Geh gơs ală ngai măng jong, bol he tom toh mơ să tờm he tơm krơh mơ mìng sền bàn dô nă cau pha is bal mơ ală bơta tis glai. Jơnau hoi rac moat jrum gơwet mơ ală bơta plai soh kư pơn jat sum ò jơh. Bol he lup is la: geh gơs bơta nđac lơi nàng pùn dơp tơl jơh bơta klăm jơngo hớ sơl? Geh gơs bơta toh glai lơi nàng ai nus nhờm dô nă cau bulah neh git Jơnau song mơya sac rwah lot tơm bơta klăm jơngo sơl? Gen digul dà mat srat bơtăng hớ, bol he geh bàn bơta àng guh tơm àng drưm di hala ò?

Ngai do, ngai 13/06/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng dê kơnòm dê bơta dong kòl mò Carolyn Fraiser bơh tơnggume: GEH NTÀO WƠL LỒI DI TÚ DÀ MAT PƠT WÒL

” Gen khai lik lòt, ñìm rac ròc pơt wòl.”(Mathiơ 26:75)

Piêr neh ñìm. Tềng dô, bol he geh tip ông Piêr găm ơm tơm bơta lồi di bơta klăm jơngo di, tơm tú jơ ală bơta gơlik gơs tơrlah tơrlung jơh. Măng hớ, ông neh pơn dăng săng Yang Jêsu – ò di mìng dô dớ lơm, ò di bar dớ, mơya tơm pơn jat pe dớ. Moat jrum ngan, ală cau neh cho di mat mơ hoi sơn đăn mat ồng di ò di la mpôl ling geh gơnoar lơi. Bar nă tơm bol hớ la dí ur -la ală cau dệt rhền ò geh gơs gơnoar lơi – mơ cau dớ pe la cau nhă sền tơm rài hớ. Ò gơs cau lơi kup kơnyan ồng tài bơh ồng lot jat Yang. Bol khai ming lup: Ồng git Yang sơl? Mơya, Piêr neh srat să pơn dăng mơ đơs la: “Añ ò git cau hơ̆ ò.”(Mathiơ 26:72, 74)

Mìng dô êt lài mơ tú jơ hớ, kung să tờm cau dô neh tă đào nàng sền gar Rabi he di diđap mpôl làng bol janh bơsac tus kup Yang. gơs cau lơi jơh nus rlau mơ Piêr tai? Mơya bơta klăm jơngo geh gơs gơnoar nàng lơh dơng ală bơta rngot rngớt neh pun dơp. Tơm măng jơngo nus nhờm di, dunnia Piêr di neh tơrlah tơrlung. Ồng neh bàn loh Yang Jêsu kong kup, kong cau lơh mơ cau pơng. Ồng ò nhă ntào nàng dong kơl Yang, mơya Piêr neh dô pleh mut mơ mpôl làng bol. Tú kơnô iêr rau, gen ồng kah wơl jơnau Yang Jêsu đơs bơh oă ngai lai or – bơta mơ ồng neh đơs nền là ò tú lơi lik gơs: “tòm mang do lài mơ tŭ iar nrau, gen mê rơp pơndang sang Añ pe dơ̆.”(Mathiơ 26:34)

Piêr ò di mìng nìm – ñìm rac ròc. Hớ là bơta ñìm rac ji nus gơwet mơ bơta dòn tơrlah tơrlông, nus jong să neh kong jah hơ đơm mpang jơng ò khi cha să tơm he di.

Tú an pa ơn să duh broă Bơtau Krist, an kung neh nìm, nìm oă ngan. An plai soh tú tơngai neh rlau ò lot jat mơ Yang. Gơs dà mat hor tài bơh bơta gơhao gơjran di đap bơta ò song rài kis di. Gơs dà mat neh hor tài bơh bơta hon chờ bơh ală bơta Ynag neh lơh hơ đăng rài kis an di. Mơya, kung gơs tú gơ lơh be ông Piêr, ò geh cồng nha. An bơ tơl pran nàng săng tơlik jơh bơta iơh. Gơs dớ nisơna he đơs jơnau srat pơ tăng. Iơh rlau, gơs dớ an ăm mó, ò khin cha nàng lơh cơng Yang Jêsu in. Mơ tú hớ, an kung neh hor dà mat be ồng piêr.

Lồi di tú neh dơp git jơh bơta nđac mơ Yang Jesu neh ai he in, nchi bơtài an neh lơh Yang in moat jrum be hớ? Mơ Yang rgơi toh glai an in dô dớ tai sơl?

Ngan là do: jơh tơl nă bol he neh gơs dớ tơn roh cồng nha di đap mat Yang mơ lot tơm bơta tis be ông Piêr. Bulah ală dà mat hớ gơ hor đah bơhdih hala hor dơp dơr tơm nus nhơm oh mi di, jơh tơl nă bol he neh moat jrum bơh bơta gơ tup tis mơ tôi glai să tờm he di. Bol he kung neh lup is la Yang gơs nus kong ơt nàng toh tôi glai he di dô dớ tai, mơ dô dớ tai sơl. Mơya să tơm gơ, bơta niam krơi is Jơnau Niam di geh ràng tơlik- bơh bơta chơt Yang Jêsu di, Yang geh chờ nus nàng toh glaij he in!

“.Bơta ñìm rac tus ơm ing dô mơnang,Mơya àng drim gen gơs bơta hòn chò.”(Đơs Crih 30:5)

Tơm tú jơ klam jơngo rlau jơh, bơta chơ hơp gơ lơh be dô nơm bơt ngài ngăn. Mơya Yang Tơm Trồ bàn jơh ală pun dơp tơm trồ măng mơ Yang rơp ai ală bơta tus hơ bơta àng. Hớ la tú Yang rơp sơn tơm nàng sơm bời. An mìng kơlôi hàng rbô sèng lụp ơm gut dar ồng Piêr tú ồng neh tip wơl Yang Jêsu kis wơl. Mơya, Yang neh ràng tơlik nus nhờm niam lơhơn nàng ntao wơl ông dô bă niam lơhơn (đok té Jang 21:15-19). Piêr ò tai hor dà mat srat bơtăng. Ồng neh dợp dô nơm bơta nđac mơ dô nơm tơnggu pa, bơta mơ ồng neh lơh sir bơh bưta dòn wil tơl.
Lồi ală ngai neh nìm rac roc, Yang Tơm Trồ ò di ntào wơl dô nă an-mơ Yang kung hoi ja an mut tơm gơnoar broă! Yang kờn ngùi an bulh an neh tis oă dớ. Bơta neh rlau ò kup kơryian oh mi mơ an tai, tài boh Bơtau ntào wơl Pier kung găm nhă gơn nàng ai bol he in dô bơta sơn tờm pa àng gơklo.

Dan jà bol he dô nùs bal tòm bơta hòi dan: Khoai Yang kờn gơboh, ưn ngai Yang tài bơh bơta nđac liu lac Yang di nehpun dơp ală bơta roh rui kon di. Tú kon ơm tơm bơta pasil bơh bơta lơbơn siau he di, dăn tơng kah kon in kah wơl nus kờn gơboh Yang di neh ai ồng Piêr in ngai hớ. Dăn Yang sơm bơi ală tềp sột tơm nus nhờm kon di, yợ tơngguh kon bơh bơta roh ring, mơ ai kon in dô nơm nus nhờm pa nàng kis àng gơklo Yang in. Kon dòn la tơm bơta nđac Yang di, bơta tồi glai ò di la lồi dut, mơ là sơn tơm dô nơm rài kis geh ntào wơl krơi is. Kon jơh nus hoi dăn tơm Sơn Đăn Yang Jêsu Krist, A-men.

Ơ ală ồng mò oh mi kờn gơ boh, Yang pạ ai sum bơta sơm bơi niam rlau jơh hớ gơwet mơ kợp nă bol he. Bulah oh mi là cau lơi hala neh roh rui tus kar lơi, Yang kung chờ nus nàng joi tip oh mi tơm bươta klam jơngo tồi glai di, nagf ai oh mi in dô bơta sơn tờm pa. Mìng kơp kờn bol he gơs nus khin cha nàng săng jơh ală bơta pơryoai mơ jơh té nus dòn bơr Yang, Yang rơp tề lăm bol he mut tơm bơta rơn dap àng gơklo Yang di-rài kis pa rơp cih tai bơh bơta dòn nền pran kơldăng rlau tai!

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.