Muaj ib yam ua rau ntau tug ntseeg hnov zoo siab thiab kuj hnov txhawj, ntawd yog qhov uas Tswv Yexus yuav rov qab los tsis paub ua ntej. Peb hnov zoo siab vim yus yuav tau mus nrog Vajtswv nyob. Tiamsis kuj hnov txhawj vim tsis paub tug Tswv yuav los thaum twg thiab yuav npaj yus lub neej li cas rau tej xwmtsheej uas yuav tshwm los rau yus tiamsis ho tsis paub ua ntej tsis paub sijhawm. Vajluskub qhia kom peb yuavtsum npaj khov kho rau hnub ntawd.

Hnub no yog hnub 14/5/2026, kev thov Vajtswv txhua hnub thov caw sawvdaws nrog kawm Vajtswv txoj lus ua ke nrog tus sau Martha Noebel txog lub ntsiab lus: NPAJ SIAB RAU HNUB TUS TSWV ROV QAB LOS

“Yog li ntawd, nej yuav tsum zov tos, rau qhov Neeg Leej Tub yuav los lub sijhawm uas nej tsis ceevfaj.” (Mathais 24:44)

Thaum Tswv Yexus ncaim lub ntiajteb no mus rau saum ntuj, Nws cog lus ruaj khov tias, muaj ib hnub Nws yuav rov qab los tos Nws cov menyuam. Txawm Vajluskub twb hai ua ntej txog hnub ntawd, tiamsis peb ho tsis paub meej yog lub sijhawm twg tus Tswv rov qab los.

Nyob rau ntawm cov neeg uas xav tuav tau txhua yam kom muaj kom tswj ces qhov no yog ib qho sim siab heev. Sim xav seb, koj txais tau ib tsab ntawv tias lawv yuav tuaj saib koj, tiamsis tsis paub thaum twg lawv tuaj txog ntawm qhov rooj. Ua rau yus nyob tos, ua siab txhawjxeeb, ntawd yog qhov uas peb ntau tug ntsisb dhau hauv kev tos Vajtswv tej lus cog tseg.

Tej thaum ntu Vajluskub hauv Mathais 24, ua rau koj sab ntsujplig muaj kev ua xyeem xyav. Yog koj kuj zoo li kuv, yeej xav kom txhua yam nyob rau hauv yus txhais tes, ces qhov uas hnub Vajtswv los tsis paub ua ntej yuav ua rau peb hnov tsis ruaj siab. Tiamsis qhov tseeb tsis yog thaum twg twb mus lawv li tib neeg lub siab xav.

Yog peb tso tseg peb lub siab uas xav paub tag tag txhua yam, ces kuv ntseeg tias nqe Vajluskub no yuav ua rau peb hnov tso siab thaum peb tos hnub tus Tswv rov qab los. Nyob ntawm kuv, hno yog lub lo lus nqua hu, tseem yog ib lo lus txhawb zog rau ntawm ob yam:

Thib ib, qhov no txhawb peb hloov peb tug cwjpwm: tso tseg kev caum tej yamm hauv ntiajteb thiab mus nrhiav tej yam uas muaj nqis nyob mus ib txhis tabtom tos peb tom hauv ntej.

Thaum peb ua neej nyob thiab xav tias lub ntiajteb no tsis yog peb lub tebchaws, tsuas yog Ntuj ceebtsheej thiaj yog peb lub homphiaj thiab Tswv Yexus yuav rov qab los ib hnub twg xwb, peb yuav ua neej ywjpheej dua, peb txhais tes yuav tsis tuav rawv tej yam khoom hauv ntiajteb no lawm. Vajluskub ntuas peb tias lub ntiajteb no ib hnub yuav txawj ploj mus, txhawb peb muab yus lub neej tso rau ntawm tej uas muaj nqis mus ib txhis, nrog tej uas tsis txawj ploj mus. Tej thaum peb muaj vajtse zoo nkauj, muaj tsheb loj tsheb tshiab, lossis tsis muaj dabtsi, tiamsis thaum kawg tej ntawd yeej tsis tseemceeb heev. Tseeb tiag, tsuas tshuav tus Tswv thiaj nyob mus ib txhis xwb.

Thib ob, qhov ntawd tshoov kuv siab ua lub neej npaj khov kho mus tshaj txojmoo zoo.

Sim xav seb, yog koj paub tias koj tsuas tshuav ib lub athiv los tshaj txojmoo zoo xwb, koj puas yuav xav txawv. Thaum koj paub tseeb tias hnub tus Tswv yuav rov los twb yuav txog lawm, thaum ntawd peb lub siab tau tshoov, yuav tsum coj Khetos txoj kev cawmdim mus rau txhua tus tamsim. Kuj zoo li thaum koj paub ib huav tshuaj cawm siav, koj yuav tsis tuav twjywm rau hauv koj txhais tes cia puas yog? Hauv peb lub siab yeej tuav ib “hauv tshuaj” cawm siab rau tib neeg hauv ntiajteb. Yog li, thov kom Vaj Ntsujplig tshoov peb siab kom khov kho li 1 Petus 3:15 tau hais, zoo siab hlo qhia tawm txog txoj kev cawmdim uas yus tabtom muaj.

Thov caw nrog kuv peb thov Vajtswv ua ke: Kuv tus Tswv YExus, kuv ua koj tsaug rau txoj kev cia siab uas tabtom tshwm nyob hauv kuv. Kuv ua tsaug rau koj tej lus cog tseg txog lub neej ib txhis, tias Koj yuav los zoo li ib tug Vajntxwv muaj yeej los tos koj haiv neeg. Tus Tswv, Thov pab kom kuv ua neej nyob hauv qhov kaj mus ib txhis, kom kuv paub tso tseg tej yam khoom ntiajteb. Kuv yuav sawv khov kho, qhia tawm txog Koj txoj kev cawmdim kev cia siab rau txhua tus. Kuv thov los ntawm Tswv YExus Khetos lub npe, Amees

Ib tsoom phoojywg sawvdaws, ua neej khov kho tos tus Tswv los tsis yog yuav niaj hnub txhawj lossis ntshai. Tiamsis yog ua neej muaj kev cia siab txog ib lub tebchaws zoo kawg tabtom tos yus. Thaum tsis cia siab rau tej khoom ntiajteb lawm, peb yuav tuav ruaj Vajtswv txhais tes, thiab peb lub siab yuav qhib dav qhia txojmoo zoo rau lwm tus ib ncig. Thov kom hnub no, txhuaj kauj ruam uas koj mus, txhua lo lus uas koj hais yeej tsw ntuj ceebtsheej tus ntxhiab. Txhob cia tej kev txhawj txhua hnub ua ploj Vajtswv lub tshwjchim. Cia li ua neej rau hnub no cuag li yog hnub kawg rau koj qhia tawm Khetos txoj kev hlub rau lub ntiajteb no.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.