Nyob rau kev vam meej txog txhua yam cuab yeej tshaj xo, tib neeg niaj hnub no yooj yim txuas tau rau lub ntuj uas tsis muaj tiag. Tiamsis thaum tseg lub sijhawm thiab lub zog rau tej kev txuas cuav no, peb puas tab tom sib txuas ua ke tiag? Thiab ua ntej tshaj, peb puas tab tom txuas ua ke nrog Vajtswv hauv txoj kev zoo? Nyob hauv tej kev tsis khoom ntawm lub neej puas muaj zaum twg peb tab tom hnov qab peb tus kheej lub hauv paus siav tiag lawm?

Hnub no, yog hnub 05/05/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Nina Keegan dhau ntawm Zaj kawm TXUAS NROG LUB HAUV PAUG CIA SIA TIAG

“Kuv yog tsob hmab, nej yog cov ceg. Tus uas txuas rau ntawm kuv, thiab kuv txuas rau ntawm nws, tus ntawd yuav txi txiv new; yog nej tsis txuas rau ntawm kuv, nej yeej ua tsis tau ib yam dabtsi li” ̣(Yauhas 15:5)

Peb tab tom ua neej nyob hauv lub ntuj uas tsis muaj sijhawm khoom, haujlwm ntau heev txhua hnub. Kom peb caum tau txoj kev ua neej no, peb yuav tau siv tej cuab yeej vam meej los tswj lub sijhawm thiaj ua tau haujlwm zoo.

Zoo li ib txojcai, txhua yam puav leej cheem tsum lub hauv paus hluav taws xob kom ua tau haujlwm. Lub xov tooj yuav zoo luaj twg los kuj tsis muaj qab hau los roj tas. Máy tính txawm yuav muaj zog npaum twg los kuj yuav tsis ua haujlwm, yog tsis muaj lub hauv paus txhos hluav taws xob rau. Peb swm qhov uas ua lub neej raws li tej cuab yeej vam meej kom tuav rau peb kev ua neej txhua hnub. Tiamsis thaum uas ua tib zoo npaj rau tej “kev txuas” ua ke ntawd, peb ho yooj yim hnov qab peb lub neej sab hauv, tsis paub peb tus ntsujplig puas tseem tau txuas ua ke nrog lub hauv paus siav tiag uas yog Vajtswv.

Tswv Yexus hais tias: “Kuv yog tsob hmab, nej yog cov ceg. Tus uas txuas rau ntawm kuv, thiab kuv txuas rau ntawm nws, tus ntawd yuav txi txiv new; yog nej tsis txuas rau ntawm kuv, nej yeej ua tsis tau ib yam dabtsi li” ̣(Yauhas 15:5).

Daim duab hais txog tsob hmab yeej ib txwm swm nyob rau hauv cov neeg Yudais txoj kev coj noj coj ua. Nyob hauv ntuj Vajluskub no, Tswv Yexus siv ib daim duab uas lawv ib txwm paub los hais txog txoj kev sib raug zoo ua ke nrog Vaj Leej Txiv thiab cov thwjtim ua ke. Tswv Yexus yog tsob tseem txiv hmab tiag, Vaj Leej Txiv yog tus cog, tshuav peb yog cov ceg.

Raws li ib txwm muaj, ib tug ceg ntoo yuav cim civ ciaj sia tsis taus, lossis yuav hlav tau nplooj lossis txi tau txiv yog cais tawm ntawm lub cev. Vim nws tsis muaj cag, kuj nrhiav tsis tau dej qhov twg los haus yug lub cev. Txhua txojsia puav leej yog los ntawm lub cev los xwb.

Peb lub neej ntseeg Vajtswv kuj ib yam li ntawd. Peb yeej muaj cuab kav ua neej, kawm, ua haujlwm txhua hnub. Tiamsis yog tsis “nyob hauv Vajtswv”, tsis nyob hauv txoj kev sib raug zoo ua ke nrog Nws, peb yuav txais tsis tau txojsia tiag los ntawm Vajtswv los.

Thaum Vajtswv hais tias “Dhau ntawm kuv lawm nej ua tsis tau ib yam dabtsi”, qhov no tsis tau muaj lub ntsiab tias peb yuav ua tsis tau haujlwm lossis ua tsis tau ib yam dabtsi twg hauv lub neej. Yog tsis muaj Vajtswv, peb yeej ua tau haujlwm tiamsis qhov no tsis muaj nqis nyob mus ib txhis, thiab peb yuav ua tsis tau lub neej kom yog raws li lub homphiaj uas Vajtswv tau teem tseg.

Tseeb tiag, peb yooj yim raug nqus mus caum tej cuab yeej vam meej. Tus kheej tej cuab yeej ntawd yeej tsis muaj dabtsi tsis yog, tiamsis thaum uas tej ntawd txeeb peb lub sijhawm zuj zus, dhau los ua tus “tswv” rau peb, ces qhov no yog yam uas peb yuav tau xav. Puas muaj zaum twg peb tsau tsawv hauv xov tooj txog qhov uas hnov qab Vajtswv txoj kev tshwm ntsej muag lawm? Puas muaj zaum twg tej fuab cua hauv ntiajteb no ua rau peb tsis ntshaw nrhiav Vajtswv lawm? Txhua hnub, peb tseg sijhawm ntau los nyeem xov xwm, kev ua si saum xov tooj, caum tej kev hloov pauv dua tshiab,… tiamsis tsis pom tias sijhawm dhau mus sai heev.

Yam dabtsi yuav tshwmsim tuaj yog tias peb kuj nrhiav Vajtswv los ntawm txoj kev ntshaw ib yam li ntawd? Yam dabtsi yuav tshwm sim tuaj yog tias peb kuj tseg sijhawm cia rau Vajtswv ua ntej zoo li qhov uas peb tshuaj saib peb lub xov tooj? Ces peb lub neej ntshai yuav txawv. Peb yuav saj tau lub neej puv npo txojsia thiab tawg paj txi txiv nyob hauv txoj kev sib raug zoo nrog Vajtswv, zoo li tsob ceg hmab yeej tseem txuas rau lub hauv paus.

Tiamsis muaj ntau zaug peb yeej tseem tsis tau txuas nrog Vajtswv tiag. Qhov kev tav loj tshaj tej zaug yog nyob hauv peb lub siab. thaum ib tug neeg lub siab nyob deb Vajtswv lawm, nyuaj rau peb tawm tsam nrog txoj kev tub nkeeg lossis kev qaug zog ntawm tus kheej kom tseg sijhawm nrog Vajtswv nyob ua ke. Nyob hauv tej kev xaiv thiab kev zoo siab hauv ntiajteb, peb puas xaiv pib ib hnub tshiab hauv Vajtswv tej lus thiab thov Vajtswv? Vajtswv txojlus ntuas: “Tiamsis nej yuav tsum xub nrhiav Vajtswv lub Tebchaws thiab ua raws li Vajtswv lub siab nyiam tso, Vajtswv mam muab tej no ntxiv rau nej” (Mathais 6:33).

Yog tias peb saib tsis tseem ceeb lossis tseg lub sijhawm tsis txuas nrog Vajtswv ua ke txhua hnub, ces peb yuav ua li cas tos kom yus tau puv npo Vaj Ntsujplig? Yuav ua li cas kom peb saj tau txoj kev ywg roj los ua Vajtswv tes haujlwm lossis rhau tus cag nyob hauv Nws?

Yog li, cia li pib nrog Vajtswv txhua hnub. Yuav tau xub nrhiav Vajtswv lub tebchaws thiab Vajtswv txoj kev ncaj ncees ua ntej, ua ntej txhua lub homphiaj, haujlwm lossis kev txhawj txhua hnub. Cia li pehawm thiab mloog Vajtswv lus txhua hnub, thaum uas txhua yam mus tau zoo, ces nyob hauv ntsus kev tsov rog, nyob hauv txhua txoj kev xaiv, thiab tej kev sim siab uas peb ntsib txhua hnub.
“Cia li nrhiav tus Tswv thaum uas tseem yuav ntsib tau nws, cia li thov nws pab thaum nws tseem nyob ze nej” (Yaxayas 55:6).

Thov caw nrog kuv peb thov Vajtswv ua ke: Tus Tswv, kuv ua Koj tsaug vim tau txav mus ze koj thiab thov koj lub sijhawm twg los tau. Tiamsis tus Tswv, thov zam txim vim tau muaj lub sijhawm kuv hla dhau lub sijhawm nrog koj nyob ua ke, tas lub neej sab ntsujplig dhau los pluag, tshaib thiab tsis txi txiv rau Vajtswv. Thov Vajtswv pab kuv kom txhua hnub txuas tau lub neej nrog koj zoo li cov ceg hmab txuas tau lub hauv paus hmab, kom kuv txais tau txojsia hauv koj thiab nthuav tawm txojsia ntawd rau tej neeg ib ncig. Kuv thov hauv Tswv Yexus Khetos lub npe, Amees.

Cov kwv tij txhua tus, txuas ua ke nrog lub hauv paus txojsia tiag yog thaum uas koj nyob hauv txoj kev sib raug zoo ciaj sia nrog Vajtswv kom txais tau txoj kev hloov pauv rau lub neej sab ntsujplig, kom lub neej dhau los mloog lus thiab tawg paj txi txiv dua. Hnub no, tsis paub xyov tej cuab yeej vam meej, tej xov tooj, lossis lwm yam puas cab koj txav deb Vajtswv txojsia? Puas muaj yam dabtsi nyob rau hauv ntiajteb ua rau koj tsis nrhiav Vajtswv lawm? Cia li lees tawm koj tej kev qaug zog thiab kev txhaum, thov Vajtswv zam txim thiab cog lus rau koj lub neej nrog Vajtswv txij hnub no mus. Thov kom koj ncaj ncees nyob rau hauv lub sijhawm nrhiav Vajtswv txhua hnub kom saj tau lub neej nplua mias thiab tawg paj txi txiv rau Vajtswv.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.