Valentine twb los yuav txog, thaum uas sawv daws puav leej kub siab lug npaj khoom, npaj paj, socola rau tus neeg yus hlub, puas muaj zaum twg koj hnov tsis txaus siab lawm tau? Nyob hauv tej txis txij nkawm uas sib hlub ib ncig, txoj kev nyob ib leeeg ntawm tus neeg tsis muaj txij nkawm cuag li dhau los meej heev. Xyoo twg koj xav twj ywm tias muaj ib tug twg ntawd nco txog yus, muaj ib qhov khoom plig twg tshwj xeeb… tas rov qab yog tag kev cia siab dua ib zaug ntxiv xwb. Txoj kev xav no yeej tsis yooj yim li, tiamsis kuj yog lub sijhawm ntuas koj thiab kuv: peb yuav tau kawm txoj kev hlub yus tus kheej, vim peb sawv daws puav leej yog tus muaj nqis tau Vajtswv tsim los.

Hnub no, yog hnub 13/02/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Pat Young dhau ntawm Zaj kawm KAWM HLUB YUS TUG KHEEJ

“Kuv qhuas koj rau qhov koj thiaj yog tus uas tsimnyog sawvdaws hwm, tej uas koj ua mas kuv xav tsis thoob thiab tsis txawj piav li, tiamsis kuv paub hais tias tej ntawd yeej yog koj ua” (Ntawv Nkauj 139:14)

Muaj tej hnub xwb tim kuv cia li xav tu kuv tus kheej mentsis. Ib yam li hnub no, kuv txiav txim mus ua rau taw. Tsuas yog ib qhov haujlwm me xwb, tiamsis tsis nkag siab vim li cas ho ua rau kuv txaus siab heev li ntawd. Hnov cuag li tau lwm tus tshua txog, ua tib zoo tu yus txhais tes, ua rau kuv lub siab sib lawm ntau. Tas kuv mus spa, pw thiab muaj ib sij los rau lwm tus zuaj ib ce, pab kom kuv tshem kuv tej kev qaug zog mus. Txog hnub xaus, kuv cim civ npaj ib pluas hmo me me, nrog rau ib qhov socola uas kuv nyiam. Muaj ib rooj sib ntsib… tseg rau yus tus kheej.

Hnub ntawd yog Valentine! Lub sijhawm ua rau ntau tus tsis muaj txijnkawm zoo li kuv tsis txaus siab. Muaj tej tus lawv coj txoj kev nyuaj siab tob tob, tsuas xav kom muaj leej twg tuaj xyuas yus. Muaj tus hnov cuag li yus raug muab tso tseg, ib yam li hnub no tsuas tseg rau cov muaj txij nkawm xwb. Tshuav cov neeg tsis muaj txij nkawm ces…. Yog leej twg ntsib dhau lawm yuav nkag siab qhov kev no.
Kuv tau txomnyem rau txoj kev xav no. Muaj tej xyoo kuv yeej cia siab tias yuav txais tau ib qhov khoom plig twg uas yog lwm tus muab. Cia siab tias muaj neeg yuav yaum mus ua si. Cia siab tias xyoo no yuav tsis nyob ib leeg ntxiv. Tiamsis Vajtswv ho qhia kuv ib zaj kawm tshwj xeeb: kawm txoj kev saib taus yus tus kheej.

Kuv kuj pib pom tias yus kuj tsimnyog tau hlub, tau pab- los ntawm tus kheej. Kuv yuav tsis tas yuav zaum tos kom tau leej twg caw mus ua si, lossis muaj qhov kev xav tshwj xeeb. Pauv rau qhov ntawd, kuv pib tsim muaj txoj kev zoo siab rau tus kheej. Txog rau thaum Valentine los, kuv pib yuav ib rauv paj rau tus kheej, ntxiv rau qhov ntawd yog yam uas tsis tseg rau tus kheej.

Thiab qhov no tsis yog tsuas tshwm sim ib xyoos ib zaug xwb. Kuv kawm txoj kev twj tus kheej txhua hnub, vim Vajtswv twb ua rau kuv pom kuv yog leej twg hauv Vajtswv lub qhov muag. Kuv yog ib tug tau tsimlos zoo kawg nkaus.

Ntawv Nkauj 139:14 sau: “Kuv qhuas koj rau qhov koj thiaj yog tus uas tsimnyog sawvdaws hwm, tej uas koj ua mas kuv xav tsis thoob thiab tsis txawj piav li, tiamsis kuv paub hais tias tej ntawd yeej yog koj ua”

Mloog cuag li … nws muaj ntsis tsis tseeb. Tshwj xeeb yog cov neeg uas nyob ib leeg, ntau zaug peb yooj yim ua xyem xyav rau tus kheej qhov muaj nqis vim pheej ceev faj txog sawv daws tej qhov muag tshuaj ib ncig. Tiamsis thaum uas cia Vajtswv tej lus chwv rau hauv siab, chwv rau txoj kev uas peb ntsia pom yus tus kheej, ces qhov tseeb tiag pib txhawm zuj zus rau hauv lub hlwb, rau kev xav, thiab tag nrho txoj kev uas peb ua neej txhua hnub.

Txawm yog koj tseem hluas lossis twb laus lawm los, qhov uas nyob ib leeg tsis ua rau kom koj tsis muaj nqis npaum leej twg. Hauv Vajtswv lub qhov muag, koj yeej tseem tau Vajtswv hlub, tau Vajtswv npaj tseg ntawm ib lub homphiaj uas zoo.

Yelemis 29:11 ntuas peb tias: “Kuv tib leeg thiaj paub tej uas kuv npaj yuav ua rau nej, kuv yuav pab kom nej vammeej tsis yog ua kom nej puastsuaj, nej thiaj muaj kev cia siab rau yav tom ntej”

Thov caw nrog kuv peb thov Vajtswv ua ke: Tus Tswv, txhua zaug uas kuv nyob ib leeg, thov ntuas kom kuv nco ntsoov tias Vajtswv tsis tau muaj hnub hnov qab kuv. Thov pab kom kuv ntsia pom tus kheej dhau ntawm Vajtswv lub qhov muag hlub, tias Vajtswv tau tsim los zoo kawg nkaus, muaj nqis thiab tau Vajtswv saib taus. Thov txhawm kom puv nkaus tej qhov khoob lug hauv kuv lub siab, thiab qhia kom kuv paub tu tus kheej, paub hlub yus raws li Vajtswv txoj kev zoo. Kuv thov hauv Tswv Yexus Khetos lub npe, Amees.

Cov kwv tij txhua tus, pauv qhov uas saib tus kheej raws li ntiajteb tus tshim ntsuas lossis los ntawm lub neej txij nkawm, Yuav tau saib tus kheej raws li Vajtswv lub qhov muag. Koj yog tus neeg muaj cwjpwm zoo, muaj nqis los, koj tau Vajtswv saib taus.koj yog ib lub qe zeb uas muaj nqis, yog ib lub chaw rau khoom zoo uas Vajtswv hlub. Kav tsij txais lub neej uas koj tab tom muaj. Thov Vajtswv coj koj mus rau hauv txoj kev uas Vajtswv twb npaj rau koj lawm, nrog kev kaj siab thiab ntseeg tias koj yuav muaj txaus txhua yam nyob hauv Nws.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.