Geh tŭ bol he bè ơm di gùl càl rbut. Hơ̆ là tŭ ala ngai kơp gơn dồ jơnau hòi dăn geh hơ wơl, ala bơta kal ke tòm ala broă lơh, hala bơta kơlôi rcăng bơh ngai tơnơ̆. Jơh ala broă gơlik gơs ò ring lơngai, mờ bol he sùm gơs bơta lùp gen ngăn Yàng gŏ ala broă mờ să tòm he păl lòt găn hơ̆ là ờ. Gen ngăn là Yàng gŏ mờ wă ala bơta tòm lơh he dê. Mờ ya, Yàng koñ bơto he bơta lơi di gùl ala tŭ Yàng ơm ring ngềt hơ̆?

Ngai do, ngai 19/04/2026, Bơta Hòi Dan Kòp Ngai dan jà ồng mò oh mi bơtê bal Jơnau Yàng bơh kơnòm dê bơta dong kòl Laura Holth bơh tơnggume BƠTA DÒN DI GÙL CÀL RBUT

“Gen Kơnràñ đơs mơ bol khai lah: “Ntềng đah bơta dòn bol mê dê taih?” Bol khai rngòt rngơt ngan, ai lơh krơi đơs bal mơ gơp lah: “Behơ̆ cau do la ñcau, mơ kung rgơi lơh càl mơ ryà dà in dòn bơr khai dê taih?” (Luka 8:25)

Añ mut tòm rdeh, til lơ pồng, mờ gơs bơta ò niam nùs. Pơr lơ̆ mờ hòn chò di dô bơyô hòn chò tòm bau tòm Hìu Jum, hwềng nùs añ gơhào bơta gơ ƀoă gơ jrăñ. Añ kung kơp koñ gơs dồ nă cau bơyô, dồ nă cau nàng băl mờ añ cơn đoà lòt găn ala broă tòm rài kis do mờ añ gơs bơta geh jơm gòm.

Tơnơ̆ mờ poh năm ơm is, añ neh kơlôi lah cau bơyô hơ̆ ờ gơs gŏ. Añ sền añ dròm bè ala cau bơtê hơ đang ơhò di gùl càl rbut dờng yau òr. Sră Luka 8:22-25 neh yăl lah:

“Dô ngai ne Kơnràñ mut tòm ơhò bal mơ ală cau bơtê mơ sồr lah: “Bol he tiă lă đah ne tơnau dờng.” Gen bol khai wàs ơhò lòt. Tòm tŭ ơhò gam tiă dà gen Kơnràñ bic lơhă. Nisơna gơs càl rbut khồm druh tòm tơnau dờng, dà mut mòr bềng ơhò, sơbơng rơng ngan. Ală cau bơtê tus pơrlai Kơnràñ mơ đơs lah: “Ơ Kơnràñ, ơ Kơnràñ do bol he mòr chơt roh!” Kơnràñ kah rngal, lah pơrhơng càl mơ ryà lơnggac dàlềng, gen gơ thit mo, ring drik. Gen Kơnràñ đơs mơ bol khai lah: “Ntềng đah bơta dòn bol mê dê taih?” Bol khai rngòt rngơt ngan, ai lơh krơi đơs bal mơ gơp lah: “Behơ̆ cau do la ñcau, mơ kung rgơi lơh càl mơ ryà dà in dòn bơr khai dê taih?”

Di gùl ryà lơnggac dàlềng, dà gơmut tòm ơhò mờ ơhò gơ rơng gô di gùl dà lềng, Yàng Jê-su găm ơm bik. Bơta sền ala cau bơtê dê, ngăn là Kơnràñ ò git tus càl rbut hơ̆? Mờ añ kung gơs bơta lùp is lah gen Yàng găm “ơm bik” di gùl càl rbut dờng tòm rài kis añ dê ò?

Tòm ala ngai kơp gơn, añ neh lùp is bè lơh nàng cơnđoà lòt tai dồ ngai tai, dồ kơn nhai, hala dồ năm jơl tus dê “cau tòm bơta mpau” tơlik măt. Añ git Yàng gơs gơnoăr tòm gơl jơh tơl bơta, bơh Kơnràñ là Yàng Tòm Trồ. Mơya ñchi bơh tài Kơnràñ sùm gơm ring ngềt? Ñchi bơh tài Kơnràñ ò lơh bơta lơi?

Dê tòm bơta ngăn hơ̆, añ neh jơh nùs ràng tơlik mờ Yàng: “Ơ Yàng, hơ̆ ngăn Kơnràñ ò sền rơ mê kòn sơl? Gen dê tŭ hơ̆, añ neh gŏ bơta tơng kah Yàng dê. Kơnràñ tơng kah añ in lah Kơnràñ là Bơtau git loh bơta lơi là niam añ in. Gơwèt mờ añ, añ păl càng gơs bơta dòn kơnờm mờ dòn bơr, ò di là koñ Kơnràñ lơh jat nùs koñ añ dê.

Tŭ đọk dê bơta yăl yau Yàng neh lơh càl rbut ơm mŏ mŏ tòm Luka 8, añ sền gŏ rùp añ tòm ala cau bơtê. Tŭ Yàng lùp bol khai: “Ntềng đah bơta dòn bol mê dê taih?”, gen bol khai neh kơ lôi is lah: “Di gùl càl rbut dờng bè do, ñchi bơta Yàng ơm dồ bă lơngai ngăn bè hơ̆? Gen bol khai ò rgơi git Kơnràñ găm lơh tờm tòm ala bơta, tŭ bơ dìh bè là Kơnràñ ờ lơh ñchi lơi?

Do ngăn là jơnau lùp lơh gơlòng bơta dòn oă cau dòn Yàng tòm ngai do: Lơh bè lơi nàng bol he rgơi prap kơ̆ bơta dòn tŭ mờ sền gŏ Yàng bè ò git tus bơta jê sồt he dê, hala Kơnràñ git mờ ya ơm rinng ngềt?

dồ ngai ne, tŭ găm boh bơr mờ dồ nă cau lơh broă băl, melŏ hơ̆ neh đơs mờ añ lah: “Añ dòn nền Yàng neh rcăng bơyô in dồ nă bau klau, mơya cau kôñ hơ̆ ờ hềt rcăng sir nàng tìp bơyô.”

Tŭ hơ̆, añ ò git lah Yàng neh rcăng añ in Erik, là bau klau tŭ do añ dê. Kơnrañ neh bơtê bơto bi hơ̆ nàng lơh gơs dồ nă cau klau gơ rê băl mờ Kơnràñ mờ bơ srăm đăl git jơnau hòi jạ Kơnràñ dê tòm rài kis khai. Yàng git añ koñ dồ nă cau klau bè hơ̆, mơya Kơnràñ kung git añ mờ bi hơ̆ păl càng koñ tŭ tơngai nàng geh dờng. Kơnràñ neh kong ơt gơwèt mờ añ, jơl tus dê tŭ jơh tơl bơta gơlik gơs wil tơl dê tŭ jơ Kơnràñ dê.

Jơ do, tŭ sền wơl, añ neh dòp dồ bơta bơtê dờng màng, bơta ơm ring ngềt Yàng dề ò tŭ lơi là ò kwơ. Bulah tŭ mờ bol he ò gŏ, Kơnràñ sùm găm lơh broă nàng rcăng ala bơta niam rlau jơh rài kis bol he in. Càl rbut dờng rài yau ò di nàng tơ nhơp ala cau bơtê. Pơr lơ̆ wơl, bơh ala càl rbut hơ̆ neh dong bol khai đăl git Bơtau găm ơm mờ bok khai đang ơhò là cau lơi.

Dilah ngai do, bol he găm ơm tòm “càl rbut” bơta kơp gơn, bơh ta roh lơm hala ala jơnau hòi dăn bè ò gơs hơ wơl, gen kư̆ dòn kơnờm lah Yàng găm ơm hơđang ơhò rài kis he dê. Gen tàng, bol he ò càng jat bơta he sền bèlơi hala bơta jak chài să tòm he nàng lơh jơh bơta. Broă bol he koñ sơm bat kơ̆ jơnau hơ̆ mờ dòn kơnòm dê bơta tề lăm Kơnràñ Kơnràñ dê. Jơnau Yàng đơs: “Jơh nùs dòn kơnòm tĕ di Yàng Jehôwa. Bañ dòn kơnòm di bơta àng loh kòn dê; Tòm jơh ală gùng dà kòn dê, dòp git tĕ Kơnràñ, Gen Kơnràñ rơp bơsong ală gùng dà kòn dê.” (‭‭Jơnau Pơnđik‬ ‭3‬:‭5‬-‭6)

Dan jà bol he dô nùs bal tòm bơta hòi dan: Khoai Yàng, dăn toh glài bơh oă tŭ kòn gơs bơta wi wơ bơh bơta gŏ măt Kơnràñ tòm tŭ ơm tòm bơta càl rbut dờng. Dăn dong kòn gơs bơta gơn kơnờm dê gơnoăr mờ di dê tŭ Kơnràñ dê nàng bulah kòn ơm tòm bơta lơi, kòn sùm geh bơta ơm rlô tòm plàng tê jơm gòm Kơnràñ dê. Kòn jơh nùs hòi dăn tòm sơnđăn Yàng Jê-su Krist, A-men.

Ơ ồng mọ, oh mi kơñ gơboh, di gùl ală bơta kal ke tòm rài kis, sơnrờp ngăn bol he păl bơ srăm git rac dăn lơh jat nùs kơñ Yàng Tòm Trồ la “Nùs koñ Bèp gơs dê” hơđăng rài kis dê. Rac dăn Kơnràñ bơtơl pràn hơđăng bol he, gen bulah jơnau hòi dăn ợ hềt geh hơ wơl, bol he sùm dờn song mờ Yàng mờ jào phi rài kis bol he Kơnràñ in. Mờ tai, kư̆ kis dờn song tòm ală broă kờp ngai, dờn nền lah Yàng găm sùm ngui bol he nàng lơh broă Kơnràñ in. Bơh tơnggu lồi dut rài kis dô nă cau dờn Yàng dê là lơh niăm nùs Yàng Tòm Trồ, gen ală bơta nđàc ndai, bulah là bơta kờñ gơboh hala phan đah poăc să, gen kŭng là bơta nàng he jòng rơ Yàng. Băñ lời ală bơta hơ̆ lơh roh bơta dờn mơ bơta tòm klach dê gùl he mờ Yàng, mờ ya kơ̆ dơn dờn lah Kơnràñ găm sùm rcăng jơh ală bơta niam rlau jơh ai rài kis bol he in, di dê tŭ jơ Kơnràñ.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.