Yeeb ncuab pheej tsis tshwm los nroo ntwg rau peb pom kom nco ceev faj, thiab nws kuj tsis qhia kiag tawm nws lub zog kom peb paub es tsav deb. Tiamsis, yeeb ncuab zais ntxhis nyob hauv tej haujlwm swm txhua hnub, hauv peb tej kev xav uas peb pom tias “pheej tshaj” thiab hauv peb tej kev swm uas peb tsis nco ceev faj txog. Nws zoo li tus nab uas zais ntxhis – tsuas tos peb mus yuam ib kauj ruam ces teeb meem yuav tshwm kiag tuaj xwb.

Hnub no yog hnub 16/3/2026, kev thov Vajtswv txhua hnub thov caw sawv daws nrog kawm Vajtswv txojlus ua ke nrog tus sau Laura Bagby txog lub ntsiab lus: TUS NAB ZAIS NTXHIS

“Yog li ntawd, nej cia li mloog Vajtswv lus. Nej yuav tsum tawmtsam dab Ntxwgnyoog, dab thiaj yuav khiav ntawm nej mus.” (Yakaunpaus 4:7)

Yog tias muaj ib tug nab tabtom nyias nkaum zais ntxhis rau ntawm ib thaj chaw twg ces ntshe kuv yuav ntsib nws lossis nws yuav los nrhiav kuv.

Kuv xam pom qhov no thaum tseem ua haujlwm ntawm lub vaj Yosemite. Hnub ntawd, kuv nrog ib tug phoojywg mus nrhiav ib lub tsag dej rau lub caij ntuj sov.
Ntawm txoj kev peb mus ib sab yog tej lub pob zeb txaij loj – yog ib thaj chaw zoo rau cov nab khiav nkaum nrhiav chaw so. Tiamsis, cag lub sijhawm ntawd kuv ho tsis xav txog tias muaj nab, txawm yog tsimnyog kuv yuav tsum xav txog qhov no. Kuv tsuas tsom ntsoov rau kuv lub hom phiaj mus nrhiav tsag dej xwb, tsis ceev faj kuv tug phọoj ywg tej lus ceeb toom yuav tsum tau xyuam xim.

Thiab tom qab, kuv raug tav kev. Muaj ib tug nab nkag ntawm lub pob zeb los quav kuv twb tsis deb li 1 mét. Kuv qw ib suab nrov nrov. Kuv lub suab qw nrov txog qib uas mus thoob hav zoov leejtwg twb hnov tag li.

Tug nab pom tias muaj kev phomsij tshwm tuaj, yog li nws thiaj maj nroos khiav nkaum lawm. Tiamsis ua ntej uas nws khiav mus nws ua rau kuv tsis hnov qab li: yog nws muab nws tus ko twv co nrov nrov ua kuv pom yog ib tug nab muaj taug phom sij heev. Kuv twb yuav txuj nws, ua ntej ntawd kuv yeej tsis xav txog tias yuav muaj nab li.

Kev txhaum kuj zoo li ntawd. Nws tshwm muaj nyob ntawd ntev heev lawm uas peb twb tsis paub. Nws nyob hauv peb li kev xav, zuj zug mus nws nkag los hauv peb tug ntsujplig. Mus txog ib hnub, txog thaum peb thov Vajtswv, nyeem Vajtswv txoj lus, lossis mloog tej kwvtij ntseeg tej lus ntuas, thaum ntawd Vaj Ntsujplig mam qhia rau peb pom tej uas tabtom tshwm sim hauv peb lub siab.

Daviv tau thov Vajtswv li no: Vajtswv, thov koj tshuaj kuv kom paub kuv lub siab, thov koj sim kuv thiab nthuav tej uas kuv lub siab xav saib zoo li cas. Thov koj saib kuv lub siab saib puas muaj qhov txhaum li cas, thiab thov koj coj kuv taug txojkev uas nyob mus ibtxhis. Ntawv Nkauj 139:23-24. Thaum thov Vajtswv li no, peb yuav tau npaj peb lub siab ua ntej, rau qhov Vaj Ntsujplig yuav nthuav tawm tej tug “nab” uas zais ntxhis hauv peb lub siab.

Ib lo lus dag, ib lo lus iab siab ua rau lwm tug tu siab, kev qaug rau yam ub yam no, tsis ncaj ncees hauv kev txij nkawm, tej kev ntshaw yuam kev…Thaum thawj zaug peb feeb tau tias tej ntawd yog kev txhaum, ntshe thaum ntawd peb yuav hnov ntshai.

Rau qhov yav tag los peb tsuas saib tej ntawm yog tej teeb meem me xwb. Yog tib neeg tug cwj pwm xwb, yog lwm tug li kev txhaum, yog tim lub caij nyoog, yog vim tib neeg tug yam ntxwv. Lossis yog peb muaj cai ua. Peb yeej tsis tau xav txog tias tej yam uas peb xav tias yeej tsis txog txij twg ntawd yuav phomsij txog qib yuav tua tau peb sab ntsujplig.

Tiamsis ua Vajtswv tsaug uas peb tsis tag yuav ntshai lossis txaj muag thaum kev txhaum tau nthuav tawm. Peb tsuas yog ua tib yam xwb: yog lees yus tej kev txhaum, lees txim, thiab txais yuav kev zam txim.

Vajluskub sau: iamsis yog peb lees peb tej kev txhaum rau Vajtswv, Vajtswv yog tus ncaj ncees, nws yuav ua raws li nws tau coglus tseg lawm, nws yuav zam peb tej kev txhaum thiab nws yuav ntxhuav peb tej kev txhaum huv tibsi mus. 1 Yauhas 1:9

Thiab Vajtswv txoj lus nqua hu peb: Yog li ntawd, nej cia li mloog Vajtswv lus. Nej yuav tsum tawmtsam dab Ntxwgnyoog, dab thiaj yuav khiav ntawm nej mus. (Yakaunpaus 4:7)

Muab ua lwm lo lus hais: ces peb tsis txhob cia tug nab nyob hauv peb lawm.
Yog li yog peb tsis tshem kev txhaum tawm mus ne? Yuav zoo li cas? Yuav zoo li cas yog peb tsis ua dabtsi? Yog peb pheej nres, tsis quav ntsej txog, lossis ua tsuj cuag li tsis muaj teeb meem dabtsi ces yuav zoo li cas?

Khuv xim heev, kev txhaum yuav tsis cim civ txawj ploj mus. Nws tsuas yim hnub yim phom sij dua. Vajluskub ceeb toom peb tias “peb yuav pub sijhawm rau dab ntxwg nyoog (Efexus 4:27).

“Sijhawm” ntawd tsis yog teeb meem me. Nws yog ib qho chaw ruaj khov rau kev txhaum loj hlob tuaj. Thiab ua li ntawd mus, tus nab me yuav dhau los ua tus nab loj tua tau neeg tuag.

Yakaunpaus 1:15 hais meej meej tias: Yog nej leejtwg tsis muaj tswvyim, kom nws cia li thov ntawm Vajtswv, Vajtswv yuav pub tswvyim rau nws, rau qhov Vajtswv yog tus muaj siab dawb siab zoo pub ib puas tsav yam rau sawvdaws, nws tsis khuvxim li.”

Kev txhaum tsis nyob twjywm ntawm lub chaw qub. Nws yim hnub yim loj tuaj, hloov pauv, thiab nthuav dav tuaj yog tias peb tsis tawm tsam nws.

Yog li yuav ua li cag kom dob tau kev txhaum lub hauv paug li Paulus hais hauv Henplais 12:1, thaum peb cuag li twb nyob ntev dhau rau hauv kev txhaum lawm? Lo lus teb tsis yog nyob rau ntawm peb li kev txawj ntse.

Pajlug 3:5-6 sau li no: Cia siab rau tus TSWV kom kawg koj lub siab lub ntsws. Tsis txhob cia siab rau koj tej kev txawj ntse. 6Txhua yam uas koj ua koj yuav tsum nco ntsoov tus TSWV, nws thiaj yuav coj koj taug txojkev uas yog txoj tseeb.

Thaum peb raug khuab rau hauv kev txhaum, peb yuav tsum tau vam khom rau ntawm Yexus Khetos yog Tus Tswv muaj yeej, thiab cia Nws lub hwjchim ua rau tug nab ntawd yuav tsum swb xwb.

Tej kev tshoov siab ntawm sab ntsuj plig tsis yog yam dabtsi es nyuaj to taub. Ntawd yog tej paj txiv ntawm lub siab ntseeg rau ntawm Tus Tswv Yexus Khetos lub npe, ua siab tawv hais tawm Vajtswv txoj lus, qhuas Tus Tswv lub npe, Thov Vajtswv tsis tseg, tshaj tawm kev muaj yeej hauv kev ntseeg ruaj khov.

Vajluskub sau tseg ntau lub sijhawm zoo li ntawd. Cov Yiixalayees qw nrov nrov muaj yeej thaum lub nroog Yelikaus puastsuaj (Yausuas 6). Paulus thiab Xilas thov Vajtswv thiab hu nkaus, thiab lub tsev lojcuj ua zog koog, tej xaw hlau tu nrho (Teg Num 16:26). Thiab thaum Tswv Yexus tu nws txoj sia, daim ntaub hauv lub Tuamtsev ntuas ua ob sab, qhib kev rau peb mus ze rau ntawm Vajtswv (Malakaus 15:37-38)

Ib lub siab paub lees txim , ib lub neej txawj thov Vajtswv, ib lo lus hu qhuass tag siab – ua li ntawd ces peb tej yeeb ncuab yuav swb xwb. Nyob hauv muaj peb tej kev txhaum huv si.

Thov caw nrog kuv peb thov Vajtswv ua ke: Kuv Leejtxiv uas muaj kev hlub puv npo, Muaj qee yam twb tshwm sim nyob hauv kuv ntev los lawm tiamsis kuv tsis feeb paub, tiamsis sijhawm no kuv paub tias ntawd yog kev txhaum ntawm Kọj qhov muag. Thov Leejtxiv kọj zam txim rau kuv vim ntau zaug kuv tsis quav ntsej kọ tej lus ceeb toom, vim kuv cia kev txhaum nyob hauv kuv lub siab thiab tsis kam tawm tsam. Hnub no, kuv lees txhua yam ntawd rau ntawm kọ xub ntiag, kuv lees txim thiab tig rov qab los cuag koj. Thov pab kom kuv vam kom rau Leejtxiv kọj nyob hauv kuv txhua txoj kev. Kuv taij thov txhua yam los ntawm Tswv Yexus Khetos lub npe, Amees.

Ib tsoom phoojywg, Cia li tsim dheev. Yuav tsum cia Vaj Ntsuj Plig qhia rau koj pom txog tej tug nab uas tab tom nkag mus nkag los hauv kọj tug ntsuj plig. Cia li lees txim, tawm tsam dab ntxwg nyoog. Sawv khov kho hauv kev thov Vajtswv, hauv lub suab hu qhuas thiab lees yuav Yexus Khetos lub hwjchim. Thiab tom qab cia li hu nkauj qhuas Vajtswv vim Nws twb tau cawm kọj muaj yeej, Haleluyas.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected].