Muaj tej lub sijhawm, kev thooj yim tsis pib los ntawm ib qhov kev txhaum loj, tiamsis tsuas yog los ntawm tej kev xav “txhob ua txawv luag lwm tus”. “txhob ua rau lwm tus tsis zoo siab”. Tiamsis los ntawm tej kev thooj yim me me no, tib neeg lub siab pib khiav deb qhov tseeb zuj zus. Thiab ntau zaug, qhov nyuaj tshaj ntawm tus neeg ntseeg Vajtswv tsis yog mus ib leeg, tiamsis yog lub siab tawv tsis sawv nrog qhov yuam kev, txawm yog tej kev txiav txim ntawd nws yuav mus ib leeg xwb.

Hnub no, yog hnub 08/07/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm UA NEEJ TSIS THOOJYIM NROG KEV TXHAUM

“Cov neeg uas tau koob hmoov yog cov uas tsis ua raws li cov neeg siab phem tej lus haub ntxias, thiab tsis xyaum ua raws li cov neeg txhaum ua lossis tsis nrog cov neeg uas tsis hwm Vajtswv koom ua ib lub siab. Tiamsis cov uas tau kev kaj siab yog cov uas hwm tus Tswv txoj Kevcai thiab kawm txoj kevcai ntawd nruab hnub hmo ntuj” (Ntawv Nkauj 1:1-2)

“Koj puas nyob zoo txiv hlob, hnub no ntuj no heev, niam hlob mus dua twg lawm?” Txiv hlob Dan zoo siab luag ntxhi, teb thiab nug: “Kuv mus ib leeg xwb, niam hlob tsis xav mus, me ntxhais”. Tas tig rov qab lawm, nws maj mam mus rau hauv chav pehawm, nrhiav qhov chaw uas nws ib txwm zaum.

Tsa qhov muag saib txiv hlob, tiamsis kuv kuj pom niam laus Thu tab tom nkag ntawm qhov rooj los, maj nroos kaw qhov rooj kom cua tsis chaws los hauv tsev. Kuv mus pab nws txais nws lub tais uas nws npaj rau pluas noj tomqab kev pehawm.

“Ntuj no heev yom niam laus, koj ib leeg xwb tiamsis nqa hnab ntau ua luaj li.” Lub ntsej muag tuag lug nws saib kuv: “Koj puas paub, kuv ib leeg tuaj pehawm xwb.” tiamsis maj nroos, los ntawm nws lub qhov muag, nws tham rau kuv paub txog nws cov ncuav qab zib tsw qab ntxiag ntawm tes, nws niam pog qhia rau nws ua. Nws tus niam pog hwm Vajtswv tsis yog qhia nws ua ncuav xwb, tiamsis tseem coj nws los ntseeg Vajtswv, paub Vajtswv thiab ntseeg Nws. Tiamsis ntau xyoo dhau los lawm, txij hnub uas kuv paub niam laus Thu, tsuas pom niam laus koj ib leeg tuaj pehawm, koom txhua Pawg Ntseeg xwb. Yog li, thiaj saib ncig ib muag, tsis yog tsuas pom Txiv hlob Dan ib leeg xwb, lossis niam laus Thu ncaj ncees rau kev pehawm, tseem pom phau Hoa, Niam laus Mai… suav ib tug npe zuj zus ua rau kuv lub siab rov qab sov so, nco txog lub sijhawm uas kuv ib leeg kuj nrog Vajtswv mus ua ke ntawd.

Tej lub sijhawm uas yoj yees, ib leeg ntawd, zaj xwm hais txog nkawm niam txiv Ananias thiab Xafilas nkawd tau sau nyob hauv Tes Haujlwm 5:1-11 rov qab tshoov kuv lub siab kom muaj zog thiab muaj lub siab tawv.

Phau ntawv Tes Haujlwm sau txog hnub uas Vajtswv tus ntsujplig muaj hwjchim nqes los. Thaum uas Tswv Yexus sawv rov qab los ua rau cheeb tsam ntawd ntsoog qees pab kom cov thwjtim rov qab muaj lub siab tawv. Tswv Yexus tej lus ntuas ua ntej uas yuav nrog Tswv Yexus mus tau tshoov cov thwjtim lub siab. Tas, nyob rau hnub Vaj Ntsujplig nqes los, tag nrho lub nroog Yeluxalees yoj yees los ntawm Vajtswv lub hwjchim.

Pawg Ntseeg xub thawj pib muaj los ntawm txoj kev lees paub thiab mloog raws li Vaj Ntsujplig ua tus coj.

“Thaum sawvdaws porn tej txujci tseemceeb uas cov timthawj ua, lawv xav tsis thoob li. Cov ntseeg sawvdaws koom ib lub siab, nyias nqa nyias tej qhov txhia chaw tuaj tso ua ke ua sawvdaws tug. Lawv muab lawv tej av thiab tej khoom uas yog lawv tug muag, thiab muab tej nyiaj ntawd faib rau txhua tus raws li tus uas muaj chaw siv” (Tes Haujlwm 2:43-45).

Nyob rau lub caij uas tau koob hmoov ntawd, zaj xwm uas hais txog Ananias thiab Xafilas nkawd tau sau tseg: “Muaj ib tug txivneej hu ua Ananias, nws tus pojniam hu ua Xafilas. Ananias muab nkawd thaj av muag, Ananias thiab nws tus pojniam koom siab muab cov nyiaj ntawd ib txhia khaws cia lawm thiab coj ib co tuaj rau cov timthawj.” (Tes Haujlwm 5:1-2).

Qhov uas nkawd dag no yog txoj kev tuag tseg rau Ananias thiab tom qab ntawd yog Xafilas. Vaj Ntsujplig lub hwjchim nyob saum Petus tau nthuav qhia tias tus Vajtswv uas cov pejxeem pehawm yog tus Vajtswv uas ntxub txoj kev dag ib yam li Pajlug 12:22 sau tseg: “Tus Tswv ntxub tej neeg uas hais lus dag, tiamsis nws txaus siab rau cov neeg uas hais Ius tseeb.”

Vajtswv yeej tsis saib cov khoom uas fij tuaj ntau lossis tsawg. Nws saib lub siab uas zoo kawg nkaus muab pub rau Nws: “Tus Tswv yeej tsis saib tej uas neeg saib; tib neeg saib sab nraud, tiamsis Tus Tswv saib hauv lub siab.” Ananias thiab Xafilas nkawd saib tsis taus Vaj Ntsujplig, nkawd xaiv saib tej yam muaj nqis uas tib neeg ntaus nqi, thooj yim koom siab hais dag, dag cov thwjtim kom nkawd muaj koob npe lossis tau tib neeg saib taus.

Niaj hnub no, kuj muaj ntau tus ntseeg Vajtswv yooj yim thooj yim, vim xav tias “yeej tsis ua cas”. Peb thooj yim hauv txoj kev ncaj ncees los tiv thaiv yam muaj nqis rau tus kheej’ thooj yim hauv txoj kev siv lub sijhawm, muab haujlwm, kev ua si, lossis tej kev sib raug zoo tso ua ntej txoj kev pehawm Vajtswv; thooj yim rau tej ntsiab lus uas tsis dawbhuv uas yus saib txhua hnub; thooj yim ua twjywm ntsiag to ntawm tej yam uas tsis yog vim ntshai tsam lwm tus tsis zoo siab. tej zaum peb yeej mus pehawm tsis so. Yeej siv zog ua haujlwm, tiamsis lub siab maj mam tsuag zuj zus thiab ua lub neej raws li ntiajteb tus tshim ntsuas ntau dua li ua raws li Vajtswv tej lus qhia. Ntiajteb hnub no txhawb nqa rau txoj kev paub siv txhua yam kom zoo, “yooj yim ua raws” ntau dua li uas “tsis ua xyem xyav”, tiamsis ntau zaug tej ntawd ho yog lub nra nyhav ua rau tus neeg ntseeg Vajtswv nws ua poob tus nrim ntawm sab ntsujplig. Vajtswv tsis nrhiav cov neeg uas zoo kawg nkaus, tiamsis nws nrhiav cov neeg uas muaj lub siab tiag, kam ua neej pub rau kev ncaj ncees thiab tsis thooj yim rau kev txhaum, txawm yog yuav mus ib leeg hauv cov neeg coob coob.

Vajtswv txoj kev ncaj ncees dawbhuv saum Ananias thiab Xafilas nkawd tsis plooj Vajtswv txoj kev hlub thiab Vajtswv txoj kev ncaj ncees hauv niam laus Hoa tsev neeg. Ntau hli tom qab ntawd, thaum hnov xov yawg tuag tes tuag taw thaum tab tom xaum kev pehawm ntawm Hoping Center, kuv pom Vajtswv txoj kev ua siab ntev tau rub yawg rov qab los cuag Vajtswv nyob rau tej hnub kawg.

Vaj Ntsujplig tus muaj hwjchim tsis yog tsuas nthuav tawm rau peb pom txog tej yam kev phom sij thaum uas ua yuam kev zoo li Xafilas, tiamsis ua ntej, Vajtswv los pab. Nws tu niam laus Hoa nkawd. Nws tau caum tu nkawd ob niam tub dhau ntawm Pawg Ntseeg thiab pub lub zog ua neej ncaj ncees rau Vajtswv tej lus thaum xaiv tsis thooj yim rau nws tus txiv hauv tej uas yuam kev.

Vajtswv tej lus hauv Ntawv Nkauj 1:1-2 sau tseg: “Cov neeg uas tau koob hmoov yog cov uas tsis ua raws li cov neeg siab phem tej lus haub ntxias, thiab tsis xyaum ua raws li cov neeg txhaum ua lossis tsis nrog cov neeg uas tsis hwm Vajtswv koom ua ib lub siab. Tiamsis cov uas tau kev kaj siab yog cov uas hwm tus Tswv txoj Kevcai thiab kawm txoj kevcai ntawd nruab hnub hmo ntuj” (Ntawv Nkauj 1:1-2).

Thiab Vajtswv kuj tsis cia peb ib leeg cim civ siv zog, siv zog ua lub neej tsis thooj yim rau tej yam tsis yog, Nws twb npaj thiab pub Vaj Ntsujplig nrog peb txhua tus nyob, pub lub zog, thiab coj peb zoo li Tswv Yexus tau hais: “Tus Pab uas yog Vaj Ntsujplig tus Dawbhuv uas kuv thov kom Leej Txiv txib los, nws yuav qhia txhua yam rau nej thiab pab kom nej nco txhua yam uas kuv tau qhia rau nej lawm” (Yauhas 14:26).

Thov caw nrog kuv peb thov Vajtswv ua ke: Tus Tswv uas muaj kev hlub, yog leej txiv uas hlub kuv, kuv ua koj tsaug vim koj pub Vajtswv tej lus hauv Vajluskub rau kuv. Ua Vajtswv tsaug vim Nws tsis cia peb nyob “ntsuag nos”, tiamsis pub Vaj Ntsujplig nrog nraim peb nyob. Ua Vaj Ntsujplig tsaug, tus saib pom hauv peb lub siab. thov pub lub zog, thiab lub siab tawv rau kuv kom xaiv ua lub neej tsis thooj yim hauv tej yam tsis yog, tiamsis mus raws li qhov kaj uas yog qhov tseeb raws li Vajtswv tej lus qhia. Kuv thov hauv Tswv Yexus Khetos lub npe, Amees.

Cov kwv tij, txoj kev nqaim uas nrog tus Tswv mus muaj tej lub sijhawm vim tsis thooj yim, peb yuav tau mus ib leeg, xaiv ua lub neej raws li tej uas Vajtswv saib taus. Tej yam uas cuag li tsis muaj nqis ntawm sab nqaij tawv thiab txojkev tau zoo xws li: Tseg ib hnub so thov Vajtswv, fij lub sijhawm, nyiaj txiag zoo li Vajtswv tej lus qhia, ua lub neej ncaj ncees, ua tib zoo ib kaujruam zuj zus nrog rau Vaj Ntsujplig kev tshwm ntsej muag hauv lo lus hais thiab tus cwjpwm coj, nrog txoj kev paub tias Vajtswv yog tus ntsia pom hauv siab. Yuav tau muaj lub siab tawv, ua ntej tshuaj yus lub siab, tas koom siab hauv txoj kev txawj ntse, ceev faj, thov Vajtswv sib pab, vim paub tias hnub uas Vajtswv rov los twb ze lawm, ib yam li Vajtswv hais: “Nej ua tib zoo mloog kuv tej lus! Kuv twb yuav los sai sai no! Kuv yuav coj kuv tej nqi zog los, kuv yuav muab rau nej txhua tus raws li tes haujlwm uas nej tau ua los lawm.” (Tshwmsim 22:12).

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.