Puas muaj zaum twg peb kub siab lug nrog Vajtswv mus… txog rau thaum uas peb txais tau yam uas peb thov? Thaum tseem muaj tsis txaus, peb nrhiav Vajtswv tsis tseg. Tiamsis, thaum peb tej lus thov tau teb lawm, thaum teeb meem tau daws, peb ho maj nroos tig rov qab mus rau yus lub qub neej, ib yam li tsis cheem tsum Vajtswv ntxiv lawm. Peb nrhiav Vajtswv tej koob hmoov uas Vajtswv pub ntau dua li uas nrhiav Vajtswv tus kheej. Tiamsis yog tsuas yog li no xwb, peb yuav hnov khoob lug, vim txojsia tiag tsuas nrhiav tau hauv Vajtswv txoj kev tshwm ntsej muag xwb.

Hnub no, yog hnub 07/03/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kathy Thomas dhau ntawm Zaj kawm NRHIAV VAJTSWV LUB NTSEJ MUAG

“Thaum koj hais tias, “Cia li los pehawm kuv,” kuv teb hais tias, “Tus Tswv, kuv yuav los cuag koj” (Ntawv Nkauj 27:8)

Hais tiag, txog rau tamsim no, “tej uas kuv tsev neeg ua tau” loj tshaj yog… yug tau ntau tus miv. Yog li, thaum uas cov menyuam lawv thov kom tseg ob peb tug menyuam miv ntxiv thiab, kuv yeej tsis hnov zoo siab. Kuv rov qab nug: “Yog li yuav tseg tus twg?” Yog li lawv thiaj nqa ib tug miv me me, plaub txho- phem txog qhov uas kuv yuav pab tsis tau.

Kuv yeej ib txwm nyiam miv. Tiamsis thaum ntawd hauv tsev twb muaj tsib tug lawm, thiab kuv yeej tsis xav muaj ib tug twg ntxiv, thaum uas tseem yog ib tug miv uas tsis zoo nkauj. Kuv hais tias “tsis tau!” tiamsis ob peb hlis dhau los, kuv pom txog ib qhov tseeb tias: yeej tsis muaj leej twg xav lees tu ib tug miv me, phem, plaub txhob li. Yog li thiaj tseg cia. Peb tis nws lub npe hu ua Snickers.

Kuv tsuas xav kom kuv yuav tau tham txog tus miv phem phem ntawd tomqab loj tuaj yuav dhau los zoo nkauj xwb. Tiamsis tsis yog li ntawd. Nws tsuas yog loj tuaj… dhau los ua ib tug miv loj cev xwb nws yeej phem li qub. Txawm li los, los ntawm ib txoj kev twg ntawd, Snickers dhau los ua tus miv uas kuv hlub tshaj.
Txhua zaug uas nqa mov mus pub cov miv noj, kuv raug vij los ntawm cov miv tshaib tshaib quaj nkig nkaug. Tiamsis tsuas yog zaub mov puv nkaus xwb, ces lawv yuav khiav mus. Tsis nti li, yeej tsis muaj tus quav ntsej kuv.

Tshwj Snickers. Nws siv zog kom tau nyob ze kuv tshaj, ntau zaug tseem nce los ntawm kuv lub tsho ntev, tsuas yog saib kuv, yog “ntsia kuv lub ntsej muag”. Lwm tus miv ces tsuas tshua txog kuv tej mov xwb. Thaum lawv tau noj lawm ces lawv khiav rov qab.

Ntau zaug kuv cim civ nug: puas yog Vajtswv kuj hnov ib yam li ntawd thaum uas txhua zaug peb mus hauv tuam tsev txhua hnub so? Peb mus coob coob, hu nkauj qhuas Vajtswv, pehawm, nthuav tawm lub siab hlub Vajtswv. Tiamsis, thaum uas Vajtswv pub yam uas peb cheem tsum peb tos ntsoov, thaum peb “lub ntim” puv, ces peb ho maj nroos tawm mus.

Tiamsis Vajtswv tos peb ntau dua li ntawd. Thiab Vajtswv tsimnyog txais tau ntau dua. Vajtswv cawm peb dim ntawm txoj kev txhaum phem, txaj muag. Txhua taig kis sawv ntxov, Vajtswv zoo siab hlo tu peb tus ntsujplig tab tom tshaib nqhis, thiab caw kom peb mus nyob ze Nws, caw kom peb mus zaum ze hauv Vajtswv txojkev tshwm ntsej muag uas muaj kev hlub. Vajtswv tos ntsoov kom peb muab tag nrho peb lub siab ntsws mus nyob ze Vajtswv, nrhiav Vajtswv lub ntsej muag. Vajtswv zoo siab hlo thaum uas peb xaiv nyob, tsuas yog peb nyiam Vajtswv txoj kev tshwm ntsej muag.

Hnub no, koj puas tau siv zog kom tau mus ze Vajtswv lawm tau? Pauv qhov uas tsuas tsom ntsoov rau tej koob hmoov Vajtswv pub, koj puas nrhiav tej koob hmoov nyob hauv Vajtswv txoj kev tshwm ntsej muag?

Tamsim no, yuav tau nres ib pliag. Cia Vajtswv tu koj tus ntsujplig tab tom tshaib nqhis. Cia li ua Vajtswv tsaug vim tej koob hmoov Vajtswv pub. Cia li mus nyob ze Vajtswv. Nrhiav Vajtswv lub ntsej muag. Txais yuav Vajtswv txoj kev hlub. Zoo siab hauv Vajtswv kev tshwm ntsej muag.

“Leejtwg thiaj mus tau rau saum tus Tswv lub roob? Leejtwg thiaj mus tau rau hauv nws lub Tuamtsev uas dawbhuv? Cov neeg uas tau mus rau hauv, yog cov ua ncaj thiab ua zoo, yog cov uas tsis pe dab tsis peb mlom lossis tsis hais tej lus tsis tseeb. Tus Tswv yuav foom koob hmoov rau lawv cov ntawd thiab yuav cawm kom lawv dim, Vajtswv yuav hais tias lawv yog cov neeg tsis muaj txim. Cov neeg no yog cov uas los cuag Vajtswv lawm, lawv yog cov uas los sawv tabmeeg ntawm Yakhauj tus Vajtswv” (Ntawv Nkauj 24:3-6).

Thov caw nrog kuv peb thov Vajtswv ua ke: Tus Tswv, thov zam txim rau kuv vim muaj ntau zaug kuv nrhiav koj tej koob hmoov ntau dua li uas nrhiav koj. Muaj tej lub sijhawm kuv los cuag koj tsuas yog vim kuv cheem tsum kev pab, tiamsis thaum uas tau txais txhua yam lawm, kuv lub siab ho tig hlo rov qab. Thov qhia kom kuv nyiam Koj kev tshwm ntsej muag heev dua li tej koob hmoov uas koj pub. Thov pub kom kuv muaj lub siab tau nyob ze koj, nrhiav koj lub ntsej muag txhua hnub, vim tsuas yog koj ib leeg xwb thiaj txaus rau kuv. Thov tu kuv tus ntsujplig uas tab tom tshaib nqhis los ntawm koj txoj kev hlub thiab kev kaj siab. Kuv thov hauv Tswv Yexus Khetos lub npe, Amees.

Cov kwv tij txhua tus, puas yog hnub no Vajtswv tab tom maj mam nug peb: “Koj puas tab tom kub siab lug nrhiav Vajtswv lub ntsej muag?” nyob hauv tej kev txhawj, nyob ntawm tej lus thov uas tseem txais tsis tau lo, cia siab tias peb yuav kawm txoj kev maj mam, ua twjywm nyob hauv Vajtswv txoj kev tshwm ntsej muag. Tsis yog nrhiav Vajtswv txhais tes foom hmoov xwb, tiamsis peb yuav nrhiav Leej Txiv lub ntsej muag. Txhob yog tsuas mus nrhiav Vajtswv thaum uas cheem tsum xwb, tiamsis yuav tau nyob tos vim hlub Vajtswv. Vim hauv Vajtswv txoj kev tshwm ntsej muag, peb tus ntsujplig thiaj tau noj tsau npo tau so.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.