Hnub sib hlub xyoo no rov qab los txog, hnub uas ntau tus lub siab kub lug, tos ntsoov yam uas qab zib. Mus qhov twg los kuj pom puv npo tej fuab cua ntawm hnub Valentine: Socola, paj, khoom plig thiab tej daim ntawv sov siab puv npo kev hlub. Tiamsis nyob hauv tag nrho tej ntawd, ntawm no kuj yog lub caij cia rau peb maj mam thiab xav ib me ntsis: kev hlub tiag uas Vajluskub hais txog yog dabtsi? thiab qhov twg thiaj yog txoj kev hlub ua kom puv npo tib neeg lub siab, txawm yog tab tom nyob rau hauv txoj kev sib raug zoo lossis yeej tseem txhais ruam mus ib leeg?

Hnub no, yog hnub 14/02/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Maria Schleicher dhau ntawm Zaj kawm VAJTSWV KEV HLUB NTWS DHAU NTAWM PEB

“Cov phoojywg, peb ib leeg yuav tsum hlub ib leeg, rau qhov Vajtswv yog tus uas ua rau peb txawj sib hlub. Tus uas muaj kev hlub tus ntawd yog Vajtswv menyuam thiab nws yeej paub Vajtswv” (I Yauhas 4:7).

Niaj hnub nim no peb yooj yim hais tawm lo lus “hlub” tsuas yog cheem tsum ib me ntsis kev xav xwb, tib neeg kuj hu tias ntawd yog hlub. Vim li no, lub ntsiab tiag ntawm txoj kev hlub yim hnub yim ua rau nkag siab yuam kev. Ntau txoj kev sib raug zoo “mus sib ntsib” pib sai, mus deb thiab kuj sai, txawm yog ob tug neeg no yeej tsis tau muaj kev hlub tiag. Tshuav Vajtswv twb npaj tseg yuav txuas qhov ntawd kom ruaj tseg rau lub neej txij nkawm xwb (Efexaus 5:31-33).

Yog li, kev hlub tiag muaj lub ntsiab li cas? Thiab Vajluskub hais li cas txog kev hlub?

Ib daim duab hais meej meej txog txoj kev hlub tau nthuav tawm nyob hauv I Kauleethaus 13:4-8, ntu Vajluskub uas peb ib txwm swm thiab hnov nyob rau hauv tej rooj tshoob:

“Tus uas muaj kev hlub, nws ua taus siab ntev, nws muaj lub siab dawb siab zoo; nws tsis khib, tsis khavtheeb thiab tsis muab hlob; tus uas muaj kev hlub, nws tsis ua nruj ua tsiv, tsis qia dub, tsis chim sai; tsis cim ntsoov luag tej kev txhaum rau nruab siab; tus uas muaj kuv hlub, nws tsis nyiam kev phem kev qias, tiamsis nws nyiam kev ncaj kev ncees. Tus uas muaj kev hlub, nws nyiaj taus txhua tsav yam, muab siab rau ntseeg, cia siab thiab ua siab ntev mus li. Txojkev hlub yuav nyob mus ibtxhis.”

Hlub raws li Vajluskub qhia yog ib txoj kev nyuaj ua kom tau. Ntawm tus cwjpwm kev txhaum, peb pib tsis cim civ nthuav tawm txoj kev hlub ntawd. Tiamsis yog ib tug ntseeg Vajtswv, peb tsis nyob ib leeg. Vaj Ntsujplig nyob hauv peb. Nws yog tus pab peb hlub raws li tej uas Vajluskub hais txog.

Vaj Ntsujplig kuj yog kev hlub. Yauhas 3:16 hais tias Vajtswv hlub lub ntiajteb txog qhov uas pub Nws tib leeg tub, dhau ntawm Tswv Yexus txoj kev tuag thiab sawv hauv qhov tuag rov qab los, peb rov qab muaj kev sib raug zoo ua ke nrog Vajtswv dua. Ntawd yog txoj kev hlub cawmdim – kev hlub tsis yog hais ua lus xwb tiamsis tseem nthuav tawm los ntawm txoj kev muab mus txog thaum kawg.
Thiab peb kuj nthuav tawm Vajtswv txoj kev hlub cawm dim ntawd dhau ntawm uas ua zoo rau tej neeg ib ncig, dhau ntawm muab lwm tus qhov muaj nqis tso ua yus ntej, thiab zoo siab hlo zam txim ib yam li uas yus twb tau zam txim lawm (Efexaus 4:32).

Tswv Yexus hais:
“Hlub tus Tswv uas yog nej tus Vajtswv kom kawg siab kawg ntsws, kawg plab kawg plawv thiab kawg nej lub dag lub zog” (Mathais 22:37).

Ntawd yog nqe kevcai uas loj tshaj. Thiab kuj yog txoj kev hlub ntawd pab kom peb ua lub neej raws li nqe kevcai ob qhia: “Yuav tau hlub kwv tij zej zog yam li hlub yus lub cev” (Nqe 39).

Thaum uas peb muab peb lub siab fij rau Tswv Yexus Khetos, Nws pib hloov pauv peb sab hauv. Vaj Ntsujplig ua rau peb txoj kev hlub Vajtswv puv npo peb tus ntsujplig, txog qhov uas tseg tsis tau rau tus kheej lossis cim civ ntws lug los, chwv txog tej neeg ib ncig. Lub sijhawm ntawd, peb tsis hlub raws kev siv zog lossis ntawm tus kheej lub zog lawm, tiamsis hlub los ntawm Vajtswv txoj kev hlub.

Thiab thaum peb tau Vajtswv hlub lawm, ces qhia txoj kev hlub ntawd rau lwm tus, ntawd thiaj yog ib hnub Valentine tiag – ib hnub puv npo Vajtswv txoj kev hlub.

Thov caw nrog kuv peb thov Vajtswv ua ke: Tus Tswv, kuv ua Koj tsaug vim Koj txoj kev hlub loj tseg rau kuv, txoj kev hlub tsis yuav yam dabtsi thiab tsis hloov pauv. Thov pab kom kuv saj tau txoj kev hlub ntawd, kom Vajtswv txoj kev hlub hloov pauv tus neeg ntseeg Vajtswv lub siab raws li txoj kev Vajtswv hlub. Thov ntuas kom kuv nco ntsoov tias Koj yog lub hauv paus kev hlub uas zoo tshaj. Thov kom kuv hlub Vajtswv, hlub tus neeg txhaum los ntawm lub siab ua siab ntev, siab mos muag, zam txim thiab muab pub. Thov coj kuv hauv txhua txoj kev sib raug zoo, tuav kuv lub siab, thiab pab kom kuv nthuav tawm txoj kev hlub ntawd rau tej neeg ib ncig. Kuv thov hauv Tswv Yexus Khetos lub npe, Amees.

Cov kwv tij txhua tus, nyob rau hnub Valentine xyoo no, txawm yog koj tseem nyob ib leeg, lossis tab tom mus sib tham, lossis twb muaj txij nkawm lawm los, cia siab tias koj yuav saj tau txoj kev hlub loj uas Vajtswv tseg rau yus. Ntawd yog txoj kev hlub tsis hloov pauv, tsis yuam ib yam dabtsi thiab tsis muaj hnub tas. Thaum txoj kev hlub ntawd puv npo hauv siab, peb lub neej yuav hloov pauv thiab lwm tus yuav txais tau qhov ntawd dhau ntawm tes haujlwm, txhua lo lus hais. Thiab lub sijhawm ntawd, Valentine tsis yog tsuas yog hnub sib yuav xwb, tiamsis dhau los ua cov lus ntuas peb tab tom ua neej nyob rau hauv Vajtswv txoj kev hlub zoo.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.