Nyob ntawm tej nra hauv lub neej, leej twg twb xav kom muaj ib qhov chaw tso siab los pheeb rau, txawm yog tus muaj zog lossis tus qaug zog. Ntawm tus ntseeg Vajtswv, qhov chaw tso siab ntawd tsis yog tej uas nyob hauv ntiajteb, tiamsis nyob ntawm Vajtswv. Txawm yog nyob lub caijnyoog li cas los, Vajtswv yeej tshwm ntsej muag thiab tu Vajtswv pab yaj. Yog tias paub tias Vajtswv yog tus Tswv Yug Zoo, ces qhov no yuav hloov pauv txoj kev uas peb ntsib tej kev txhawj thiab kev sim siab li cas?

Hnub no, yog hnub 16/07/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Mariel Daveniport dhau ntawm Zaj kawm TUS TSOMKWM KUV

“Tus Tswv yog tus tsomkwm kuv, kuv muaj txhua yam txaus” (Ntawv Nkauj 23:1)

Koj puas hnov tias koj nyob ib leeg, tsis muaj leej twg hmov txog thiab ntsib tej nra nyhav hauv lub neej? Tej kev txomnyem nyiaj txiag, lub neej txijnkawm sib nrauj, lossis tej kev tsis ruaj khov nyob hauv ntiajteb, ntau zaug ua rau peb qaug zog thiab tsis kaj siab. nyob hauv tag nrho tej ntawd, Vajtswv tej lus ua rau peb muaj qhov kev cia siab loj: “Tus Tswv yog tus tsomkwm kuv, kuv muaj txhua yam txaus” (Ntawv Nkauj 23:1).

Ntawm no yog Vajntxwv Daviv cov lus nthuav tawm txog txoj kev sib raug zoo ntawm yawg thiab Vajtswv. Daviv tsis yog tsuas hais txog Vajtswv zoo li ib tug yug yaj xwb, tiamsis yog tus “saib xyuas kuv”. Dhau ntawd, yawg nthuav tawm Vajtswv txoj kev hlub thiab tu Vajtswv txhua tus menyuam yaj.

Thaum hais txog cov lus no ces Daviv nkag siab zoo txog lub ntsiab ntawm tus yug yaj, vim yawg kuj yog ib tug neeg yug yaj dhau. Nyob rau tiam ntawd, tus yug yaj tseg feem ntau nws lub sijhawm los ua neej nrog nws pab yaj. Lawv coj yaj mus rau ntawm qhov chaw muaj zaub, nrhiav hauv paus dej, tiv thaiv yaj tsis pub tej tsiaj qus tom thiab qhwv tej tus uas muaj qhov txhab. Pab yam nws yeej vam khom rau tus saib xwb. Yog tsis muaj tus yug yaj coj, yooj yim mus yuam kev thiab ntsib teeb meem. Daim duab ntawd pab kom peb nkag siab zoo txog Vajtswv txoj kev tu peb cov uas yog nws tug.

Ntawv Nkauj 100:3 sau: “Cia li lees hais tias tus Tswv yog Vajtswv. Nws tsim peb thiab peb yog nws tug; peb yog nws haivneeg thiab peb yog nws pab yaj.”
Tus ntseeg Vajtswv tsis yog nws tus kheej li, tiamsis yog tus Tswv yug yaj li. Tswv Yexus kuj hais tias: “Kuv pab yaj paub kuv lub suab; kuv paub kuv pab yaj thiab pab yaj raws kuv qab. Kuv muab txojsia ntev dhawv mus ibtxhis rau lawv; lawv yuav tsis tuag ib zaug li, thiab tsis muaj leejtwg yuav txeeb tau lawv hauv kuv txhais tes mus li.” (Yauhas 10:27-28).

Muaj peb yam uas peb yuav tau xav thaum hais tisa Vajtswv yog tus saib xyuas peb.

Ib, Nws yog tus tu peb. Tsis yog pab peb tej kev cheem tsum hauv lub neej txhua hnub xwb, tiamsis Nws tseem tu peb tus ntsujplig los ntawm Nws tej lus ciaj sia.
Ob, Nws coj peb. Vim yaj nws tsis cim civ nrhiav kev, yuav tau muaj tus coj. Ib yam li ntawd, ntau zaug peb xav cim civ txiav txim rau peb lub neej, tiamsis Vajtswv xav kom peb nrhiav Vajtswv tej lus coj kev, tseg sijhawm rau Vajtswv tau Vajtswv ua tus coj.

Thaum kawg, Vajtswv tiv thaiv peb. Vajtswv tsis cog lus yuav tshem tej kev txomnyem lossis kev sim siab tawm hauv peb lub neej, tiamsis nws cog lus yuav tshwm ntsej muag thiab pab peb txhua lub caijnyoog.

Niaj hnub nim no, Vajtswv yeej tseem nthuav tawm Nws tus kheej yog tus Tswv Yug Yaj zoo rau cov neeg muaj lub siab qaug zog thiab tag kev cia siab. tiamsis peb puas ntseeg Vajtswv ua tus tu, coj tiv thaiv peb?

Cia li tig ntsej muag mus rau ntawm Vajtswv, vim Vajtswv txoj kev pab xwb txaus lawm, Vajtswv txoj kev hlub nplua mias, thiab Vajtswv txoj kev hlub tseg rau Vajtswv pab yaj yog txoj kev hlub ruaj khov mus ib txhis.

Thov caw nrog kuv peb thov Vajtswv ua ke: Tus Tswv koj yog tus saib xyuas kuv. Nyob hauv txhua lub caijnyoog hauv lub neej, thov ntuas kom kuv nco ntsoov tias Koj yeej nyob qhov no tshwm ntsej muag tiv thaiv thiab txhawb kuv lub zog. Thov pub kom kuv saj tau thaj zaub mos nyoos, lub qhov dej txias zias uas koj tab tom siv los tu kuv. Thov pab kom kuv paub ua koj tsaug thiab zoo siab rau txhua yam uas koj pub rau kuv. Kuv thov hauv Tswv Yexus Khetos lub npe, Amees.

Cov kwv tij, nyob rau ntu tamsim no hauv lub neej, yam dabtsi tab tom ua rau koj txhawj thiab qaug zog? Koj puas ntseeg tias Vajtswv yog tus saib xyuas koj? Cia li thov Vajtswv zam txim vim tej kev ua xyem xyav nyob hauv koj lub siab, tib txhij ntawd muab koj lub nra nyhav tso rau Vajtswv thiab ntseeg Vajtswv ua tus coj, tus cawm koj. Txhua zaus uas koj tsis kaj siab, tseg sijhawm los nyeem thiab xav txog Ntawv Nkauj 23, thiab xyaum txoj kev ntseeg no los ntawm qhov uas mloog Vajtswv lus nyob rau hauv txhua qhov kev txiav txim thiab kev txhawj txhua hnub.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.