Nyob hauv txoj kev ntseeg, tej zaug muaj ntau tus tau ntog. Muaj tej kev puas tshuaj ua rau peb txaj muag, muaj tej kev txhaum ua rau peb tub qaug thiab xav tias yus tsis tsimnyog rau txoj kev nrog tus Tswv mus ua ke ntxiv. Tiamsis tsis paub kev puas tshuaj puas yog qhov xaus rau peb txoj kev ntseeg? Lossis ntawd yog lub sijhawm rau peb tig rov qab mus ntsia, lees txim, thiab ib zaug ntxiv saj tau Vajtswv txoj kev pab?

Hnub no, yog hnub 03/05/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Tina M. Hunt dhau ntawm Zaj kawm KEV HLUB TOM QAB TEJ KEV NTOG

“Puas tsimnyog peb pheej ua txhaum kom Vajtswv hajyam hlub peb ntxiv? Peb tsis txhob ua li ntawd! Peb twb tuag rau txojkev txhaum lawm, peb tseem yuav ua kev txhaum ntxiv dua thiab los?” (Loos 6:1b-2).

Wb ib niam txiv muaj ib zaug tau koom saib txoj kev ntaus pob (bóng chày). Vim ib txwm swm qhov uas ua ntau txoj haujlwm tib txhij ua ke, ke siab lawv ntaus pob ke ua haujlwm saum máy tính. Tiamsis hais tiag mas, kuv yeej tsom ntsoov rau haujlwm ntau dua, tshuav txoj kev sib tw ntaus pob ntawd ces tsis tshua zoo saib pes tsawg.

Kuv tus txiv pom qhov no thiaj tig los hais rau kuv ob peb lo lus tawb ua si, tiamsis thaum ntawd kuv kuj tsis nkag siab tias xyov nws xav hais dabtsi. Thaum uas tseem sib tham txog kev twv pob, wb pom tias kev sib twv ntaus pob no kuj pab kom wb txuas tau tej zaj kawm sab ntsujplig muaj nqis.

Nyob hauv hom ntaus pob bóng chày no, yog muaj ib tug twg ntaus tsis raug peb zaug ces yuav raug muab ntiab tawm rau nws zaum ntaus ntawd. Tiamsis qhov no tsis tau txhais tias lawv txawm cia li raug ntiab tawm kiag ntawm lub sijhawm sib twv tag nrho ntawd. Lawv tsuas yog so ib pliag rau ntawm qhov chaw so, mloog tus thawj taw kev, rov qab nrhiav kev tas tos kom rov qab txog yus zaum dua xwb.

Peb lub neej ntseeg Vajtswv kuj ib yam nkaus li ntawd.

Nyob hauv pluas mov kawg, Petus nthuav tawm tias Nws yog ib tug neeg ncaj ncees rau Tswv Yexus. Yawg txiav txim tias: “Txawm yog yuav nrog koj tuag ua ke los, kuv yeej yuav tsis ua tus tsis lees paub koj.” (Mathais 26:35). Tiamsis Tswv Yexus ho qhia rau yawg paub tias yawg yuav tsis lees paub Tswv Yexus peb zaug ua ntej qaib qua. Thiab yog li ntawd, Petus tau swb lawm.

Tiamsis, yawg tsis raug Vajtswv muab ntiab tawm. Tomqab sawv rov qab los, Tswv Yexus xub mus nrhiav Petus. Tswv Yexus pub rau yawg muaj lub sijhawm npaj. Peb zaug tsis lees yuav Tswv Yexus kuj yog peb zaug uas Tswv Yexus nug yawg: “Koj puas hlub kuv tiag?”. Txhua zaus zoo li no, Tswv Yexus rov qab muab lub nra yug Vajtswv pab yaj rau yawg.

Yauhas 21:15-17 sau tias:

“Thaum lawv noj tshais tas lawm, Yexus hais rau Ximoos Petus hais tias, “Ximoos Yauhas tus tub, koj hlub kuv tshaj lawv cov no los?” Ximoos teb Yexus hais tias, “Tus Tswv, koj yeej paub hais tias kuv hlub koj.” Yexus hais rau Ximoos hais tias, “Koj cia li yug kuv cov menyuam yaj.” Yexus rov hais dua zaum ob hais tias, “Ximoos Yauhas tus tub, koj puas hlub kuv? ” Ximoos teb Yexus hais tias, “Tus Tswv, koj yeej paub hais tias kuv hlub koj.” Yexus hais rau Ximoos hais tias, “Koj cia li yug kuv pab yaj.” Yexus rov hais dua zaum peb hais tias, “Ximoos Yauhas tus tub, koj puas hlub kuv? ” Petus nyuaj siab heev rau qhov Yexus nug Petus peb zaug hais tias, “Koj puas hlub kuv? ” Petus txawm hais rau Yexus hais tias, “Tus Tswv, koj yeej paub ib puas tsav yam huv tibsi; koj yeej paub hais tias kuv hlub koj.” Yexus hais rau Petus hais tias, “Koj cia li yug kuv pab yaj.”

Hauv txoj kev sib tw pob, muaj ib lo lus hais txog “tus tub ntaus pob uas yog tus ntaus thawj”, txhais tias nws yog tus tseem ceeb tshaj nyob hauv pawg. Kuj ib yam li ntawd, Vajtswv tau muab Petus pauv ntawm ib tug tsis lees Nws dhau los ua tus txheem Pawg Ntseeg xub thawj. Qhov no tsis yog los ntawm yawg lub peev xwm, tiamsis nyob hauv Vajtswv txoj kev hlub. Tsis yog Petus xwb, Vajluskub kuj qhia rau peb paub tias muaj ntau tus tib neeg kuj tau yuam kev tiamsis tau Vajtswv pab:

Mauxes tau ua txhaum tua neeg thaum npau taws, tiamsis tau Vajtswv xaiv coj cov neeg Yixalayees mus rau hauv tebchaws cog lus tseg.

Daviv ua txhaum kev nkauj nraug thiab tua neeg, tiamsis thaum lees txim, yawg tau suav tias yog tus uas ua haum Vajtswv siab.

Paulus tau ntes cov ntseeg, tiamsis tau hloov pauv dhau los ua ib tug txhawb Vajtswv Pawg Ntseeg.

Vajtswv tau xaiv thiab siv cov tib neeg zoo tsis txaus los ua kom tiav Vajtswv lub homphiaj ib txhis. Peb paub Vajtswv txoj kev hlub thiab Vajtswv pab peb yog ib qhov khoom plig, tiamsis kom txais tau qhov khoom ntawd cheem tsum muaj kev pab. Petus tau quaj tu siab heev thaum nws paub tias nws tau tsis lees Tswv Yexus, thiab tomqab yawg lees txim, txais tau kev kho zoo dhau los ua tus yug Vajtswv pab yaj. Vim li no peb thiaj ntsia pom txoj kev lees txim mus nrog kev txiav txim thiab hloov pauv.

Peb yuav tsis yog ua txhaum tas hais daws peb zaj tias “lub cev nqaij daim tawv tsis muaj zog” thiab pheej ua xyem xyav rau txoj kev txhaum. Paulus hais tias: “Puas tsimnyog peb pheej ua txhaum kom Vajtswv hajyam hlub peb ntxiv? Peb tsis txhob ua li ntawd! Peb twb tuag rau txojkev txhaum lawm, peb tseem yuav ua kev txhaum ntxiv dua thiab los?” (Loos 6:1b-2).

Qhov uas peb tau txais txoj kev hlub hnub no yog vim Tswv Yexus tau them ib tug nqi kim heev saum ntoo khaublig, yog li peb “yuav ua li cas kom thiaj tsis ua lub neej ntxiv hauv txoj kev txhaum lawm?”

Txhob cia tej yam uas dawm taw ntog ua rau koj tso tseg hauv txoj kev sib tw ntawm sab ntsujplig, tiamsis cia li sawv tsees, lees txim thiab mus ntxiv. Tswv Yexus yog tus muaj kev hlub, tus kho zoo thiab tus “cob qhia” peb sab ntsujplig hauv txoj kev sib tw ntawm sab ntsujplig no.

Thov caw nrog kuv peb thov Vajtswv ua ke: Tus Tswv uas muaj kev hlub. Kuv ua koj tsaug vim tsis tso kuv tseg txhua zaug kuv tsis muaj zog lossis kuv ntog, tiamsis nyob hauv koj kuv nrhiav tau kev txhawb zog thiab kev kho zoo. Thov pab kom kuv tsis thaub qab hauv txoj kev ntseeg txhua zaus ua txhaum tiamsis pheeb rau ntawm Vajtswv txoj kev hlub, kom tau Vajtswv cob thiab tav kuv lub neej kom dhau los haum Vajtswv siab. Kuv thov hauv Tswv Yexus Khetos lub npe, Amees.

Cov kwv tij txhua tus, puas muaj qhov kev txhaum twg tab tom ua rau koj khiav deb Vajtswv kev tshwm ntsej muag? Puas muaj qhov kev txhaum twg ua rau koj xav tias Vajtswv yuav tsis muaj hnub zam txim rau yus? Yeej tsis muaj ib qhov kev txhaum twg nws yuav puas tshuaj mus txog qhov uas Vajtswv yuav tsis tsa koj sawv. Hnub no, cia li mus cuag Vajtswv los ntawm txoj kev lees txim, thov Vajtswv pab thiab ua rau koj lub neej sab ntsujplig pauv dua tshiab. Cia li ua Vajtswv tsaug vim txoj kev hlub thiab kev zam txim yeej tseem nplua mias nyob hauv koj lub neej.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.