Thaum tig rov qab mus saib Pawg Ntseeg Vietnam txua kev tau ib tiam dhau los, peb lub siab ua Vajtswv tsaug rau Vajtswv txoj kev ncaj ncees. Twb yog Vajtswv txib thiab siv nws tej tub txib nrog cov xib hwb thiab ntau tus ntseeg tau ncaj ncees tseb lub noob Txojmoo Zoo rau peb lub tebchaws. Tiamsis peb tsis nres ntawm qhov nco tshav ntuj thaum tig mus saib yav dhau los, tiamsis tseem xav txog yus lub nra rau yav tom ntej.

Hnub no, yog hnub 12/07/2026, UA KEVCAI NCO TXOG 115 XYOO TXOJ MOO ZOO QHIA TUAJ TXOG RAU NYOB LAJ TEB, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm LUB NOOB

“Koj thiab koj tsevneeg cia li ntseeg tus Tswv Yexus, nej thiaj yuav dim lub txim.” (Tes Haujlwm 16:31).

Twb tau ib tiam dhau los txij thaum cov tub xa moo zoo tsuj taw tuaj rau tebchaws Vietnam rau xyoo 1911. Lub noob kev ntseeg tau muab tseb rau thawj zaug ntawd. Txojmoo Zoo nrov ncha mus rau txhua qhov chaw hauv lub tebchaws, coj txoj kev cawmdim mus pub rau tsheej triệu tus tib neeg Vietnam.
Thaum tig rov qab mus saib txua kev ntawd, peb ua Vajtswv tsaug vim Vajtswv txoj kev hlub loj pub rau Pawg Ntseeg. Peb kuj tsis hnov qab cov mus ua ntej lawm tau ua twjywm txhim tsa Pawg Ntseeg zoo li hnub no. lawv yog cov tau tseb lub noob kev ntseeg nrog lub kua muag, txoj kev muab pub, lub siab ncaj ncees thiab txojkev hlub pub rau Tswv Yexus.

Qhov no ua rau peb nco txog Tswv Yexus tej lus tau hais: “Kuv qhia tseeb rau nej hais tias yog tsis muab lub noob nplej faus rau hauv av kom lwj, ces lub noob ntawd nws yuav nyob nws tib lub xwb. Yog lub noob nplej ntawd lwj thiaj yuav tuaj kaus thiab txi tau ntau lub.” (Yauhas 12:24).

Nyob hauv nqe Vajluskub no, Tswv Yexus tab tom hais txog Nws tus kheej. Nws yuav nce mus rau saum tus ntoo khaublig tuag coj txoj kev cawmdim pub rau tib neeg. Cov lus qhia no kuj nthuav tawm ib txojcai sab ntsujplig tseem ceeb rau cov thwjtim: xav kom muaj thaj teb sau yuav tsum muaj lub noob tseb rau hauv; xav kom muaj tej paj txiv ntawm sab ntsujplig ces yuav tsum muaj tus mus. Txoj kev “tuag mus” ntawm tus ntseeg Vajtswv yog tso txoj kev noj qab nyob zoo, muab tus kheej txoj kev qia dub ntsia saum ntoo khaublig, ntau zaug txojsia tseem yuav raug tua vim Vajtswv lub npe. Qhov chaw twg muaj kev muab pub, qhov chaw ntawd Txojmoo Zoo yuav tawg paj txi txiv.

Qhov no tau ntsia pom meej meej nyob hauv Paulus thiab Xilas nkawd zaj xwm (Tes Haujlwm 16:16-40). Vim qhia Txojmoo Zoo, nkawd thiaj raug ntaus, raug khi thiab muab kaw rau hauv qhov tsaus ntuj tiamsis, pauv qhov uas nkawd yws, lawv yeej thov Vajtswv thiab qhuas Vajtswv.

Vajtswv tso cai rau ib ntsug av qeeg tshwm tuaj. Dhau ntawm qhov xwm txheej ntawd, tus tub rog zov qhov rooj thiaj tau hnov Txojmoo Zoo thiab tas nrho nws tsev neeg ntseeg Vajtswv. Paulus thiab Xilas nkawd txoj kev tiv kev txomnyem yeej tsis yog tsis muaj nqis tiamsis ua rau coob tug txais tau kev cawmdim.

Paulus thiab Xilas nkawd zaj xwm tsis yog tib zaj xwm xwb. Keeb kwm Pawg Ntseeg 2000 xyoo dhau los thiab keeb kwm Pawg Ntseeg nyob laj kuj muaj ntau zaj xwm zoo li ntawd. Nyob rau thawj ntu ntawm Txojmoo Zoo qhia tuaj rau nyob laj, xibhwb Phan Đình Liệu raug ntes kaw ntau zaug vim qhia Txojmoo Zoo. Tiamsis hauv qhov tsaus ntuj ntawd, yawg tsim muaj ib Pawg Ntseeg hauv tsev rau txim.

Xibhwb Phan Đình Liệu yog tus ntsib ntau txoj kev txomnyem vim Vajtswv lub npe, ntau zaug raug kaw vim qhia Txojmoo Zoo.

Tomqab ntseeg Vajtswv, yawg muab yawg tus kheej fij ua Vajtswv haujlwm, mus qhia moo zoo thiab tsim tsa Pawg Ntseeg ntau qhov, nruab nrab teb xws li Hội An, Phú Yên, Nha Trang, Đà Lạt, Phan Rang, Phan Thiết cho đến Rạch Giá, Bạc Liêu, Sóc Trăng, Cà Mau nrog rau ntau thaj chaw. Thaum rov qab los txog rau hauv Nha Trang, ntau zaug yawg raug ntes vim qhia moo zoo. Txawm nyob hauv tsev rau txim los yawg zoo siab, suav tias yus muaj feem koom rau Yexus Khetos txoj kev txomnyem. Nyob hauv tsev rau txim yawg ua tim khawv rau 19 tus ntseeg Vajtswv, muaj tus zov tsev rau txim tus pojniam. Yawg npaj kev pehawm rau hnub so, qhia kev ntseeg thiab thov Vajtswv. Nyob rau xyoo 1929, yawg tau tso tawm thiab raug ntiab tawm los rau Quảng Nam. Tomqab tau tso ywj pheej, yawg thiaj sau ib zaj lus paj huam li no:

“Tshuaj saib keeb kwm ntau xyoo,
Thiaj pom Pawg Ntseeg hauv tsev rau txim. […]
Lub qhov rooj tsev rau txim yoj yees txawm yog kaw ruaj ruaj.
Yeej tav tsis tau lub siab los cuag Tswv Yexus.”

Niaj hnub nim no thaum saib Vajtswv Pawg Ntseeg muaj nyob qhov txhua chaw, peb yuav tau nco ntsoov tias tej no tsis yog xwb tim cia li muaj. Muaj ntau lub noob tau muab tseb thiab tuag mus ntau xyoo tiam dhau los. Kuj muaj tej tus lawv kam tso lawv tebchaws tseg tuaj rau Vietnam qhia moo zoo. Kuj muaj tej tus raug kaw, raug nplawm, poob lawm ntau yam thaum qhia moo zoo. Cov uas muaj lub neej zoo li ntawd lawv kam tuag tus kheej kom niaj hnub nim no tau sau thaj teb ntawm sab ntsujplig li no.

Tiamsis, zaj kawm txog lub noob tsis yog peb ntsia pom yav dhau los, tiamsis yog cov lus nqua rau peb tamsim no. nws yeej muaj kev tsis sib haum thaum uas niaj hnub nim no, peb xav ntsia pom ntau tus ntseeg Vajtswv tiamsis ho tsis kam mus ua tim khawv, xav ntsia pom “thaj teb siav siav” tiamsis tsis muaj neeg kam mus sau. Vajtswv tej lus ntuas peb: yuav tau muaj lub noob tseb rau hauv thiaj yuav muaj caij sau.

Tej zaum Vajtswv tsis hu tag nrho peb dhau los ua cov tub xa moo zoo rau tej thaj chaw deb deb. Tiamsis Vajtswv nqua hu kom peb “tuag peb tus kheej” txoj kev tub nkeeg, kev ntshai txhua hnub kom tseb lub noob kev ntseeg rau tej chaw ntawm tsev neeg, tsev kawm ntawd, qhov chaw ua haujlwm lossis saum tej fuab cua. Peb lub neej yog “tej lus timkhawv ciaj sia” txog Tswv Yexus rau lub ntiajteb niaj hnub no.

Pawg Ntseeg loj hlob hauv Vajtswv lub hwjchim ua tus tswj. Peb lub nra tsis yog txhawj txog lub neej tom ntej, tiamsis yog ncaj ncees qhia Txojmoo Zoo nyob rau hauv lub neej txhua hnub. Thaum ntsia pom peb haiv neeg tab tom ua neej hauv txoj kev txhaum thiab tsis tau paub qhov tseeb, peb lub siab puas mob thiab puas xav kom Vajtswv yuav rhawv tsa peb lub tebchaws? Peb puas npaj txhij cia Vajtswv siv thiab dhau los ua lub noob me me, kam tuag mus hauv Vajtswv txhais tes?
Xyoo 2033 yuav puv 2000 xyoo raws li Tswv Yexus tej lus samhwm tau muab pub rau Pawg Ntseeg. Ntau lub koom huam thiab ntau txoj kev ntseeg tab tom npaj lub zeem muag yuav muaj 10 triệu tus neeg Vietnam ntseeg Yexus Khetos rau xyoo ntawd. Kom qhov no dhau los ua qhov tseeb, ntawm no tsis yog qho Pawg Ntseeg lub zeem muag, qho tus xibhwb lossis npaj kev tshaj tawm qho zaug, tiamsis dhau los ua cov ntseeg Vietnam lub zeem muag.

Peb tsis tau nqua hu los ua cov ntseeg nyob ib leeg, tiamsis yog Tswv Yexus cov thwjtim, cog lus ncaj ncees ua tim khawv txog Vajtswv txhua hnub, txhua thiv, txhua hli. Txhua lo lus tim khawv, txhua txoj kev sib tham ntawm sab ntsujplig, txhua lo lus taij thov rau cov tsis tau ntseeg Vajtswv hnub no puav leej yuav dhau los ua ib feem nyob hauv Vajtswv lub sijhawm sau loj npaj rau cov neeg Vietnam. Yuav tsis muaj neeg kam ntseeg yog tsis muaj tus hnov, thiab yuav tsis muaj tus hnov, yog tsis muaj tus kam mus qhia. Ib yam li Vajluskub tau qhia: “Yog li ntawd, twb yog lawv hnov txojmoo zoo, lawv thiaj ntseeg, thiab txojmoo zoo uas lawv hnov ntawd yog Yexus Khetos tej lus.” (Loos 10:17).

Thov caw nrog kuv peb thov Vajtswv ua ke: Tus Tswv, ua Koj tsaug vim tau cawm cov neeg Vietnam thiab txib koj ntau tus tub txib tuaj tseb lub noob Txojmoo Zoo rau lub tebchaws no. thov Vajtswv kuj siv kuv lub neej zoo li ib lub noob ua kom muaj nqis rau Vajtswv lub tebchaws. Kuv ntseeg tias Vaj Ntsujplig yuav ua haujlwm rau Pawg Ntseeg thiab tebchaws Vietnam. Thov pib tes haujlwm ntawm kuv lub siab, hlawv kom cig Vajtswv txoj kev hlub rau kuv thiab cov neeg uas tsis tau paub Vajtswv. Kuv thov hauv Tswv Yexus Khetos lub npe, Amees.

Cov kwv tij txhua tus, feem ntau cov neeg Vietnam lawv tsis tau paub Tswv Yexus thiab Txojmoo Zoo txog Tswv Yexus txoj kev cawmdim. Tsheej triệu tus neeg Vietnam yeej tseem nrhiav lub ntsiab tiag ntawm lub neej yeej tseem nrhiav tsis tau. Yog tias peb ntshaw kom ntsia pom peb haiv neeg tau cawm ces peb yuav nyob tsis tau twjywm tsis qhia Vajtswv rau lwm tus.

Yog li, Vajtswv yeej tseem nrhiav tus uas txaus siab hlo dhau los ua lub noob rau Vajtswv txhais tes. Vajtswv tab tom txib peb rov los rau hauv peb thaj teb: tsev neeg, tsev kawm ntawv, qhov chaw ua haujlwm, lub zos thiab tej kev sib raug zoo txhua hnub. Tej zaug yam uas peb ua hnub no tsuas yog ib lo lus tim khawv, ib qhov kev sib tham lossis ib txoj haujlwm zoo me me xwb los. Thaum uas peb tau muab tseb los ntawm kev mloog lus, lub noob ntawd yuav txxi tau ntau lub txiv raws li Vajtswv lub sijhawm.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.