Nyob rau lub neej niaj hnub nim no, peb pheej siv zog kom dhau los ua ib tug neeg muaj suab npe thiab muaj hwjchim tswj ib puas tsav. Tiamsis, puas tau muaj zaum twg sawv ntawm ib puas tsav yam uas Vajtswv tsim lossis tej xwm txheej tshwmsim los ntawd, peb thiaj pom tias yus me thiab muaj nrim loj npaum cas. Twb yog tej lub sijhawm zoo li ntawd, peb thiaj saj tau meej meej txog Vajtswv, tus loj tshaj plaws, tus paub tseeb txhua yam thiab tab tom tswj txhua lub sijhawm.

Hnub no, yog hnub 04/05/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dr. Paul J. Palma dhau ntawm Zaj kawm TXO HWJCHIM TABMEEG NTAWM TUS TSWV

“Tus Tswv uas kav ib puas tsav yam, thov koj zam txim rau koj haivneeg! Lawv yuav ua li cas ua neej nyob? Rau qhov lawv tseem yau thiab tsis muaj zog li!” (Amaus 7:2).

Thaum uas taug kev ntawm lub nkoj ntawm tus dej Niagara, peb pom tias peb me heev. Lub nkoj ntev li 27 tshim, thaum tsheej pua tus qhua, luam raws tus dej ntws, tas xwb tim, ntawm peb qhov muag cia li tshwm tus tsag dej Niagara uas zoo tshaj plaws tuaj. Peb raug ntis los ntawm tej tauv huab tsaus nti. Cua ntsawj loj heev ntawm tus tsag dej tuaj txog qhov uas kuv yuav tau tuav kuv tsev neeg ruaj ruaj kom thiaj tsis muaj leej twg ntog rau ntawm lub nkoj lub plag uas ntub ntsuav. Lub sijhawm uas ua rau kuv nco ntsoov yog thaum lub nkoj tig rov qab, ua rau ntsia pom tag nrho tus tsag dej Horseshoe, yog tus tsag dej uas loj tshaj nyob hauv peb tug tsag dej zoo ib yam daim duab ua rau cov neeg nyob ntawd tus twg los puav leej yuav xav tsis thoob.

Thaum ntsib dhau qhov no, kuv pom tias “yus me heev” tsis yog ib yam phem. Tiamsis nws pab kom peb ntsia pom tias yus yog leej twg nyob hauv tus uas tsim ib puas tsav yam.

Yog tias tib neeg pom tias yus me heev rau ib puas tsav yam uas Vajtswv tsim os ces tus cev lus Amaus hnov tias nws me heev thaum nws ntsib Vajtswv txoj kev ncaj ncees. Thaum uas yawg ua yog toog pom txog Vajtswv txoj kev teem txim tseg rau cov neeg Yixalayees, yawg pom txog yawg haiv neeg txoj kev qaug zog thiab ua tsis tau.

Amaus loj hlob hauv tebchaws Yudas nyob sab qab teb tiamsis tau Vajtswv siv los ua haujlwm rau lub tebchaws Yixalayees nyob qaum teb. Lub sijhawm ntawd, lub teb chaws vam meej txog kev lag luam, tiamsis kev ua zoo thiab lub neej sab ntsujplig puas tshuaj tas. Vajtswv haiv neeg ua neej nyob nrog kev khav theeb, pe mlom, tsim txom cov neeg txomnyem thiab puv npo txoj kev tsis ncaj ncees. Sab nraud lawv yeej tseem tuav txoj kev pehawm tiamsis hauv lub siab lawv khiav deb Vajtswv. Nyob hauv phau ntawv Amaus tshooj 7, Vajtswv qhia rau Amaus pom txog zaj yog toog uas kooj yuav tuaj nrhuav tshem lawv tej qoob loo. Sawv ntawm qhov ntawd, yawg taij thov tias: “Tus Tswv uas kav ib puas tsav yam, thov koj zam txim rau koj haivneeg! Lawv yuav ua li cas ua neej nyob? Rau qhov lawv tseem yau thiab tsis muaj zog li!” (Amaus 7:2).

Amaus nkag siab tias, txawm yog cov pej xeem lawv yuav nplua nuj npaum twg los, sawv ntawm Vajtswv xub ntiag, lawv yeej ua tsis tau dabtsi yog tsis muaj Vajtswv txoj kev hlub tshua. Yog li, yawg thiaj thov Vajtswv pab rau cov pej xeem, thov Vajtswv hlub tshua, vim yawg ntseeg Vajtswv txoj kev ua siab ntev. Nyob hauv Vajtswv lub siab hlub tshua, Vajtswv tau tseg tsis tau rau txim. Qhov no tsis tau txhais tias yuav tsis rau txim ntxiv. Tiamsis qhia paub tias thaum tib neeg thov los ntawm lub siab txo hwjchim, Vajtswv yeej tseem nthuav tawm Vajtswv lub siab hlub tshua.

Muaj ntau zaug Amaus qw thov “tus Tswv” – “Koj lub npe yog tus Tswv” vim yawg paub Vajtswv lub hwjchim thiab tshwjchim loj kawg nkaus. Yawg paub tias Vajtswv yog tus tso haiv neeg Yixalayees dim ntawm txoj kev ua cev qhev, coj lawv hla dhau moj sab qhua thiab pub kev muaj yeej hauv kev tsov rog rrau lawv. Twb yog los ntawm tej no thiaj ua rau Amaus tsis ntshai, tiamsis paub vam khom rau Vajtswv thiab taij thov Vajtswv.

Niaj hnub nim no peb kuj poob rau tej lub sijhawm ua rau peb ntsia pom tias peb me dhau, tej zaug nyob ntawm lub nra nyhav, tej kev pob puas lossis kev txhaum ntawm tus kheej. Tiamsis qhov tseem ceeb txoj kev pom tias yus me heev ntawd nws los qhov twg los?

Yog nws los ntawm txoj kev quab yuam, sib piv, tub qaug, ces ntawd tsis yog yam uas Vajtswv xav tau. Tiamsis yog los ntawm tej uas uas peb pom txog Vajtswv yog tus dawbhuv thiab loj kawg nkaus, thiab pom tias yus muaj nrim los ntawm yus tus kheej tej kev txhaum, ces ntawd yog ib yam muaj nqis. Vim nyob ntawd, peb kawm tau txoj kev txo hwjchim thiab ntseeg siab rau Vajtswv.

Vajluskub sau: “Yog li ntawd, nej yuav tsum txo nej lub hwjchim thiab cia Vajtswv tus uas muaj hwjchim kav nej. Yog nej ua li ntawd thaum txog hnub uas Vajtswv tseem cia lawm, nej yuav tau ntsejmuag.” (I Petus 5:6).

Paub tias Vajtswv yog tus dawbhuv thiab ncaj ncees ua rau peb tau txhawb zog, tiamsis kuj ntuas kom peb yuav tau ua ib lub neej hwm Vajtswv. Thaum pom tias yus me heev ntawm Vajtswv xub ntiag, peb tsis tas yuav siv zog tswj kom tau txhua yam, tiamsis yuav tau kawm paub vam khom rau Vajtswv txhua lub sijhawm.
Thaum kev txhaum lossis lub caijnyoog ua rau peb lub neej tom ntej dhau los tsaus ntuj nti, ces peb nco txog tus cev lus Amaus daim duab, yog ib tug pom txog tib neeg txoj kev qaug zog thiab tso siab plhuav rau Vajtswv lub siab hlub tshua. Nws yog tus ntsia pom lub siab puas ntsoog thiab lub siab txo hwjchim Nws yuav zoo siab hlo zam txim rau tus uas lees txim.

Thov caw nrog kuv peb thov Vajtswv ua ke: Tus Tswv, sawv ntawm Vajtswv tus loj kawg nkaus thiab dawbhuv, kuv pom tias kuv me heev thiab muaj nrim. Thov Vajtswv zam txim vim muaj tej lub sijhawm kuv khav theeb, hnov qab kuv qhov chaw ntawm koj xub ntiag. Thov pab kom kuv paub tias koj yog tus dua ntais, kom kuv paub ua lub neej vam khom rau koj. Kuv thov hauv Tswv Yexus Khetos lub npe, Amees.

Cov kwv tij, koj puas tau paub tseeb tias Vajtswv yog tus loj dua ntais thiab koj cheem tsum Vajtswv txoj kev hlub tshua kom ua lub neej zoo kawg nkaus txhua hnub hauv ntiajteb no? Cia li thov Vajtswv pab kom koj saj tau txoj kev tshwm ntsej muag nyob ze Vajtswv, kom nyob hauv txhua yam koj ua lub neej haum Vajtswv siab. Txhua hnub cia li xyaum thov Vajtswv txo hwjchim zoo li Amaus, lees yus qhov kev qaug zog thiab tus kheej kev muaj nrim, ib yam li yus lub zej zos, thov Vajtswv hloov dua tshiab, pub kom muaj kev lees txim rau tej neeg ib ncig yus. Cia siab tias koj yuav tau loj hlob hauv txoj kev paub Vajtswv thiab mus nrog qhov tseeb no.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.