớ té nus mơ lot jat Yang mơ sền song di Yang , Bơtau găm pợ tê mơ kơp gơn he băl mơ phan bàn gơklo gơwet mơ ală cau loi dòn song tus di lồi.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.