Neh gơs tŭ lơi oh mi sền he gơlơh ơm is, be la gam rê sơlơ̆ wơl hiong dà? Tòm tŭ lơh nên kis don song mơ Yàng digul dô nơm dunnia bềng ală bơta kơlôi pha is, oă dơ̆ bol he pal tơm mơ bơta tơñŏ tơnhial, hala tian gơs la ală bơta kong alah, alah siơ̆u tòm rai kis. Mơya oh mi ơi, mah ngăn gen ò rngòt ồs, mơ bơta dòn ngăn gen ò rngòt ală jơnau bơchồt. Bơh tơnơ̆ ală bơta ji duh hơ̆, bơta găm wơl ò di là kơmbuh ồs, mơ la dô bơta dòn àng gơcrà – bơta àng gơcrà mơ dunnia do ò rgơi tŭ lơi dơp chơt.

Ngai do, ngai 08/06/2026, Bơta Hòi Dan Kòp Ngai dăn jà ală ồng mò oh mi bơtê bal Jơnau Yàng kơnơm dê bơta dong kơl Kim Nanney dê bơh tơnggumê SANG GOH RLAU MƠ MAH LONG ỒS.

“Nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.” (I Pier 1:7)

Bơh ală ngai sơnrơp ăt sră lòt tòm klơng, añ neh sùm ntoat jat ală mpàn công nha – la ală “sră kòn dềt jak” rài klơng kơnòm dềt, ală sèng jơnau cih “gơs nùs tôr bơtê niam” ală cau pơgru rài klơng bơtê digùl, jơl tus dê khà A rài klơng bơtê dơng. Công nha la sơñio ală bơta pơnđơl pràn ò dơh añ jê. Mơya tòm tŭ sền lăng wơl, añ wơng lah ală công nha niam hơ̆ ming la rup pơnđang dô bơta kasmang sùm sùm in – hơ̆ la phan “mah ngăn” tòm đah hwềng mơ Yàng kòñ añ păl dơp geh.

Mah ngăn ò tus bơh ală bơta pha lin buôn soh, gơ ming gơlik gơs tòm bơnhă ồs. Mah geh long tiar, sang goh mơ gơlik gơs hàng mơnĕ rlau găn dê bơta gơlong. Sền lăng wơl ală sơnăm kơnhai bơtê klơng bơtê dơng, añ đăl git lah hơ̆ la “bơnhă ồs” mơ Yàng Tòm Trồ neh ngui nàng añ lòng rài kis he. Añ mut tòm ơdŭ Bơtê Nùs Nhơm Lơh Lòt Niam mơ bơta kơlôi sơnưng lah, Yàng neh lơh tiah hơ̆ gơlik gơs dô nơm bơnhă ồs long đah hwềng. Kơnràñ neh ơn bơta dòn añ long ồs nàng tă săng jơh ală phăn bơ̆ iơh, dong gơ gơlik gơs sang goh be mah ngăn.

Tòm tŭ bơtao ală bơta tơm pơndăng bơh bơta lơh lòt niam, krơi is la ală bơta pin wil wơl bơh broă ngăn gơs boh lăm tòm Sră Goh găm gơs kas mang ngăn tòm rai ngai do hala ò – añ dơp git do ò tai là dô nơm bơta long bơta git jak be ơs tom klơng bơtê tai. Ngkơi ală jơnau song krañ cê nê la bơta tơmlơh đah hwềng ngăn, tòm tŭ mơ ală kas mang sùm sùm găm tơmdră mơ ală bơta kơlôi sơnưng dunnia.
Tòm sră cih pơyoa tus ală cau dòn sơnrơp găm ntao diđap măt lì bơta kalkê, ông Piêr neh tơnkah lah:

bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.” (I Pier 1:7)

Añ gơboh ngăn kơlôi sơnưng ală pơnyơu bơh mah tòm sèng sră goh do, tai bơh gơ ràng tơlik oă ngăn bơh nùs nhơm Yàng Tòm Trồ dê. Mah là phan ơm kơ̆ rlau jơh, gơ ò tơmgơl mơ oxy hala dà, gen tàng gơ geh git tus mơ bơta rgơi tơmdră wơl mơ bơta lơh roh dà mah dô bă ai lơh krơi ngăn. Đơs jơnau ndai, dilah mơ neh geh long tiar, mah ò tŭ lơi roh bơta niam hang mơ nĕ gơ dê bulah kol ơn tòm ơnih tiah bih khih.

Tŭ hơ̆ añ găm ò rgơi gơ tơmklĕ wơl ală bơta gơlik gơs băl. Mơya tŭ do lăng wơl, añ wơng lah ală bơta tơm pơndăng krañ cê tòm ơdŭ – tŭ mơ jơnau song Yàng dê ò di ming kol pơndăng săng mơ kung kol crè tơrlah, kong bơchôt bơh ală đah – do la kalkê pal cang añ in. Gơ lơh añ in ò di ming bơdơh wơl tòm broă sền gar bơta dòn mơ nùs kơlôi, mơ pal lòt tus dô bơta lơh nền kis chơt: añ gơs ngăn sơl dòn kơnơm Yàng tian gơs rcăng sir kis chơt bơh Kơnràñ hala ò?

Digah bơta kơ̆ win, mah kung la phăn los buôn bơt mon rlau jơh. Gơ rgơi dŏ kơldăng hala tiar đơp mơ ò rgơi pă. Cau Gơnoăr Bơto Dơng Piêr digơlăn neh wơng loh bơta gơlơh “kol lơh kwêt” hơđơm bơta pràn la mbe lơi. Ông neh khin cha đơs nền ò tŭ lơi săng lơi Yàng, mơ gen tơnơ̆ pơndăng săng Yàng pe dơ̆ ming tòm dô măng. Bulah behơ̆, tòm bơta nđàc crih crai, Yàng Dong Jêsus neh bơtao wơl mơ giao ông in gơnoăr broă tề lăm belàt Kơnràn dê. Yăl yau ông Piêr dê la cơng tang kis lah: tòm mpang tê cau Tiar Mon Mah Priă Dơng Ryŭ dê, alah ò di la jơh bơta don in. Gơsơlơ̆ wơl, gơ la gùng lơh goh nàng bơta dòn gơlik kơ̆ cê rlau tai. (Luca 22:54-62, Jăng 21:15-19).

Tòm ơdŭ bơtê hơ̆, añ neh lòt tus dô bơta lơh nền dơng mang: Yàng Tòm Trồ dơng màng rlau mơ ală sră prơ yom jong rơ hala công nha bơta bơtê lơi. Añ rcăng nus dơp rò broă pal ruc wơl, kong alah bơta bơtê, hala tian gơs kong bơta tơñŏ tơnhial bơh bơta dòn he dê. Tai bơh, hwềng soan añ neh wơng git dô jơnau song: Gùng dà Yàng dê ò di ming tòm toh lơm, mơya kung là gùng niam rlau jơh rài kis añ in. Bơta don geh long tiar hơ̆ kas mang rlau mơ ală mah priă, ang gơcrà rlau mơ ală phăn bàn ing lơi tòm dunnia dô rgơi hơ pơgon.

Sền lăng wơl gùng dà neh lòt găn, añ wơng git lah ală bơta gơlong tòm ơdŭ bơtê hơ̆ ò gơs tonggu nàng sor tơlah añ. Geh geh gơnoăr gơlik gơs nàng ràng tơlik ală pơnah ndơp ndơr lơbơn mơ chu pơr gùc ală bơta ò song ngăn tòm nù s añ, ndrơm be ồs cau tiar mon dê lơh goh mah ngăn, mơ kung la gùng dà Yàng Tòm Trồ găm lơh sang goh bol he. Lôi dùt, añ kung geh khà A, mơya bơta hơ̆ ò rgơi pơndrơm mơ bơta chò hơp tòm tŭ git he neh geh Kơnràn tap bang kì. Añ neh ntao kơ̆ tòm bơta dòn nàng rgơi đơs nền lah: nùs kòñ Yàng dê sùm la wil tơl rlau jơh.

Dan jà bol he dô nùs bal tòm bơta hòi dan: Khoai Yàng kòñ gơboh! Kòn ưnngai Yàng bơh Kơnràñ la Cau Tiar Long Mah Priă Dơng Ryu rai kis kòn dê. Kòn ưnngai Kơnràñ bơh tòm tŭ kòn ring lơngai hala ală tŭ kòn păl mùt tòm bơnhă ồs gơlong bol glar. Bulah gơs tŭ gơlơh be rlau mơ pràn kòn dê, mơya dăn Yàng dong kon kah lah, mah ngăn ming ang gơcrà tŭ găn dê ồs pơrhê. Dan ai kon in dô bơta dòn kơ̆ win, nàng kòn khin cha kis rang tơlik sơnđăn Kơnràñ mơ jơh rai kis he. Dăn dong kòn dơp git lah, phăn ban kas mang rlau jơh ò di bơta dơp git kòn mơnùs dê, mơ la bơta niam nùs Bèp hơđăng trồ. Kơp kòñ rai kis kòn rơp gơlik gơs sang goh be mah kas mang, ang gơcrà gơklŏ lơgar Kơnràn in. Kòn jơh nùs hoi dăn tòm sơnđăn Yàng Jêsus Krist, Amen.

Ơ ală ồng mò oh mi kòñ gơboh, digơlăn tŭ do oh mi kung găm cơnđòa găn dê ală ồs long tiar. Digơlăn ông mò oh mi kung gơlơh hwềng soàn he kol dŏ jơtăng jơl tus roh pràn, hala găm păl ơm is prăp kơ̆ bơta dòn digul ală bơta gơlik gơs bêng ală bơta gơchồt mơ pin wil wơl. Dilah behơ̆, dăn ồng mò oh mi kư kơ̆ nùs. Dòn kơnơm tĕ lah tơwor tê kòñ gơboh Yàng dê găm sơmbăt kơ̆ oh mi, ò tŭ lơi lơi tê. Kơnràñ ò lơi ală bơta gơlong hơ̆ gơlik gơs dô bă ò kwơ ò, mơ Kơnràñ ngui să tòm bơnhă ồs hơ̆ nàng lơh sàng goh mơ long tiar oh mi. Nàng tồ jơh ală bơta, oh mi rơp lik lotf be la dô mpàn mah ngăn kas mang, àng gơcrà gơklŏ lơgar Kơnràn in. Dăn bañ rùc wơl, bơh Yàng sùm gơs rơndăp niam rlau jơh rài kis ồng mò oh mi in.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.