Nyob rau tej xyoo ze ze no, cov neeg Vietnam tshwm ntsej muag rau txhua lub tebchaws. Ua neej nyob rau hauv tej kev coj noj coj ua sib txawv thiab kab lig kevcai ntawm txhua lub tebchaws yog ib qhov kev sim siab loj. Qhov uas nkag siab zoo tej kab lig kevcai thiab txojcai…. Tsis yog thaum twg twb yooj yim thiab yooj yim rau sawv daws, tiamsis coj raws li tej kevcai ntawd yuav tab pov rau tej pej xeem muaj cai nyob rau hauv lub tebchaws ntawd. Thiab ua ntej, peb yog Vajtswv cov neeg, txhua tus ntseeg Vajtswv puav lej tau hu los ua lub neej zoo li ib tug pej xeem nyob hauv Vajtswv lub tebchaws.

Hnub no, yog hnub 04/03/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm VAJTSWV NCAJNCEES

“Yeej tsis tau hlo li, tus Tswv twb qhia yam zoo rau peb lawm. Tej uas nws xav kom peb ua yog li no: ua lub siab ncaj, cog kev sib hlub kom ruaj khov, thiab ua lub neej txo hwjchim nrog peb tus Vajtswv sib raug zoo” (Mikhas 6:8).

Thaum uas tab tom khiav ceev heev raws tej tsheb sib tw khiav, kuv tus txiv tsav tsheb khov kho, kuv lub xov ntooj yoj yoj. Kuv nyeem tej xov xwm xa ntawm Nguyen Trang, tuaj yog ib tug niam hluas nyob hauv pawg kawm Vajluskub ua ke, “Niam laus, thov Vajtswv pab kuv, tag nrho kuv tsev neeg tab tom ntsib tus neeg pab hais plaub”.

Kuv pheeb rau ntawm rooj nrog txoj kev zoo siab tov sib xyaw ntxaws ua ke nrog txoj kev kub siab lug. Kuv maj mam muab lub tsom qhov rai qhib cia cua maj mam tshuab los ua rau tej hws qhuav zuj zus. Tau ob xyoos dhau los, kuv nrog tus niam hluas no khiav ntawm tej tsev cia nyiaj mus txog rau tus pab hais plaub… nrog rau tshawb txhua tsab cai kom pab nws rov qab tau cai los nyob nws lub tsev. Qi muag ib pliag, kuv tig kuv lub siab mus rau ntawm Vajtswv, thov Vajtswv ua tus tswj thiab tuaj nws tog.

Nthwv cua laj ntxiag ntawd coj kuv lub hlwb mus rau tus uas kuv tab tom hwm thiab pehawm, kuj yog tus Vajtswv uas kuv cov menyuam yog Xelaufehas lawv ntseeg siab, dhau ntawm nqe Vajluskub tau sau tseg nyob hauv phau ntawv Teev Npe 27:1-7.

Tej yam uas Vajtswv tau ua rau cov pej xeem tau 40 xyoo dhau tom moj sab qhua tej zaug nws rhau cag mus tob tob rau hauv tus mentxhais no lub siab ua rau nws ntseeg khov kho rau tus Tswv. Muaj lub siab tawv tiv dhau tej kab lig kevcai tiam ntawd, Xelaufehas cov txhais, tau Vajluskub sau tseg meej meej ib tug zuj zus, yog Malas, Nau-es, Haunkelas, Milekas thiab Tilexas. Lawv mus sawv tabmeeg Mauxes, tus pov thawj Ele-axas, cov thawj coj thiab tag nrho cov pej xeem rau ntawm tus Tswv lub tsev ntaub sib ntsib lub qhov rooj (Teevnpe 27:1b-2).

Xelaufehas cov ntxhais txoj kev ntseeg khov kho rau Vajtswv yog yam uas tau txhawb kuv thiab Nguyen Trang wb thiaj kam txhos caug rau ntawm Vajtswv ntau hnub dhau los, nthuav tej teeb meem ntawm nws tsev neeg rau Vajtswv thiab nrhiav Vajtswv ua tus coj.

Xelaufehas cov ntxhais hais meej meej: “Peb txiv tuag rau tom tiaj suabpuam lawm nws tsis muaj tub li, nws tsis koom siab nrog Kaulas cov phoojywg ntxeev siab rau tus Tswv; nws tuag vim nws tej kev txhaum nkaus xwb. Twb yog peb txiv tsis muaj ib leeg tub, yog li ntawd peb txiv lub npe txawm yuav ploj hauv haivneeg Yixalayees mus li los?” (Teevnpe 27:3-4a).

Qhov uas lawv nkag siab Vajtswv tej kab lig kevcai, ua rau Xelaufehas cov ntxhais muaj lub siab tawv sawv los tuav Vajtswv teej qub txeeg qub teg tau sam hwm khov kho tseg thiab muaj lub siab tawv khov kho rau Vajtswv txoj kev ncaj ncees.
Txua kev uas wb ib vivncaus koom siab ua ke, Vajtswv kuj dhau los ua lub teeb rau wb txoj kev. Txojcai hauv lub neej txijnkawm uas Vajtswv tsim los thaum pib tau qhib nws lub qhov muag. Nguyen Trang pom zuj zus tias, nws tau tas siab txhawb nws tsev neeg raws li tej uas nws suav tias yog kab lig kevcai zoo pub rau ib tsev neeg Vietnam. Tas muaj ntau zaug nws tau poob kua muag, Nguyen Trang muaj tej zaug tau ntxhi twj ywm tias, “kuv xav tias, coj tag nrho tsev neeg los nyob ua ke rau ib tsev ntawm lub tebchaws uas no no ces yog kev hlub, tiamsis tsis yog li ntawd os niam laus.”

Sawv ntawm qhov uas tej zaug lub tsev yuav poob rau lwm tus tes los ntawm tej kab lig kevcai uas nkawd ib niam txiv ris npe ua ke ib tug txheeb ze hauv tsev neeg ua rau nkawd raug nqus rau tej nuj nqis me mus txog tej nuj nqis loj. Nguyen Trang thiaj kawm Xelaufehas cov ntxhais, tso siab plhuav rau Vajtswv, ntseeg tias Vajtswv yuav qhib kev.

Tseeb tiag, txoj kev ntseeg rau Vajtswv tus ncaj ncees muaj kev hlub tau Vajtswv lees txais. Dhau ntawm ib qho zuj zus, txhua nplooj ntawd hauv Vajluskub, wb ib viv ncaus zoo siab heev, nyeem thiab mloog Vajtswv tej lus, Vajtswv hais rau Mauxes “Xelaufehas cov ntxhais tej lus thov yeej yog lawm; koj cia li muab tej qubtxeeg qubteg ntawm lawv txiv cov kwvtij los rau lawv. Cia lawv yuav lawv txiv tej qubtxeeg qubteg ntawd.” (Teevnpe 27:6-7).

Oh tus Tswv, koj hlub Xelaufehas cov ntxhais npaum cas. “Vajtswv yog kev hlub” (I Yauhas 4:16). Thiab ntawd yog txoj kev hlub saib taus cov ntxhais uas Vajtswv tsim los txawm yog kev coj noj coj ua, tej uas tib neeg ib txwm coj yuav muab tej kevcai ntawm lem mus tsis raws li lub homphiaj zoo uas Vajtswv tau tsim los.

Txoj kev hlub muaj nqis ntawd tau coj wb ib viv ncaus kawm mloog thiab ntseeg Vajtswv lub homphiaj yuav kho rau nws lub neej txij nkawm thiab nws tsev neeg. Hnub dhau hnub, hli dhau hli, Vajtswv coj mus rau cov neeg paub hais plaub ntug txog vaj tse, chaw cia nyiaj tas txog cov kws lij choj hais plaub. Tej qhov ci pom kev pib tshwm nyob rau hauv lub qhov tsaus ntuj nti ntawm nws tsev neeg, loj zuj zus, los txog hnub no.

Lub xov tooj tshee tshee ntawd ua rau kuv qhib qhov muag thiab pheeb rau tom ntej nyeem kom zoo cov lus xa xov “Niam laus! Haleluyas! Qhuas Vajtswv, ntaub ntawv tiav tas, wb ib niam txiv tau cai siv lub tsev lawm, thiab tej nuj nqis los wb kuj them taus nyob rau hauv ib txoj haujlwm.”

Wb tau ua siab ntev “ua tej uas ncaj ncees” ib kaujruam zuj zus, ib qhov zuj zus, raws li kab lig kevcai, kom txog hnub no, Vajtswv pub rau peb muaj kev zoo siab no. tshav ntuj ci iab ua rau kuv qi qhov muag, tiamsis nws yeej ntis tsis tau kuv txoj kev zoo siab puv npo, lub suab luag ntxhi ntawm lub ntseg muag, ci thim tim lub tsom ntawm lub tsheb tuaj.

Thov caw nrog kuv peb thov Vajtswv ua ke: Vajtswv tus uas ncaj ncees! Haleluyas! Kuv ua Koj tsaug tau hlub kuv, ib yam li koj tau hlub thiab tiv thaiv Xelaufehas cov ntxhais. Ua Tswv Yexus tsaug Vajtswv tau los “qhia rau tus raug kaw kom dim, tus dig muag rov pom kev, tus raug quab yuam tau ywj pheej; tas cia xyoo kaj siab tshwm tuaj” ua Vaj Ntsujplig tsaug, tus pab hais coj peb kev, taw kev rau peb kom paub qhov tseeb. Thov Vajtswv kuj ci rau peb kom pom kev txawj ntse nyob hauv tib neeg tej kevcai, dhau los ua cov pej xeem zoo saib taus txojcai, thiab ua ntej yog muaj lub siab mloog raws li Vajtswv tej kevcai. Kuv thov hauv Tswv Yexus Khetos lub npe, Amees.

Cov kwv tij, yog ib tug ntseeg Vajtswv, peb txhua tus kuj yog pej xeem nyob rau ib lub tebchaws twg, peb kuj tau txhawb zog kom dhau los ua cov pejxeem coj kevcai, thiab ua ntej yog Vajtswv tej kevcai. Vajtswv txojlus ntuas peb tias yam uas Vajtswv yuam, ntawd yog yam ncaj ncees, nyiam kev ua siab ntev thiab txo hwjchim ntawm Vajtswv. Txawm yog peb tab tom nyob rau qhov teeb meem twg, yog yus txhais tes ua lossis lwm tus tsim muaj, lossis tab tom ntsib kev txomnyem twg txog tej kab lig kevcai, ntseeg tisa Vajtswv tus ncaj ncees thiab hhlub. Qhia tej ntawd rau ntawm Vajtswv dhau ntawm nws tej lus ciaj sia thiab muaj hwjchi.

Mloog thiab nthuav tawm ntseeg Vajtswv tej lus cog tseg puv npo lub hwjchim tseg rau koj lub neej, thiab txhais ruam mus ncaj ncees. Tas koj yuav zoo siab saj tau Vajtswv, tus tu koj los ntawm Vajtswv txoj kev ncaj ncees.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.