Vajtswv yog tus loj, nws nyob siab tshaj tib neeg kev nkag siab. Thaum uas lees tias Nws yog tus loj, peb kuj yuav tau lees tias yus kuj tsis nkag siab tag nrho txhua yam txog Vajtswv. Txawm yog tsis paub tag nrho txog Vajtswv los, peb kuj yeej paub tias Vajtswv hlub peb thiab muaj ib lub homphiaj zoo rau peb lub neej, txawm yog tej lub sijhawm uas peb tsis nkag siab txog tej uas Vajtswv tab tom ua.

Hnub no, yog hnub 07/02/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Peter Lundell dhau ntawm Zaj kawm TUS TSWV LOJ KAWG.

“Tus Tswv hais tias, “Tej uas kuv xav zoo tsis thooj li tej uas nej xav, thiab tej uas kuv ua zoo tsis thooj li tej uas nej ua.  Lub ntuj nyob siab lub ntiajteb no li cas, tej uas kuv ua thiab kuv xav nyob siab tshaj tej uas nej ua thiab nej xav npaum li ntawd” (Yaxayas 55:8-9).

Kuv tab tom sawv ntawm lub qhov rooj kub nyob rau San Francisco, tebchaws mekas. Ntawm kuv qhov muag yog tej uas zoo kawg nkaus. Sawv ntawm txoj kev zoo nkauj ntawd, kuv cia li xav txog Vajtswv, yog tus uas loj dua txhua yam.

Nqe no ntuas kuv nco txog Vajtswv txojlus nyob hauv Yaxayas 55:8-9 “Tus Tswv hais tias, “Tej uas kuv xav zoo tsis thooj li tej uas nej xav, thiab tej uas kuv ua zoo tsis thooj li tej uas nej ua. Lub ntuj nyob siab lub ntiajteb no li cas, tej uas kuv ua thiab kuv xav nyob siab tshaj tej uas nej ua thiab nej xav npaum li ntawd”

Tus choj Cổng Vàng muaj ob tug taw loj heev tuav. Ntawm cov ncej txheem ntawd muaj cov hlua loj heev dauv los tuav tus choj. Qhov tshwj xeeb yog cov hlua ntawd nws tsis yog tib txo du du, tiamsis yog muaj ntau txoj sov hlau los sib cov ua ke kom ruaj. Twb yog los ntawm tej sov hlau me me no ua rau tuav tau tus choj ntawd.

Daim duab ntawd ua rau kuv xav txog qhov uas peb nkag siab txog Vajtswv. Kawm paub Vajtswv yog ib yam uas yooj yim. Tiamsis muaj ntau yam nyuaj, ntau qhov teeb meem tsis nkag siab. Muaj tej tus ntseeg lawv xav txog Vajtswv yog ib tug nyuaj dhau heev txog qhov uas hnov qab tias Tswv Yexus twb nthuav tawm txog Vajtswv yog tus nyob ze thiab yooj yim nkag siab. Tsis tas li xwb, kuj muaj tej tus neeg nws ho ua yooj yim dhau txog txoj kev kawm paub txog Vajtswv, yog li thiaj ua poob qhov tob thiab qhov zoo nkauj ntawm txoj kev ntseeg.

Tiamsis txawm yog kev kawm paub txog Vajtswv yuav nyuaj npaum twg los, tag nrho thaum kawg yeej sau zog los rau ntawm ib qhov tseeb yooj yim xwb. Tus tub txawg Karl Barth, thaum uas nws tau nug txog txoj kev kawm paub txog Vajtswv, yawg teb tias: “Vajtswv hlub kuv, kuv zoo siab heev. Vajluskub twb nthuav qhia paub lawm”.

Qhov nyuaj nyob sab hauv tej uas yooj yim. Qhov uas siv zog nkag siab Vajtswv (yog yam uas peb hu ua kawm paub txog Vajtswv) nws kuj nyuaj kuj muaj qhov yooj yim. Kuj zoo li qhov uas nkag siab txog lub tsheb yeej tsis yooj yim, tiamsis yooj yim thaum uas tsuas muab yaum sij ntxig mus qhib lub tsheb.

Nyob rau tej hnub uas muaj fuab tsaus nti, peb lub qhov muag yuav ntsia tsis pom cov ncej txheem tus choj, thiab daim duab no saib cuag li tsis tseeb. Tiamsis nyob rau ntawm qhov uas tsheej txhiab tus tib neeg mus los txhua hnub, tus choj no nws tsis yog ib daim duab tiamsis yog qhov tseeb tiag. Txawm ntsia tsis pom tseeb los, peb yeej paub tias muaj cov ncej txheem nyob ntawd, yog tsis muaj cov ncej txheem, ces tus choj yuav lov.

Ib yam li ntawd, nyob hauv lub neej, muaj ntau zaug peb ntsib kev sim siab thiab teeb meem. Tej lub sijhawm li ntawd, peb muaj cuab kav nug Vajtswv lo lus nug tias “vim li cas”. Nyob rau ib qhov twg ntawd, peb yeej nkag siab tau ib feem twg, vim Vajtswv nthuav tawm qhov tseeb dhau ntawm Vajluskub, lossis ua rau peb paub dhau ntawm tej uas peb ntsib dhau hauv lub neej. Tiamsis thaum uas peb xav kom nkag siab tob dua ntxiv, peb yuav pom tias yam ntawd nws nyob deb tshaj peb tib neeg lub peev xwm. Vim Vajtswv lub tswv yim siab tshaj peb tib neeg lub thiab Vajtswv txoj kev kuj siab tshaj peb tib neeg txoj.

Zoo li tus ncej txheem tus choj thiab cov hlua tuav thaum tsaus fuab tsis pom lawm, muaj tej yam txog Vajtswv peb qhov muag ntsia tsis pom lossis tsis nkag siab tas. Tiamsis, qhov uas peb tsis nkag siab tas ntawd tsis tau txhais tias Vajtswv tsis muaj nyob. Vajtswv yeej nyob ntawd, tsuas yog nws nyob siab tshaj peb tib neeg kev nkag siab xwb. Ib yam li Vajluskub sau: “Muaj tej yam uas tus Tswv uas yog peb tus Vajtswv tsis qhia rau leejtwg paub; tiamsis nws twb qhia nws tej kevcai rau” (2 Kevcai 29:29a).

Thov caw nrog kuv peb thov Vajtswv ua ke: Tus Tswv, tus loj kawg nkaus. Thov pub kom kuv tsis muaj hnub hnov qab koj tab tom tswj saum txhua yam, nyob rau hauv tej uas loj, thiab txhua yam me me hauv kuv lub neej. Vim li ntawd, thov qhia rau kuv paub vam khom thiab muab txoj kev tso rau ntawm koj txhais tes. Kuv thov hauv Tswv Yexus Khetos lub npe, Amees.

Cov kwv tij txhua tus, Vajtswv lub siab nyiam thiab Vajtswv txoj kev siab tshaj peb tib neeg li. Txawm yog peb tsis nkag siab txog Vajtswv tas nrho los, peb paub tias Vajtswv yeej hlub peb, nyob hauv tej kev zoo siab, thiab tej kev sim siab nrog teeb meem. Yog li, tej zaug nyob rau lub sijhawm no koj tsis nkag siab tag nrho tej uas tab tom tshwmsim, tiamsis yuav tau tso plhuav txoj kev cia siab rau ntawm Vajtswv, ntseeg tias tom qab tej fuab dub hauv lub neej, peb yuav pom tau Vajtswv lub homphiaj uas Vajtswv pub rau peb lub neej.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.