Ib nyob hauv cov neeg Viet Nam kev coj noj coj ua yog muaj ntau tiam koom nyob ua ke hauv ib lub tsev. Hauv txoj kev hlub thiab tiv thaiv ntawd, tej kev ua neej tau qhia ntawm tiam no mus txog rau lwm tiam. Nyob hauv tsev neeg ntseeg Vajtswv, txoj kev cob qhia cov hluas kom paub thiab nkag siab txog Vajtswv tsis yog tsuas yog lub nra ntawm niam txiv xwb, tiamsis yog sawv daws yuav tau koom tes. Nyob hauv Vajtswv txoj kev coj, tsev neeg dhau los ua qhov chaw tu txoj kev ntseeg thiab tsim muaj tus cag ruaj khov rau sab ntsujplig rau tiam tom qab no. Ntawd yog qhov khoom plig zoo uas Vajtswv pub.

Hnub no, yog hnub 06/05/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm VAJTSWV POB KHOOMPLIG

“Kuv nco ntsoov hais tias koj muab siab rau ntseeg ib yam li koj pog Lau-is thiab koj niam Enikes. Nimno kuv cia siab hais tias koj tseem muab siab rau ntseeg” (2 Timautes 1:5).

Ib thiv ib zaug, peb peb tug ua twj ywm zais Vajluskub rau hauv lub hnab me me, sib tuav tes mus rau ntawm niam laus tsev. Kuv tus niam laus lub tsev sov so, nrog rau nws niam, cia li dhau los ib txwm swm rau wb. Ntau zaug tej zaj kawm Vajluskub thiab kev sib tham kuj nyob hauv qab lub teeb Noen pheej tuag vim niam laus tus pog. Thaum uas cheem tsum ib khob dej, niam laus hu: “Puas muaj leej twg nyob sab nraud?” los ntawm lub suab nyob nruab nrab teb, kuv nyuaj nkag siab heev. Thiab thaum twg pog kuj tshwm ntsej muag, ua tib zoo thiab maj mas hais: “Nej kav tsij kawm nej Vajluskub, cia niam mam pab pog.”

Muaj tej zaum mus txog ntxov, tsuas muaj kuv ib leeg nyob ntsiag to hauv tsev, ua tib zoo mloog pog hais tsis tseg nyob rau lub sijhawm ntev. Tas xwb tim kuv hnov pog hu niam laus lub npe, hu niam laus niam thiab, tas kuv pom pog tab tom hu ntau tus neeg lub npe nyob hauv tsev. Ua ntej uas lub qhov muag qhib loj loj zoo yam li nyuam qhuav nrhiav tau, kuj tsis paub vim tsis nkag siab, nws saib kuv thiab luag: “Kuv tus niam tais ib txwm thov Vajtswv li ntawd rau tej xeeb ntxwv nyob hauv tsev txhua hnub.”

Kuv xav tsis thoob, tiamsis kuj nyiam: kheev lam kuv kuj muaj ib tug niam tais li ntawd. Thiab thaum no, zaj xwm hauv Vajluskub hais txog nkawd ob niam tub yog Lau-is thiab Enikes tau koom siab qhia Timautes ho ua rau kuv muaj lub sijhawm sov so hauv niam laus lub tsev, nrog rau niam thiab tej menyuam. Qhov chaw uas kev ntseeg tau muab tseb los ntawm cov uas ua niam: pog thiab niam. Ntawd yog txoj kev ntseeg uas Paulus tau ua tib zoo nthuav tawm nyob hauv tsab ntawv xa rau Timautes, tus uas yog yawg tus pab haujlwm. “Kuv nco ntsoov hais tias koj muab siab rau ntseeg ib yam li koj pog Lau-is thiab koj niam Enikes. Nimno kuv cia siab hais tias koj tseem muab siab rau ntseeg” (2 Timautes 1:5).

Peb tiam neeg ua neej nyob hauv txoj kev ntseeg, khaws kev ntseeg tseg cia. Kuv xam tias nyob hauv lub tsev me me ntawd, tej zaum Vajtswv tej lus tau muab txaug, muab sau qhov txhua chaw, ntaawm tej ncej tsev, saum qhov rooj, ib yam li Mauxes tau qhia. Thiab Vajtswv tej lus uas vam kom Mauxes pab qhia kuj tsis tawm hauv Lau-is lub ncauj mus li:

“Nej yuav tsum nco ntsoov tej Ius uas hnub no kuv qhia rau nej. Nej yuav tsum muab qhia rau nej tej menyuam, thiab niaj hnub hais txog tej lus ntawd, tsis hais thaum nej nyob hauv tsev, thaum nej taug kev, thaum nej so thiab thaum nej ua haujlwm” (2 Kevcai 6:6-7).

Ib sab ntawm qhov uas qhia Vajtswv tej lus los ntawm ntau txoj kev, kev ntseeg hauv Vajtswv tej lus tau nthuav tawm hauv txoj kev sib raug zoo ntawm Lau-is thiab Enikes lawv cov niam tub dhau los ua ib feem ntawm Timautes lub neej hwm Vajtswv, thiab dhau los ua txoj kev hlub muab pub tseg rau Vajtswv.

Tes Haujlwm tshooj 16:1,3 qhia paub tias Timautes niam yog neeg Kilis tshuav niam yog ib tug neeg Yudais ntseeg Vajtswv. Lub neej txijnkawm nrog nws tus txiv neeg Kilis yeej tav tsis tau Enikes ua lub neej muaj zog thiab ncaj ncees rau Nws tus Vajtswv, txoj kev ntseeg uas pog tau cob qhia thiab txhawb los ntawm nws niam yog Lau-is. Nyob rau lub ntiajteb niaj hnub nim no, yeej ntsib ntau tus qhia tej menyuam lawv yog ib leej niam nyob ib leeg, lossis tsis kub siab lug ua neej nyob hauv txoj kev ntseeg. Txawm yog nyob hauv tsev neeg uas muaj kev ntseeg zoo kuj muaj tej ntu sijhawm hnov cuag li nyob ib leeg hauv txoj kev qhia tej menyuam hauv txoj kev ntseeg. Tiamsis Vajtswv tsis muaj ib zaum twg nyob deb peb. Ib yam li Tswv Yexus tau hais: “Kuv yuav tsis cia nej nyob ib leeg; kuv yuav los cuag nej.” (Yauhas 14:18). Cia li koom nrog Enikes pheeb txoj kev ntseeg om ruaj nyob hauv Tswv Yexus, ncaj ncees ua lub neej hauv Vajtswv tej lus, coj yus tej menyuam kom ua tau lub neej zoo thiab haum Vajtswv siab tseg rau tej menyuam. “Menyuam yog tej uas tus Tswv pub dawb rau neeg; menyuam yog koob hmooy los ntawm tus Tswv” (Ntawv Nkauj 127:3).

Lub sijhawm maj mam dhau mus. Peb cov viv ncaus ib leeg nyob ib qhov, ib tug nyob, ib tug tawm mus ua haujlwm rau qhov txhua chaw hauv ntiajteb nrog tsev neeg me. Tej xov xa txog niam laus niam tais tuag lawm, tas txog kuv niam, puav leej ua rau kuv lub siab nco txog lub tsev me me hnub ntawd, peb tiam neeg ntseeg Vajtswv hlub Vajtswv. Nco txog niam laus los ntawm Vajtswv tej lus nyob hauv siab. Nco txog tus niam pem lub ntsej muag mos muag, qab zib thaum uas ua tib zoo taw qhia, qhia peb hau qos liab pub rau cov hu nkauj tau noj. Thiab nco tshaj ces yog niam tais laus cov lus thov Vajtswv. Yam uas zoo tshaj hauv niam tais cov lus thov Vajtswv hnub ntawd yog niaj hnub no cov kwv tij nus muag hauv tsev neeg puav leej ua Vajtswv haujlwm tas lub sijhawm, ntawm txhua qhov chaw hauv tebchaws Viet Nam mus rau lwm lub tebchaws, ncaj ncees coj Vajtswv txoj kev cawm dim mus pub rau ntau tus. Ib yam li tsev neeg uas muaj ob tug poj niam yog Lau-is thiab Enikes ntawd tau Vajluskub hais txog lub npe ib zaug, tiamsis nkawd txoj kev ntseeg rau Vajtswv tus ciaj sia tau ua qauv rau ntau tiam dhau ntawm Timautes nrog tej kev tshaj tawm nrog Paulus ua ke.

Nyob ntawm kuv, tej uas kuv kawm tau hauv niam pem tsev neeg nrog tej kwv tij ntseeg hauv lub tsev me me hnub ntawd, thiab thaum uas qhov muag ntsia pom tiam plaub, yog niam tais tej xeeb ntxwv, tseem ncaj ncees hlub Vajtswv thiab ua Vajtswv haujlwm, ntawd yog lub zog pub rau kuv kom ncaj ncees thov Vajtswv thiab qhia tej menyuam kom tas siab, tas zog hlub tus Vajtswv uas muaj sia.
“Ib puas tsav yam uas nej ua no, nej yuav tsum thov Vajtswv pab. Nej yuav tsum thov Vajtswv txhua lub sijhawm raws li Vajtswv tus Ntsujplig coj nej. Vim li ntawd nej yuav tsum ceevfaj thiab ua siab ntev thov Vajtswv tsis txhob tseg” (Efexaus 6:18a).

Thov caw nrog kuv peb thov Vajtswv ua ke: Vajtswv, ua koj tsaug tau cia kuv nyob hauv kuv tsev neeg. Ua Vajtswv tsaug tau ntseeg thiab muab lub luag haujlwm cob qhia tej menyuam rau kuv. Thov kom Leej Txiv ntxiv lub zog kom muaj lub siab tawv thov Vajtswv, thiab tso cai rau peb tau saj txoj kev mloog Vajtswv lus, ncaj ncees coj tej menyuam mus rau hauv lub homphiaj kaj siab thiab tso siab lug uas Vajtswv tau teem ua ntej. Kuv thov hauv Tswv Yexus Khetos lub npe, Amees.

Cov kwv tij txhua tus, txawm yog tab tom ris lub nra twg hauv tsev neeg me lossis loj los, zaj xwm hauv ob tug pojniam uas yog Lau-is thiab Enikes tau Vajtswv tso cai sau rau hauv Vajluskub yog lub ntsiab lus uas Vajtswv npaj tseg rau koj thiab kuv. Yuav tau saib taus txoj kev cob qhia yus tej menyuam zoo li ib qhov khoom plig uas Vajtswv muab pub, thiab muaj lub siab tawv qhia lub nra zoo li tus neeg tau Vajtswv ntseeg thiab muab tes haujlwm tseb noob rau hauv lub neej ntseeg Vajtswv. Tsis muaj ib zaum twg yog lig raug Vajtswv. Lub sijhawm no, cia li cog lus nrog Vajtswv ua neej nrog txoj kev ntseeg tiag, qhia rau tiam txuas ntxiv nyob hauv caj ces uas Vajtswv tau muab cob rau koj.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.