Yam dabtsi tseem muaj nyob thaum peb tau ncaim lub ntiajteb no mus? Ntawd puas yog lub tsev zoo, lub meej mom, lossis tej uas muaj nuj nqis nyob mus ib txis hauv tiam tom qab lub siab? Rov muab xav txog, hnub no peb tabtom mus dhau los ntawm pog, niam, tej neeg ua ntej txoj kev ntseeg. Kev ntseeg ntawd tsis tag yuav tshwm zoo nkauj, tiamsis nyob hauv lawv lub siab, lawv tes haujlwm qhia tawm Vajtswv txoj kev hlub rau lwm tus ib ncig. Peb rov qab cim nco hauv peb lub hlub, kom pom txog ib pab neeg lub neej ntseeg tseem nyob hauv peb lub siab tsis ploj.

Hnub no yog hnub 12/5/2026, Kev thov Vajtswv txhua hnub thov caw peb txhua tus nrog tus sau Carolyn Fraiser kawm txog lub ntsiab lus: TEJ QUB TXEEG QUB TES NYOB MOOG IB TXHIS

“Thaum kuv pom koj cov menyuam qee leej ua lawv lub neej raws li qhov tseeb uas Leej Txiv qhia rau peb lawm, kuv zoo siab kawg li.” (2 Yauhas 1:4)

Hnub pog ncaim peb mus, kuv nyuam qhuav xyaum loj hlob . Ib xyoo tom qab, kuv yeej tsis poob ib lub kua muag, kuj tsispaub tis npe li cas rau kuv lub siab khoob lug ntawd. Kuv lub siab cuag li ua twjywm, txiag ziag txaus ntshai heev.
Kuv nco tej hnub tav su kuv thiab pog sib faib daus noj ua ke, nco thaum pog puag txawv kuv, nrog kuv tiv tej kev teeb meem thaum loj hlob. Pog tham ntau zaj txhawb kuv zog, thiab pog yog tug uas ntseeg siab rau kuv tej kev npau suav. Nyob rau tej hnub ntawd, kuv twg kev tag thaum xav txog lub neej tom hauv ntej. Kuv tsis paub yuav mus li cas thaum tsis muaj pog nrog kuv lawm.

Kuv saib txhua yam pog tseg cia puav leej tseem ceeb. Lub rooj qub, lub nplhaib puag thaum ub los, lossis tej tsab ntawv kuvsau rau pog puag thaum me. Tiamsis qhov tseem ceeb muaj nqis tshaj pog tseg rau kuv tsis yog tej khoom ntawd. Pog yog tug coj kuv mus ntsib Tswv Yexus thiab qhia tawm Vajtswv txoj kev hlub dhau ntawm pog lub neej. Pog tsis tag yuav ua tej yam dabtsi loj, kuv yeej pom Vajtswv dhau tej haujlwm uas pog ua.

Hauv phoo 2 Yauhas, timthawj Yauhas hais txog ib tug pog kuj zoo li kuv pog. Yawg hu tias “pog” tus “tau xaiv” (nqi 1). Peb tsis paub pog lub npe, kuj tsis paub pog lub neej zoo li cas, tiamsis muaj ib qho peb paub tseeb, yog pog paub qhov tseeb thiab qhia qhov tseeb rau pog tej menyuam. Yauhas sau “Thaum kuv pom koj cov menyuam qee leej ua lawv lub neej raws li qhov tseeb uas Leej Txiv qhia rau peb lawm, kuv zoo siab kawg li. (nqi 4).

Kuj zoo ib yam li kuv pog, tug pog no tau coj nws tej menyuam tuaj cuag tus Tswv Cawmseej. Thaum tau tus Tswv hloov pauv lawm, lawv yuav ua lawv li nqi lus kevcai thib ib: “yuav tsum sib hlub”

Nimno kuv yuav muab ib txoj kevcai tshiab rau nej: Nej ib leeg yuav tsum hlub ib leeg ib yam li kuv hlub nej. Nej ib leeg yuav tsum hlub ib leeg. 35Yog nej ib leeg hlub ib leeg, sawvdaws thiaj yuav paub hais tias nej yog kuv cov thwjtim.” Yauhas 13:34-35.

Timthawj Yauhas sau tseg tej lus no hauv phoo Moo zoo, hauv phoo ntawv sau rau pog, yawg sau: “Yog li ntawd, kuv thov ntuas koj hais tias peb ib leeg yuav tsum hlub ib leeg. Tej lus uas kuv sau rau koj no tsis yog tej lus tshiab, tiamsis kuv sau tej uas peb ibtxwm muaj thaum chivthawj los lawm xwb. “ 2 Yauhas 5. Cov soj ntsuam Vajluskub xam pom tias tsab ntawv no tau sau rau xyoo 60-70 tom qab Tswv Yexus yug, yog ua qab Tswv Yexus sawv hauv qhov tuag los thiab mus saum ntuj ntau xyoo.

Lub sijhawm dhau mus. Cov thwjtim nim no twb muaj cuab yig tag thiab muaj tub ki. Tiam tom qab tsis pom tim ntsej tim muag tej txujci lawm, lawv tsuas hnov qhov tseeb dhau ntawm lawv niam thiab txiv. Lawv thiaj yog tiam thawj uas ua tim khawv txog tej qub tseeg qub tes muaj kev ntseeg zoo. Lawv ntseeg tsis yog vim pom Vajtswv tim ntsej tim muag, tiamsis yog pom Vajtswv dhau ntawm tiam ua ntej lub neej.

Tug pog ntawd tej menyuam twb ua neej lawv li qhov tseeb uas pog qhia tawm. Tsis tag yuav hais nrov hais loj, lawv yeej ua neej sib hlub , thiab ntawd yog lawv qhia tawm rau ntiajteb txog Vajtswv txoj kev hlub: “Txojkev hlub uas kuv hais no lub ntsiab hais tias kom peb yuav tsum ua peb lub neej raws li Vajtswv hais. Tej lus uas Vajtswv hais, nej twb hnov thaum chivthawj los lawm, nws hais tias nej txhua yuav tsum niaj hnub sib hlub. “ nqi 6

Peb txhua tus yeej muaj feem tseg tau rau tiam tom qab tej qub tseeg qub tes zoo li ntawd. Thaum rov qab tig mus saib tus qauv zoo uas kuv pog qhia tawm, kuv ntshaw kom kuv ua tau lawv li pog, yog tug coj txoj koob hmoov qhia rau tiam tom qab txog txoj kev ntseeg zoo tsis txawj ploj.

Thov caw nrog kuv peb thov Vajtswv ua ke: Kuv Leejtxiv uas muaj kev hlub, kuv ua koj tsaug rau tej lub neej ntseeg zoo ua quav rau kuv xyaum. Ua koj tsaug rau tej lub neej zoo uas koj tso nyob ntawm kuv ib sab. Thov qhia kom kuv paub qhia tawm qhov tseeb, tseg txoj kev ntseeg zoo rau tiam tom qab. Pab kom kuv qhia tawm txoj kev hlub zoo tsis txawj hloov rau tiam txuas ntxiv, dhau ntawm kuv kev mloog lus. Kuv taij thov hauv tus Tswv Yexus Khetos lub npe, Amees.

Ib tsoom phoojywg, tom qab txhua yam dhau mus, yam dabtsi yuav tseem nyob hauv cov neeg uas ua neej nyob lub siab. Tseeb tiag yuav tsis yog nyiaj txiag, vajtse uas ib hnub kuj yuav ploj. Tej qub tseeg qub tes koj tseg tau yog koj lub neej uas tau Vajtswv hloov pauv. Kom txog ib hnub thaum saib koj lub neej tau ruaj siab hlub thiab ntseeg siab txawm yog ntsib kev txomnyem, lawv yuav tig los nrhiav Vajtswv. Ntawd thiaj yog pob khoom plig muaj nqis, yog tug hluav taws cig tsis txawj tuag ib tiam mus dhau ib tiam.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.