Cồng nha lồi dut – hơ̆ là ală bơta dunnia ngai do kah kơlôi. He pơnđơl pràn git nđợ ò kwơ, bŏl khai mìng git he cih geh nđợ khà điểm. Bơta gơlik tus hơ̆ gơs dơ̆ gơtơnmut tòm jơh rài kis bơta dòn, lơh bŏl he in lơnggah lơnggăñ tài bơh gơlơh be he òhềt tơl niăm. Bŏl he pơnđơl pràn tòm broă lơh, jơh nùs tòm gơnoăr broă duh broă, mơya gơs dơ̆ bơta kŏng alah bơta iơh di kư̆ gơlik tus. Mơya gơs dô jơnau sŏng dờng rlau ală bơta kŏng alah hơđăng blàng tòmlơh dunnia ngai do di: bŏl he gơri tòm mpồl cau geh pha, tài bơh Bèp hơđăng trồ bŏl he di òs neh geh pha ală bơta rau.

Ngai do, ngai 16/06/2026 bơta Hòi Dăn Kòp Ngai dăn jà ală ồng mò oh mi bơtê bal Jơnau Yàng dê kơnờm dê bơta dong kòl Ben Ledger dê bơh Tơnggume PHA LIN LỒI DUT

“Kơnhai toès la dờng ngan, mơya cau toès la dô êt lơm. Behơ̆ hòi dan tĕ mơ Yàng kơnhai toès sồr cau toès lòt tus tòm tiah toès Kơnràñ dê.” (Mathiơ 9:37-38)

Ăñ gơboh gơbài ngăn bơta choh plai, mơ kŭng koñ gơboh broă phân tích dữ liệu. Òs gen bar bơta gơboh do ò gơtòmklac băl, mơya gơs dô tŭ krơi lah bar bơta gơtòmklac băl mơ bơtê ăñ ĭn git dô bơta bơtê bơta dòn kwơ màng.

Năm or, kọn klau ăñ sơntom kơñhơl plai choh. Khai nisơna koñ gơboh tơn tiah kup plai. Ăñ kơlôi niăm her ngăn dilah he kòp ri khà kọn dŏng alah hala lòi plai mut tòm gôn tòm kòp tŭ choh. Ò di mìng lòi bơta hừh nùs bơh bơta koñ òm bơh khà ăñ ji, do găm lah broă dŏng kọn lik klàs bơh ală tŭ kơlôi sơnơng iơh tŭ ò geh pha. Kŭng be, tơnơ̆ tŭ choh plai ne, kokọn hòn chò yăl tơnggit mơ ồng mơ mò: “ơi, kọn neh lòi tơmut bar nơm plai, mơya kon neh kơryan bơtoah tus pram tơnơ̆dơ̆ choh ơ?”

Mơya, gơs dô bơta sŏng ngăn tŭ ơm tòm tiah kup plai: bulah he gơs dŏng alah niam mbe lơi, cồng nha lồi dut rơp lơh nền bơh mpan cih khà. Ală cau koñ gơboh plai choh digơlan ò tŭ lơi hŭi Tim Howard di tòm World Cup 2014. Khai neh dŏng 16 kŏng alah diđap mpồl plai choh Bỉ pơnjal choh. Mơya moat jrung lah khai găm lòi bar nơm plai gơtơnmut tòm gôn, mơ mpồl choh plai Mĩ mìng gơs dô nơm plai mut tòm gôn, bulah choh plai niăm ngăn mbe lơi, bŏl khai kung kong alah.

Kọn klau ăñ kŭng neh git lăm bơta kŏng alah behơ̆. Gơs ală tŭ choh plai, mpồl kọn ò geh pha bulah kọn neh kơryan ală plai choh wèt tus tiah he di. Tòm plai choh mpồl kơnòm, jơh ală cau kơnòm geh lòng ală tiah choh, mơ ală mpồl choh plai ndai tŭ ơm kup plai neh lòi oă cau tơmut gôn oă rlau khà tơmut mơ mpồl neh tơmut.

Kơlôi sơnơng bơh bơta do, ăñ kơlôi tus rùp să Hiu Jum Gọh. Tiah lơi là bơta pha is digul “bơta ràng tơlik gơkrơi is” Yang Dong Jesu tŭ Kơnrẵn ơm tòm dunnia, mơ pơnđơl pràn ală cau bơtê bơh tŭ Kơnrẵn guh rê? Tap sèng Sră Goh liah tòm Ma thi ơ 9: 18 – 33, là cơng tàng gơnap gơnoăr wil tơl Kơnrẵn di. Bơta chơt, kòp ji njơ̆, bơta jơngọ măt, mơ ală che sreng carak lơh kọn mơnùs ơm mŏmŏ -;jơh ală bơta păl dòn bơr diđap Kơnrẵn. Ò gơs bơta tòmlơh lơi cau sò tơm rơp rlau mơ Kơnrẵn.
Mơya tơnơ̆ ală tềl krơi hơ̆, Kơnrẵn neh ai tơnggit dô jơnau họi tơrgòm, jơnau họi jà bŏl mut tòm tiah tòmlơh “Gen Kơnràñ đơs mơ ală cau bơtê lah: “Kơnhai toès la dờng ngan, mơya cau toès la dô êt lơm. [38] Behơ̆ hòi dan tĕ mơ Yàng kơnhai toès sồr cau toès lòt tus tòm tiah toès Kơnràñ dê.”(Mathiơ 9:37-38)

Bơh bơta chơt mơ bơta kis wơl, Yang Jesu neh lơh cơng tòm bơta tòmlơh chơt kis kọn mơnùs di, bơta kis neh pha lin bơta chơt. Hơ̆ là dô bơta phalin dờng! Tŭ găm tòmlơh hơđăng blàng jơng gùng dunnia do, bŏl he păl kah tus wèt măt sền hơđăng mpan cih khà đah hwing. Rơp ngăn là bŏl he hŭi hwơr lòi kŏng alah, kŭng gơs tŭ pơrwai kơlôi sơnơng hala giga diđap ală bơta ơnnia dilah bŏl he lơh nền cê rlau. Mơya kah tĕ lah: tòm mpồl ling Yang Tom Trồ di, bŏl he òs ơm tòm mpồl geh pha.

Mpồl cau hơ̆ mìng gơs nđợ “sơmăñ ” àng gơcrà hơđăng tiah bơtọ yăl. Hơ̆ la cồng nha dô mpồl Jơnau Niăm. Dô nă cau rơp tơmut plai choh krơi is, mơya jơh ală bơta là bơta kơnòm gơtòmklac niam, bơta dòn sŏng òm mơ nùs nhờm choh plai jơh nùs ală cau băl tòm tiah tòmlơh.

Gen behơ̆, tus di pơnah he di tìp măt băl ală bơta lòng, dô nùs lơh broă tĕ băl mơ Yang Hwing Gọh tồ lơh gơlik gơs cih khà điểm gơkrơi. Dilah òhềt tus di pơnah he di, kư̆ pơnjat gơtòmklac băl mơ ală ọh mi he di tồ ală broă bŏl he lơh gen gơs jơm bơh bơta gơtòmklac băl mơ nùs khin cha. Tài bơh jơnau uh kơlwok rài kis jơh rau ntas, bơta yò sào rơp ò di mìng dŏ jŏ jọng dô êt lơm gen rọh, tòm bơta kơlôi sơnơng “kơñhơl choh plai pa tai”. Tòm Yang, bŏl he la ală cau pha lin wil tơl jơl tus di sum sum.

Dan jà bol he dô nùs bal tòm bơta hòi dan: Khoai Yang Bèp koñ gơboh, ưnngai Kơnrẵn tài bơh digul ală broă gơlik gơs rài kis di, Kơnrẵn găm òs là Bơtau gar hwing soàn kọn rĭng lơngai. Ưnngai Yang tài bơh bơta pha lin dờng Kơnrẵn neh ai kon ĭn bơh bơta kis wơl gơklŏ. Dăn Yang tọh glài kọn ĭn tòm ală tŭ kọn ơn nùs kơlôi ir tòm ală tŭ kŏng alah, ală dơ̆ kọn kŏng alah diđap bơta ơnnia mơ bŏl glăr, gen hŭi hwơr lah kọn neh sơmbat kơ̆ bơta pha lin kơnòm bơta nđàc Kơnrẵn di. Dăn Yang Hwing Gọh Kơnrẵn ai pà kọn ĭn bơta khin cha nàng ơn să jan, gơtòmklac kon băl mơ ală oh mi gut dăr tòm bơta gơtòmklac băl, tồ ală broă kọn lơh, kòp jơnau kọn đơs gơs pơnah băl ràng tơlik bơta gơklŏ Kơnrẵn dunnia do ĭn. Kọn kòp koñ mut tòm ngai pa bơh hwing nùs lơngap lơngai wil tơl, tài bơh git lah cồng nha lồi dut neh geh Kơnrẵn lơh nin tòm bơta pha lin. Kọn họi dăn, kọn ai sơnđăn Yang Jesu Krist, Amen.

Ơ ală ồng mọ ọh mi koñ gơboh, jơnau uh kơlwok jơh sir rài kis do ngăn ò di là pơndut. Hơ̆ la sơntom yò sào hòn chò pha lin. Băñ lòi dô êt bơta kŏng alah lơh he ĭn gơplơ̆ nùs, kŭng băñ lòi ală bơta gơtup pừ ngai yau or kơryan jơng he hơđăng gùng dà bơta dòn. Băñ kơlôi sơnơng, tài bơh blàng tòmlơh do he ò tŭ lơi ơm is ò. Bŏl he gơri dô nơm mpồl neh nền cê pha lin rau, bơh Yang Dong Jesu neh “geh pha mơ màh” ala bŏl he hơđăng chi pơng yau or rau. Broă he di mơ ăñ tŭ do là pơnđơl cơnđòa lòt pơnjat, dềt mềr mơ dô mpồl ọh mi mơ òs wèt sền mpàn khà cih găm sum sum di – tiah mơ sơnđăn măt he neh geh sền màng ryŭ geh cih tòm khà ală cau pha lin. Bơta hòn chò do rơp ò tŭ lơi jơh, mơ bơta geh pha do sum sum gơri mơ he.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.