Nyob ntawm tej kev zoo siab, nyuaj siab thiab puas tshuaj yog tej uas peb tsis muaj leej twg zam dhau nyob hauv lub neej. Thaum txhua yam zoo, zoo siab cuag li tsis muaj dabtsi. tiamsis thaum teeb meem tshwm tuaj, tiv xwb twb nyuaj, yuav hais dabtsi txog zoo siab. Tiamsis, thaum paub saib txhua yam los ntawm lub qhov muag kev ntseeg, peb thiaj yuav paub tias Vajtswv tab tom tswj thiab muaj homphiaj rau peb tej kev mob. Yog li thaum paub tej no, peb txhua tus yuav tau muaj tus cwjpwm zoo li cas thaum ntsib teeb meem?

Hnub no, yog hnub 28/02/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Micca Campbell dhau ntawm Zaj kawm ZOO SIAB HAUV KEV TXOMNYEM.

“Cov kwvtij, thaum nej raug ntau yam kev nyuaj siab, nej cia li suav hais tias yog nej tau koob hmoov zoo kawg” (Yakaunpaus 1:2)

Thaum kuv muaj 21 xyoo, muaj ib qhov kev nyuaj siab tshwm tuaj, ua rau txhua yam hauv kuv lub neej hloov pauv. Teeb meem tshwm tuaj thaum muaj ib tug kwj tse tob tob li 2 tshim ib ncig kuv tus niam laus. Thaum ntawd, kuv tus txiv tab tom siv ib hom tshuaj pleev dej tsis txhawm hauv chav hauv pem teb. Xwb tim, lub cua txias cia li qhib, ua rau cov tshuaj ntawd cig thiab tawg. Thaum kawg ua rau kuv tus txiv kub nyhiab nyhav heev. Hauv tsev tshuaj, kuv tsis paub ua li cas saib kuv tus txiv tiv tej kev mob ntawd tau yim hnub ua ntej uas nws tag sim neej. Thaum ntawd, kuv tseem hluas heev, ke ua ib leej niam, ke tsis muaj txiv. Kuv tsis paub yuav ua li cas kom tiv dhau lub caijnyoog no.

Nyob rau tej hnub tom qab ntawd, kuv nrhiav mus rau hauv Vajtswv tej lus nrhiav lo lus teb. Tiamsis thaum nyeem Yakaunpaus 1:2-4, kuv lub siab hnov nyuaj. Tej nqe Vajluskub ntawd hais tias: “Cov kwvtij, thaum nej raug ntau yam kev nyuaj siab, nej cia li suav hais tias yog nej tau koob hmoov zoo kawg. Rau qhov nej twb paub lawm hais tias yog nej ua siab ntev nyiaj tej kev nyuaj siab, ces tej ntawd yuav ua rau nej muab siab rau ntseeg ntxiv. Tiamsis nej yuav tsum ua siab ntev mus li tsis txhob tso tseg, nej thiaj yuav ua tau neeg zoo kawg nkaus, tsis muaj ib qho uas lwm tus yuav thuam tau”

Nyeem tas tej nqe no, kuv cim civ nug kev zoo siab nyob qhov twg thaum kuv nkag mus rau hauv lub chav cawm neeg thiab zeem tsis tau kuv tus txiv lawm? Nws cov tawv kub nyhiab tas, lub taub hau raug sab heev, ob txhais tes tsis nyob li qub, vim tej qhov txhab, mob txog qhov uas ua tsis tau. Yog Vajtswv txojlus hais tias peb yuav ntsib tej kev sim siab, tiamsis qhov no yuav nyhav dhau kuv lub zog.
Muaj tej qhov mob, zoo li poob tej neeg txheeb ze, poob tag nrho lub neej mus kho zoo. Tiamsis yam uas zoo siab yog nyob hauv txua kev ntawd, tib neeg rov qab nrhiav tau kev zoo siab, thiab tsis tas nyob ib txhis hauv txoj kev tag kev cia siab. Raws li lub sijhawm, kuv maj mam pom tias Vajtswv muaj cuab kav siv tej kev mob no los cob kuv lub neej, kom kuv “loj hlob, zoo, thiab tsis muaj dabtsi” ib yam li Yakaunpaus tau hais.

Yeej tsis muaj dabtsi uas yawg yuav cia li xwb tim hais tias “saib tej kev sim siab ntawd” zoo li “yog yam zoo siab” cov nyeem tsab ntawv Yakaunpaus yog cov ntseeg Yudais lawv ua neej mus nyob rau ub rau no, ntsib tej kev tsim txom, raug ua saib tsis taus, muaj tsis txaus, raug quab yuam, txog qhov uas yawg hais tias “raug sim siab ntau yam”. Ntawd yog tej kev sim siab muaj ntau, xav cuag li nws nyhav tshaj peb tib neeg yuav tiv taus. Tiamsis, yawg tsis txhawb kom lawv siv zog lossis zoo siab, tiamsis ntuas kom lawv yuav tau saib tej uas lawv txais tau thaum tiv dhau tej kev sim siab: ntawd yog tej uas lawv tau “loj hlob, dhau los zoo kawg nkaus, tsis muaj ib yam dabtsi.” Yog twb yog tej no yog tej uas ua rau peb zoo siab hauv tej teeb meem.

Ua ntej uas tej teeb meem tshwmsim tuaj, kuv lub neej cuag li zoo tsis txaus. Tom qab sib yuav, wb muaj ib tug tub. Xav tias lub neej no mus yog raws li tej uas tau npaj tseg. Tiamsis kuv ho pom tias lub neej no tsis yog thaum twg twb yog Vajtswv lub homphiaj. Vajtswv hais tias: “Tus Tswv hais tias, “Tej uas kuv xav zoo tsis thooj li tej uas nej xav, thiab tej uas kuv ua zoo tsis thooj li tej uas nej ua. Lub ntuj nyob siab lub ntiajteb no li cas, tej uas kuv ua thiab kuv xav nyob siab tshaj tej uas nej ua thiab nej xav npaum li ntawd.” (Yaxayas 55:8-9). Thaum no kuv thiaj nkag siab txog tej nqe Vajluskub no rau hmo uas kuv tus txiv tag sim neej.

Nyob rau tej hnub nyuaj siab ntawd, kuv nyob ib leeg xwb. Kuv npau taws thiab hnov cuag li raug tus Vajtswv uas yus hlub tso yus tseg. Txog rau muaj ib hmo, thaum tiv tsis taus ntxiv, kuv quaj thiab taij thov Vajtswv. Kuv nug Vajtswv: “Tus Tswv, vim li cas ho cia tej no tshwmsim los raug rau kuv?”

Txawm yog yuav ntsia tsis pom thiab chwv tsis txog Vajtswv los, kuv pom meej meej Vajtswv kev tshwm ntsej muag. Kuv tau Vajtswv tej lus ntuas kuv nyob hauv Ntawv Nkauj 139:7-8 “Kuv yuav khiav mus nkaum qhov twg thiaj khiav dim koj? Kuv yuav khiav mus nkaum qhov twg, koj thiaj tsis porn kuv? Txawm yog kuv nee mus txog saum ntuj ceebtsheej los koj yeej nyob saud, yog kuv nqis mus rau hauv tubtuag teb los koj yeej nyob hauv thiab”

Tseeb tiag Vajtswv tsis tso kuv tseg. Thiab txoj kev kho zoo thiaj pib thaum ntawd, thaum uas kuv cia Vajtswv coj kuv mus dhau tej kev tu siab, txog rau thaum kuv saj tau Vajtswv txoj kev hlub nplua mias.

Ua mus ua los, kuv lub neej thiaj dhau los tshiab zuj zus thaum uas tsom ntsoov rau Vajtswv tej lus cog tseg pauv qhov uas tsom ntsoov rau lub caijnyoog. Txoj kev mob yuam kom kuv yuav tau xaiv: lossis cia qhov kev mob ntawd muab kuv tsuam rau hauv qab, lossis xaiv ntseeg Vajtswv thiab ua lub neej mus ntxiv. Thiab kuv thiaj xaiv ntseeg Vajtswv. Loos 8:28 ntuas kuv tias: “Peb paub hais tias peb cov uas hlub Vajtswv, txawm yog peb tau zoo thiab txomnyem los Vajtswv yuav ua kom tej ntawd muaj nqis rau peb cov uas Vajtswv porn zoo hu los raws li Vajtswv npaj tseg lawm”

Kuv ntseeg tias Vajtswv tab tom siv lub caijnyoog ntawd dhau los muaj nqis rau kuv lub neej, txawm yog thaum uas txhua yam nws phem dhau heev lawm. Vajtswv hais tias Nws hlub kuv, thiab tsis muaj ib yam dabtsi yuav tav kuv tawm ntawm Vajtswv txoj kev hlub, thiab kuv xaiv ntseeg rau qhov no. Paulus hais tias: “Rau qhov kuv paub tseeb hais tias tsis muaj ib yam dabtsi yuav cais tau peb ntawm Vajtswv txojkev hlub, tsis hais tuag lossis kev ua neej nyob, cov timtswv lossis cov uas muaj hwjchim kav saum nruab ntug, nimno lossis yav tom ntej, saum nruab ntug lossis hauv nruab tivtxwv, lossis ib puas tsav yam uas yog Vajtswv tsim yeej tsis muaj ib yam dabtsi cais tau peb ntawm Vajtswv txojkev hlub uas nws pub Yexus Khetos uas yog peb tus Tswv los tuag theej peb lub txhoj” (Loos 8:38-39).

Kuv tsis ntaus nqi rau Vajtswv txoj kev hlub dhau ntawm lub caijnyoog, tiamsis yog dhau ntawm ntoo khaublig, qhov chaw uas Tswv Yexus tau tiv kev txomnyem thiab tuag vim kuv. Sijhawm tsis zoo pab kuv loj hlob, ua siab ntev thiab khov kho dua rau tej kev sim siab tom ntej. Peb tsuas nrhiav tau tej kev zoo siab nyob hauv tej kev sim siab thaum uas Vajtswv hlub yus, siv txhua lub caijnyoog los ua ko muaj nqis rau yus lub neej, hloov pauv peb kom dhau los zoo li Vajtswv tus menyuam tus yamntxwv.

Thov caw nrog kuv peb thov Vajtswv ua ke: Leej txiv tus muaj kev hlub. Nyob hauv tej kev sim siab thiab kev puas tshuaj uas ntau zaug kuv tsis nkag siab tau, thov pab kom kuv khiav mus cuag Nws, yog tus nkag siab thiab zam rau kuv tej kev txomnyem. Thov pub kom kuv lub qhov muag txhob tsom ntsoov rau lub sijhawm tsis zoo, tiamsis ntseeg rau Vajtswv txoj kev hlub thiab Vajtswv txoj kev tswjhwm. Kuv thov hauv Tswv Yexus Khetos lub npe, Amees.

Cov kwv tij, nyob hauv peb coob tug, lub neej txomnyem, muaj tsis txaus, ntau zaug nyuaj heev puas yog? Vajtswv txojlus hnub no txhawb kom peb paub tias txawm yog yuav muaj teeb meem vij puas ncig los, Vajtswv txoj kev hlub yim dhau los zoo kawg nkaus thaum peb muab kev ntseeg tso rau ntawm Vajtswv. Thiab qhov tseem ceeb yog peb xaiv tus cwjpwm, txoj kev xav, txoj kev ntsia, thiab txoj kev ua neej nyob rau lub caijnyoog nyuaj ntawd. Hnub no Vajtswv tej lus caw peb tias “yuav saib tej kev sim siab ntawd dhau los ua kev zoo siab”. Hnub no, peb puas ua raws li tej uas Vajtswv txojlus qhuab qhia? Thaum ntsib teeb meem yuav ua li cas kom peb thiaj zoo siab? Yuav tau mus nyob ze Vajtswv thiab fij rau Vajtswv tej kev txomnyem uas peb ntsib. Txhob tsuas pheej nug tias koj yuav ua dabtsi rau lub caijnyoog ntawd xwb, tiamsis yuav tau nug Vajtswv saib yuav ua dabtsi thiaj pab tau koj. Thiab yuav tau xaiv Vajtswv nrog Vajtswv tej lus. Twb yog Vajtswv txoj kev hlub yuav pab kom koj tiv dhau lub caijnyoog, pub kom koj muaj kev cia siab lossis muaj kev qaug zog, thiab kev zoo siab pauv rau kev quaj ntsuag.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.