Puas muaj zaum twg koj cim civ nug yus: Yog tias hnub no yog hnub kawg yus tseem muaj sia ua neej nyob, yam dabtsi hauv lub neej no thiaj tseem ceeb? Txoj kev uas koj ua lub neej txhua hnub, tej kev txiav txim uas koj tau txiav txim – tsis paub puas ua rau koj khuv xim? Thiab thaum uas koj ncaim hauv lub ntiajteb no mus, koj yuav mus rau qhov twg? Nyob hauv ntau lo lus nrov nroo ntws hauv lub neej, qhov twg thiaj hnov ib lub suab caw maj mam- caw peb los xaiv txojsia, xaiv kev zoo siab mus li.

Hnub no, yog hnub 05/03/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Eddie Jones dhau ntawm Zaj kawm LUB SIJHAWM MAJ NROOS

“Tus Tswv uas kav ib puas tsav yam hais tias, “Kuv tsis xav kom ib tug twg tuag li. Cia li tso nej tej kev txhaum tseg, nej thiaj muaj sia nyob” (Exekees 18:32).

Yeej tsis muaj leej twg yuav khiav dhau kev tuag. Tiamsis peb txhua tus txoj kev mus nws xaus txawv heev: muaj tej tus lawv tuag mus kaj siab lug, muaj tej tus tuag khuv xim, muaj tej tus cia li ua twjywm tuag mus.

Lub sij hawm no kiag, kuv tab tom zaum saum ib lub dav hlau, ya puag saum ntuj siab. Lub dav hlau ya mus ceev heev, tshuav sab hauv ntsiag to. Sab saud yog qhov chaw rau khoom. Ib sab ntawm kuv yog cov neeg uas kuv tsis tau paub dua- ib leeg nyias muaj nyias ib zaj xwm txheej, tej kev txhawj thiab nyias lub homphiaj txawv.

Lub sijhawm tos qhib lub máy tính, kuv cia li cev tes mus muab daim ntawv qhia zaum saum dav hlau kom tiv thaiv tus kheej los nyeem. Tas, nyob hauv qhov chaw ti ti ntawd, kuv pom muaj ib yam ib txwm swm heev: lub neej no zoo li txhua zaug ya dav hlau, muaj tej teeb meem maj tshwm tuaj, muaj tej teeb meem cia li tshwm kiag tsis qhia paub ua ntej. Tej lub sijhawm zoo li no, thaum twg kuj yuav muaj neeg raug hu sawv los ua qauv thiab pab lwm tus nrhiav kev tawm. Nyob hauv daim ntawv taw kev sau:

“Yog koj zaum ntawm cov rooj uas muaj lub qhov rooj qhib, tej zaug koj yuav tau txib kom qhib qhov rooj thiab pab lwm tus khiav tawm.”

Nyeem txog qhov no, kuv luag. Yog ib tug ntseeg, tsis yog thaum twg kuv twb raug hu kom dhau los ua qhov kaj coj kev, dhau los ua txhais tes pab thaum uas lwm tus ntsib teeb meem los?

“Kom ua tiav qhov haujlwm no, thov tab pov tias koj yuav ua kom tau tej haujlwm hauv qab no.”

Ua li, kuv nkag siab. Dhau los ntawm ntau hnub uas ntsib kev sim siab, lub nra tsuam nyhav thiab muaj ntau lub caijnyoog ntxhov nyho, kuv kawm tau txoj kev tswj tus kheej thaum teeb meem tshwm tuaj.

Tej haujlwm txuas ntxiv ua rau kuv xav mus tob dua:

“Zeem paub lub qhov rooj khiav tawm.”

Lub qhov rooj khiav tawm nyob saum dav hlau nws nyob kiag ntawm kuv ib sab. Tiamsis nyob hauv lub neej, kuv ntseeg tias lub qhov rooj txojsia – yog Tswv Yexus Nws nyob ze heev, thiab Nws cog lus yuav tsis tso kuv tseg.

“Zeem paub qhov teeb meem phomsij tamsim.”

Nyob saum dav hlau, qhov teeb meem phomsij tamsim ua rau cov cua kub heev, tej chav rau khoom yuav qhib, lossis tswj tsis tau. Nyob hauv lub neej, Tswv Yexus kuj ceeb toom ua ntej tias: Yuav muaj tej kev puas tshuaj uas peb tsis muaj sijhawm npaj ua ntej, tej lub sijhawm tswj tsis tau.

“Nkag siab thiab ua raws li cov tsav dav hlau kev taw qhia.”

Kuv lees tias, nyob rau zaum no, kuv muaj ob zaug nug cov ua haujlwm kom tab pov: “Puas yog kuv tsuas tau hnab nyuag tau me me no nrog ib pa dej xwb?”
Kuv txojkev ntseeg kuj ib yam. Ntau zaug kuv tig mus nug Vajtswv yog tus Tswv ntawm cov lus ciaj sia, tsuas thov Vajtswv rov qab teb Vajtswv lub siab nyiam pub rau kuv.

“Ua tus qhib kuv qhov rooj khiav tawm”

Txog qhov no nyuaj. Kuv yeej tsis tau npaj kom txhij yuav tawm, tshwj xeeb yog thaum uas nyob siab li 10.000 tshim. Tiamsis yog hais tias cheem tsum ib tug neeg xub mus qhib qhov rooj ua ntej, cia siab tias kuv muaj txaus lub siab tawv. “Ua raws li kev taw qhia”

Feem no ua rau kuv yuav tau nyho hau xav. Kuv yeej ib txwm tsis txawj ua raws li kev taw qhia, txawm yog nyob saum dav hlau lossis hauv lub neej, lossis thaum nrog tus Tswv mus. Tiamsis yog kuv tau hu los ua qauv rau lwm tus, ces kuv yuav tau rov qab kawm zaj lus mloog lus.

“Maj nroos mus rau ntawm lub qhov rooj khiav tawm.”

Ua li … tau lawm, tus Tswv. Kuv qhib qhov rooj.

“Khiav tawm ntawm qhov chaw tso siab kom deb…”

Khiav tawm lub dav hlau no. khiav tawm lub cev no. khiav tawm lub ntiajteb no. thiab tawm mus nraum zoov.

Vajtswv yeej tsis zoo siab rau txoj kev tuag. Thiab qhov tsaus ntuj ntawm txoj kev tuag yeej ib txwm yoj yees saum peb txhua tus. Peb txhawj, ntshai, nrhiav txhua txoj kev los tav hnub uas yus tuag. Tiamsis thaum kawg, peb kuj yuav tuag.

Hnub no, kuv txais tau ib tus phooj ywg tsab ntawv. Nws tab tom zaum ntawm nws txiv lub txaj kho mob. Nws sau:

“Qho zaus txiv yeej tseem nrog tau kuv hais lus, tiamsis noj tsis taus lawm. Yog li tsuas yog lub sijhawm lawm xwb. TSHWJ thaum uas Vajtswv tav. Kuv tsev neeg yeej qhib siab los txais tej ntawd! Kuv hais rau txiv tias yog txiv kov tsis yeej zaj sim “qos kua dis” ces nyuaj rau txiv yuav nrog niam txais koob tsheej Tswv Yexus yug nrog niam ua ke – niam twb tuag tau rau xyoo lawm. Txiv teb: “Xyoo no ntshai tsis tau!”

Tsis. Peb yeej tsis muaj leej twg xav tuag. Tiamsis txog thaum kawg peb kuj yuav tuag.

Ntawm kuv qhov chaw zaum, kuv ntsia ntawm txoj kev mus tom lub taub hau dav hlau, tiamsis ntsia tsis qhov chaw tsav. Tej zaug tom ntej ntsib cua, tiamsis kuv yeej tsis paub. Tej zaug kuj yog ib qhov thaiv kev tab tom tos. Kuv kuj paub tsis tau.

Tib qhov uas kuv paub yog kuv tau tso siab rau cov tsav dav hlau, ntseeg tus neeg uas tsim lub dav hlau, ib yam li cov neeg uas tau ua taw txhua feem ntawm lub dav hlau los.

Thiab nyob hauv lub neej, kuv kuj xaiv ntseeg Vajtswv – Nws yog tus tsav dav hlau, yog tus tsim kuv lub cev hauv ntiajteb no.

Kuv yeej npaj tsis tau txhij yuav tuag. Kuj zoo li lub dav hlau zaum no, peb lub neej kuj yuav muaj ib hnub yuav xaus. Thiab thaum hnub ntawd los txog kuv tsis yog tsuas xav tawm hauv qhov chaw no xwb, tiasis xav mus rau tom ntej mus rau seem uas zoo dua.

“Cia li lees txim kom nej muaj sia!” lossis kav liam. Kev xaiv nyob ntawm koj txhais tes.

“yog lawv thov kuv thiab lawv hloov dua siab, tso lawv tej kev phem kev qias tseg, ces kuv yuav nyob saum ntuj mloog lawv tej lus thov, zam txim rau lawv thiab pub lawv lub tebchaws kom rov vammeej dua” (II Xwm Txheej 7:14).

Thov caw nrog kuv peb thov Vajtswv ua ke: Tus Tswv, nyob hauv lub neej uas muaj kev txhawj txhua qhov, ntau zaug peb pheej txhawj rau lub neej kom hnub dhau hnub ua rau peb hnov qab tias peb tab tom ua neej rau yam dabtsi tiag. Muaj tej lub sijhawm peb pheej tos, ua xyem xyav rau Vajtswv lub suab caw. Thov zam txim rau kuv thiab pub kom kuv muaj lub siab mos muag, kom kuv tig los rau txoj kev uas yog txojsia uas Vajtswv yeej ib txwm ua siab ntev tso ntawm kuv xub ntiag. Hnub no, kuv xaiv lees txim kom tau nrog koj nyob ua ke mus ib txhis. Thov coj kuv mus rau txoj kev uas koj twb npaj txhij rau kuv lawm! Kuv thov hauv Tswv Yexus Khetos lub npe, Amees.

Cov kwv tij, muaj ib lo lus hais tias “Lub neej yog ib txoj kev muab rho tawm”, ib hnub dhau mus, peb txhua tus puav leej tab tom mus ib kaujruam ntxiv rau ntawm ntu xaus hauv yus lub neej, thiab ntawd yog qhov uas tsis muaj leej twg yuav zam dhau. Tiamsis muaj ib yam uas koj thiab kuv tuav tau ntawd yog: txoj kev uas peb mus hnub no, thiab tus uas peb tab tom tig mus rau. Txoj kev tuag yeej ib txwm tsis tau tsim los ua rau kom peb ntshai lossis tag kev cia siab.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj