Nyob rau tiam peb ua neej nyob no, leej twg los twb raug txhawb kom yuav tau dhau los ua tus zoo tshaj, ua tau zoo tshaj thiab sawv saum lub sam thiaj uas loj thsaj. Txawm yog nyob hauv lub neej ntseeg Vajtswv, ntau zaug peb kuj cia li muab Vajtswv tej koob hmoov Vajtswv pub pauv los ua kev sib tw, kom txais tau qhov puav pheej muaj yeej rau tus kheej. Tiamsis ntau zaug qhov tseeb nws tsis tshwmsim zoo li tej uas peb tos, thiab peb yeej txais tsis tau yam zoo uas yus xav, ces nyob hauv lub siab ho mob thiab ua xyem xyav: “Tsis paub yus puas mus yog kev? Tsis paub yus puas tab tom siv lub neej tsis muaj qab hau, siv tej peev xwm uas Vajtswv muab tsis muaj nqis?”

Hnub no, yog hnub 03/08/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Kellin Gibson dhau ntawm Zaj kawm YUAV TSUM TXAUS SIAB

“Tseeb tiag, tus ntseeg uas txaus siab rau tej uas nws muaj lawm thiaj yog tus npluanuj tiag” (I Timautes 6:6)

Txojkev mus rau ntawm lub koog pov txwv Đảo Quốc Ngọc Lục Bảo rau lub caij ntuj sov dhau los ua rau kuv kawm tau tej zaj kawm sab ntsujplig tob tob, muaj nqis dua txhua qhov khoom plig khaws cia. Muaj ib tug nyob hauv muaj ib tsev neeg yog neeg Ireland ib txwm nyob ntawd, lawv qhib qhov rooj txais tos peb pab.

Ntawm lub rooj noj muaj txaus txhua yam nrog rau tej ncuav ci ib txwm ua, peb sib tham txog tej kevcoj coj ua zoo hauv zej zos. Thaum tsaus ntuj sov so, ib niam txiv txais tos peb thiaj kom nkawd tus ntxhais muaj 17 xyoo ntaus taub rau peb mloog. Lub sijhawm uas nws cov ntiv tes pib chwv txoj xov taub, lub suab Ireland nrov ntxhia zoo heev, puv npo chav tsev ua rau kuv lub kua muag ntws los vim zoo siab. thaum lub suab tu nrho, nkawd ib niam txiv zoo siab tham txog nkawd tus ntxhais kev kawm taub.

Lub taub hạc cầm yog cov neeg Ireland lub cim dawbhuv – yog tus me ntxhais txoj kev zoo siab thiab kev txaus siab thaum yau los. Nws ntaus lub taub no thaum tseem me, nws xyau thaum tseem yog menyuam yaus, ntau zaug tseem mus sib tw ua rau ntau tus tau saib. Tiamsis yam uas chwv txog kuv lub siab tshaj yog nws niam cov lus: txawm yog nyob hauv nkawd ib niam txiv lub qhov muag nws yog ib tug txawj ntaus tiag tiag lawm, tiamsis nws ho nyiam ntaus rau cov neeg uas hlub nws dua mloog ntau dua li ntaus sib tw. Cov lus no ua rau kuv tus ntsujplig muaj kev sov siab heev ib yam li zaj nkauj dhau los.

Tej uas tus menyuam ntxhais no xaiv tau chwv txog qhov mob uas kuv tau zais cia hauv kuv lub siab. Thaum kuv muaj 12 xyoo, kuv xav dhau los ua ib tug neeg sau ntaub ntawv kom muag tau zoo tshaj. Tiamsis lub sijhawm dhau mus, qhov tseeb tsis zoo li kuv xav ua rau kuv hnov puas tshuaj. Peb tib neeg yooj yim poob mus rau hauv lub voj hluas: cim civ muab tus kheej qhov muaj nqis khi cia nrog tej uas ua tau sab nraud. Thaum uas hais txog tej nqi zog yuav txais tau, koob npe nrog tej yam muaj nqis tiag uas Vajtswv tso rau hauv peb tib neeg, peb cim civ muab lub nra nyhav los ris txawm yog peb tsis yog tus uas muaj lub nra nyhav ntau txog kev puas tshuaj.

Tus ntxhais ntaus lub taub no muaj cuab kav mus ntaus hauv tej lub sam thiaj loj loj, tiamsis nws ho mus kawm lwm yam. Kuv cim civ nug: puas yog nws tab tom siv Vajtswv txoj koob hmoov uas Vajtswv pub rau nws tsis muaj nqis?

Peb pheej xav yuam kev qhov uas “loj hlob tej koob hmoov Vajtswv pub” nrog qhov uas yuav tsum muaj tej koob npe nrov li hauv ntiajteb. Tiamsis ntu Vajluskub nyob hauv I Timautes 6:6-10 tau ceeb toom lub siab uas ntshaw kom muaj suab npe raws li tus tsi luj hauv ntiajteb no.

“Tseeb tiag, tus ntseeg uas txaus siab rau tej uas nws muaj lawm thiaj yog tus npluanuj tiag. Thaum peb niam peb txiv yug peb los, peb yeej tsis coj ib yam dabtsi los. Thaum peb tuag peb yeej yuav coj tsis tau ib yam dabtsi mus thiab. Yog li ntawd, yog peb muaj noj muaj hnav lawm, peb cia li txaus siab rau tej ntawd xwb. Tiamsis cov neeg uas xav npluanuj, dab yuav ntxias tau lawv mag dab lub vojhlua; lawv yuav lam tau lam ua phem thiab ua tej uas yuav ua rau lawv raug kev puastsuaj. Qhov uas neeg ntshaw nyiaj txiag yog ib qho uas ua rau neeg ua txhua yam phem. Muaj qee leej tso Vajtswv tseg lawm, thiab lawv rov ua rau lawv raug ntau yam kev txomnyem twb yog vim lawv xav tau nyiaj ntau heev.”
Vajtswv pub peev xwm, koob hmoov rau peb tsis yog peb siv los pab tus kheej txoj kev qia dub lossis khaws tej koob meej puas tshuaj no cia, tiamsis yog qhov cuab yeej siv los nthuav tawm kev hlub thiab ua kom muaj nqis rau cov neeg txhaum. Tib neeg tus cwjpwm ntshaw kom tej neeg coob coob lees txais kom txhawm rau tej kev tsis tso siab sab hauv, tiamsis Vajtswv ho xav kom peb nrhiav tau kev tso siab hauv Nws. Txawm kuv lub npe yuav tsis muaj hnub tshwm rau ntawm cov npe uas muag ntawv tau zoo tshaj saum tej xov xwm los, kuv ntseeg tias kuv tus mem tseem tab tom pab rau ib tes haujlwm siab dua txhua yam uas kuv tab tom thov thiab xav txog.

Vajtswv tso tej kev ntshaw hauv peb lub siab, ib yam li Vajtswv tau ua pub rau tej tus txiv neej thiab pojniam muaj suab npe nrov hauv Vajluskub. Tiamsis thaum uas muaj lub suab npe pib ntaus nqi rau tus kheej lawm, thov Vajtswv qhia rau peb kom peb paub theem, paub txaus siab thiab tig lub hlwb mus rau ntawm tej yam uas muaj nqis mus ib txhis.

Thov caw nrog kuv peb thov Vajtswv ua ke: Tus Tswv, thov pub kom kuv muaj koob hmoov ntxiv thiab muaj lub siab tawv taug txoj kev uas koj tau teeb rau kuv lub neej. Thov pub kom kuv muaj lub siab txo hwjchim, kom kuv tsis siv tej peev xwm, tej koob hmoov uas Vajtswv pub los txhawb nqa kuv tus kheej, tiamsis dhau los ua ib lub hauv paus koob hmoov ntawd mus rau tej neeg ib ncig thiab ua rau Vajtswv tau koob meej. Kuv thov hauv Tswv Yexus Khetos lub npe, Amees.

Cov kwv tij txhua tus, tsis tas yuav tsum muaj tej teeb cig lam lug ntawm tej tsev hu nkauj zoo, tej suab taub nrov hauv lub tsev me me sov so ntawd xwb kuj txaus ua rau Vajtswv tau koob meej lawm. Nws siv lub suab ntawd los kho zoo cov uas muaj tus ntsujplig tab tom qaug zog. Txoj kev uas koj tab tom mus kuj ibyam li ntawd. Txhob cia tej tshim ntsuas tiam no ntaus nqi rau Vajtswv lub suab hu dawbhuv uas Vajtswv tau hu koj. Vim nyob hauv Vajtswv lub tebchaws, ib tug mem sau xwb yuav kho zoo lub siab tab tom mob kuj ua rau muaj nqis heev tsis txawv ib phau ntawv muag tau ntau phau. Kav tsij txaus siab thiab ncaj ncees rau tej yam me me uas Vajtswv pub, vim nyob hauv Vajtswv lub qhov muag, koj tus kheej yog yam uas muaj nqis tshaj, tsis muaj dabtsi yuav piv tau.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.