Tú găm dềt la tú tơngai niam rlau jơh tòm rai kis dô nă cau dê. Ngai mơ bol he gam la dô nă kơnòm ntoat lêng lang mơ mpang jơng gòi, nhó kơnhơl tú hào rơndeh choh. Mơ dơng mang rlau jơh la cau kơnòm hớ ò kơlôi rcang dô êt lơi. Bol he òs kơlôi lah dơng nàng pràn kơldang rlau, mơya sơlo dơng gen bol he sơlo lơbơn lơnho, gơs oă bơta kơlôi rcang, kơlôi tus phan sa phan ngui kòp ngai.Ngan la bơta têh dơng neh lơh roh bơta sên gó bơta gơs mat Yàng dê – Bơtau rong siam mơ sên gar kon Kơnràn dê sơl?

Ngai do, ngai 04/06/2026, rơndap bơta hòi dăn kòp ngai hòi jà ồng mọ oh kơlôi sơnơng Jơnau Yàng bơh tơnggume JÒI WƠL BƠTA DÒN BƠH SƠNRÒP.

“Bulah añ lòt tòm sơndiang klam jơngo cik, Añ rơp ò rngòt di bơta iơh lơi, bơh Yàng ơm bal mơ añ; Gai lồng mơ gai kwềt Yàng dê pơndòm pơniang añ.” (Đơs Crih 23:4)

Ẵn gam kah tú ẵn gam dềt, ẵn ming git kơnhơl, ntoat lêng lang mơ kơnhơl mơ ală phan kơnhơl me bèp ẵn neh mòn ẵn in.

Dilah bol he dơh wơl dô ết, nhim mat mơ kah wơl, digơlan cau lơi tòm bol he kung gơs ală tú behớ, ò kơlôi, ò rngòt dô êt lơi. Ngan la tú hớ he ò kah kơlôi tus dunnia do sơl? Hala cau kơnòm gen tòm klac đit mir rlau mơ Yàng taih?

Ẵn dơng tòm lơgar Mỹ, tiah ẵn ơm gen gơs bô bơkah bơkao mơ tòm ală ngai rlô ơlah ơdar ẵn jê, ẵn ò gơs kơlôi tus bơta dơng mang lơi hala ẵn rgơi sa phan sa ndai lài mơ tú ẵn sa mho ò. Ẵn ntoat lòt tòm blang nhơt mơ ò rngòt bơs. Ẵn hào hơđang ală chi rih mơ ò rngòt duh hơđơm. Ẵn kơnhơl pồn tòm tiah jơngo tú mat kơnhai geh jơm ndơp mơ ală sơntố. Ngai hớ, ò gơs bơta lơi lơh ẵn in rngòt.

Mơya, tú neh dơng mơ gơs kon gen bơta rngòt rngơt mơ ẵn ò rgơi git tus gơ tơn tus mơ ẵn. Tòm hớ gơs bơta kòp jê kon ẵn jê, ală pơnah cang tơm jên priă mơ tú ẵn kơlôi ò git ngai hing rơp mbe lơi. Tòm tú hớ, ẵn neh lòi bơta rngòt rngơt mơ kơlôi rcang at bồ nùs nhơm bol he dê. Ẵn gó ẵn neh ò pha rlau.

Tú he pơnđơl lơh ală broă jat nùs is he dê, gen he rơp lòi Yàng ơm ngai mơ he. Mơ bơta rngòt rngơt gơlik gơs dô nơm bơta kơlôi rcang dơng he in.

Nam kơnhai lòt gan, ẵn kơlôi sơnơng tus ală ngai gam dềt, ẵn ji gloh tơhir jòi gơs dô nơm gar sơnơm nàng sơm bòi bơta rngòt rngơt lơh ẵn in tis nrah. Tú nhim mat, ẵn gó ẵn tú gam dềt: kơnhơl dô bă khat gơboh, mor gơchồt mơ ò dơh wơl, cơnđoà lòt tòm bơta jơngo jơl tus di gơs mat kơnhai.

Tú hớ, ẵn dòp git lah: ẵn ò kah kơlôi ò di la ẵn gam dềt, mơ kơnòm di bơta dòn neh gơs tòm ẵn lah Yàng Tòm Trồ sum ơm bal, mơ Kơnràn rơp sôr ală cau gơnrơh yò đo ẵn tú ẵn lơbơn lơnho rlau jơh. Bulah ẵn lòt tiah lơi hala lơh broă lơi, bơta gơs mat Kơnràn de la bơta pràn kơldang dong ẵn lòt gan tiah rngòt rngơt mơ ntào kớ tòm trồ mang klam jơngo.

Tú pò mat, jơnau đơs tòm Đơs Crih 23:4 đơs tòm ẵn lah: “Bulah añ lòt tòm sơndiang klam jơngo cik, Añ rơp ò rngòt di bơta iơh lơi, bơh Yàng ơm bal mơ añ; Gai lồng mơ gai kwềt Yàng dê pơndòm pơniang añ.”

Tú ẵn sơntòm lòi ală gơnoar at bồ mơ dòn kơnòm tòm Yàng Dong Jesus, cau ur kơnòm dềt yau or mơ bơta dòn pràn kơldang. Ẵn kwar cau ur kơnòm hớ, mơ ẵn gơlik gơs dô nă cau niam nùs Yàng.

Bulah gơs tú lòt gan ală ngai bol glar kal ke kỡn at bồ nùs nhơm, ẵn lơh nền ò ai gơ in pha rlau mơ ẵn. Yàng la theng kớ cê ẵn jê. Ẵn rcang sir cơnđoà lòt tòm tiah mơ ò rngòt tài bơh Kơnràn tề lam ẵn, bơh ẵn git nền tiah lơi gơs Kơnràn, tiah hớ ẵn gơs bơta ring lơngai wil tơl.

Dan jà bol he dô nùs bal tòm bơta hòi dan: Khoai Yàng kỡn gơboh, ò git bơh tú lơi kon neh lòi bơta ò lơngai rai kis do dê at bồ hwềng soan kon. Kon pơnđơl pràn lơh jat pràn is, kon ò tơl pràn mơ gơ chồt. Dan Yàng Hwềng Goh lơh broă tòm kon, pơrlài tơngkah kon. Dan dong kon in kah wơl tú Kơnràn kwar kon, Kơnràn sên gar kon tú kon gam ò dòn bơr. Tú do kon lơh nên sang jơh ală bơta kơnjớ kơnjut kon ò tơl pran ãn tai. Kon ơn Yàng in bơta kơlôi rcang Kơnràn in, bơh kon git lah Kơnràn sên gar rong siam kon. Kon jơh nùs hòi dan, ai sơnđan Yàng Jesus Krist, Amen.

Ơ ală ồng mò oh mi kỡn gơboh, dilah ồng mò oh mi gó bơta rngòt rngơt dunnia do dê at bồ he, nhim té mat dô êt. Kah wơl tus di dô nă kon dềt cơnđoà lòt mơ ò sên tơmê wơl, kah té tus tú jơ ală bơta ò niam tòm ù do at bồ ồng mò oh mi. Kơp kỡn lah ồng mò oh mi rơp at di dô nơm ntê tòm ală “chi bơta long tiar” mơ tus hơ tiah jong tai. Bulah gơs ală bơta rngòt rngơt, ồng mò oh mi dòn nền lah bulah gơchồt, Yàng ò sang lòi ồng mò oh mi. Mơ rlau mơ hớ, tú cơnđoà lòt tòm bơta klam jơngo, bulah mat kơnhai kol jơm ndơp, ồng mò oh mi sum gơs “Bơta Ang Dunnia dê” sol pơnđang tòm kòp gung lòt. Dan bơta lơngai Jơnau Niam dê tề lam ồng mò oh mi rê hiu.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.