Puas tau muaj zaum twg koj cim civ nug vim li cas Tswv Yexus tsis hu cov neeg muaj kev kawm siab lossis muaj meej mom, tiamsis ho xaiv cov txiv neej zoo li txhua tus los ua Tswv Yexus cov thwjtim? Tej zaug Vajtswv tsis nrhiav cov neeg nto npe lossis zoo, tiamsis nrhiav cov neeg uas muaj lub siab zoo siab hlo ua Vajtswv haujlwm. Vajtswv kuj siv cov tib neeg pheej tshaj los nthuav tawm Vajtswv lub hwjchim. Hnub no, kuj ib yam li ntawd, Vajtswv tseem tab tom siv cov tib neeg pheej tshaj, tsis muaj leej twg xav txog los mus cawm cov ntsujplig uas tab tom tag kev cia siab nyob rau lub ntiajteb ntxhov nyho li no.

Hnub no, yog hnub 09/03/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Mike Wolff dhau ntawm Zaj kawm KOOM SIAB SAWV TSEEG RAU VAJTSWV LUB NPE

“Ces kuv hnov tus Tswv nug hais tias, “Kuv yuav txib leejtwg mus? Leejtwg yuav ua tus sawv cev ntawm peb mus? ” Ces kuv teb hais tias, “Kuv nyob ntawm no! Thov txib kuv mus” (Yaxayas 6:8)

Kuv tab tom mus koom ib pab pawg tshwj xeeb sib tham. Peb pawg mus nrhiav cov txiv neej uas koom ib lub siab nrhiav Vaj Ntsujplig ua tus coj. Peb twb ntsia pom ntau qhov xwm txheej ua rau xav tsis thoob. Tiamsis muaj ib qhov kev sib ntsib tau tshwm tuaj tsis nyob hauv kuv txoj kev npaj. Kuv ntsib ib tug niam tsev muaj kev ntseeg ruaj heev. Kuv hu nws ua Barbara.

Barbara los ntsib peb cuag li thaum uas nws twb tws kev lawm. Nws coj nws ob tug tub, cia siab tias nws tsev neeg yuav tau txais kev kho zoo. Muaj ib tug los koom peb pawg, tshuav ib tug zaum rau ntawm tsheb tos. Tej zaug kuj yooj yim nkag siab xwb, vim yeej tsis muaj leej twg yuav kub siab thaum uas ntsib “ob peb tug yawm” yog cov uas siv zog thov Vajtswv?

Barbara tus txiv tag nws tiam neej ua neej nrog tus mob ntsws hnoos tsis tu. Thaum no, nws ob tug tub kuj raug tus mob no, noj tsis haum zaub mov, ua rau Brad dias hau, tshuav Jimmy thaum twg twb lag ntseg. Ntau zaug Brad tseem hais rau nws niam tias tsis xav ua neej lawm. Thaum uas Barbara tham txog qhov no, kuv saib ntsoov Brad lub qhov muag thiab ntsia pom txoj kev tag kev cia siab. Kuv yuav tau siv zog heev thiaj tauv tau kua muag. Tag nrho peb pawg maj nroos tshem mov thiab café mus rau lwm qhov mloog Barbara hais tias tsuas hnov ntxhiab xwb kuj ua rau Brad huam mob lawm.

Lawv tsev neeg tau mus rau txhua qhov, los ntawm tej kws tshuaj mus txog rau tej tsev kho mob loj. Nrhiav tsis tau lo lus teb. Ntseeg tias tsuas yog Vajtswv xwb thiaj yuav kho tau zoo, lawv kuj mus nrhiav cov neeg uas muaj suab npe tau txoj koob hmoov kho mob. Tiamsis Barbara tsis tso tseg. Zoo li tus pojntsuam nyob hauv zaj lus piv txwv thaum uas pog mus thov tus nom tu plaub, txog qhov uas yawg yuav tau hais tias:

“Thaum chiv thawj tus txiav txim tsis kam hais, tiamsis tom qab ntawd, nws xav hais tias, ‘Txawm yog kuv tsis ntshai Vajtswv thiab tsis hwm leejtwg li los, tus pojntsuam no pheej tuaj txob kuv, kuv yuav tau pab nws hais kom tas, nws thiaj yuav tsis niaj hnub tuaj txob kuv kom kuv ntxhov siab” (Lukas 18:4-5).

Ib yam li ntawd, Barbara ua siab ntev khob qhov rooj, ntseeg tias yuav muaj ib hnub Vajtswv yuav teb. Muaj neeg nug nws hais tias: vim li cas tom qab txhua yam, koj ho nrhiav txog ib pawg txiv neej pheej tshaj zoo li peb? Pog lo lus teb ua rau kuv sov siab. Kuv tus txiv yog Chuck, tau Vajtswv tshoov siab kom coj peb tsev neeg tuaj ntawm no, kom tau sawv daws koom siab ua ke thov Vajtswv rau.

Tamsim ntawd, kuv hnov meej meej tau Vaj Ntsujplig lees paub hauv siab: Vajtswv tab tom hu cov neeg uas tsis muaj suab npe – cov neeg ntaus ntses, cov sau se uas Tswv Yexus tau hu – yog cov uas txaus siab hlo sawv tsees mus thaum Vajtswv hu, kom rov qab kho Pawg Ntseeg zoo li qub. Pauv cov uas muaj suab npe nrov, Vajtswv nrhiav cov neeg uas koom ua ib lub siab, txaus siab hlo nrhiav Vajtswv thiab ua Vajtswv haujlwm.

Vajtswv hu peb tig rov qab los rau Pawg Ntseeg qhov chaw uas Vajtswv tus tub tau nthuav qhia. Vajtswv hu peb tawm hauv ib lub neej raws kev ntseeg, tso siab; tawm hauv txoj kev uas ywj pheej dhau, tsis muaj kev sim siab – yam uas ua rau peb txoj kev ntseeg yuav tsuag mus. Vajtswv caw peb nrog Tswv Yexus mus hnub no nyob rau hauv lub neej txhua hnub, hauv tsev neeg, hauv qhov chaw ua haujlwm, thiab txawm yog thaum peb zaum ntawm chaw haus café- kom tsim muaj ib lub neej ntseeg Vajtswv tiag.

Peb tau nqua hu los ua cov txiv neej pub rau Vajtswv- yog cov neeg uas zoo li Barbara tsev neeg tab tom nrhiav. Peb yuav tau dhau los ua cov neeg hloov pauv, ua lub neej tiag nrog kev ntseeg thiab kub siab lug hlub Vajtswv. Tej kev tau zoo hauv ntiajteb no, tej uas ib txwm tiv thaiv peb ntau xyoo dhau los, tab tom nthuav tawm nws tus nrim. Ntawm no tsuas yog qhov “pib mob thaum yuav yug menyuam” thaum txoj kev tshaib nqhis Tswv Yexus yim hnub yim loj, tshuav tej txoj kev uas ntiajteb tawm tswv yim ces puas tshuaj mus li. Vaj Ntsujplig yuav coj cov neeg uas yuam kev thiab tag kev cia siab nrhiav dua ib tiam tshiab kom tseg rau Vajtswv txib.

Peb tau siv ob sij los sib tham thiab thov Vajtswv rau Barbara nrog nws ob tug tub. Tomqab thov Vajtswv rau Barbara thiab Brad tas sawv daws los tom tsheb, vij puas ncig Jimmy thov Vajtswv rau nws. Kuv yog ib tug neeg tsis tshua nthuav tawm lub siab tawm lossis cia siab tias yuav pom tej paj txiv tamsim, tiamsis thaum tawm hauv los, kuv yeej tos ntsoov txoj kev kho zoo – vim kuv ntseeg tias peb yog qhov chaw uas Vajtswv tau coj tsev neeg ntawd tuaj. Tiamsis muaj ib yam uas kuv tab pov tau yog: Brad lub ntsej muag kaj siab lug thaum hnov txog qhov tseeb.

Peb nco Vajtswv tshav ntuj vim Barbara, vim pog lub siab tawv nrog txoj kev ntseeg ruaj khov uas niaj hnub nim no tsis muaj ntau lawm. Nws tau rov qab ua rau kuv nco txog Vajtswv lub suab hu kuv: nqua hu kom txhua tus tawm hauv txoj kev ua lub neej ntseeg tsis kub tsis txias zoo li Pawg Ntseeg Laudikeyas, kom dhau los ua cov neeg tau hloov pauv rau Vajtswv lub Pawg Ntseeg. Tus txiav txim loj yeej tab tom nrhiav cov neeg uas tsis muaj suab npe, tsuas tos lawv npaj txhij thiab hais tias: “Tus Tswv, muaj kuv nyob no. thov txib kuv” Cov neeg uas pheej tshaj ntawd yuav coj txoj kev tiv thaiv thiab kev cia siab pub rau cov ntsujplig tab tom yuam kev nyob hauv lub ntiajteb yoj yees no.

Thov caw nrog kuv peb thov Vajtswv ua ke: Tus Tswv uas muaj kev hlub, txawm yog kuv yog ib tug neeg pheej tshaj los, thov siv kuv lub neej no coj koj txoj kev cia siab kev hlub kev tiv thaiv mus pub rau cov neeg uas tab tom qaug zog thiab tag kev cia siab. Thov qhia rau kuv kom kuv paub ntseeg thiab mloog lus txhua hnub, npaj txhij kom ua tiav txhua yam uas koj kom kuv ua. Thov kom kuv lub neej yuav koom ua ib lub siab, txhua hnub txhos caug thov Vajtswv thiab sib pab los ntawm txoj kev hlub. Kuv thov hauv Tswv Yexus Khetos lub npe, Amees.

Cov kwv tij txhua tus, Vajtswv tab tom mloog cov lus thov uas ua siab ntev. Thiab Vajtswv tab tom hu peb txhua tus tawm hauv yus qhov chaw tau zoo mus nyob rau hauv tej qhov chaw txomnyem, coj qhov pom kev mus rau yus lub zej zos. Thaum peb txaus siab hlo txhos caug, koom ua ib lub siab thov Vajtswv, Vajtswv yuav ua tej haujlwm loj tshaj tej uas peb xav txog. Thov Vajtswv pub kom peb txhua tus muaj lub siab tawv, khob qhov rooj, ntseeg siab, koom ua ib lub siab, thov Vajtswv thiab tos Vajtswv ua haujlwm, hloov dua tshiab cov neeg uas muaj lub siab puas ntsoog ib ncig peb.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.