Yog tias muaj ib lub koob thaij duab thaij tau peb lub neej sab ntsujplig txoj kev xav, tus cwjpwm thiab tamsim no, koj puas kam qhib tej daim duab ntawd los saib? Peb tu ntshis sab nraud, kho cov duab tso saum fuab cua kom zoo kawg nkaus. Tiamsis, muaj ib zaj movies ib txhis tab tom tau kaw cia txhua yam uas muaj tseeb ntawm koj sab ntsujplig cia. Thaum nthuav tej nplooj ntawd hauv Vajluskub, peb koom nrhiav saib Vajtswv tab tom ntsia pom yam dabtsi ntawm peb txhua tus lub neej sab ntsujplig.

Hnub no, yog hnub 02/08/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Dan Betzer dhau ntawm Zaj kawm LUB THAIJ DUAB TSIS PAUB HAIS DAG

“Yog li ntawd, txhua tus yuav tsum ua tib zoo xav tso” (I Kauleethaus 11:28).

Thiv tas los, peb Pawg Ntseeg npaj ib txoj kev sib tw ncaws pob khaws nyiaj rau kev tshaj tawm Txojmoo Zoo. Nyob thaj chaw no, tej fuab cua thaum no tab tom yog cov fuab cua zoo tshaj rau tej kev dhia ua si nraum zoov. Tseeb tiag, lub sijhawm no peb yuav tau txwv tsis pub sib tw yog vim muaj tej nthwv cua loj heev ntsawj dhau, kuav txhua yam hauv tshav pob lawm.

Hnub ntawd, muaj ib tug nws thaij duab ntawm pab no txog pab tov muab txhua yam thaij cia. Taig kis no, nws nqa ob peb daim duab nyuam qhuav mus ntxuav los rau kuv. Tseeb tiag, kuv hnov zoo luag heev.

Saib rau ob peb daim duab ntawd, kuv cim civ nug: “Oh, leej twg ntawm no? Sawv tus dabtsi zoo li no?” tiamsis tsis paub yuav hais li cas, thaum ua zoo saib, kuv yuav tsis lees yuav tsis tau; tus tes xyab tav tsis ceev faj ntawd ho yog… kuv. Lub duav zoo li lub ncuav, sawv tsis ceev faj, tag nrho muab nthuav tawm. Tsis zoo saib li!

Nyob hauv kuv txoj kev xav, kuv pheej xav txog kuv tus kheej thaum uas mus ncaws pob yus ua zoo heev. Tiamsis dhau ntawm daim duab thaij tau no, nws muab qhov tseeb nthuav tawm: kuv yeej tsis txawv ib tug ua rau sawv daws luag nraum tshav pob.

Pom lawm tau, peb yuav dag tsis tau lub koob thaij duab.

Tej zaum ntawd yog qhov uas vim li cas muaj coob tug tsis kam nthuav Vajluskub los nyeem. Vim Vajluskub yog Vajtswv lub koob thaij duab, nthuav tawm peb lub neej tiag ntawm sab ntsujplig ntaawm Vajtswv xub ntiag.

Tib neeg pheej muaj qhov kev xav tsim muaj ib qhov chaw “tso siab” nyob hauv lub hlwb. Nyob ntawd, peb yuav cim civ kos ib daim duab ntawm sab ntsujplig cuav, dawbhuv thiab puv ntoob. Peb nyiam ntsia yus tus kheej dhau ntawm tej yam zoo dua li uas qhov tseeb. Tiamsis thaum nyeem Vajtswv tej lus, lub tsom thaij duab ntawm sab ntsujplig ntawd tamsim ntawd yuav muab txhua yam nthuav tawm.

Txawm yog muaj tej qhov thaij tsis tau, tiamsis kuj muaj tej qhov chaw zoo kawg nkaus. Muab los hais peb yog tus uas Vajtswv txhais tes tsim los. Txawm li los, tib neeg tus cwjpwm ua txhaum yeej yog ib qhov tseeb uas peb yuav zam tsis dhau. Yog raws li tus cev lus Yaxayas tau sau: “Tag nrho peb zoo li cov yaj uas mus yuam kev lawm” (Yaxayas 53:6) lossis ib yam li Paulus tau hais: “rau qhov txhua tus puavleej ua txhaum thiab tu ncua Vajtswv lub tshwjchim lawm” (Loos 3:23).

Qhov uas ua yuam kev tsis yog tsuas nres sab nrauv xwb, tiamsis tob dua, ntawd yog ib feem ntawm lub neej sab ntsujplig: Peb yooj yim mus yuam kev ntawm txoj kev uas Vajtswv twb npaj tseg, zoo li qhov uas kuv xyab tes ntawd.

Txawm yog tsis tau cai txiav txim lwm tus los, peb yuav tau ua tib zoo tshuaj peb tus kheej ntawm Vajtswv tej lus uas yog qhov tseeb.

Nyob hauv tus Tswv rooj mov, Vajluskub muaj ib lo lus ntuas meej meej: “Yog li ntawd, txhua tus yuav tsum ua tib zoo xav tso” (I Kauleethaus 11:28). Qhov uas peb cim civ tshuaj yus tus kheej no tsis yog muab peb tsuj nqes rau qhov uas hnov cuag li raug teem txim lossis txaj muag rau txoj kev txhaum, tiamsis yog ib txoj kev cai txwv ntawm sab ntsujplig yuav tau txo hwjchim nqes, nrhuav tshem tus kheej txoj kev khav theeb thiab tig lub siab mus rau ntawm Tswv Yexus txoj kev hlub.

Koj thiab kuv daim duab ib txhis tab tom muab kaw cia rau hnub no. koj puas npaj txhij ntsia rau daim duab ntawd; kom yus lub neej tau hloov pauv los ntawm Vajtswv txoj kev hlub?

Thov caw nrog kuv peb thov Vajtswv ua ke: Kuv tus Vajtswv, koj paub zoo txhua feem hauv kuv, kuv tej kev qaug zog thiab tag nrho tej uas kuv ua yuam kev ntawm koj lub xub ntiag. Thov zam txim rau kuv vim muaj ntau zaug kuv yeej txhob txwm hnav lub tsho zoo zoo los npog tej qhov kev khav theeb hauv kuv lub siab. thov kom Vajtswv tej lus zoo li lub koob thaij duab sab ntsujplig, ci rau txhua qhov, muab tej uas tib neeg npog cia nthuav tawm, kom kuv paub txo hwjchim ntawm koj txhais ko taw. Thov coj kuv tawm hauv txoj kev txaj muag rau tej kev txhaum, kom kuv tau ntxuav los ntawm Tswv Yexus cov ntshav uas dawbhuv. Thov cob kuv lub neej, ntawm tej kev xav, lo lus hais txog tes haujlwm, kom txhua hnub dhau mus, daim duab ntawm kuv lub neej yuav nthuav tawm Vajtswv tus zoo kawg nkaus. Kuv thov hauv Tswv Yexus Khetos lub npe, Amees.

Cov kwv tij txhua tus, kom muaj ib daim duab zoo, ntau zaug tib neeg yuav siv tej qhov tsaus los ua rau kom pom kev zoo. Peb lub neej sab ntsujplig los kuj ib yam li ntawd. Thaum Vajluskub nthuav tawm tej qhov tsaus uas tib neeg ua txhaum, ntawd yog daim duab txog Tswv Yexus txoj kev hlub nthuav tawm meej tshaj. Txhob ntshai thaum ntsia pom daim duab “tsis npaj txhij” nyob hauv Vajtswv, yuav tau tshuaj yus tus kheej dhau ntawm Vajtswv tej lus – tsis yog thaum uas koom tus Tswv roj mov xwb, tiamsis txhua hnub, txhua lub sijhawm. Vim thaum uas peb daim duab tiag yuav phem li cas los, dhau ntawm Tswv Yexus cov ntshav, peb yeej tseem yog tus zoo uas Vajtswv ua siab ntev ua kom zoo txhua hnub.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.