Rgơi geh gơs tơm bol he cau lơi kung kơp kờn geh àng gơcra dô dớ, hala lời wơl dô nơm phan bàn kwơ màng lơi ai rài kis do in. Mơya bơta phan bàn di ngan lơgar Yang di ò càng lời wơl tơm bơta tờm pạ geh tiang pơn rơ hala broă lơh dờng. Tồ he geh lot bal mơ Yang, oh mi ò càng geh dô bạ tiah gơs đèng àng gơcra. Tơm tú nus he ơn don song, Yang rơp lơh bơta lơbơn lơño gơlik gơs sơnơm sơm bời dunnia do in.

Ngai do, ngai 18/04/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl Shadia Hrichi bơh tơnggume: LỜI WƠL PHAN BÀN RÀI IN

“Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.”(II Kôrintô 12:9)

Añ geh gơs dô nă bơyô neh lot băl ờm mơ Yang nàng bơt bơtào dô nơm phan bàn mơ mìng dô êt nă rgơi git tơm ù do. Mò geh dô bơta nđac krơi is hớ la geh dợp git ală cau ndai găm ơm tơm bơta bol glar, sền rsơp bluh bơta đah bơdih nàng thoa rơpa nus moat jrum ji sột bol khai di. Mò duh broă cau ndai dô bă ờm ờm ò càng cau ndai in git, mơya gơ cèng tus bơta tơm gơl krơi is tơm rài kis bol khai di. Añ git loh bơta do, tài bơh jơt sơnam lai or, să tờm mò la cau neh dợp git añ tú añ gơ lơh wil wơl rlau jơh.

Añ kah wơl nus nđac sơngit mò di, tú mò neh hoi añ bơh cơnòng bic kọp. Mò neh bic kọp tơm hìu sơnơm rlau dô kơnhai di tiah ngai, ngai bơh hìu mò di hàng rhiang kây tài bơh bơta kơ pự pă jơng. Lồi tơm poh dớ kong reh, ală driêng mham kong ji sột mơ đo đah phổi gơ kong lơ hiêp, ò gơs do nă cau lơi git lài ală bơta lik gơs rngot be hớ-să tơm mò kung ò rgơi git.

Mơya, tơm àng drim ngai hớ, mò bơtơl pran nàng hoi añ. Mò dăn añ dong mò joi dô nơm hìu dong kơl kon dệt ală cau don Yang di nàng dong dô nă cau lơh sơnơm găm ơruh là cau mơ mò pa git tơm hìu sơnơm. Cau lơh sơnơm hớ la cau mời pơnro, găm geh bun mơ gơ lơh rngot oă ngan. Añ geh gơs rngoh rngac bơh nus nhờm mò di Bulah mò lòt tòm sơndiang klam jơngo cik să tờm mò di, mò kứ pợ mpang tê nàng dong kơl cau ndai.

Bol he kứ kơlooi la tú he nhă ntao hơđăng tiah bơtô hala he găm at gơnoar broă dờng mơ geh rgơi gơs bơt bơtao lơgar Yang. Mơya cau gơp bơyô kờn gơboh añ di neh tơngkah añ la: bol he ò càng ơm di tiah jòng să nàng lot bal mơ Yang. bol he mìng ơm mó tơm bơta tơlik mat Yang di.

Kon mơnus gơlơh sùm jong tus di tú “ jơh ală broă neh sir”, tú bơta pran kơdăng hala jen pria tơng kah tơng kan mơ kah kơlôi tus di bơta duh broă Yang. Bol he ơn “tú tơngai màh” ơn hơđăng mơnang bơta sền gó ò wil tơl he di. Mơya Yang Tơm Trồ gơpnap gơnoar geh gơs bơta sền pha is.

Ngan la, ală bơta phan bàn kwơ màng rlau nưk bơta dòn di la geh bun tơm che sreng mơ gơlong bol glar. Cau bơte Pol neh cih oă sră pơwoa tơm tú găm ơm jàm klam jơngo. Yang Jesu neh yal tơnggit bơta kis wơl Yang di mơ dô nă cau mò găm nìm rac di gah bồc gợi. Cau bơtê Jăng dợp git bơta yaltơnggit bơh ngai lồi dut tu kong jam di tiah batmo rô ran.

Tú oh mi kong ơnia tian gơs gơs bơta kơlôi he gơs kwơ lơi gơwet mơ lơgar Yang di, kah té cau bơyô añ di. Tú mò ơm mó di cơnờng kọp ngai bơh hìu hàng rhiang kây, nus nhờm mò di geh ntào kớ tơm bơta tơlik mat Yang Tơm Trồ di. Mơ tú Yang bàn nus nhờm mò di ơn di ngan, Yang neh cèng dô hwêng soàn găm lềnh làng tus di cơnòng kọp mò di.

Tài bơh di tú bol glar rlau jơh, bơta gơnoar Yang di deh ràng tơlik dô bă loh làng:
“Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.””(II Kôrintô 12:9)

Dan jà bol he dô nùs bal tòm bơta hòi dan: Khoai Yang kờn gơboh, ưn ngai Yang bơh Yang ò săng kon tú kon lơbơn lơño, kung ò săng tơlik kon tú kon ò gơs kwơ. Dăn toh glai kon in bơh lai or kon kứ jong tus di tú wil tơl mơ duh broă Yang, mơ húi la bơta gơnoar Yang di pha rlau mơ bơta lơbơn lơño să tơm kon di. Dăn ai kon in tơl bơta jak chài nàng dợp git ală hwêng soàn kơp kòn geh bơta dong kơl. Dăn ai kon in geh nus khin cha nàng bulah ơm tơm bơta ò bơtoah, kon kung geh gơs là tê lik gơs jong nàng tơm pạ nus kờn gơboh Yang di. Dăn rài kis kon di lời wơl ală phan bàn gơs kwơ, ò di bơh kon chài rgơi, mơ bơh kon găm ơm sùm tơm bơta tơlik mat krơi is Yang di. Kon jowh nus hoi dăn tơm Sơn Đăn Yang Jesu Krist. A-men.

Ơ ală ồng mò oh mi kờn gơboh, phan bàn mơ he lời wơl Lơgar Yang di dớ dớ ò di geh bơtào bơh lú gơs cồng nha àng gơcra, mơ la bơh ală bơta tềp sột rài kis he di. Ban jong tus di tú geh tơngai niam, tú ală bơta lik gơs neh roh jơh rau mơ he sơn tờm lot duh broă Yang. Yang sùm wă rò ală cau lời geh chờ nus đơs:” gơs kon do?”gơwet mơ Yang digul cal rơbut dờng, bulah mpang tê găm prơm, hala nus he găm oă bơta tềp sột. Lơgar Yang di găm pợ dờng ơnàng bơh ală mpang jơng kớ cê be hớ – ală cau ò lời ală bơta gơlik gơs kup jam hwêng soàn h, mơ git ngùi nus ji sột he di nàng git loh nus ji sột cau ndai di. Ngai do, oh mi geh gơs chờ nus nàng Yang tơm gơl bơta lơbơn lơno oh mi di lik gơs bơta pran cau ndai in găm ơm roh rùi sơl?

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.