Tib neeg leej twg twb ntshaw kev hlub. Kev hlub ua rau lub neej muaj ntau hom xim, pab kom peb hnov muaj nqis, muaj ib qhov chaw rau peb mus nyob. Tiamsis, kev hlub hauv lub neej no txawm yuav zoo npaum cas los yeej yuav muaj lub sijhawm hloov pauv, yeej tseem muaj nrim, thiab ntau zaug tseem tseg rau hauv peb lub siab tej qhov khoob lug nyuaj rau peb txhawm kom puv. Hmoov zoo ib qhov uas muaj ib txoj kev hlub uas tsis zoo li lwm txoj kev hlub. Vajtswv txoj kev hlub tseg rau peb tsis yaj, tsis nyob ntawm qhov uas peb puas tsimnyog lossis tsis tsimnyog. Ntawd yog kev hlub xub nrhiav, tiv thaiv thiab rub peb txawm yog nyob rau lub sijhawm uas peb tsis muaj zog. Thiab thaum txais txoj kev hlub ntawd, peb lub siab yuav nrhiav tau kev kaj siab uas ntiajteb muab pub tsis tau rau peb.

Hnub no, yog hnub 15/02/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Missey Butler dhau ntawm Zaj kawm KUV YOG VAJTSWV TUG.

“Nej tsis txhob ntshai, kuv yuav cawm kom nej dim. Kuv twb tuav nej npe hu nej lawm, vim nej yog kuv haivneeg” (Yaxayas 43:1

HLUB! Tsuas npaum no xwb kuj txaus rau peb luag thiab hnov lub siab rov qab sov.

Xyoo twg los kuj ib yam li ntawd, muaj ntau lo lus hlub tau muab sau cia rau hauv tej daim ntawv Valentine zoo nkauj. Tsuas yog mus rau ib lub chaw muag khoom twg xwb, koj yuav ntsia pom ib cov ntawv muab tso sab nraud zoo nkauj muaj txaus txhua hom. Tag nrho puav leej muaj xim liab, xiav ib txwm swm – tej hom xim ntawm txoj kev hlub mos muag.

Tej daim ntawv ntawd cuag li tab tom tos ib tug neeg twg ntawd kom lawv nres, muab los saib thiab cim civ nug: “Tsis paub cov lus no puas nthuav tawm yam uas yus xav xa mus rau tus neeg ntawd?” Vim tsuas yog cheem tsum ob peb nqe xwb, yog chwv raug tus neeg yus hlub lub siab, nws yuav zoo li tus “hmuv” kev hlub ya ncaj qha mus rau ntawm lawv lub siab. Tseeb tiag, tus ntxhais twg kuj yuav tsis cia hla dhau tej socola, tej paj liab lossis tej pob khoom plig kim nyiaj…. Tsuas yog hnov tus neeg uas yus hlub tiag nthuav tawm lawv txoj kev hlub xwb.

Cov neeg uas tsim tej daim ntawv zoo nkauj ntawd lawv tau siv zog tsim kom tau nthuav tawm ob lo lus hlub. Tiamsis txawm yog lawv yuav siv zog luaj twg los, kuj yuav hla tsis dhau tej lus nthuav tawm zoo nkauj uas tau muab sau cia rau hauv keeb kwm, nyob hauv Phau Yauhas:

“Rau qhov Vajtswv hlub neeg ntiajteb kawg li, nws thiaj txib nws tib Leeg Tub los rau hauv ntiajteb. Tus uas ntseeg nws Leej Tub, tus ntawd yuav tsis tuag, tiamsis yuav tau txojsia ntev dhawv mus ibtxhis” (Yauhas 3:16).

Vajtswv txoj kev hlub nrov nyob rau hauv txhua lo lus hauv Vajluskub. Vim Vajtswv yog kev hlub, Nws yog kev hlub tsis yuav yam dabtsi. tsis muaj nrim. Nws puag peb rau hauv siab thiab txhi rau peb: “Kuv hlub koj.”

Txoj kev hlub ntawd tsis yog tsuas nthuav tawm dhau ntawm lo lus cog tseg pub txojsia ib txhis xwb, tiamsis tseem nthuav tawm txhua hnub thaum Vajtswv nrog nraim peb dhau ntawm txhua txua kev. Nws ntsia pom tej kev txhawj muab zais cia, tej teev kua muag uas tsis muaj leej twg paub, tej lub sijhawm uas peb qaug zog, peb ntshai lossis hnov tias yus tsis muaj nqis. Tej lub sijhawm zoo li ntawd peb hnov cuag li yus yoj yees, Vajtswv txoj kev hlub rov qab nrov, maj mam thiab puv npo kev ua siab ntev:

“Nej tsis txhob ntshai, kuv yuav cawm kom nej dim. Kuv twb tuav nej npe hu nej lawm, vim nej yog kuv haivneeg” (Yaxayas 43:1).

Thov caw nrog kuv peb thov Vajtswv ua ke: Tus Tswv, kuv ua Koj tsaug vim Nws txoj kev hlub ruaj khov tseg rau kuv tsis muaj hnub hloov pauv. Tus Tswv! Tib neeg txoj kev hlub yeej tseem muaj ntau tus nrim, tiamsis Vajtswv txoj kev hlub puv npo kuv, yog qhov chaw uas kuv nrhiav tau qhov chaw so thiab yam muaj nqis tiag. Thov pab kom kuv qhib siab txais yuav, ntseeg thiab ua lub neej nyob hauv txoj kev hlub dawbhuv ntawd txhua hnub. Thov kom Vajtswv txoj kev hlub loj hloov pauv kuv thiab pab kom kuv paub hlub lwm tus los ntawm txoj kev hlub txo hwjchim, ncaj ncees. Kuv thov hauv Tswv Yexus Khetos lub npe, Amees.

Cov kwv tij txhua tus, koj puas xav txais ib daim ntawv kev hlub tshwj xeeb? Tseeb tiag, koj puas txais tau. Daim ntawv no tau xa mus rau koj ob txhiab xyoo dhau los, dhau ntawm Vajtswv tus tub uas yog Cawm Seej Tswv Yexus. Tsuas tshuav ib yam xwb… koj puas zoo siab hlo txais yuav? Vajtswv xav coj txoj kev hlub ntawd los rau koj, kom txhua hnub koj tau puv npo kev kaj siab thiab kev zoo siab ntawm Koj.

Thiab thaum uas peb tab tom zoo siab txais yuav Vajtswv txoj kev hlub thiab kev cawmdim zoo kawg nkaus sab nraud muaj ntau tus tib neeg yeej tseem tab tom tig mus tig los nrhiav ib txoj kev hlub tiag. Hnub no, kev thov Vajtswv txhua hnub caw sawv daws tseg sijhawm los thov Vajtswv pab rau tsev neeg, tej phooj ywg, tus neeg uas yus swm, tej txheeb ze… ib tug neeg twg ntawd uas tsis tau paub txog Vajtswv tab tom nyob hauv koj txoj kev sib raug zoo. Cia li thov Vajtswv pab thiab qhia Vajtswv txoj kev hlub rau tus neeg ntawd, kom Vajtswv txoj kev hlub dhau ntawm peb, chwv txog ib tug neeg lub neej.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.