Puas muaj zaum twg koj sawv ntawm ib qhov teeb meem nyuaj daws, thaum uas yuav tau hais qhov tseeb uas lwm tus tsis xav mloog lawm tau? Muaj tej lus hais tawm ua rau muaj kev zoo siab, muaj kev txhawb zog thiab yooj yim tau txais tos. Tiamsis kuj muaj tej lus ceeb toom, tej lus ntuas lossis qhov tseeb yuav tau hais tawm vim tej yam muaj nqis ntev rau cov mloog, txawm yog nws yuav ua rau nyuaj lossis tsis txaus siab rau lub sijhawm ntawd. Nyob rau hauv lub ntiajteb yim hnub yim muab txoj kev tau zoo thiab muaj lub siab xav zam tej yam uas rau muaj kev sib ceg, puas yog ntau tus kuj xav kom yus txoj kev ntseeg tsuas vij puas ncig tej lus cog tseg txog tej koob hmoov, kev kaj siab tej uas yus ua tau xwb?

Hnub no, yog hnub 15/07/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm RAU SIAB NTSO TSHAJ VAJTSWV TXOJLUS

“…Nws kom kuv qhia txhij qhia txhua hais txog zaj uas nws twb muab zais cia tau ntau tiam los lawm, tsis pub rau leejtwg paub. Tiamsis nimno nws twb qhia rau nws haivneeg paub lawm.” (Kaulauxais 1:25b).

“Vajtswv tsa kuv ua ib tug tubtxib pab cov ntseeg. Vajtswv kom kuv ua tes haujlwm no thiaj pab tau nej. Tes haujlwm no yog qhov uas qhia txog nws zaj. Nws kom kuv qhia txhij qhia txhua hais txog zaj uas nws twb muab zais cia tau ntau tiam los lawm, tsis pub rau leejtwg paub. Tiamsis nimno nws twb qhia rau nws haivneeg paub lawm. Vajtswv ua li no rau qhov Vajtswv yeej porn zoo qhia zaj uas tsis muaj neeg paub no rau nws haivneeg paub. Zaj ntawd yog zaj uas muaj nqis heev thiab zoo kawg nkaus. Vajtswv twb npaj zaj no cia rau txhua haivneeg lawm. Zaj uas Vajtswv muab zais cia lawm yog hais tias Yexus Khetos twb los nrog nej nyob lawm; yog li ntawd, nej yuav tau Vajtswv lub tshwjchim uas ci ntsa iab.” (Kaulauxais 1:25b-27).

Yog ib tug txwjlaug koom tes rau Pawg Ntseeg tej kev tshaj tawm, kuv mus koom txhua zaum tshaj tawm, feem ntau hnov tej xibhwb qhia Vajtswv tej lus thiab caw cov ntseeg los ntseeg Vajtswv. Muaj ib yam uas kuv ceev faj yog cov xibhwb tej lus caw nws hais txog lub ntsiablus ntawm Yauhas 3:36 “Tus uas ntseeg Leej Tub yuav tau txojsia ntev dhawv mus ibtxhis, tiamsis tus uas tsis mloog Leej Tub tej lus yuav tsis tau txojsia; Vajtswv yuav rau txim rau tus ntawd”. Yav dhau los, kuv hnov ntawm no yog ib lub ntsiab lus coj nruj, hais meej meej, ntau zaug tseem coj nyuaj, nyuaj txais rau lub ntuj vam meej li tamsim no yeej ib txwm muaj tej lus caw yooj yim rau cov neeg mloog. Tiamsis Vajtswv tej lus kuj hloov pauv kuv tej kev xav.

Nyob hauv Vajluskub, muaj tej tus tib neeg tau Vajtswv siv los nthuav tawm Vajtswv lub siab nyiam rau Vajtswv cov pej xeem, qhia Vajtswv lub ntsiab lus, lawv yog cov neeg hais lus, lossis yog cov cev lus. Lawv pab Vajtswv cov menyuam nkag siab Vajtswv tej kevcai kom meej, lawv qhia txog tej yam uas yuav tshwmsim rau lub neej tom ntej los ntawm Vajtswv tej lus qhia thiab Vajtswv txoj kev tso cai. Thiab lawv txoj haujlwm yog ncaj ncees qhia Vajtswv tej lus, txawm yog yuav yog cov lus zoo thiab yooj yim mloog lossis cov lus nyuaj thiab tsis tau sawv daws txais tos.

Zaj xwm tau hais txog nyob hauv 2 Vajntxwv 22:14-20 thiab 2 Xwm Txheej 34:22-28 hais txog tus pojniam cev lus hu ua Hulidas qhia paub txog lub ntsiab lus nyuaj yuav tau muab qhia rau cov pej xeem Yudas, thiab pog txoj kev ncaj ncees yog thaum uas pog qhia cov lus no los ntawm Vajtswv los.

Xyoo 18 tiam Vajntxwv Yauxiyas ua tus kav, tus pov thawj hlob Helekiyas nrhiav pom Vajtswv phau ntawv kevcai nyob hauv lub tuam tsev. Tomqab hnov tej lus kevcai ntawd tas, vajntxwv Yauxiyas dua nws lub tsho nyuaj siab, yawg paub tias yawg thiab Vajtswv cov pej xeem tau ua tsis tiav raws li tej uas Vajtswv tau qhia. Vajntxwv thiab txib tus pov thawj hlob Helekiyas, Ahikas, Aunpadiyas, Melalis, Xakhaliyas thiab Mesulas mus nrhiav tus pojniam cev lus Hulidas kom nws thov tus Tswv rau vajntxwv thiab cov pej xeem. Ntawm no yog txoj kev uas Hulidas tshwm los, yog ib tug pojniam cev lus, yog Salumes pojniam, yog tus tuav lub tsho ua kevcai yog thiab yog ib tug tub txawg muaj meej mom nyob hauv Yeluxalees. Hulidas thiab pog tus txiv, Salumes kuj yog ob tug uas tau tu thiab coj vajntxwv Yauxiyas thaum lawv tseem me. Saib txoj kev uas Yauxiyas loj hlob tuaj puv npo lub siab ncaj ncees rau Vajtswv, tsis zoo li nws txiv thiab nws yawg yog vajntxwv Manaxes, yuav pom tias tej neeg muaj koob nto npe txoj kev coj, ncaj ncees rau Vajtswv tau ua qauv rau vajntxwv Yauxiyas txoj kev ntseeg li cas.

Qhov uas Hulidas hais tias “Tus Tswv hais” qhia paub tias pog mloog Vajtswv lub hwjchim. Kuj qhia pom tias pog tsis muab nws lub siab nyiam los tov sib xyaw ntxaws, los txhais, lossis raws li nws tus kheej kev txawj ntse rau hauv Vajtswv tej lus, thiab yiam nrhiav kev qhia tej ntsiab lus ntawd kom yooj yim mloog, kom yooj yim txais yuav. Vajtswv tej lus samhwm yeej hloov tsis tau. Zoo li lwm tus cev lus, Hulidas hais tawm tej lus foom tsis zoo thiab tej lus foom hmoov, cov lus txiav txim thiab lus rov qab kho dua. Pog hais txog qhov no txawm yog thaum vajntxwv thiab cov pov thawj hlob, cov neeg muaj hwjchim tshaj nyob rau lub tebchaws tiam ntawd. Los ntawm cov ntsiab lus nyuaj qhia, pog sawv khov kho rau tes haujlwm Vajtswv cob, ncaj ncees qhia tawm tsis yoj yees.

Zaj xwm hais txog Hulidas thiab ntau tus cev lus nyob hauv Vajluskub tau hloov pauv kuv txoj kev xav txhua zaum uas mloog cov lus nqua hu cov tsis tau ntseeg txais yuav Tswv Yexus los ntawm Vajtswv cov tub txib nyob rau txhua zaus qhia Vajtswv tej lus. Kuj hloov pauv txoj kev uas kuv ua tim khawv txog Vajtswv pub rau lwm tus. Yeej tseem muaj lub siab hlub tshua, yeej tseem nyob ze, thiab yeej tseem ncaj ncees rau lub ntsiab lus uas Vajtswv tej lus ntuav tawm. Ntseeg Vajtswv yog txoj kev txiav txim tseem ceeb kom txais tau txoj kev cawmdim, qhov kev txiav txim no nws yog los ntawm tej kev txiav txim tseem ceeb kom txais tau txoj kev cawmdim, qhov kev txiav txim no yuav tsum yog los ntawm txoj kev lees paub Vajtswv tus ncaj ncees thiab hlub lwm tus ib yam li Yauhas tau hais nyob hauv Yauhas 3:16-36.

Muaj tsawg tus hauv peb muaj lub sijhawm tau tej vajntxwv lossis tej nom tswv muaj hwjchim caw los sib tham, nug moo… tiamsis, niaj hnub no Vajtswv yeej tseem nqua hu cov txiv neej thiab cov pojniam vam khom Vajtswv, sawv khov kho rau tes haujlwm Vajtswv cob, muaj lub siab tawv qhia Vajtswv tej lus los ntawm Vajtswv lub hwjchim. Tus cev lus Hulidas yog ib qhov piv txwv ciaj sia txog ib tug vajntxwv hwm Vajtswv tau teb Vajtswv lub suab hu hais txog Vajtswv tej lus. Ib yam li Paulus tau hais:

“Vajtswv tsa kuv ua ib tug tubtxib pab cov ntseeg. Vajtswv kom kuv ua tes haujlwm no thiaj pab tau nej. Tes haujlwm no yog qhov uas qhia txog nws zaj. Nws kom kuv qhia txhij qhia txhua hais txog zaj uas nws twb muab zais cia tau ntau tiam los lawm, tsis pub rau leejtwg paub. Tiamsis nimno nws twb qhia rau nws haivneeg paub lawm. Vajtswv ua li no rau qhov Vajtswv yeej porn zoo qhia zaj uas tsis muaj neeg paub no rau nws haivneeg paub. Zaj ntawd yog zaj uas muaj nqis heev thiab zoo kawg nkaus. Vajtswv twb npaj zaj no cia rau txhua haivneeg lawm. Zaj uas Vajtswv muab zais cia lawm yog hais tias Yexus Khetos twb los nrog nej nyob lawm; yog li ntawd, nej yuav tau Vajtswv lub tshwjchim uas ci ntsa iab.” (Kaulauxais 1:25b-27).

Peb txhua tus hnub no, yog ib tug cev lus qhia Vajtswv tej lus. Cia li ua tej no ncaj ncees, puv npo ib yam li tus cevlus Hulidas thaum ub.

Thov caw nrog kuv peb thov Vajtswv ua ke: Tus Tswv! Ua Vajtswv tsaug vim Koj tej lus tau ua rau kuv sab ntsujplig pom kev, tau loj hlob hauv txoj kev paub koj lub siab nyiam. Thov Vajtswv zam txim rau kuv vim muaj ntau zaug kuv ua xyem xyav, lossis ntau zaug kuv nrhiav kev ua tim khawv txog Vajtswv los ntawm tej uas kuv xav tias yooj yim, yooj yim txais yuav thiab tsis tau kam muaj lub siab tawv qhia txog Vajtswv thiab puv npo tus cwjpwm ncaj ncees, dawbhuv… thov Vajtswv ntxiv zog rau kuv kom muaj lub siab tawv ua tim khawv txog Vajtswv txoj kev cawmdim, ncaj ncees qhia Vajtswv tej lus rau tej neeg ib ncig ib yam li yam Vajtswv xav tau. Kuv thov hauv Tswv Yexus Khetos lub npe, Amees.

Cov kwv tij tej zaum peb kuj ntshai tsam raug luag nkag siab yuam kev, ntshai ua rau lwm tus poob siab lossis txhawj tsis kam qhia Txojmoo Zoo vim tsis muaj neeg kam txais yuav. Tiamsis nco ntsoov tias peb tes haujlwm tsis yog ua rau Vajtswv tej lus dhau los yooj yim dua, tiamsis yog nthuav tawm Vajtswv tej lus hauv txoj kev hlub thiab qhov tseeb. Tej paj txiv yog Vajtswv li, tshuav kev ncaj ncees yog peb txhua tus lub nra. Tej zaum Vajtswv tsis nqua hu kom peb sawv ntawm Vajntxwv li Hulidas, kuj tsis muaj peb ib tug twg tau sawv saum rooj khaublig lossis coj ib lub rooj cob qhia loj… tiamsis Vajtswv tso peb txhua tus rau hauv ib thaj teb sab ntsujplig: tsev neeg, qhov chaw ua haujlwm, tsev kawm ntawv, zej zos lossis tej kev sib raug zoo txhua hnub… nyob ntawd, Vajtswv xav kom peb dhau los ua cov neeg ncaj ncees coj Yexus Khetos txoj xov zoo mus qhia rau txhua tus.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.