Dhau tej rooj kawm Vajluskub lossis rooj txhawb siab, peb lub siab pheej kub lug txiav txim siab: Muab lub neej fij ua haujlwm ntau dua, coj kevcai zoo dua, hlub Vajtswv dua. Tiamsis, lub neej ntawm sab ntsujplig tsis yog tsuas tau sau los ntawm tej lub sijhawm tshoov siab kub lug li ntawd. Thaum ntsib tej kev qaug zog, lossis tej kev ntshaw ntawm lub cev, thaum ntawd peb mam pom qhov kev deb ntawm lub siab “xav” thiab “ua” nws deb li cas. Yog tias koj tabtom hnov qaug zog vim ib lo lus cog tsis tau ua tiav, losis pom yus zaug zog coj tsis tau txoj kev cai nruj, thov kom koj nres me ntsis los saib txoj kev hlub uas zoo kawg nkaus tabtom yuav los tshawm kom puv npo tej kev qaug zog hauv peb…

Hnub no, yog hnub 18/5/2026, kev thov Vajtswv txhua hnub thov caws ib tsoom sawv daws nrog tus sau Aaron M. Litte txog ntawm zaj kawm: KEV HLUB HAUV TEJ KEV QAUG ZOG

“Nej yuav tsum ceevfaj thiab thov Vajtswv pab, kev sim siab thiaj yuav ntxias tsis tau nej. Lub siab mas kub lug, tiamsis cev nqaij daim tawv qaug zog kawg li.” (Mathais 26:41)

Muaj ib nqe paj lus ceeb toom peb li no: “txojkev mus rau ntuj tawg yeej pua tej kev xav zoo.” Peb pheej cim civ txhawb yus tus kheej tias thaum muaj teeb meem tshwm tuaj, peb yuav thov Vajtswv ntau dua, hlub ntau dua, tso yus tus kheej ntau dua thiab sawv khov kho dua txhua tus. Tej kev xav ntawd hnov mas txhawb zog thiab zoo heev. Tiamsis, nyob rau lub sijhawm yuav txiav txim siab thaum ntsib kev sim siab, peb mam pom tias tej tswv yim uas zoo tshaj kuj ploj mus tag.

Txhua xyoo, peb pawg ntseeg pheej ua kevcai yoo mov ntev li 21 hnub. Ntawd yog lub suab hu tiag tiag, txhawb txhua tus muab yus sab ntsuj plig fij rau Vajtswv lub homphiaj – kom tsav deb sab nqaij tawv, tsom ntsoov rau sab ntsujplig thiab tsav los ze Vajtswv dua. Txawm cov ntseeg hluas los yeej kuv siab lug rau tej lus nqua hu no, siv zog koom siab raws li Vajtswv tus Ntsujplig ua tus coj.

Xyoo twg kuv twb xav tias no yog ib tes haujlwm zoo heev. Kuv tso hophiaj kom meej: kuv yuav tsis noj dabtsi thaum hnub kaj mus txog thaum hnub qaij. Saib cuag li yeej ua tau, rau qhov yoo mov 12 teev ibb hnub saib yeej tsis tag zog li. Hnub thib ib hnov sim siab heev, kuv lub cev tsis muaj zog nyob rau tej lub sijhawm ua haujlwm ntau hnov yeej tsis yoojyim li. Tiamsis lub sijhawm ntawd kuv lub cev tseem xav tias kuv tsuas dag ua si rau nws xwb.

Thiab, dhau mus hnub thib ob, kuv lub cev pib tawm tsam. Pib mob taubhau. Ua rau kuv hnov tsis ruaj siab. Kuv kev xav yuav yoo mov kom loj hlob sab ntsujplig pib ntsib teeb meem. Thiab yam dabtsi yuav tshwm tuaj ces yeej tshwm lawm tiag – kuv ua tsis tiav – rau hnub thib peb lossis thib plaub. Cuag li kuv yeej tsis tau tiv dhau hnub thib tsib. Qhov ua ua rau kuv qaug zog heev, rau qhov kuv lub homphiaj thaum pib yog xav kom loj hlob ntawm Vajtswv, tiamsis thaum kawg kuv ho pom yus me heev rau ntawm sab nqaij tawv.

Hauv Mathais 26:36-46 yog ib ntu Vajluskub peb swm heev, hais txog Tswv Yexus mus hauv lub vaj Khexemanes thov Vajtswv tom qab kom noj mov ua ke. Nws coj cov thwjtim nrog mus thiab hais rau Petus, Yankaunpaus thiab Yauhas kom nrog Nws sawv thov Vajtswv ua ke. Tom qab thov Vajtswv ib pliag, Tswv Yexus rov los thiab pom lawv pw tsaug zog tag. Cov thwjtim no thaum twg twb tsa suab tias hlub thiab coj lub siab ua txhua yam rau tus Mexisyas. Tiamsis txawm lub siab xav zoo txog qib twg, lawv kuj ua tsis tiav, ua tsis tau yam uas tus Tswv yuam kom lawv ua, thiab kuj ua tsis tiav lawv tej lus thov rau lawv tug kheej.

No yog lub sijhawm ntu Vajluskub no tshoov txog peb lub siab muaj zog heev. Peb ntshaw kom ua tau tus Tswv ib tug thwjtim, tiamsis ho xav tsav deb lub vaj Khexemanes – tsav deb tej lub sijhawm thov Vajtswv dhau hmo, tej kev xaiv nyuaj, tej kev txomnyem nyhav siab, lossis tej kev nyuaj ntawm ib rooj kevcai yoo mov. Tswv Yexus hu kom peb cia li “tsim dheev thiab thov” nrog Nws. Cov thwjtim ua tsis tau, lawv pw tsaug zog zig tsis yog ib zaug tiamsis yog peb zaug. Lawv lub siab yeej xav, tiamsis sab nqaij tawv ces qaug zog zig.

Khexemanes tau qhia tawm txoj kev dav thiab deb ntawm lub siab xav yam zoo thiab tib neeg sab nqaij tawv qaug zog. Thaum peb hnov tag zog, tiv tsis tau lossis hnov “sawv tsis taug”, ntu Vajluskub no mog muag los ntuas peb tias peb tsis yog thawj tug, thiab kuj tsis yog tug kawg uas tabtom tawm tsam lub zog loj ntawm peb tej kev cog lus.

Txawm li ntawd los, txawm yog cov thwjtim qaug zog zig ntau zaug los, tus Tswv yeej tsis tso lawv tseg – thiab Nws kuj tsis tso peb tseg. Nyob hauv tus Tswv tej kev txomnyem, Nws tsis yog thov rau Nws ib leeg xwb, Nws tseem thov rau txhua tus uas tabtom qaug zog. Nws yog tug qauv zoo ntawm tus lub tus cwjpwm mloog lus tiag tiag dhau ntawm kev mloog lus ua lawv li Leejtxiv siab.

Peb tej kev xav zoo kuj raug ploj mus zoo li cov thwjtim tej kev xav. Tiamsis Tswv Yexus twb muab kev hlub los tshawm puv tej kev qaug zog ntawd lawm. Nws ntxiv zog rau tej kev qaug zog, muab tej txhais taw qaug zog zig hloov los ua tej phob tis ya khov khov ntawm sab kev ntseeg.

Thov caw nrog kuv peb thov Vajtswv ua ke: Kuv tus Tswv uas muaj kev hlub, kuv ua Koj tsaug rau koj txoj kev hlub yeej txaus los rau kuv. Kuv lees hais tias muaj qee zaug kuv sab ntsujplig li kev xav yeej muaj zog heev tiamsis kuv sab nqaij tawv ho qaug zog zig. Thov zam lub txiv rau txhua zaug uas kuv ua tsis tiav kuv kev cog lus rau Koj. Hnub no, kuv tsis vam khom rau kuv tej kev xav lawm, tiamsis kom kuv los swb koj mloog koj lus hauv Vaj Ntsujplig lub hwjchim. Thov ntxiv zog rau kuv kom kuv yuav tsim dheev thiab thov Vajtswv, mus rau hauv Koj txoj kev npaj. Kuv thov txhua yam los ntawm Yexus Khetos lub npe Amees.

Ib tsoom phoojywg, thaum peb cog lus thov Vajtswv, yoo mov lossis coj ib txoj kevcai twg, thov txhob vam peb lub zog tiamsis vam rau ntawm Vajtswv lub zog. Cia li tsim dheev thiab thov rau hnub no, ntseeg siab tiag nyob hauv Khetos peb tej kev xav zoo yuav tau ua tiav – tsis yog los ntawm peb lub zog tiamsis yog los ntawm Vajtswv lub siab khuv leej. Peb mus rau hauv kev ywjpheej ntawm ib tug neeg tau hlub, vim thaum peb qaug zog tshaj, thaum ntawd Vajtswv lub hwjchim yuav tau qhia tawm meej tshaj plaws.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.