Ib hnub tshiab los txog, nrog rau tej haujlwm, tej kev npaj, kev txhawj xeeb… Hauv lub neej maj nroos no peb pom yus tus kheej tsuas yog ib tug tib neeg me me nyob hauv tsheej triệu tug tib neeg hauv lub ntiajteb. Nyob rau ib thaj chaw me me hauv lub qe av no, hauv ib lub tebchaws, hauv ib lub nroog, hauv ib lub zog, peb nyob rau hauv ib lub chav ntsiag to xwb… Peb, yog cov neeg zoo pheej tshaj li txhua tus! Tiamsis, Dhau ntawm cov neej zoo pheej tshaj li ntawd, Vajtswv kuj nqis tes ua tiav Nws lub hom phiaj.

Hnub no yog hnub 13/5/2026, Kev thov Vajtswv txhua hnub thov caw sawvdaws nrog kawm Vajtswv txoj lus txog lub ntsiab lus: IB TUG NEEG ZOO PHEEJ TSHAJ

“Ya-ees yog tus uas muaj hmoo tshaj plaws tej pojniam, nws yog Henpeles uas yog neeg Kenais tus pojniam, nws muaj hmoo tshaj tej pojniam uas nyob hauv tej tsevntaub huv tibsi.” (Cov Thawjtswj 5:24)

Tsab ntawv uas tus niam hluas Nguyễn Thùy xaa tuaj qhia tawm nws ntau kev txhawj xeeb, kev sib txeeb hauv nws lub siab txog ntawm nws tus txiv lub công ty tej lus caw thiab ntawm Vajtswv tej kev cai. Ob xyoo dhau los nws los txais yuav Yexus ib leeg, nyob hauv ib pawgntseeg loj, tsis muaj leej twg tsav los ze nws, nws kev ntseeg tabtom ua yoj yeeg thaum nws tug quas yawg lub công ty tsa lus kom nws sawv npe los txais nyiam công ty, txhais tau tias tso tseg tej kev tawm tsam; thiab nyob ntawm tus niam hluas no, qhov ntawd txhais tau tias tias nws yuav poob nws tus quas yawg, ib txoj kev xav ua rau Nguyễn Thùy hnov iab siab thaum rov xav txog. Yav tag los, txawm tsis muaj npe rau hauv tsev neeg lub công ty los nws yeej rau siab nrog nws tus txiv ua haujlwm nyahv xib, nrog ris tej nuj nqes uas ntau li ntau, nws xav tias nws tabtom pab nws tus txiv, nqug nws tug txiv tig rov qab los. Tiamsis tej hmo ntsiag to, nws tsuas nyob ib leeg nyob kho siab ntsuav hauv tsev tsis muaj nws tus txiv.

Hmo tsaus ntuj nti, Nguyễn Thùy nyob twjywm ntsia saib tus npawb xov tooj uas nws tus txiv muab hu mus tus neeg txais nyiaj nqe siab, tej tus lej me me tiamsis muaj lub nra nyhav mus tag ib sim neej. Nws tig mus tig los lub xov tooj, ua pa loj loj…thiab nias tua pov tseg. Saib cuag li nws nyuam qhuav tabtom tag kev cia siab niam npe rau nws txoj kev txij nkawm no kom tu nrho mus, tiamsis nws lub siab ho puv npo kev kaj siab xav tsis thoob, yog kev kaj siab tsis los ntawm lub caij nyoog los, tiamsis los ntawm tus Tswv uas nws ntseeg los. Nws qi qhov muag, “Tus Tswv, kuv mloog koj lus, kuv tsis xav ua nuj ua nqi ntxiv li lawm, kuv tsis tawm tsam txoj kev tsov rog no ntxiv lawv li kuv kev xav lawm. Kuv ntseeg siab rau koj yuav coj thiab kho kuv tsev neeg mus li koj siab xav.”

Thùy nws mus rau ib kauj ruam tshiab, ib txoj kev txiav txim tu nrho ntawm lub neej qub, thiab tseem yog tso tseg tib neeg ntiajteb lub meej mom. Nws npaj siab yuav raug nws tus quas yawg tawm tsam, thiab mus rau qib uas cia Vajtswv kho nws tsev neeg, txawm tom qab tseem tsaus ntuj nti.

Nyob rau ntu kev nrog Thùy mus ua ke, nrog nws thov Vajtswv, kuv lub siab xav tsis thoob txog tej haujlwm uas Vajtswv ua dhau ntau lub neej tau Vajluskub sau tseg cia. Ib sab ntawm cov neeg nto npe muaj kev ntseeg loj, Vajtswv kuj qhia tawm txog tej tug neeg me me, yog tej tug neeg uas cuag li tsis muaj leejtwg nco txog nyob hauv Nws txoj kev cawmdim.

Phoo Cov Thawjtswj 4 sau txog cov Yixalayees kov yeej yeeb ncuab xav tsis thoob vim muaj Vajtswv txhais tes pab lawv. Thiab Ya-ees yog ib tug poj niam neeg Kenais ua neeg ntsiag to tom roob moj siab qhua. Nws tsis yog haiv neeg Yixalayees, tsis yog haiv neeg tau xaiv, tsis muaj koob npe, tiamsis ho tau Vajtswv siv los coj kev muaj yeej rau Vajtswv haiv neeg.

Cov neeg Kenais yog ib haiv neeg muaj kev sib txuas tshwjxeeb rau ntawm cov Yixalayees. Lawv tau pab Vajtswv haiv neeg thaum khiav tawm tim I-ziv (1 Xamuyees 15:6), thiab kuj tau sau tseg hauv Vajtswv tej lus cog tseg nrog Aplahas txog Vajtswv lub tebchaws (Chivkeeb 15:18-19)

Ya-ees yog ib feem hauv txojkev npaj cawmdim ntawd. Tiamsis qhov uas Ya-ees tau nco txog tsis yog nws lub hauv paug, tiamsis yog ntawm nws tes haujlwm, ib tes haujlwm qhia tawm nws kev paub Vajtswv meej meej tsis ua ywj fab ywj fwj.
Ib qho tau Vajluskub qhia tawm: “Ya-ees uas yog Henpeles tus pojniam… Vajntxwv Yanpees uas kav lub nroog Haxaules nrog Henpeles tsevneeg sib raug zoo heev.” Cov Thawjtswj 4:17. Yog li Ya-ees tsev neeg muaj kev sib raug zoo nrog Yanpees, uas yog cov Yixalayees tug yeebncuab. Qhov ntawd qhia tawm tias Ya–ees muaj feem xaiv qhov uas tsis txaus tes rau tej teeb meem no, kom nws tsev neeg tau ywjpheej. Tiamsis Ya-ees yeej tsis xaiv qhov ywjpheej li no. pog xaiv tuaj Vajtswv tog, txawm tias qhov ntawd tej thaum yuav ua rau nws tsev neeg muaj kev kub ntxhov.

Nyob tom roob moj sab qhua, Ya-ees pom Xixelas yog Yanpees tug thawj tub rog uas tabtom tsim txom cov Yixalayees tau 20 lub xyoo los. Ya-ees pom Xixelas dhia cawm siav tuaj rau ntawm nws lub tsev, nrhiav kev khiav nkaum.

“Ya-ees tawm tuaj tos Xixelas thiab hais rau nws hais tias, “Los tsev; koj cia li los hauv kuv lub tsevntaub. Tsis txhob ntshai.” Yog li ntawd, Xixelas thiaj mus hauv Ya-ees tsev, Ya-ees muab Xixelas zais rau nraum daim ntaub thaiv qhovrai. Xixelas hais rau Ya-ees hais tias, “Kuv nqhis dej heev, thov koj muab mentsis dej rau kuv haus.” Ya-ees thiaj qhib lub hnab tawv ntim mis nyuj, muab rau Xixelas haus, thiab rov muab Xixelas zais dua lawm.” Cov Thawjtswj 4:18-19).

Los ntawm ib tug poj niam lub siab txais qhua, Ya-ees ua zoo txais tog, tiamsis kuj tsis ua ploj nws tus yam ntxwv muaj lub siab tawv thiab ua haujlwm khov kho, thaum pog cim paub no yog Vajtswv lub sijhawm. Ya-ees tsis yog ib tug tub rog, tsis tau cob qhia kom mus tom tshav rog. Tiamsis nws txhais tes yeej swm siv tug tswv tsev ntaub uas ua haujlwm txhua hnub, yog yam me me ua txhua hnub, twb tau Vajtswv siv los tua Xixelas txojsia, ua rau Yanpees, uas yog Canaas tus huab tais raug swb cov Yixalayees. Vajtswv muab kev muaj yeej rau hauv Ya-ees txhais tes, qhov kev muaj yeej no tau hu qhuas nyob hauv zaj nkauj qhuas tom qab kev kov yeej:

Ya-ees yog tus uas muaj hmoo tshaj plaws tej pojniam, nws yog Henpeles uas yog neeg Kenais tus pojniam, nws muaj hmoo tshaj tej pojniam uas nyob hauv tej tsevntaub huv tibsi. Cov Thawjtswj 5:24

Kuj zoo ib yam li Ya-ees, ua haujlwm ntxawm ntsoog, ua siab tawv thiabb yog Vajtswv lub sijhawm hauv nws lub tsev ntaub uas tsis muaj leejtwg paub txog. Niam hluas Thùy, yog ib tug niam hluas tshiab tshiab hauv Vajtswv, tseem muaj ntau yam tsis tau paub txog pawgntseeg tej kev coj, tiamsis nyob hauv Vajtswv txoj lus ua lub teeb ci pom kev, nws kuj cim paub ntiajteb li kev dag ntxiag, nws twb xaiv mus lawv li Vajtswv lub suab hu. Tom qab, nws hu xov tooj rau kuv, ua lub suab maj nroos, ua pa ceev ceev, “Niam laug, kuv tus txiv nws tabtom sau khoom nrog kuv mus. Nws rov qab los nrog kuv nyob lawm os. Wb tso npe poob tag txhua yam lawm os”.

Ib lo lus cuag li poob tag txhua yam, tiamsis ho yog qhov pib ntawm tus Tswv kev muaj yeej, nrog nws tus txiv pib tsim kho tsev neeg. Lub neej tom hauv ntej nyuam qhuav pib, tiamsis qhov uas nws txiav txim siab txiav tu nrho rau lub neej yav tag los thiab pib lub neej cia Vajtswv coj kev pab rau niam hluas Thùy muaj kev kaj siab, yog kev kaj siab txuas ntawm Vajtswv los.

“Niam laug, Vajtswv hlub kuv heev os!” lo lus ntawd tau ua lo lus pib ntawm wb txhua zaug sib tham.

Thov caw nrog kuv peb thov Vajtswv ua ke: Kuv Tus Tswv! Kuv ua koj tsaug tau qhib kuv lub qhov muag txawm kuv me me cuag li tsis muaj leejtwg nco txog, tiamsis thaum kuv muab kuv lub siab cog rau koj ces koj yeej zoo siab siv kuv lub neej. Tus Tswv! Kuv thov muab kuv lub neej fij rau Leejtxiv koj. Hauv tej haujlwm me txhua hnub, thov pab kom kuv rau siab ntso mllog ua mus lawv li Koj ua tug coj kev. Thov siv kuv txhais tes, txawm kuv zaug zog tsis muaj zog los thov siv kom ua tiav koj lub hom phiaj. Kom kuv yog ib yam cuab yeej ua rau Koj tau koob meej. Kuv ua koj tsaug los ntawm Tus Tswv Yexus Khetos lub npe Amees.

Ib tsoom phoojywg, Muaj tej lub koob npe nws me heev thiab tsis muaj nqis hauv ntau tug lub qhov muag, tiamsis nyob rau ntawd, Vajtswv yuav tso rau koj ib txoj kev xaiv. Nws cheemtsum koj txhais tes, txhais taw lossis koj lub qhov ncauj tuaj Nws tog thiab nqua hu koj ua haujlwm ntxawm ntsoog. Tej thaum koj yuav tsum xaiv qhov uas koj tau nyob ywj pheej thiab qhov uas ua lawv Vajtswv lub siab nyiam. Tiamsis tus phoojywg, yog tias koj mloog Vajtswv lus nws yuav coj koj mus rau lu neej tau Vajtswv foom koob hmoov, txawm tsis yog thaum twg twb yoojyim, tiamsis muaj nuj nqis thiab kaj siab. Cia li rau siab rau koj tes haujlwm txhua hnub, hauv tsev neeg, hauv pawg ntseeg, hauv koj pab ua haujlwm, hauv koj pab pawg, hauv koj chaw kawm ntawv, hauv koj thaj chaw nyob,… rau qhov ntawd yog qhov chaw Vajtswv xav hu kom peb ua haujlwm mus rau lwm tus.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.