Muaj tej lub sijhawm peb yuam kev thiab hnov tias yus tsis tsimnyog rau Vajtswv lawm. Zoo li ib tug neeg tus menyuam tomqab ib lub sijhawm khiav deb tsev neeg, yim txav deb yim txaj muag tsis kam ntsib cov neeg uas hlub yus. Tiamsis yam uas zoo yeej tseem muaj nyob yog lawv txaus siab hlo txais nws rov los. Ntawd yog lub ntsiab ntawm txoj kev hlub. Ntawd yog txoj kev hlub thiab kev zam txim uas Vajtswv pub rau peb txawm yog peb tsis tsimnyog.

Hnub no, yog hnub 13/07/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Marissa Dordlum dhau ntawm Zaj kawm ROV QAB LOS HAUV KEV HLUB

“Rau qhov kuv tus tub no twb tuag lawm, tiamsis nimno nws ciaj rov los; nws twb ploj lawm, tiamsis nimno nws rov los.” (Lukas 15:24).

Puas tau muaj zaum twg koj txais tau ib qhov khoom plig loj txog qhov uas hnov tias yus tsis tsimnyog txais lawm tau? Tseeb tiag, tag nrho txhua tus uas twb tau txais txojsia thiab kev cawmdim hauv Tswv Yexus lawm ces puav leej ntsib dhau tej ntawd. Qhov khoom plig ntawd yog Vajtswv txoj kev hlub.

Ob peb xyoos dhau los, peb tsev neeg txais ib tug txheeb ze rov qab los tomqab ib lub sijhawm nrug deb. Nws tau cawm tawm hauv qhov tsaus ntuj los thiab khiav deb Vajtswv. Kuv yeej tseem nco txhua zaug uas thov Vajtswv coj nws rov qab los. Tas muaj ib hnub, nws rov qab los cuag tsev neeg thiab rov qab los cuag Vajtswv. Peb cev tes mus txais tos nws los ntawm txoj kev hlub. Lub sijhawm ntawd ua rau kuv tsev neeg los nyob ze tshaj. Tej zaug koj kuj ntsib dhau lossis ntsib tej kev tu siab hauv tsev neeg, tej kev sib raug zoo pob puas ua rau peb tag kev cia siab.

Tej uas ntsib dhau hauv yus tsev neeg, kuv nco txog zaj xwm Tswv Yexus tham nyob hauv Lukas 15. Zaj xwm hais txog ib leej txiv muaj ob tug tub. Tus tub yau thov kom txiv faib nws li teej tug tas tawm hauv tsev mus, noj seem noj so tas nws feem. Tsuas yog thaum uas nws “xeev” rov los, tus tub no thiaj txiav txim rov qab los cuag leej txiv, ntau zaug tseem txaus siab hlo ua ib tug tub qhev rau txiv.
Tiamsis thaum tus tub yau rov qab los, leej txiv tsis txiav txim lossis npau taws. Yawg tawm mus tos, muab puag thiab txais tos. Yawg kom cov tub txib muab lub tsho uas zoo tshaj los rau nws hnav, muab nplhaib rau coj ntawm tes, muab khau rau rau, thiab ua noj zoo siab. Leej txiv hais tias: “Rau qhov kuv tus tub no twb tuag lawm, tiamsis nimno nws ciaj rov los; nws twb ploj lawm, tiamsis nimno nws rov los.” (Lukas 15:24).

Lo lus no nthuav tawm lub tseem ntsiab ntawm zaj lus piv txwv, ntawd yog hloov pauv sab ntsujplig. “Tuag” yog txoj kev tuag hauv tej kev txhaum thiab khiav deb Vajtswv. Qhov uas tus tub rov los yog txoj kev lees txim thiab tig rov qab los rau hauv txoj kev sib raug zoo nrog Leej Txiv, rov qab tau txais lub meej mom ua tub.
Vajtswv kuj pub kev hlub thiab kev zam txim rau peb ib yam li ntawd. Yav dhau los, peb kuj tau yuam kev thiab tuag hauv txoj kev txhaum. Tej zaug muaj lub sijhawm koj kuj zoo li tus tub noj leeb, khiav deb Vajtswv thiab ua raws li yus lub siab nyiam. Tiamsis thaum peb lees txim thiab muab lub neej rau Yexus Khetos. Nws ua rau peb rov qab muaj sia. Nws pub kev hlub rau peb pauv qhov uas txiav txim rau peb. Vajluskub sau: “Tus uas nyob hauv Yexus Khetos tsis raug txiav txim lawm” (Loos 8:1). Nyob hauv Yexus Khetos, peb tej kev txhaum tau zam txim los ntawm Nws txoj kev hlub.

Tiamsis, Vajtswv txoj kev hlub tsis yog qhov uas cia rau peb pheej ua neej hauv txoj kev txhaum, Vajtswv txoj kev zam txim yog tseg lub sijhawm rau peb tau hloov pauv. Paulus hais tias: “Yog li ntawd, peb yuav hais li cas? Puas tsimnyog peb pheej ua txhaum kom Vajtswv hajyam hlub peb ntxiv? Peb tsis txhob ua li ntawd! Peb twb tuag rau txojkev txhaum lawm, peb tseem yuav ua kev txhaum ntxiv dua thiab los?” (Loos 6:1-2). Tom qab xeev xwm tus tub nws tsis khiav nkaum nws txiv, tiamsis lees txim thiab rov qab los tsev. Ib yam li ntawd, thaum uas saj tau Vajtswv txoj kev hlub, peb thiaj tsis xav ua neej khiav deb Vajtswv txoj kev hlub ntxiv. Txoj kev hlub tiag yog txoj kev hlub coj peb mus rau txoj kev hloov pauv, hlub Vajtswv ntau dua thiab ntshaw ua lub neej haum Vajtswv siab txhua hnub.

Koj puas pom tias koj zoo ib yam li tus tub noj leeb thiab? Koj puas tab tom khiav deb Vajtswv yeej tseem tsis tau lees txim tiag thiab tsis tau tig rov qab los cuag Vajtswv? Los ntawm txhais tes dav, Vajtswv yeej tseem caw tus uas yuam kev thiab puas tshuaj lawm tig rov qab los cuag Vajtswv.

Thov caw nrog kuv peb thov Vajtswv ua ke: Tus Tswv, twb muaj tej lub sijhawm kuv yuam kev thiab ua neej khiav deb koj, tiamsis koj yeej tseem hlub, zam txim thiab coj kuv rov qab los rau hauv koj txoj kev hlub. Kuv ua Vajtswv tsaug vim Vajtswv txoj kev hlub thiab lub hwjchim hloov dua tshiab. Thov pub kom kuv muaj lub siab mos muag thiab lees txim, kom kuv zoo siab hlo tig rov qab los cuag Vajtswv txhua zaus uas kuv puas tshuaj. Kuv thov hauv Tswv Yexus Khetos lub npe, Amees.

Cov kwv tij, tej zaum koj tab tom hnov nyob deb Vajtswv vim tej kev puas tshuaj, kev txhaum lossis txhua zaum uas ntog hauv lub neej. Tej zaum koj xav tias Vajtswv yuav tsis zam txim lossis tsis txais yuav yus ntxiv lawm. Tiamsis Vajtswv tej lus ntuas kom peb nco ntsoov tias Vajtswv txoj kev hlub yeej qhib dav rau tus uas lees txim tig rov qab los cuag Vajtswv.

Yog tias hnub no koj tab tom khiav deb Vajtswv, cia li xeev los thiab muaj lub siab tawv tig rov los cuag Vajtswv. Nco ntsoov tias Vajtswv yeej tsis thuam cov uas muaj lub siab lees txim, tiamsis Nws yuav zam txim thiab coj peb rov qab los rau hauv txoj kev nrog nws sib raug zoo ua ke dua. Vajtswv lub qhov rooj kev hlub yeej qhib dav tos koj rov qab los rau hnub no.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.