Peb tib neeg pheej nyiam saib mus rau lub neej sab nrau xws li: lus hais mog muas, lub cev yuav tsum zoo nkauj, ua haujlwm xyuam xim. Tej no yeej tseem ceeb, tiamsis peb puas feem pom tias txhua yam zoo uas tshwm sab nrau li ntawd yog tej paj txiv ntawm lub siab uas twb tau Vajtswv hloov pauv? Yog li, hauv peb lub neej puas muaj thaum twg peb tsau siab tu peb lub neej sab nrau tiamsis ho hnov qab tu peb lub siab kom dawbhuv thiab zoo rau ntawm Vajtswv qhov muag?

Hnub no yog hnub 13/3/2026, kev thov Vajtswv txhua hnub thov caw sawv daws nrog tus sau Nathalie Jeter kawm Vajtswv txojlus ua ke txog lub ntsiab lus: TSWJ LUB SIAB KOM DAWBHUV

Vajtswv, thov koj pub kom kuv muaj lub siab dawb, thiab thov koj muab lub siab tshiab rau kuv kom kuv mloog koj lus. (Ntawv Nkauj 51:10)

Kuv tsis yog tus uas yuav xyuam xim heev rau kev tu vaj tu tsev. Saib txhua yam tu zoo huv haum saib ces tau lawm. Yog li, kuv thiaj tsis tshua xyuas txog tej uas sawv daws tsis tshua pom xws li tej maiv tshuab cua, tej kaum tsev. Ntawd yog tej thaj chaw uas ib tug neeg nyiam huv thiab xyuam xim yuav tsis tso dhau.

Tiamsis , nyob rau kuv txoj kev mus los no, kuv tau ntuas txog qhov tseem ceeb ntawm kev cheb tej thaj chaw uas tsis muaj leejtwg pom. Ib tagkis sawv ntxov, thaum saib dhau ntawm lub qhov rai kuv lub chav pw, kuv pom ib tug pog laus maj mam ua tib zoo cheb nws lub tshav puam. pog lub tsev nyob qis dua txoj kev, yog tsis ua tib zoo saib tsis muaj leejtwg yuav pom pog lub tshav puam.

Kuv tsis paub vim li cas pog ho sawv ntxov ua luaj los cheb ib thaj chaw uas twb tsis muaj lleeejtwg pom li ntawd?

Tej thaum yog pog tabtom tog ib tug qhua zoo. Lossis pog yog ib tug neeg xyuam xim thiab tsis hnov tso siab thaum lub tshav puam qias. Txawm yog vim li cag los, pog ua rau kuv pheej xav txog kuv tug kheej. Kuv pom tias kuv sab ntsujplig kuj muaj ntau qhov chaw tsis muaj twg pom tsis tau cheb kom huv. Dhau ntawm kuv thiab Vajtswv ces yeej tsis muaj leejtwg yuav pom li. Ntau zaug kuv tsau siab kho kuv sab nrau kom zoo, yog qhov uas lwm tus ntsia pom tiamsis ho hnov qab kho kuv sab hauv kom huv. Puas hauv kuv lub siab, kuv paub tias thaum lub siab tau Vajtswv ntxuav huv, hloov tshiab ces lub neej sab nrau yuav hloov pauv li cas los tsis tseemceeb lawm.

Vajntxwv Daviv paub meej qhov no. Yawg paub tseeb lub siab dawbhuv tseem ceeb li cas rau ntawm Vajtswv qhov muag. Yog li, tom qab tau ua txhaum, yawg ua lub siab puas ntsoog los thov Vajtswv tias: Vajtswv, thov koj pub kom kuv muaj lub siab dawb, thiab thov koj muab lub siab tshiab rau kuv kom kuv mloog koj lus. thiab Vajtswv, thov koj tshuaj kuv kom paub kuv lub siab, thov koj sim kuv thiab nthuav tej uas kuv lub siab xav saib zoo li cas. 24Thov koj saib kuv lub siab saib puas muaj qhov txhaum li cas, thiab thov koj coj kuv taug txojkev uas nyob mus ibtxhis. Ntawv Nkauj 51:10; 139:23-24

Koj puas ntshaw kom koj lub siab dawbhuv rau ntawm Vajtswv? Kom koj lub neej dawbhuv tuav koj txoj kev sib raug zoo nrog Vajtswv tsis tseg tsis tu. Thiab thov Vajtswv yog txojkev coj peb mus ze rau ntawm Vajtswv, thov Nws pab kho peb lub siab pab kom peb lees txim thiab tau hloov dua tshiab. Zoo li timthawj Paulus tau ntuas peb: Nej yuav tsum niaj hnub zoo siab. 17Nej yuav tsum thov Vajtswv tsis tseg tsis tu (1 Texalaunikes 5:16-17)

Kev thov Vajtswv tsis raug cais rau lub sijhawm twg li, tiamsis yuav tsum zoo li ib tug dej ntws tsi tu hauv peb lub neej. Peb thov thaum sawv ntxov, ua ntej yuav noj mov, thaum taug kev mus ua haujlwm lossis mus kawm ntawv, thaum los tsev, thaum yuav mus pw… Txhua lo thov Vajtswv pab rau kom peb kho peb lub siab tig rov los.

Tig rov qab mus rau zaj xwm thaum pib, koj puas tseem nco tug pog uas kuv hais txog? Hnub ntawd, kuv tig mus saib thiab pom ib tug yawg laus tuaj rau ntawm pog lub qhov rọo, yawg tuav ib teg paj ntawm tes. Thaum ntawd kuv nkag siab tias pog cheb tsev yog tsis xav kom yawg pom tej khib nyhiab ntawd. Losis twb yog vim kev hlub thiab pab rau pog ua txhua yam zoo los txais tos tug uas pog hlub.

Kuj tib yam nkaus li ntawd, nyob hauv kev nrog Vajtswv sib txuas lus, kev hlub uas peb pub rau Vajtswv yuav yog yam uas txhawb peb sawv ntxov los nrog Nws sib tham thiab cia Vajtswv “cheb” peb tej qhov chaw uas tsis huv. Ua ntej uas yuav ntsib ntau li ntau haujlwm thiab kev txhaum txhua hnub, qhov uas peb cheb peb lub siab sab ntsuj plig yog yam uas cheem tsum yuav tau ua ua ntej.

Peb koom siab thov Vajtswv ua ke: Kuv Leejtxiv uas muaj kev hlub. Koj yog tug pom meej meej tej qhov tob tob hauv kuv sab ntsuj plig. Hnub no kuv tsav los cuag Koj. Thov Koj ntxuav txhua yam kev txhaum hauv kuv. Thov pab kom kuv tso tseg tej kev txhaum hauv kuv lub neej uas tsis haum Kọj siab. Thov pab kom kuv nyiam lub neej dawb huv thiab ntshaw ua lub neej nrog Kọj siab raug zoo txhua hnub. Kuv taij thov txhua yam los ntawm Khetos lub npe, Amees

Ib tsoom phoojywg, lub siab yog yam tau Tswv Yexus hais txog ua ntej hauv nws tej lus qhia: “Koj yuav tsum tag siab tag ntsws hlub Vajswv uas yog koj tug tswv.” Yog tuav kom tau peb lub siab ncaj ncees rau ntawm Vajtswv, peb yuav tsum tuav kev thov Vajtswv txhua hnub txhua lub sijhawm. Peb cia li pib thiab xaus yus ib hnub los ntawm kev thov Vajtswv soj yus tus kheej. Thaum pom yus muaj ib qho txhaum twg thov cia li lees rau ntawm Vajtswv thiab thov li Daviv: Vajtswv, thov koj pub kom kuv muaj lub siab dawb, thiab thov koj muab lub siab tshiab rau kuv kom kuv mloog koj lus. (Ntawv Nkauj 51:10)

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected].