Yog ib tug ntseeg Vajtswv, tej zaug peb txhua tus ib leeg nyias yeej muaj nyias ib lo lus thov Vajtswv tas siab rau Vajtswv. Peb thov Vajtswv pub kom txhua yam tau ua tiav zoo, thov rau tsev neeg muaj kev kaj siab, lossis pub ib lub sijhawm tshwj xeeb twg ntawd tshwm los zoo. Tiamsis, tomqab tej lus thov Vajtswv ntawd, yam uas tsis xav kom tshwm sim tshaj ho tshwm tuaj. Tej zaug peb yuav cim civ nug: vim li cas txoj kev tag kev cia siab no ho tshwm los raug rau yus? Vim li cas cuag li Vajtswv tsis hnov peb lo lus thov?

Hnub no, yog hnub 10/03/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia D. Leon Pippin dhau ntawm Zaj kawm THAUM UAS CUAG LI VAJTSWV TSIS MLOOG TSIS HNOV

“Thaum lawv thov txog kuv, kuv yuav teb lawv; thaum lawv raug kev nyuaj siab kuv yuav nrog lawv nyob. Kuv yuav cawm lawv kom dim thiab pub lawv tau ntsejmuag.” (Ntawv Nkauj 91:15).

Chris tos ntsoov ua kev nco txog nws hnub nyoog kaum ob xyoos los lawm ntev. Nws xav ua hnub yug tshwj xeeb ntawd ntawm qhov chaw ua si. Sawv ntxov hnub ntawd, Chris sawv ntxov heev, kub siab lug tos ntsoov, ntseeg tias nws yuav muaj ib hnub ua kev nco txog zoo siab heev.

Ua ntej tag nrho tsev neeg tawm hauv tsev mus, Chris txiv, kuj yog ib tug xibhwb, hu sawv daws los thiab thov Vajtswv. Yawg thov Vajtswv pub kom txoj kev mus zaum ntawd muaj kev zoo siab thiab tiv thaiv tsev neeg.

Txoj kev mus zaum no cuag li ntev dua txhua zaug. Tiamsis thaum kawg, kuj mus txog rau ntawm qhov chaw ua si. Txiv nyuam qhuav nres tsheb xwb Chris nqes tsheb los. Thaum uas nws mus rau ntawm qhov chaw yuav ntawd nkag, nws hnov tej suab qw zoo siab heev, tej suab luag ntawd nrov ntawm tej chaw ua si tuaj. Tas Chris ntsia pom txoj kev ua si uas nws ib txwm nyiam: caij nees ntoo. Nws paub tias ntawm no yuav yog txoj kev ua si uas tag nrho nws tsev neeg tau ua.

Chris khiav ncaj nraim mus rau ntawm qhov chaw ua si, nce mus rau tus nees loj loj.

Lub sijhawm ntawd, Chris nyuam qhuav kaum ob xyoos cuag li tsis nyob ntawd lawm. Hauv lub hlwb nws dhau los ua ib tug txiv neej yawg loj tab tom ua rau sawv daws saib qw nrho nroo tsis so.

Tiamsis txoj kev zoo siab no nws xaus sai heev.

Thaum uas Chris nqes saum “nws tus nees loj loj” los, nws txhais taw plam thiab daig rau ntawm lub kauj hlau, ua rau nws poob los hauv pem teb. Lub kauj hlau ntawd ua rau nws lub ris ntuag thiab hlais nws txhais taw tob tob.

Mob heev. Chris tau coj mus rau qhov chaw pab nyob ze ntawd. Thaum uas ntsia pom ntshav thiab qhov nqaij ntuag yawg cia li yoob lawm. Tus kws tshuaj qhia paub tias lub qhov txhab no loj heev yuav tau ntxiv 73 koob.

Chris tag kev cia siab. Hnov cuag li tsis paub ua cas. Nws yog ib tug ua luam dej zoo heev nyob hauv tsev kawm ntawv pab tub ua luam sib tw, nws ntseeg tsis tau thaum kws tshuaj qhia paub tias yuav poob li rau thiv thiab nws thiaj rov qab luam tau dej dua. Nyob hauv txoj kev npau taws thiab tag kev cia siab, Chris tig mus rau ntawm nws txiv, quaj thiab yws:

“Txiv koj twb thov Vajtswv tias peb yuav muaj ib hnub zoo siab, tsis muaj leej twg ua cas. Tiamsis thaum uas kuv raug mob lawm, peb yeej tsis muaj dabtsi zoo li!”
Ob thiv tom qab, Chris pib hnov nws lub qhov ntsej mob. Kws tshuaj kuaj tas hais tias:

“Chris, zoo ib qhov uas koj tsis ua luam dej rau lub sijhawm no”

“Vim li cas kws tshuaj? Kho tsis tau los?”

“Koj lub qhov ntsej tab tom ua paug thiab…”

Chris txhawj thiab txiav lus: “Tsis muaj tus dabtsi nyuaj vos?”

Kws tshuaj saib yawg thiab hais tias: “Nyuaj. Yog koj txhais taw tsis mob thiab koj mus ua luam dej, koj lub qhov ntsej yuav to, thiab koj lub qhov ntsej yuav to mus ib txhis.”
Chris pib tshee thiab quaj. Qhov xov no tseem ua rau yawg ntshai dua lawm ntau. Nws tsuas xav tias ntawm no tsuas yog ib qhov mob pob ntsej li ib txwm mob xwb, thaum ko taw zoo, koj yuav rov qab ua luam dej tau dua. Nws niam rub kiag nws rau hauv siab, thiab wb ob niam tub quaj ua ke.

Thaum los tsev, Chris nqes saum tsheb los. Nws mus tsis tus, yuav tau muaj neeg tuav. Thaum nws txiv nqes los, Chris majmam hais tiamsis muaj ntau qhov kev xav:

“Txiv, muaj tej lub sijhawm kuv hnov cuag li Vajtswv tsis hnov. Tiamsis koj yeej ib txwm hais tias, Vajtswv twb cog lus tias: “Thaum lawv thov txog kuv, kuv yuav teb lawv; thaum lawv raug kev nyuaj siab kuv yuav nrog lawv nyob. Kuv yuav cawm lawv kom dim thiab pub lawv tau ntsejmuag.” (Ntawv Nkauj 91:15).

Tas Chris dhia ib ceg ib ceg ncig lub tsheb, puag kuv, thiab quaj.

“Txiv kuv thov txim.. kuv thov txim ntau.”

Lawv sawv daws los rau ntawm tsev tes yeej tseem sib tuav rawv, txhua tus nyias yeej muaj nyias ib qhov kev xav. Leej niam ua twjywm ua Vajtswv tsaug rau yus tsev neeg. Leej txiv ua tib zoo xav txog Vajtswv tej lus: “thov pub rau cov neeg saum roob Xi-oos muaj kev zoo siab. Koj yeej txiav txim ncaj ncees, thov kom cov Yudas tej nroog tau nyob kaj siab lug.” (Ntawv Nkauj 48:11). Yog Vajtswv yeej ib ttxwm ua raws li tej uas Vajtswv tau cog lus tseg!

Nyob hauv lub siab paub ntsoov tias yus muaj ib leej txiv zoo, Chris ib zaug ntxiv kawm tau txoj kev ntseeg Leej txiv tej lus thov.

Nyob deb deb tos, lub tsheb thauj neeg muaj mob tshuab nrov nrov. Chris nres thaum hnov lub suab ntawd, tas ib zaug ntxiv ua Vajtswv tsaug – vim Vajtswv tau tiv thaiv yawg, raws li txoj kev uas yawg tsis nkag siab.

Thov caw nrog kuv peb thov Vajtswv ua ke: Tus Tswv, muaj tej lub sijhawm kuv thov Vajtswv tiag tiag, tiamsis tej uas tshwmsim tuaj ho tsis zoo li tej uas kuv xav. Muaj tej zaug kuv tag kev cia siab tsis paub thiab ua xyem xyav rau Vajtswv. Tiamsis thov koj pab kuv txawm yog thaum uas kuv tsis nkag siab tej uas koj tab tom ua. Thaum kuv mob siab lossis qaug zog, thov ntuas kom kuv nco ntsoov tias Vajtswv yeej tseem nyob ze, yeej tseem hnov thiab ua txhua yam kom muaj nqis rau kuv. Thov pab kom kuv paub muab txhua yam fij rau Vajtswv, paub ua Vajtswv tsaug txawm yog nyob rau lub caijnyoog uas zoo tsis tau txaus. Kuv thov hauv Tswv Yexus Khetos lub npe, Amees.

Cov kwv tij txhua tus, tej zaug koj twb thov Vajtswv ntau heev lawm, tiamsis txhua yam tsis tshwm los zoo li tos. Yog li, nco ntsoov tias Vajtswv tab tom ua haujlwm, raws li Vajtswv txoj kev, thaum txog Vajtswv lub sijhawm. Txawm yog tamsim no koj tsis tau nkag siab, tsis pom lo lus teb, los Vajtswv yeej ua twj ywm tiv thaiv koj. Muaj tej lub sijhawm, tsuas yog thaum dhau txhua yam thiab tig rov qab mus ntsia, peb thiaj pom tias yam uas peb suav tias yog “teeb meem” ho yog yam uas Vajtswv tiv thaiv peb txojsia ntag.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.