Gơs dơ, gơlơh ông mò oh mi in lơhoat sơl? Hơ̆ la jơnau tă nhờm dờng sơ ỏi tòm tŭ ò pleh bơh bơta lùp is să tòm he: “He pơndơl pràn ƀe do nàng lơh ñchi? Kòp ngai kơlôi rcăng hiu nhă in mơ ròng siam sền gàr oh kòn he, ngăn sơl he neh cèng wơl bơta kas màng lơgar trồ Yàng in sơl?” Bol he ò tơmềt sền di ală cồng nhà gơ crà cau ndai di mơ gŏ he dềt rhền ngăn. Mơya ơ ong mò oh mi, Yàng ò kòp bơta dơng ryŭ mơ cồng nhà hala kơnă tiah. Gơs tŭ, grôi jơnhoa rlau jơh mơ Kơnràñ kùng kơñ bol he dòp geh la bơta dòn song tòm ơdŭ gơm sa dềt he di, hla ală tŭ jơ kơ̆ nùs bơtô kòn hoi dăn.

Ngai do, ngai 06/6/2026, tơnggu Hoi Dan Kop Ngai dan ja ông mò oh mi kơlôi sơnưng jơnau YÀng kơnờm bơta dong kòl Beatrice Fishback dê bơh tơnggu mê DỜP GEH GƠNOĂR LƠH GƠS MÈ BEP.

“Yàng Tom Trồ gŏ ală broă Kơnràñ neh lơh la niam ngan.” (Sơnrơp 1:31)

“Ơ bi tŭ lơi tŭh ơnih tiah?”- jơnau yoam añ jê tuh wơl bơh di pơnai lŭ rih mơ añ bol glăr guh. Bau klau añ bơh nus kờñ ngăn guh, neh lòi añ ngai ngan. Bi lòt ndang mơ ò dơh chồl bơtrồt nàng añ kừ pơnjat cơnđoà lòt.

Hơ̆ la gùng lòt dơ̆ sơnrờp bol hi di tòm grồi Pinnacle, kơn nhwal Arkansas, Hoa Kỳ. mơ dô nă cau guh grồi òs mòng, tiah do di gơlăn la dô nơm grồi liah, mơya gơwèt mơ “pơnah cau lơbờñ” be añ, gơ ò pha is mơ grồi Eerest bềng sơrbơng roh.

Tòm ngai hơ̆ la dô ngai niam ngan. Kơnòm bau klau añ chồl, lôi dft añ kùng neh geh ơn cơnòa jơng he tus bồ grôi hơ̆. Bơh ơniah tiah rih hơ̆, dô nơm rùp hàng mơ nĕ geh pò: ală mơnơm dờng gơlì jòng ơlak tơman mơ ală grôi dềt rih liah gùng trồ dê. Ală sềm klàng bung pàr găn di măt hơđăng ală càl. Dô nơm rùp àng gơ crà, wil tơl di pal mơ ală pơhàl neh tùh lik.

Hơ̆ mơ bol hi mìng sền git dô pơnah dềt tòm plai ù dơng ơnàng Bơtau Crơng Gơs dê. Añ gơlơh gơgòm dờng ngăn, ò di mìng bơh roh pràn, mơ bơh geh sền gŏ mơ măt ală broă dờng crih crài bơh tề Kơnràñ dê. Nggui hơđăng lŭ, ăñ tă nhờm jrô ngăn, be kờn gòm jơh tòm ntơh he bơh nhòm tă mơ bơta gơs măt sàng goh Kơnràñ dê.

Digùl pah gòi ngit ngơt mơ ring lơngai hơ̆, nùs kơlôi añ nisơna roh bơta kơlôi mơ sơntòm lòt khat gơboh. Añ nisơna kơlôi sơnưng bơh bơta dềt rhền he di. Añ lùp is digơlăn ală bơta pơnđơl pràn bơh lai tus tŭ do neh geh gơrìng lơi lơgăr trồ Yàng in sơl? Sền wơl rai kis, gơlơh be jơh ală bơta añ neh lơh geh ming la bơta tòm bau mơ bơta bơtô bàr nă kòn – dô nă klau, dô nă ùr.

Añ ò di la dô nă cau jak chài tiang pơnrờ, kùng ò di la dô nă cau at bồ dờng. Añ ò di la cau ùr sơnròp ơn mpang jơh he hơđăng mat kơnhai, kùng ò joi bàn sơnơm sơmbòi kòp suh dunnia in. Di gơlăn ală bơta añ neh lơh sìr gơs tơl gơtha sơl?
Mơ gèn, dô nơm bơta kơlôi gơ crà tòm nus kơlôi añ ji: să tòm Yàng Tom Trồ jơh trồ tiah dê- Bơtau neh pih kòp nơm găr miu mơ chài rgơi ơn blankăng gơ crà hang mơnĕ- kùng la Bơtau neh crơng gơs cau klau mơ cau ùr sơnròp, Adam mơ Eƀia. Kơnràñ neh ơn tŭ jơ ơm bal di gah bol khai tom sươn Kơnràñ dê, lòt jơng bal mơ bol khai mơ yal tơlik bol khai in wơng bơh bơta rơndap lă sơmañ dê. Tòm jơh alak tơman phăn crơng gơs, ò gơs bơta loi hoi lùp oă tŭ jơ mơ bơta ơn nus tồr Kơnràñ dê rlau la kơn mơnus.

Sră Goh sră Sơnrờp gơlik gơs neh cih wơl dô nơm rùp hàng mơnĕ ngăn tòm tŭ Yàng Tòm Trồ crơng gơs kòn mơnus:

“ Yàng Tom Trô crơng gơs kon mơnus be rùp Kơnràñ, Kơnràñ crơng gơs kơn mơ nus be rùp Yàng Tom Trồ, Kơnràñ crơng gơs cau klau mơ cau ùr.” (Sơnròp 1:27)
Mơ ò di dơh wơl tìng hơ̆, Kơnràñ kùng krơi is đơs pràn bơh bơta niam broă hơ̆ dê:
“Yàng Tom Trồ gŏ ală broă Kơnràñ neh lơh la niam ngan.” (Sơnrơp 1:31)

Dilah Yang Tòm Trồ neh sền broă crơng gơs mơ ròng siam kon mơnus là broă dờng màng ngăn, behơ̆ gèn ñchi bơtai bol he sền ò sơp gơnoăr broă lơh gơs cau bèp, cau mè?

Tòm gùng bơt bơtao bơta dòn, Yang Jesu sùm lòt bal mơ bol he tòm kòp cơnđòa jơng. Kơnràñ chồl, bơtrồt bol he dòp geh “bồ mơnơm” gơnoăr lơh gơs cau bèp mè hala cau tề lăm đah hwềng. Bulah hơ̆ la kòn tơm, kòn ròng, hala ală cau kòn đah hwềng mơ bol he geh bơta nđàc bơtô yal găn kơnhai sơnăm, gèn hơ̆ la gơnoăr sồr dơng màng rlau.

Tŭ gùng lòt neh pơndùt, bol he ròp sền gŏ dô nơm cồng nhà chò nus,. Bơta gơrìng dô nă cau bèp, càu mè duh rngòt Yàng ò di ming dơh wơl tŭ do lơm, mơ kùng găm gơrề tùs rài sau mơ pah rai tơnơ̆.

Ƀañ lòi ală sơnoa rnoas dunnia lơh lu li bơta kas màng bơta dòn song tòm hiu nhă. Sih bơta dòn tòm nus dô nă cau kơnòm dềt la găm bơt bơtao dô nơm lơgăr găm sùm sùm.

Dan jà bol he dô nùs bal tòm bơta hòi dan: Khoai Yàng kờñ gơboh, dăn dong kòn gơlik gơs dô nơm krơh niam rlau jơh ai ală cau mơ Kơnràñ neh jao phi kon in sên gàr ròng siam. Dan rai kis kon lơh gơklŏ sơnđăn Kơnràñ, tòm tŭ gùng bơta dòn bol glăr mơ kalkê. Dan ai kòn in sền gŏ bơta kàs màng găm sùm sùm tòm kòp nơm hweefng soàn mơ kòn găm tề lăm. Dan ai kòn in pràn pa nàng kòn ò di mìng sền gŏ ală kalkê dê đăp măt, mơya sền ggŏ bơta gơklŏ Kơnràñ dê găn di rai kis ală cau mơ kon găm ròng siam, yò đo. Kon jơh nus hòi dăn tòm sơnđăn Yàng Jesu Krist, Amen.

Ơ ală ông mo oh mi kờñ gơboh, di gơlăn ngai do ông mò oh mi ming sèn gŏ gùt dàr he la kon sau: ală tã, ală bơta bơtê tom hiu ò hit lơh sìr, hala ală jơnau tơngkah lah pơrhơng kừ đơs wih đơs wơl tùs ngkam. Mơya ngui tĕ krơh bơta dòn nàng sền ngai rlau mơ hỡ. Bơta gơring tus ông mò oh mi dinò di dơh wơl hơđơm “jơng mơnơm” do lơm. Gơ găm gơrề găn ală pah rai, ƀư tus rai kis ală kòn sau đah poac să mơ đah hwềng ông mo oh mi di, gơrề tús rai kis sono sơnê ông mò oh mi dê- ală cau ông mò oh mi ò rgơi geh tip, mơya ròp dòp geh phăn jatai bơta dòn mơ ông mò oh mi găm sih tam tòm tŭ do. Ƀañ ming sền tòm ală bơta golik gơs di đap mat lơm, sền tĕ tòm công nha plai đo gam sum sùm mơ Yàng găm bơt mon bơh bơt aphi să ông mò oh mi di. Dăn ông mò oh mi in dô ngai pa bềng bơta rlô lơngai tờm gơnoăr broă sang goh mơ Kơnràñ ai.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.